مينووون

[Q8shosh]

مشكورين كل الي ردو بس انا كنت ﻻبسه نعال مو كعب واول مره اشتريهم من معرض ماجربتهم بسرعه طلعتهم ورحت السينما توبه البسهم وانا مو دفشه كلي اتكيت والي مايعرفني مايدري انا شنو
والي تقولي ردي عليه رادديه ﻻ انا احترمهىوحتى لما يزفني ويصرخ علي اسكت ولو شايفني دفشه وهيلقيه ماصبر علي وحبني بما اني ماخذته عن حب
بس ادري ريلي عنده سوالف واسكت مابي اتهاوش واخسره وتصير سالفه ﻻنه يزف ويعصب ويطخ بس ابي نصايح ﻻني كل ماطلعت معاه يصرخ علي بدووون سبب على ايييي شي يدور
واذا مالقى شي واحنا طالعين مطعم كله بسررررعه وقال قومي وراي نادي ارد البيت القاه منسدخ روح النادي ﻻ تعبان مابي اهني اعصب واسكت

 

[شبيهة ديمة بشار]

زوجك
غيووووووووووووووووووووووووووووووور
الغيره:eh_s(14):
من
المحبه:hearting:
والله
يصخر
قلبه
لك
:yaaaaaarb:

 

[شــــــــــــــوقــــه]

الله يعينج عليه
ان شاء الله ريلي مايطلع جذيه
ابيه لقلت له يمين يروح يمين
يسمع كلمتي بالحرف الواحد

هذا اذا لقيتيه عطيني ياه وانا اعطيج احسن منه :dddds:

حلمج صعب يبيله حظ :denya:

و صاحبة الموضوع الله يعينج الصراحة صج شي يطفش

و مو عشان ماخذته عن حب تسكتين عنه لا اخذي حقج شنو يكلم غيرج و ساكتة

 

[حروف من ذهب*]

هذي غيره ولابد منها والله يسخره لج

 

[حبيبي مالكني]

اختي انتي غلطانة بشي واحد
شنو تسوين روحج تخونينه
وتيبين لج سمعة موزينة وانتي شريفة وعفيفة
لاتعيدين هالحركة مرة ثانية
يبين من كلامج ريلج يغير عليج وعصبي
انتي عندج حل من اثنين يا تستحملينه وتعيشين حياتج
يا اتمين معاه بصراع دائم وهالشي لا يطاق

والله يهديه ويسخره لج

 

[دانة_ دبي]

شوفي ايجابياته دايما و حاولي اطنشين سلبياته

و ليش تحرقين قلبه و تبخلينه يشك فيج اكثر << مو حلوة الحركة ابدا

خلج عاقل

 

[امـ خــزامـى]

بعد ماااقريت ردك


عرفت وش فيه زوووجك ووش يبي يوووصله


يبي يطففففشك من الطلعه معاااااااااااااااااه مااايبي او مااايحب الطلعاااات


صدقيني



مكشووووفه حركاااتهم الرجال مثل بعض سبحاان الله

 

[قـــمـــرهم]

اي صح واضحه الذرابه!!!

يعني انا رديت عليج اول رد وعطيتج الحلول اللي عندي

ونصحتج من قلبي ودعيتلج

وحتى كلمه شكراااا ماقلتيها !!! ولا جزاج الله خير!!!

ولما رديت الرد الثاني

قلتلج سؤاااااال خارج الموضوووووع !!!!

ع طووووول قبيتي!!!!

وين الطنازه بكلامي !!!!وين التمصخر!!!


والا فيج هوشه !!

و بتشيحطين انج مهندسه!!!

شرايج نروح السينما وتشرحيلي ابعاد الشاشه والمسافات!!

 

[ي حليليِ]

هلا اختي

زوجج شكله يتنرفز بسرعه

انتي حاولي اتجنبين الشغلات اللي تنرفزه ولا تسوينها جدامه ..


وسالفة يكلم بنات ماراح اعلق ع هالنقطه لاني ما اعرف اتصرف بهالمواقف !!



بس عندي تعليق ع جم نقطه..

