نادي التصوير% وقفه مع مصورتنا %

[جاي وحليب]

السلام عليكم ..
فكرة الموضوع يتني بعد ماشفت مشاركات حلوه وطيبه بهالقسم من تصوير مصوراتنا بنادي كويتيات لهواة التصوير..

الفكره باختصار..
راح اختار صوره مميزه سواء بالفكره، الشي اللي مميزها، بالتطبيق، بالاضاءه، بالمكان،
او بأي شي لفت نظري ونظر غيري لها...

واحب احطها اهني بهالموضوع، علشان نعطي الصوره حقها اكثر..
نتناقش مع صاحبه الصوره، طبعاً مع وضع اعدادات الصوره EXIF Data
ولها مطلق الحريه بالكلام او التعليق.. واهم شي نبي نعرفه ونستفيد منه....
- شلون خذت هالصوره، اجواء المكان شلون كانت..
- هل فكرت بالشغله والزاويه وتخيلتها في بالها قبل لاتاخذ هالصوره ولا صورت وطلعت معاها جذي
- هل كانت لها تجارب وايده لنفس الصوره وهالصوره كانت الافضل او الانجح في نظرها؟ تورينا بعض تجاربها الثانيه اذا ممكن
- الاضاءه اللي اعتمدت فيها بالصوره شنو؟


واشياء اخرى ميزت الصوره يمكن تحب اهي تذكرها، علشان تفيدنا وتفيد خواتنا ..
واذا ماتبي تضيف شي هم مو مشكلة.


راح نبدي مع صورة اختنا "يالبا قلبي"

كلمينا عن هالصوره شوي..
اذا تقدرين تطلعين لنا اعدادات الصوره...
وتقوليلنا عن هالمكان.. وشلون يتلج هالفكره..
والزاويه النازله اللي خدمت الموضوع وابرزت الفكره...
واضافة شخص بالصوره لاحياءها هل كان شي مقصود ولا صدفه؟ ....
واي شي ودج تضيفينه بعد ..


** تمنيت بس الصوره ماتكون مقصوصه ، يايه بالعرض اكثر..
وبس قواج الله .. بانتظار ردج ..

 

[Pink GirL]

خوش موضوع جاي وخوش صورة وبإنتظار رد الاخت يالبا قلبي

يعطيج العافية جويهة

 

[supermarket]

بانتظاااار صاحبة الصورة


وانا بعد عندي لها سؤال اذا سمحتولي

= جم صورة صورتي للمكان علشان تطلعين بلقطه مميزة مثل هذي ؟؟

 

[SabaQueen]

حلو الموضوع جوييههه ،، صج يصقل خبراتنا بالتصوير
و خل نسميه ورشة ماوراء الصورة أو اللقطه !!

بالتوفيق

 

[Pink GirL]

جاي يمكن البنت ماتدري عن هالموضوع ياريت تبلغينها برسالة خاصة لأنج صاحبة الموضوع

 

[brownness]

حلو الموضوع والله انا احب التصوير بس الصراحة مو خبيرة نفس هالمصورات وكامرتي حدها منرفزتني ماني عارفة حق السيتنغ مالها

 

[جاي وحليب]

اشكركم بنات على الردود الطيبه .. والله شجعتوني ..

بنك .. والله انا دزيت رساله خاصه لها من امس .. وناطرينها

براونيز .. تقدرين تتفضلين بالنادي وتسألين وتستفيدين من البنات

 

[بنت الشمالي]

انا عندي جم صوره اقدر احطها ؟
ملاحظه : انا مو مشتركه معاكم اشلون ؟

 

[جاي وحليب]

اهلين .. بنت الشمالي
الصور اللي عندج تقدرين تحطينها بالنادي..

نادي %كويتيات% لهواة التصوير الفوتوغرافي
http://www.q8yat.net/showthread.php?t=52837&page=40

او بموضوع .. صور المبتدئين % مرحبا بنقد خبيراتنا
http://www.q8yat.net/showthread.php?t=56778

او اذا ودج تشاركين معانا بالورشه .. فيها مواضيع ننزلها بشكل مستمر
وتشوفين موضوعنا عن شنو حالياً وتصورين في نفس المجال وتنزلين الصور
حالياً ورشتنا عن تصوير السوائل وتجميدها..
% workshops % حياكم معانا
http://www.q8yat.net/showthread.php?t=58560&page=19


وترى الاشتراك بالنادي مجرد انج تشاركينا بصورج وتشاركين وتسألين بموضوع النادي.. وتحطين التوقيع الخاص بالنادي بتوقيعج اذا تبين .. وبس ..

حياج الله معانا

 

[Harmony]

الصوره صج حلوه يا ليت ترد علينا بقت قريب لأن و دى اعرف شلون كانت الاعدادات تسلمين جاى دايما مواضيعج مميزة

 

[بنت الشمالي]

مشكوره حبيبتي
انا اول شي بحط الصوره وانتي شوفيها واذا عجبتج اشترك معاكم
بس تره موحريفه بالتصوير

 

[جاي وحليب]

حطيها بموضوع النادي ماعليج امر.. لان هالموضوع محددينه للصور المختاره بس..

وشدعوه احنا فتحنا هالمواضيع علشان نتعلم من بعض ونفيد بعض
وكلنا هاوين

 

[يالبا قلبي]

اهلين بنات
سوري عالتأخير توني الحين ادش واشوف البرافيت مسج من جاي
واشوف الموضوع كله
بصراحة حدي استانست :eh_s(9):
مشكورة جاي على الاختيار ومستانسه ان الصورة عجبتكم

ـــــــــــــــــــــــــــــ

طبعا بالبداية احب اقول شغلة مهمة انا شخصيا حبيت التصوير بالصدفة يعني اكتشفت الموضوع وانا ما عندي خلفية عن اي شي بالتصوير ولاحتى عندي كاميرا احترافية او اي شي

كل تجاربي من خلال كاميرا الموبايل وكاميرا كومباكت عادية :eh_s(22):

بديت اقرا واتعلم من النت وشوي شوي حسيت نفسي اقدر اطلع بشي حلو من خلال كامرتي المتواضعة اذا شديت حيلي ومخمخت للـ فيو شوية :eh_s(20):

طبعا احب اقول اني وااااااااايد متحمسة اني اشتري كاميرا احترافية بس حاليا قاعدة اجمع والله يسهل ( ناوية على الكانون 400 D) شرايج فيها جاي ؟؟

نرجع لموضوعنا الأهم
بالنسبة لهالصورة
راح ابدأ مع الاعدادت و EXIF Data
طبعا الكاميرا اهيا HP Photosmart R507

الكاميرا بصورة عامة امكانياتها شبه محدوده والمنيو اختياراته قليله وكل الاعدادات فيها بصورة عامة اتوماتيكية اللهم جم اختيار بسيط اقدر اتحكم فيهم
هالصورة ما اغيرت بالاختيارات وايد وخليتها اغلبهم اتوماتيك بس كان الجو مشمس فاستغنيت عن الفلاش ( لوول زين بعد اقدر اتحكم بالفلاش ولا جان قطيت الكاميرا بالزبالة)
و ال mode اخترت landscape يعني فتحة العدسة كانت كبيرة والعزل واضح

طبعا المنظر مثل ما تشوفون بمزرعة بالوفرة كان الجو بالمناسبة كثييييير حلو حق تصوير . كنت امشي في طريج طويل تقريبا ففكرت اعكس طول مسافة الطريج بصورة فتعمدت احط الشخص اللي يمشي
اما بالنسبة لاختيار الزاوية فهم اخترت الزاوية من تحت عشان ابين المنظر كله من تحت لي فوق وهم عشان اوراق الشجر اللي طايحين واعزل الباجي
وبالنسبة لحجم الصورة مادري حسيت ان جذي بتكون احلى اذا خليتها تقتصر على الاهداف الثلاثة ( السماء - الارض - الشخص اللي يمشي )

