نادي تشامبين اليديد فتح ...((تم دمج المواضيع المتشابهه))

[*غرور انثى*]

250 الشهر
400 3 شهور
650 السنه

 

[dla3_princess]

بنات بجم اشتراككم؟؟؟

حبيبتي النادي القديم اشتراكاته كاتبتهم غرور انثى جزاها الله خير

بس اليديد اللي احنا فيه الحين

شهر 250

3 اشهر 400

سنه 650

 

[Be colorful]

مرحباااااااااا بنات ماشالله خوش تجمع
انا رحت النادي وشفته عجبني وايد وايد وحلو وذرب ومافي هيلق الصراحه
واهم شي انج ما تشوفين هالبويات اللي مكودين بفلكس استغفر الله
الله يهديهم الصراحه حلو ويستاهل
بس بستشيركم بسالفتي وياليت تفيدوني
انا عمري وحياتي ما مارست رياضه كلش ملش
لامشي ولا سباحه ولا شي
جسمي الصراحه حلو وايد اللكل يقولي بس عندي كرشه صغيرونه
يعني يمكن فيها كيلو مو اكثر مع هذا عندي رسمة الخصر( خصري محفور)
انا ما ابي اضعف نهائيا مابي اضعف لا زنودي ولا فخوذي ولا
مؤخرتي وهذا اهم شي ابي بس الكرش
تنصحوني اشترك ولا لأ
يعني اشترك بالنادي ولا اروح اسوي شفط ماجيك ليبو اللي بنج موضعي
انا اهلي قالولي ما تسوى شفط لعبي معده وخواصر تروح لانها مو كبيره بس مابي
اضعف
ودي بلياقه وسباحه بس هم مابي اضعف
يقولولي لعبي رياضه من غير دايت ما تضعفين
شرايكم انتوا ؟
بلييييييييييييييييييييييييييييييييييييييييييييييييييز
ياليت تفيدوني

 

[dla3_princess]

مرحباااااااااا بنات ماشالله خوش تجمع
انا رحت النادي وشفته عجبني وايد وايد وحلو وذرب ومافي هيلق الصراحه
واهم شي انج ما تشوفين هالبويات اللي مكودين بفلكس استغفر الله
الله يهديهم الصراحه حلو ويستاهل
بس بستشيركم بسالفتي وياليت تفيدوني
انا عمري وحياتي ما مارست رياضه كلش ملش
لامشي ولا سباحه ولا شي
جسمي الصراحه حلو وايد اللكل يقولي بس عندي كرشه صغيرونه
يعني يمكن فيها كيلو مو اكثر مع هذا عندي رسمة الخصر( خصري محفور)
انا ما ابي اضعف نهائيا مابي اضعف لا زنودي ولا فخوذي ولا
مؤخرتي وهذا اهم شي ابي بس الكرش
تنصحوني اشترك ولا لأ
يعني اشترك بالنادي ولا اروح اسوي شفط ماجيك ليبو اللي بنج موضعي
انا اهلي قالولي ما تسوى شفط لعبي معده وخواصر تروح لانها مو كبيره بس مابي
اضعف
ودي بلياقه وسباحه بس هم مابي اضعف
يقولولي لعبي رياضه من غير دايت ما تضعفين
شرايكم انتوا ؟
بلييييييييييييييييييييييييييييييييييييييييييييييييييز
ياليت تفيدوني

بقووولج شي ترا اذا شفتي جسمي بتنصدمين

انا جسمي الحمدلله رب العالمين قولو مشالله لوول مثاالي و طويله بس عندي كريييشه طلعت لي للأسف قبل سنه

لما وحده الله يساامحها حطت ايدها على بطني و كنا بحفله يعني كاشخيت المهم و قالت واااااااااي ماااااااكو بطن اشلوون!

تخيلو والله بس شهرين طلعتلي كرشه غريييبه و تحسينها دهوون مو كرشه عاديه !

المهم اتا بالتادي و اهوا اساسا ماراح تضعفين بسهووله لأن مع الربااضه بتنفتح شهبتج لووول

بتصيرين افه لوول

بس ترا استخيري و فكري عدل انا هدفي الحين اوخرها و همن صرت من القعده بالدوام توني متوظفه ماصارلي سنه

بس تخيلي من القعده عالمكتب طووول اليووم و اكل اكل اكل لوووول المهم طلعتلي زواايد على خصرري ولااااايعه

جببببببببببدي الا بووخرهم ان شاااءالله ...

