نادي صحي ... بدون اشتراك ادخل متى ما بغيت و أطنش على كيفي .. لووول

[ذهبيه مرصعه بألماس]

لا تطلين دخلي ما راح تخسرين شي ...










مرحبا بنات


آنا وحده ما اضمن نفسي اروح يوميا لنادي صحي

أبي نادي ....

قسم شرقي
وقسم غربي ...

و ابي سياره و يا صبي ... ( لووول فصلت على حسين عبدالرضا و سعاد عبدالله)

أبي نادي أدخله و ادفع بالساعه اللي أتمرن فيها ..
ما ابي نظام شهري ... لأن خلال الشهر هذا ما اعرف ظروفي...

فاهمين علي ...

و ابي فيه مكان للاطفال تهقون احصل هالمواصفات العالميه ...
السعر مو هامني ...
بس هامني إني ما اشترك و ادفع و بعدين ما أقدر اروح لأي سبب و لأي ظرف...

و هامني ان عيالي يروحون و يرجعون معاي على الاقل لين تبدي المدارس...


هاااا

منو الخبيره الرياضيه اللي تعرف ترد علي ...

و الله يجزاكم خير ... اللي تقرا الموضوع بس ترفعه عشان الكل يشوفه ....


تحياتي ...

 

[شانييل]

أنا عندي لج أفضل حل وصراحة فكرت فيه حق نفسي
أفضل حل
شوفي مو النوادي الكشخة غالية يعني 150 وطالع
فأوفر لج وأفضل لج
تروحين بنظام زائر يعني أي يوم يطري على قلبج تروحين تدفعين رسم الدخول 10 وما يتعدى 15 يعني لو قلنا حسب ظروفج ممكن تروحين مرة بالاسبوع
ما راح يطلع عليج أكثر من 40 أو 55 بالشهر
ها شرايج بالفكرة وعن اليهال سئلي النوادي الي فيها جزء لليهال جم يطلع دخولهم
صراحة فكرتج ممتازة للوحدة المشغولة جان زين يسمعون أصحاب النوادي ويسونها

 

[vogue grl]

اي حتى انا ابي
up up
up

 

[sweet lady]

للرفع

 

[AooDoo]

اب اب اب اب اب

 

[«ƒαяαωℓуα»]

@@

وه اشتريلج اجهزة وتدربي بلبيت دام جذي وضعج |,,,,

او دوريلج مدربه تييلج لي البيت
دلع دلع

 

[كويتية00]

لووووول حده موااصفات عالميه

انشااءالله البناات يفيدوونج

اب
اب
اب

 

[ام سعود ديكسون]

جان زين يسوون جذيه

 

[سينامون]

روحي فلكس فاملي
يدخلون عيالج
و تقدرين تدخلين كزائر اذا ماني غلطانه 10 دنانير باليوم

 

[رمز الموده]

اب
اب ماعندي فكره

 

[فديت قلبه]

~ْ{....


والله خوش فكرة ..:weight_lift:

يعني ليش ما فكرت فيها من قبل :eh_s(10):


....}ْ~

 

[Nice Lips]

خوووش فكره يبيله والله
ياليت لو يسووون لنا هالنظام
وترى وايد 10 او 15 باليوم يعني لو ادفع 150 اوفر

 

[dandon87]

انا بنادي نيو بدي لين الي بالسالمية حلوو وايد .. انا اشتراكي شهري اب 45 دينار .. بس سألتهم تقدرين اتتين اليوم الي تبينه وتدفعين 3 دنانير بس عاليوم بدون اشتراك

 

[نـ(المطيري)ـازكـ]

دندون شلون النادي هذا معاج ؟

شنو فية كبير صغير حلو .. في رقص شرقي او لا ؟؟

 

[dandon87]

