نادي فت

[you 2]

شلونكم بنات

حبيت أعرف عن نادي فت إلي بالدسمة

شرايكم فية وفي أحد يعرف عنة شي حلو مو حلو وشلوون صااير

أهم شي أن زحمة أو موزحمة :eh_s(6):

وشكراً:eh_s(7):

 

[شجووون]

بصراحه النادي حلو انا رحت شفته كنت بشترك فيه ماكان زحمه وايد ليش يمكن ان كان حزت مدارس مو عطله بس صراحه حلو وكبير يونس بس امانه ما اشتركت فيه بس اخذت فيه جوله وتالي اشتركت في فلكس

 

[you 2]

الله يعطيج العافية بس قوليلي عن فلكس شلون صاير مثل فت وتشابينز ؟؟؟

تصدقين مادري ليش عمري مافكرت أشترك فية ...؟؟؟

يالله شجعيني علية

 

[eng_bdliat]

الصراحه النادي يهبل ونظيف والي يشتغلون فيه سمحيين يهبلون
انا اول كنت اشترك بتشامبيونز بس بعدين صار كله يهال و وايد زحمه صار هلاقه يعني :eh_s(11):
وشفت فلكس ماعجبني وايد احسه دواعيس وحاله و شي فوق وشي تحت وشي داخل على شي ماعجبني, واحس الي يشتغلون نفسيه وهم الي بتشامبيونز شوي نفسيه ومالهم خلق( قصدي عن الرسبشن)
بس فت عجيييييييب يهبل وكله مفتوح على بعضه راهي<<< خبرج نحب الرهاة
انصحج فيه
وانشالله اكون افدتج:eh_s(6):

 

[miss5]

انا عندي فلكس اجهزته حلوه بس مشكله احسه ضيج يعني

انا اتكلم عن الاولي الي خذو منه الحزء حق الصالون

 

[you 2]

أشكركم على المرور

 

[حضن امى]

كم سعر الشتراك؟؟؟

 

[you 2]

الشهر ب : 100 Kd

 

[you 2]

100 دينار في الشهر

 

[فتون علف]

انا خابرته 120 بالشهر صار 100 زين

بس يمدحونه حيل لكن اللي رادني سالفة الصيف اخاف كل اليهالوه مشتركين فيه يصير ملاقة وهلاقة

 

[زيـنـه]

كل الاندية الصحيه زحمه بالصيف .

 

[قهوة عربية]

بنات رحت اشتركت في نادي فيت

أول يوم راح يكون السبت 30/6...لأني بنطر بنتي تخلص من امتحانات الثانوية العامة يوم الأربعاء 27/6 وبروح إن شاء الله معاها

والنادي رااااااااهي من داخل وفيه أجهزة وااااااايدةيعني إن شاء الله ماراح يكون زحمة على الأجهزة وحمام السباحة كبيييييير

وفيه صالون تجميل فوقه ....يعني حلو اوحدة ماتتعنى لصالونها

وبعد يسوون جلسات مساج وتنحيف ....الحمد لله يعني كل شي متوفر بنفس المكان

وفيه خدمة مواقف للسيارات ....وأحسن شي كل يوم من السبت حتى الخميس ماعدا الجمعه ومن الساعة 8 صباحاً حتى العاشرة مساءا وخاص للنساء فقط


وعلى فكرة مافيه بنات صغار ....أنا حاولت اشرك بنتي الثانية عمرها 12 سنة مارضت اللي بالاستقبال ....تقول ممنوع ....حاولت معاها ...أبد مارضت بس أنا وبنتي اللي عمرها 17 سنة

والاشتراك شهر ب120 دينار
أنا قلت بشترك شهر واحد بس ...عشان أشوف ألتزم بالروحة ولا لأ

 

[ضوى العيون]

والله زين وين صاير وفي تعليم سباحه

 

[قهوة عربية]

بالدسمة ....تابع لجمعية المعلمين ....وفيه تعليم سباحة ...

وفيه تعليم رقص بعد

 

[BlackRose]

فيه مضمارجري؟؟؟؟؟وعندهم دروس اكوا؟؟؟؟؟

واشلون كلاساتهم؟؟؟عاد انا ناوية اروح باجر اشترك في فلكس بس مادري ليش هالمرة كلش مو متشجعة

احس انه وايد صاير دواعيس وشي فوق وشي تحت والبنات ما يمدحوم تشامبينز

بس شجعتوني على فت شكلي بروح باجر اشوفه

 

[فتون علف]

والله زين اذا مايشركون الصغار لان هم اللي يخربون النادي صراحة
تلقينهم لجة وصيحة ومتكودين على الاجهزة ومايلعبون عدل مادري شلون مو شي
حلاته يكون من 18 وطالع

 

[فتون علف]

بلاك روز ماعندهم جنه مضمار جري بس عندهم كلاسات لكل شي حتى الرقص الشرقي في

 

[قهوة عربية]

يابنات لايفوتكم النادي

وااايد راقي والناس اللي فيه ماتحسون فيهم هلاقة

والمدربات نفسيتهم حلوة ...وتمارين الأكوا ( المائية ) عجيبة ...تخليج تحبين حمام السباحة غصب

والسونا والبخار والجاكوزي ... كلهم يم بعض

وباب الدخول صاد ومايبين اللي داخل ....أنا وايد ارتحت منه ...غير خزانات الملابس كثيرة

حتى العاملات ....ماشاء الله الممسحاة بايدهم 24 ساعة يمسحون الأرضيات أول بأول

 

[ضوى العيون]

انزين انا دقيت تقول بس حق المدرسات
يصير اذا انا خالتي عندها عضويه يعطوني ولالا

 

[you 2]

موشرط مو بس حق المعلمات لكل الناس عامة ؟؟؟ معقولة غيرووووو

أنا أعرف ناس وايد داشين مومدرسات ؟؟

شسالفة ؟؟