بس الناااادي انصحج بحاالتج اشتركي و سووي ريااضاات للكرشه و الزواايد و ترا في مميزات حلووووة للنادي

مثلااااا وااااااايد بتستاانسين على كلاسات اليوغاا و همن حمام السبااحه و المساجات و هالسوالف

بس استخيري و قرري عقب


موووووووووفقه و بشرينا اذا اشتركتي عندنا

 

[dla3_princess]

ووودي ارووح اليووم قبل رمضاان ان شالله

 

[(عروسة حبيبي)]

[center]بنات تنصحوني أسجل باليديد
توني عروس يديده وأخاف أطيييييييييييييييييش من البلع[/center]

 

[dla3_princess]

عروووسه ديري باااالج من الاكل بدوون هدف لوووول

والله انتي عروووس يديده ديري بااالج من هالحركاات

استخيري و اذا تقدرين حدددج توكلي على الله

 

[shams]

شنو نظامهم برمضان متى يدامون ؟؟

 

[dla3_princess]

يفتح من 9 الصبح الى 5 العصر بس ماادري منو بيسوووي رياااضه الصبح و اهوا صايم !

ويصك للفطور ساعتين و يفتح مره ثانيه الساعه 7 الى 12 بليل

 

[mamlo7a]

نصيحه اللي عمرها ما العبت رياضه و جسمها حلو مافي داعي تدش نادي طيعوني ترى اذا هدته تبتلش راح يطيش جسمها
انا و الله الحين ابتلشت و صار جسمي ما يضعف الا بالرياضه بس هديت النادي 3 اشهر زدت 12 كيلو مع اكل عادي مو امكثره و السبه اني هديت الرياضه

 

[dla3_princess]

اي مملوحه كلامج في جزء كبيييييييير من الصحه ...

بس همن ماااايصييييير مانمارس الريااضه لأن فواايدها واااااااااايد

 

[zqertya]

Be colocful حبيبتي عادي بدشين نادي ولا تلعبين بالبيت كله نفس الشي بس بقولج شغله انا مدرسة بدنيه يعني اعرف بالرياضه عدل مدل بقولج شغله اذا انتي بتوخرين الكرشه يعني بتلعبين معده وهذا الشي الي يوخرها اكيد بس الشي الي يمكن محد يعرفه ان اذا قطعتي تمرين المعده فتره طويله ورديتي تخربطين بالكل ترا راح ترد ضعف حجم كرشتج الي قبل عرفتي بس لازم ان اتمين 6 شهور تلعبين من غير انقطاع كااا انا من خلصت الكليه صارلي سنه وجسمي نفس ما هو شحلاته وبعدين بنااااااااات الشي المهم الي لااااااااااااااااااازم الكل يعرفه ان اذا لعبتي رياااااااااااااااااضه لااااااااااااازم تلعبين 6 شهووووور متواصل مو اقل كل يوم و الي قالت انا تركت الرياضه ورد جسمي متن هذا شي طبيعي وراح يرد دبل متنج الي قبل يعني عشان الجسم يستقر وما يرد يمتن 6شهور لااااازم لازم تلعبين مو تقطعين وعقبها عادي لو تلعبين 3 مرات بالاسبوع اما انج تلعبين شهر وبعدين تقعدين بالبيت هذا اكبر غلط

 

[*غرور انثى*]

مشكورة اختي عالمعلمات الحلوة
بس انا سمعت ان الرياضه كل يوم مو زينه وانتي تقولين لازم 6شهور كل يوم؟ شلون واشمعنه 6شهور ؟ وياليت تعليمينا رياضات تنحت الخصر ومشكورة يا ابله

 

[dla3_princess]

حتى انا راايي ان مو كل يوووم اصلا مايصير فجأه

لازم تتدرجين احسن حتى اذا بتهدين الريااضه بتدرج

و هذا كلام مدربات مو كلامي

 

[lolwah]

بنات زحمه النادي ولا لا ؟؟ يعني اللاجهزه متروسه ؟ حمام السباحه شلونه ؟

 

[dla3_princess]

والله انا من زمااان ما رحت بس بالصيف ماكان زحمه و الحين بصرااحه ماادري

 

[espresso]

وااي شوقتوني عالنادي

الله يهنيكم ... آنا ما عندي وقت أرووح لأنه بيتي واايد بعيد عن النوادي الزينة وما اعرف شي يمنا وذرب !!

بسألكم في منكم أمهات ؟؟

إذا إي ... متى تروحون النادي خاصة اذا كنت موظفة ..

و الله يضعف الجميع بصحة و عافية

 

[حورية الكويت]

يا حلوه النادي قبل الفطور

والله الوضع اوكي و مو زحمة وايد بس ما توقعت ان في بنات هالكثر ايون قبل الفطور

و دروس الاكوا وايد بنات والله يمارسونها قبل الفطور

رحت بعد الفطور ازحم من قبل الفطور

يا حلوه النادي

 

[dla3_princess]

حوريه انتي باليديد ولا القديم ؟؟

بسألج مو تعب انج تسوين ريااضه قبل الفطوور .؟ ما تعطشوون بناات ؟؟

انا اخااف اجااازف و تصير حاااالتي حاااله

ابي رااااااااااايكم لأن من زماااااااااااان ماااا رحت

 

[حورية الكويت]

دلع

انا باليديد

لا والله بالعكس مو تعب وايد الوقت يقضي بسرعة

انا اروح على ال 4 الى 5 ارد ما يبقى شي على الفطور

ها اشقلتي بتجازفين