عموما مادري يمكن اكون ما افيدكم باشياء مهمة لاني مو حريفة تصوير لكن
هذا كان كل الوضع للصورة تقريبا

بالنسبة لسؤال حلو طرحته جاي

-- هل كانت لها تجارب وايده لنفس الصوره وهالصوره كانت الافضل او الانجح في نظرها؟

تقريبا الى الآن اعتبرها ثاني احلى صورة صورتها :eh_s(20):

امممممممممممم مادري شنو بعد
بس هذا تقريبا كل شي

وثانكس جاي و كل البنات

 

[Pink GirL]

يعطيج العافية يالبا قلبي
وان شاء الله تيمعين وتشترين الكانون 400 د لأنها ممتازة
بإنتظار المزيد من الصور الجميله منج حبوبة

 

[جاي وحليب]

يالبا قلبي ..
اول شي الـ 400d فعلاً خوش كاميرا..
عن تجربه اشوفها ممتازه ونتايجها معاي حيل عاجبتني

ووحلو انج تطلعين بنتايج حلوه مثل هاذي بكاميرا كومباكت ومميزاتها محدوده مثل ما ذكرتي
شي جداً حلو .. وفوق الممتاز

النقاط اللي ذكرتيها تدل على نظره فنيه رائعه
وفكر خيالي واسع .. عجبتني اختياراتج لتكوين الصوره بالضبط والاسباب اللي خلتج تختارينها

بالعكس انتي فدتينا باشياء حلوه .. ونظره جميله ممكن البنات يستفيديون منها
لان المهم الحين بعد الورش وتغطية اهم الاشياء بالكاميرا..
فكركم انتو بنات النادي.. يعني بعد هالورش الاساسيه خلاص انتو راخ تنطلقون بروحكم
كل وحده وخيالها .. نظرتها .. فنها .. فكرتها للصوره وتكوينها ولمساتها اللي تطلع الصوره بشكل جداً حلو

يعطيج العافيه على هالكلام الحلو .. وان شالله قريباً اختار صوره لمصوره ثانيه ونعرضها بنفس الطريقه مع الحوار الهادف..

قواكم الله ..:eh_s(17):

 

[جاي وحليب]

وقفتنا الثانيه مع الاخت Maneena Manaana

الصوره هاذي من الصور اللي لفتت نظري ..
مع اني ماافضل التوسيط بالصور، بس اهني طلع بشكل ثاني
مانينا كلمينا عنها شوي ..

ليش وسطتي الورده ؟
شنو كانت اجواء المكان بشكل عام؟ حديقه ؟ ولا شنو؟
هل عندج صوره لنفس المكان غير هاذي .. اذا اي ورينا اياها ..

علشان البنات يستفيديون .. ويعرفون ان النتيجة الحلوه
ممكن تطلع من تجارب عديده قبلها منها الممتاز ومنها العادي ومنها المهزوز...و...و......الخ

اضاءتج بالصوره موطبيعيه مشالله .. والاعدادات والعزل وكل شي مضبووط:eh_s(15):

مافكرتي تاخذين الصوره من زاويه نازله وايد .. وتخلين فراغ كبير فوقها
بحيث ان السما تبين وماتكون الصوره بشكل مربع ؟

وين اخذتي الصوره ؟

هل فكرتي بالشغله والزاويه وتخيلتيها في بالج قبل لاتاخذين هالصوره ولا صورتي وحاولتي وهاذي كانت الافضل في نظرج؟

+ اعدادات الصوره ماعليج امر..

وواضافات ثانيه تشوفينها مهمه وودج تفيدينا فيها .. ووبس يعطيج العافيه :eh_s(17):

 

[Maneena Manaana]

ويييي لوول.. لو مو دازة لي رساله جان ما ادري عنه...

