ميونيخ

[مخلصة]

اشرايكم يابنات (بميونيخ )احتمال أطلع من ( فينا ) لميونيخ

 

[! FABULOUS]

اهلين ..

انا رحت ميونيخ الصيف اللي فات والتسوق فيها توب خصوصا شارع الماكس ميليان كله ماركات وبالنص فندق كمبنسكي كنا ساكنين فيه موقعه روعه بين المحلات و بعد ساحة المارينا بلاتز تروحين لها مشي من الماكس ميليان وجوها روعه ميونخ حتى الالمان حبيتهم مع انه قبل ما نسافر لها عطونا سمعه مو حلوه عنهم انهم شايفين روحهم ومايحبون العرب ونفسيتهم خايسه بس اللي شفنا العكس يضحكون ويتغشمرون معانا الصراحه حبينا روحتنا حق ميونخ وانصحج فيها
واي سؤال حاضرين p; وبالسلامه ..

 

[سمبوسة]

اي يا قلبي ميونخ حلوة وجوها حلو والسوق حلو بالمارين بلاتز والماكسيميليان وتطلعين منها رحلات حق قارمش تبعد عنها ساعة ونص جبال وبحيرة وتليفيريك
وتروحين ليقولاند بعد ساعة ونص
وبعد فيها الانجلش قاردن حديقة حلوة وقصر نيفين بيرج حديقته روعة والحديقة الأولمبيه وبحيرة شتانبيرغ تبعد ثلث ساعة عن ميونخ
وتقدرين تروحين سالزبورغ بالنمسا منها تبعد ساعة وشوي عنها

 

[اميرة الغيد]

عزيزتي مخلصه انصحج بميونج السوق فيها حلو واحلى من فيينا
اتمنى لج رحله سعيده

 

[new-loook]

يعطيج العافيه أكتبي بعد معلومات عن ألمانيا والأماكن الحلوه فيها أبي نفس زلامسي فيها ولالا

 

[new-loook]

سمبوسه يعطيج العافيه والله ماقصرتي مع البنات وضحتيلهم كل شئ الله يجزيك الجنه أبي معلومات عن كولون والأماكن
القريبه عندها وفيها سوق وابي مكان مثل كابرون

 

[اميرة الغيد]

المانيا غير عن زلمسي
ميونخ اسواقها حلوه ورخيصه ، زلمسي روعه ،طبيعه وجو بس سوقها مايسوى

 

[سمبوسة]

سمبوسه يعطيج العافيه والله ماقصرتي مع البنات وضحتيلهم كل شئ الله يجزيك الجنه أبي معلومات عن كولون والأماكن
القريبه عندها وفيها سوق وابي مكان مثل كابرون

يا بعد عمري تسلمين على هالدعوة الحلوة وشدعوة ترى الناس للناس وانتوا كلكم خواتي وأبيلكم الخير
كولون ما رحت فما أقدر أفيدج للأسف بس سمعت ان سوقها حلو
مكان مثل كابرون تقصدين الثلج والا قرية هادية؟؟ اذا قرية بصراحة القرى وايد بس كابرون الأفضل وتقدرين تروحين قرية وولف قانق تبعد عن سالزبيرج نص ساعة بس سبحان الخالق بحيرة وجبال وبعد قرية سان جيلجن وموند سي هذول قراب على سالزبيرغ وكابرون واي استفسار بلغيني حبيبتي :tek: