نادي خاص لليوغا .. تعالوا يا بنات ..

[fashion girl]

مرحبااا بنات ..

شخبااركم ..

اتمنى بخير وصحة وعافيه ..

قبل فترة سمعت بالراديو عن وحده اسمها حصة وعندها نادي خااص لرياضة اليوغااا وانا الصراحة وايد مهتمة وأكيد في بنات وايد مهتمين قي هالرياضه ..

ودورت موقعها بالنت ولقيته وكاهوه ..

www.hessayoga.com

وياريت إلي تعرفها او سامعه عنها اتقولنا ..

الله يعطيكم العافيه ..

 

[^SwEeTa^]

والله ما عندي خبر حبوبه

انا بعد ودي أعرف!!

 

[90020]

اي انا شفتها بلقاء مع فوزية الدريع واعرف اختها حدها حبوبه وانا بعد متحمسه اروح اتعلم عندها
وبالسايت حاطين رقمهل اذا ودج تسالين عن شي معين رقمها 6399698

 

[ii DareeN ii]

ان شاء الله البنات يفيدونا البنات وشكرا على السايت

 

[fashion girl]

مشكورين يا الغاليات على الردود ..

وان شاءالله البنات ايفيدونا أكثر ..

ودي اعرف أكثر عنها ..

 

[ناني سيكرتس]

اي انا شفتها بلقاء مع فوزية الدريع واعرف اختها حدها حبوبه وانا بعد متحمسه اروح اتعلم عندها
وبالسايت حاطين رقمهل اذا ودج تسالين عن شي معين رقمها 6399698

حبيبتي اذا انت تعرفينها ساليها لنا جم سؤال عن الكلاسات وشنو مفعولها ووين مكان النادي وبجم الاشتراك, وتعالي قوليلنا اهني, يعني فيدينا يليز..

 

[fashion girl]

حيااج الله ناني ..

ويااريت تفيدنا الاخت وتعطينا معلومات اكثر ..

 

[ii DareeN ii]

ناطرة وياكم اي اخبار

 

[نفيشه]

وانا بعد ابي معلومات عنها

 

[كيوت_25]

وين مكان النادي ؟؟؟

 

[fashion girl]

مرحبا بناات ..

اسفه على التأخير ..

والله انا مثلكم ما ادري بس ياريت إلي تعرفها او رايحة لها تقولنا ..

واكون لكم شاكره ..

 

[كويتيه_غاويه]

حبيباتي

انا سمعت لها لقاء في إذاعة المارينا وكلامها وايد حلو ومقنع (من وجهة نظري) .. اسمها حصة الشميمري وعندها شهادات .. واليوغا مو مجرد رياضة تأمل وبس وهذا رابط تشرح فيه أكثر
لمعلومات اكثر كتبوا اسمها في جوجل !

عموما انا خذيت رقمها من الموقع اللي حطيتوه .. وكلمتها بنفسها والشهادة لله طيووووووبه واااايد وجداً محترمة

تقول الكلاس عندها عبارة عن 8 حصص والحصة الوحده تتراوح مابين الساعه إلى ساعه ونص وانتي تختارين الوقت اللي يناسبج (فيه صباحاً وفيه مساءً) .. حصص النساء في بيتها والرجال في نادي العربي

توزيع الحصص حسب رغبة الشخص والوقت اللي يناسبه بس لازم يستوفي الثمان حصص خلال اقل من شهر للفائدة

سعرها 100 دينار للفرد الواحد ... وأحلى مافي الموضوع (وهذا اللي أدور عليه) انه اقدر اعمل التمارين انا وبنتي بنفس الوقت (وناسه) !!

وبعد شنو قالت ؟!!!

ما شاء الله عليها .. بالها طويل وقالت لي اخذي وقتج .... وفكري ... وردي لي خبر !!

طلبت منها أحضر واحد من الكلاسات واخذ فكرة عن التمارين واليوغا .. بس رفضت (من حقها طبعاً)

عموما .. انا بفكر بالموضوع ... واحتمال ابدأ معاها انا وبنتي على شهر 6 لأنها بتسافر الحين

ووقتها بحط لكم تجربتي في موضوع مستقل ..

​

 

[fashion girl]

مشكورة يا الغاليه كويتية ..

وناطرين تجربتج .. ومشكورة واايد على المعلومات الحلوه ..

 

[دلـــع_الكويــت]

وعلى ما اعتقد اهيا اللي بجنوب السرة؟؟ اذا في وحدة تدري بليز تقولنا..

وانا شايفتها تكتب بمجلة من المجلات...لها صفحة تكتب فيها يمكن اليقظة !! بس لهيا مجلة كويتية طبعا..


وشكرا..

 

[fashion girl]

انشاءالله البنات ايفيدونا يادلوعة نايف ..

 

[ii DareeN ii]

تصدقين سامعه عنها في جنوب السرة تعطي كلاسات يوقا

 

[قهوة برية]

تصدقين سامعه عنها في جنوب السرة تعطي كلاسات يوقا

جـــــــــــــــــان زين بجنوب السره

ع الأقل اقرب من فيزيك الي بالســره ..!!

ام الزحمة حدها

عشان الريلاكس يطلع من عيني ..!!!

 

[سمسميه]

انا بعد سمعتها بنغم الصباح وايد مدحت اليوغا
اسمها حصه الشميمري
بس ما عندي فكره عن التفاصيل
ناطره الاخبار وياكم

 

[AnGel GirL]

حلو والله عاد داشه نادي فلكس عشان اليوغا واحس مو ذاك الزود مو نفس ماتوقعت

بس مبين من سايتها ان اليوغا مالتها من دراسه ومشكووووووره حبيبتي على السايت افدتيني الله يفيدج

 

[قهوة برية]

افــــــــــــا .... عليكم _03BA:

جبت لكم الخبر ....


:ggdw:وعند قهوة برية:ggdw:

الخبر اليقين ....






المره انت ياحصة الشميمري مو بالسرة

حسب ماقالت لي انها تعطي بالمسيلة

وحاليا ماتقدر تعطي مساءا

لكن لابغيتوا تعطي بالصبح


وشهر 5 كله ماراح اتكون موجوده بالكويت

لأن عندها ماشالله جوله حق الرياض والقاهرة والأردن

ألي يبي يحجز الحين يحجز حق شهر 6

وتعطي 8 حصص مقابل 100 دينار

والمره خوووووووش مره ماشالله ذربة بردها

ها بنات انسجل حق شهر 6

كلنا :dddds:​