والله بالنسبة لي تماام
اول شي وااسع .. صالة لأجهزة المشي .. وصالة فيها أجهزة السلالم والعجلات.. وصاله حديد وصالة أيروبكس .. يعطون حصص ايروبكس و دمبلز (( أثقال)) وسترتشنج و ومعدة و بوكسنج .. بس للأسف مافي رقص شرقي .. والمسبح حلو وهم في حصص ايروبكس بالماي .. والحصص من الصبح لل 7 ونص تقريبا 6 حصص باليوم ومعلقين الجدول..
وساونا وبخار وجاكوزي موجودين و في صالون بنفس النادي
وهم في دكتورة تغذية للي تحب تتابع وياها بس مادري شلون اشتراكها
انا عن نفسي مستفيدة واايد الحمدلله

 

[vogue grl]

والله بالنسبة لي تماام
اول شي وااسع .. صالة لأجهزة المشي .. وصالة فيها أجهزة السلالم والعجلات.. وصاله حديد وصالة أيروبكس .. يعطون حصص ايروبكس و دمبلز (( أثقال)) وسترتشنج و ومعدة و بوكسنج .. بس للأسف مافي رقص شرقي .. والمسبح حلو وهم في حصص ايروبكس بالماي .. والحصص من الصبح لل 7 ونص تقريبا 6 حصص باليوم ومعلقين الجدول..
وساونا وبخار وجاكوزي موجودين و في صالون بنفس النادي
وهم في دكتورة تغذية للي تحب تتابع وياها بس مادري شلون اشتراكها
انا عن نفسي مستفيدة واايد الحمدلله

حلوو نادي يفتح من جم ليه جم؟
ابي رقم نادي..نادي ماعليه ضغط ؟

 

[dandon87]

النادي من الساعة 9 الصبح لين 8 ونص بالليل
الخميس من ال 9 لين 7 المغرب والجمعة مسكرين
لا ما عليه ضغط وايد عادي
الحين عرض هلا فبراير 35 الشهر واسبوع مجانا .. انا كان اشتراكي 45 الشهر واسبوعين مجانا
وفي اشتراك 3 أيام بالاسبوع اب 30 و لج 12 متى ما يتيهم كيفج بالشهر .. يعني اسبوع تروحين 6 ايام واسبوع يوم كيفج مو حاكرينج اب 3 ايام محددين
أعتقد هذي أرقامهم مو متأكده حبوبة 25718577-25729874 واسمه ( نيو بدي لين )

 

[el3aNoOoNa]

حبيبي ميخالف توصفيلي مكان النادي بالضبط يعني وين فيه بالسالميه ؟

 

[ذهبيه مرصعه بألماس]

دندووون ما قصرتي ....

بنات والله انكم نورتو الموضوع

بنات

بالدول الأجنبيه كل نادي صحي فيه أقسام للاطفال ... و حضانه ....

و حتى بالفنادق ... و بالمستشفيات ... و بالوزارات الرسميه و بالجامعات ...

إلا إحنا ما عندنا هالشي كلش....


يعني تخيلو لو في النادي مكان للاطفال .... حتى لو مكان ترفيهي ... و بفلوس ندخل عيالنا ... و خدمهم ....

نلعب بهالرياضه لييييييين ينهد حيلنا ..و ناخذ عيالنا و نطلع ...

صراحه راااحه ما بعدها راحه ...

يالله بنات ... عطونا من خبراتكم ...

دندونه ... مشكوووره حبيبتي مره ثانيه ...

 

[dandon87]

ذهبية مرصعة بألماس العفووو حبيبتي

العنونة ... اهو بسوق السالمية القديم عند المطافي وفيش ماركت .. في داخل السوق محل عصير معروف ناسية اسمه بصراحة خليه يكون على يمينج و مطعم كبة وبس على يسارج .. يتسكر الشارع بتقاطع اخذي يسار ..يصير براحة على يمينج للمصافط وعمارات على يسارج اهو ثاني عمارة ومكتوب عليه ( نيو بدي لين )