مين كان عندها هم كبير كبير كبير وجاها الفرج بسبب دعوه أو صدقة

[نونو العصله]

كنت شايله هم زوجي
كل واحد في بلد
سنة ونص ما شفته
فقدت الامل اللي اشوفه

بلدعاء والتسبيح و الاستغفار
اية البقره

زوجي بيجي الشهر الياي
والله اذا ارد شيئا انا يقول له كن فيكون

 

[مهمهانه]

سبحان الله انا امي امرضت فجاءه في نهايه 2009 لين شهر خمسه 2010رقدت بالمستشفى وكانوا الدكاتره مهب عارفين يشخصوون حالتهااا صح وكل يوم شي وكل يوم ادويه ودعيت ربي ليل نهار ومسؤلي مطوع ودايما يقولي داوا مرضاكم بالصدقه وانه اقرب مايكون العبد عند ربه وهو ساجد فادعي وانتي ساجده وتصدقي .. وفعلا دايما وكل يوم اتصدق وطووول الوقت ادعي لهااا ونقرا اناا وياها ادعيه بالليل واصلي قياام ليل وادعي واتوسل طوووول الليل ربي يشفيهااا وكنت ادعي اني اتزوج والحمدلله ربي تقبل مني دعواتي وفرجهااا علي وعلى امي الحمدلله الحمدلله الحمدلله تشافت واني تزوجت الحمدلله الحمدلله الف الحمدلله والشكر والحين ادعي ربي انه يرزقني ويجعل مافي رحمي ذكر سليم معافى وياربي اتوسل اليك تتقبل مني دعواتي ياقادر يارحيم ياغفور يارب العالمين ..

 

[خلطات المذهله]

ماشاء الله موضوع مميز ولازم كلنا نلجئ للصدقه سبحان الله تبعد سبعين مكروة كما قرات وتطفئ غضب الرب

 

[FUSHIA-GIRL]

موضوعج جدد لي الامل
جزاج الله كل خير والله يرزقج اللى ببالج

 

[caramella <3]

لا اله الا انت سبحانك اني كنت من الظالمين
استغفر الله العظيم و اتوب اليه
حسبي الله الذي لا اله الا هو عليه توكلت و هو رب العرش العظيم
الحمدلله حمد الشاكرين
حسبنا الله سيؤتينا من فضله انا الى الله راغبون

 

[caramella <3]

الزمووووو الاستغفار يا بنات و دايما تيقنو الاجابه من رب العالميييييييييين

 

[بحرينيه كوول21]

انه بسنه ٢٠١١ يعني العام كان عندي ٣ امنيات والحمدلله الحمدلله بسبه الصدقه والاستغفار
تحققت لي امنيتين وان شاءالله تتحقق لي الآمنيه الثالثة بهالسنه اليديده يااارب
استغفر الله الذي لا اله الا هو وأتوب اليه

 

[ابلة لولوة]

لا اله الا الله سيدنا محمد رسول الله

​

 

[وخروا بطيح]

انا قبلوني بالجامعه تخصص فااشل وانا نسبتي زينه 97 وانا ابغي تخصص ادب انجليزي وكل من عرف ان نسبتي جذي وداخله هذا التخصص استغرب نسبتي زينه وتخصص مو حلو
والتزمت بالدعا اخر الليل والصلاة الاستغفار وسبحااان الله 2 سمستر الا لقيت وااسطه ربي حطه بطريجي وحولت
الححمدلله الحمدلله هالحين انا بالقسم اللي كنت اطمح له واحبه

 

[<> إيلاف الكويت <>]

موضوع قديم بس يستحق الرفع
ماشاءالله عسى الله يرزق الجميع ويبارك
سبحانه العظيم القادر


رفـــع

 

[Pinky -cat]

حبيبتي اانا مريت بظروف صعبة جدا فوق الحد مرضت طحت طيحة قوية بالمستشفى صار فيني التهاب حاد في القولون وتضخم
في المعدة طحت ماقدر امشي ولا تحرك دوام هديته ، اكل ما اكل نزل وزني صرت جني هيكل عظمي جسمي صار يخرع يخرع
بشكل مو صج حتى الماي ما يدش جسمي يرفضه اكل شوربة فقط وبدون اضافات ، كانت ايام انام وانا قاعدة مادق انسدح
واخذ منوم عشان العوار انعزلت عن الدنيا شهرين كاملين تخيلي لدرجة تمنيت الموت على الالم اللي كنت فيه


بس رغم هاذا كلة وربي وربي دعيت ربي مرة ومرتين وثلاث يخلصني من اللي انا فيه ولمن قدرت اتحرك قمت صليت وبجيت
من قلبي ودعيت وربي فعلا ازاح عن الهم وفرجها علي وردت صحتي وعافيتي الحمدللة ورد وزني نفس قبل وامتن شوي هههه

ادعي ربج ولا تأيسين همن صار ودفعي صدقة ترا دفع بلاء وتوخر العين باذن الله.