اول شي مشكوورة عالموضوع.. وكل مواضيعج الصراحة جذي :eh_s(15):

يالباقلبي..صج هالصورة وااايد كووول.. من حيث الزاويه وكل العنااصر..استمري لج مستقبل بااهر

بالنسبة لصورتي ..

الصورة مو طالعة بس عرفت انج تقصدين النويرة...

هذي من بدااياتي في الكانون 20 دي

الصورة كانت في صيف 2005 اهلي واهل ريلي كانو زايرينا..فكنا بسيارتين رايحين منطقة ثانيه(جاسبر) في مقاطعة ألبرتا في كندا..وكنا ماخذين ووكي توكي لوول ... شفت هالمنظر جان اقول حق ريلي بالسيارة الثانيه ...متى ماقدرت توقف ..اووقف ابي اصور ( طبعا اذيييتهم بالطريج..كل شوي موقفتهم خخخخخ) مستانسه عالكامرة

المهم..بما انه صيف فالاضاءه كانت طبيعية 100 % وطبعا كالعادة لما اصور شي اصور مليون الف صورة للشي الواحد... وطبعا اللاب توب معانا في الرحلات الي اكثر من يوم عشان انزل على طول واشووف الصور اذا في شي ما ضبطته..اروح نفس المكان واصور لين اضبط اللقطه.. لأن بالكمبيوتر تبين الاخطااء عددل

بالنسبة للتوسيط.. عادة لما اصور شي معين اشووف احلى صورة فيهم واقعد العب فيها فوتوشوبيا.. اقصص وجذي .. هالصوره اذا ماني غلطانه ملعووب فيها.. الحين بنزل لكم كذا صورة لنفس المكان .. والصورة الاصلية قبل القص...اما عن ليش وسطتها..حسيت انه شي غير المألوف ومادري شكل الوردة والورد المحيط فيها حسسني انها لازم تكون بالنص... كنت قاعدة اتدرب عالعزل واجرب خخخخخ الناس ناطرين وحضرتي أسوي تجاارب...حتى لو تلاحظون اغلب الصور فيها عزل اماكن مختلفة ( طريقتي بالتعليم..ماحب اقرا فتلااقوني لما بصور شي اجرب نفس الصورة على اعدادات مختلفة.. عشان اعرف كل شي وشنو وظيفته)


هذي الصورة الاصليه قبل لا اقص الاطراف




وما أخذت صورة من زاويه نازله لأن السما ماكانت زرقة للأسف..
هذي صورة من مكان قريب عالورد..جذي كانت ..فمع الورد الابيض بتصير الصورة بياض في بياض ( بااهته)



وهذيل جم صورة لنفس الورد..طبعا ما قدرت اتمطمط واتهندس بالتصوير لأن ورانا طريج والكل ناطر بالسيارة... استحيت ازرعهم اكثر من ما اصلا زارعتهم











اما عن اعدادات الصورة فهي:

F 11
ISO 100

وكنت حاطتها على لاند سكيب مود

والتاريخ بالضبط كان 21-7-2005

وأي سؤال انا حااضرة

 

[يالبا قلبي]

يعطيج العافية يالبا قلبي
وان شاء الله تيمعين وتشترين الكانون 400 د لأنها ممتازة
بإنتظار المزيد من الصور الجميله منج حبوبة

هلا
Pink GirL

اللع يعافيج يا قلبي واطرائج اسعدني
وانشالله تشوفون شي احلىىى


ــــــــــــــــ

يالبا قلبي ..
اول شي الـ 400d فعلاً خوش كاميرا..
عن تجربه اشوفها ممتازه ونتايجها معاي حيل عاجبتني

ووحلو انج تطلعين بنتايج حلوه مثل هاذي بكاميرا كومباكت ومميزاتها محدوده مثل ما ذكرتي
شي جداً حلو .. وفوق الممتاز

النقاط اللي ذكرتيها تدل على نظره فنيه رائعه
وفكر خيالي واسع .. عجبتني اختياراتج لتكوين الصوره بالضبط والاسباب اللي خلتج تختارينها

بالعكس انتي فدتينا باشياء حلوه .. ونظره جميله ممكن البنات يستفيديون منها
لان المهم الحين بعد الورش وتغطية اهم الاشياء بالكاميرا..
فكركم انتو بنات النادي.. يعني بعد هالورش الاساسيه خلاص انتو راخ تنطلقون بروحكم
كل وحده وخيالها .. نظرتها .. فنها .. فكرتها للصوره وتكوينها ولمساتها اللي تطلع الصوره بشكل جداً حلو

يعطيج العافيه على هالكلام الحلو

هلا جاي
اشكرج على الكلام الحلو .. فعلا نظرة الشخص و ذوقة تأثر بالصورة كثيير
ومافي شك ان الورش فادتني شخصيا والحين قاعدة اجرب درس التجميد
والله يكون بالعون :eh_s(9):

انزين جاي انا استأذنج انه بعد ما تخلصين وقفاتج مع البنات تعطيني المهمة اختار وحدة من صورج انتي ( في صورة بالفلكر مالج موطبيعية وداشة مزاجي حييييل )
وناخذ فكرة عنها :eh_s(9):

شقلتي ؟؟


ـــــــــــــــــــــــــ

يالباقلبي..صج هالصورة وااايد كووول.. من حيث الزاويه وكل العنااصر..استمري لج مستقبل بااهر

Maneena Manaana

مشكورة يا حياتي
وانتي بصراحة من المميزات غير ليدرنا جوييه طبعا
اللي لفتت نظري هني بالمنتدى بصورها الحلوة

وبالنسبة لصورتج ماعليها كلااااااااااااااااام عجيبة

بالتوفيق للجميع

 

[AnooDy]

وااااااووو فنااانيين

مافي احلى من تصووير الطبييعه

دعووواتكم نشتري كاميرا سنعه >_<

موفقين..جاي حليب..تعجبينني من فتره..كنت اتابعكم بهدوء

 

[جاي وحليب]

Maneena Manaana

قواج الله .. كفيتي ووفيتي والله ..
خوش صور مشالله .. وشكراً لتلبية الطلب ووضع اكثر من صوره بنتايج مختلفه
ومثل مااحنا شفنا اختلاف الاعدادات واللعب فيها اهو العامل الاساسي للوصول لنتايج مختلفه منها العجيب ومنها الحلو ومنها العادي ومنها اللي فيه اغلاط بسيطه..
وبجذي نتعلم احسن واسرع..
تصدقين ماادري ليش انا مااحب الصور المربعه ..
احس تاكل من جمال الصوره . .يعني عندي الصوره كامله اللي حطيتيها احلى من بعد القص.. ماادري مجرد رأي..

وزين سويتي دام السما كانت بيضا .. اللي سويتيه وايد افضل في الصوره..
والاعدادات والتطبيق والاضاءه وكل شي تمام .. شغلج وايد حلو مشالله عليج:eh_s(15):

شحلو المكان مشالله يشووق. . حتى نويرهم غير .. هههه
عليكم بالعافيه ..

شكراً لج .. وان شالله بس افضى احط صوره لاخت ثانيه ..


===

يالبا قلبي

هههه اوكي ان شالله اخليكم تختارون صوره وتناقشوني وتسألون اللي تبونه..
بس اي صوره اللي تقولين عنها دشت مزاجج حيل..
شوقتيني ودي اعرف :eh_s(20):


===

كشه منفوشه

حياج الله معانا اختي..
هدوئج وازعاجج كله حلو ..
اهم شي تستفيدين معانا من هالمتابعه الطيبه ..
وان شالله تاخذين الكاميرا اللي تبينها