انتي بصراحه حركاتج تنرفز يمكن انتي تسوينها ع النيه بس سوري بقولج انها غلط


يعني انتي قاعده بالمطعم لو يطيح منج اي شي خلاص لا تاخذينه اطلبي غيره
طاحت فوقه خليها واطلبي غيرها وبعدين بالمطعم مافي رياجيل!!!!

وانتي اتجندسين جدامهم !! اكيد زوجج بيتنرفز !!!



وسالفة امد ايدي عشان ااشر ع مكان الكراسي بالسينما !!!

ليش تمدين ايدج اصلا الكراسي مرقمه بالشاشه قولي الرقم وخلاص..

ونعالچ وانتي بكرامه اتطلع صوت هالحركه حدها غثيييييثه ومنرفزه بصراحه..
البسي نعال ما اتطلع صوت واذا كعب لبسيها ربل
عشان ماتلفتين الانظار بعد ...

زوجج شكله يحب البنت الهاديه الذربه اللي حركاتها بهدوء ..



يمكن انتي تشوفين هالشغله عادي بس في ناس ماتحب هالحركات واجد بعد موووو شوي !!



والله يوفقج

كلامها عين العقل ، ونفس وجهة نظري بالضبط !


زوجج ما فيه لا مرض نفسي ولا مينون ع قولتج ، وياحظج ترى هاذي يسمونها غيرة

يعني يغار اذا احد شافج تجندسين لان هالحركة مغرية للرجل !

وانتي متزوجة وادرى بهالشيء :bbbiu:


ذكرتيني باخوي نفس تصرفاته بالضبط ، كان ع اول ايام مراهقتي كان شاد علي حيييل وكنت ابجي واعاند ويطقني
واكرهه حييييييييييل


الحين لمن كبرت عرفت ليش يسوي جذي >> عمرها 21


واهوا نفس نوع زوجج لول !

بصراحة حسيت نفسي ملكة مو رخيصة عند احبابي


صرت استانس لمن يقولي تغطي وخلي العباية وسيعة و و و و


المهم حبيبتي اسمعي كلامه قوليله اوك حبيبي حاضر من عيوني ولا تعاندين



وبسسس فديتج الله يسعدج معاه يارب

 

[Q8shosh]

شوفي قمرهم انا لما كتبت الموضوع ابي نصايح منكم مابي احد يطب فيني وانتي داشه بقوه انتي دفشه وانتي شكووو ادخلين ايدج بمال السينما فانا قاعده اشرحلج اني افهم ريلي
فماخذتها طنازه عالعموم خﻻص انا دفشه مشكوره ماقصرتي

 

[Q8shosh]

مشكووؤين كا الي ردو علي

 

[قـــمـــرهم]

هلا ي قلبي


اول شي انا مااااقلت انج دفشه

قلت حركاتج تنرفز


انتي نزلتي الموضوع وتبين النصيحه صح

وانا نصحتج وعديتج ك اخت ..

و قلتلج اللي اشوفه انه صح ..

مادشيت بقوه ولا طبيت فيج ولا تطنزت


قلتلج باول رد لي


انه حركاتج تنرفز وانتي تسوينها ع النيه ..

قلتلج يمكن انتي تشوفين هالحركات عادي بس عند غيرك مووو عادي ...


ف انا قاعده انصحج واوضحلج

عاااااادي ياما سوينا اشيا واشيا واشيا نحسبها عاديه

واللي حوالينا ينصحونا ويعلمونا انها غلط ..

وشوي شوي انتعلم


ترا مو معناة اني نصحتج او علمتج اني انا التوب والا انا الفاهمه

عادي كل وحده فينا اتعلم وتنصح الثانيه باللي تعرفه وتعلمته من هالحياة


يعني انا من قبل اتزوج امي وابوي علموني ما امد ايدي أأشر وفي رجال قاعد

والله حتا البانزين اذا رحت اعبي بانزين اغطيها بعباتي مع اني مو متدينه ولا البس دسوس

اغطي ايدي بالعبايه واعطيهم الفلوس
حتا الخياط ما اقعد ااشرله واطول بالسوالف

يعني اوكي ااشر اذا مضطره وبسررررعه

وانا تعلمت انه هذا نوع من الحيا ..

ترا مو قصدي نغزه والا انج ما تستحين والا والا

بس اقولج اللي تعلمته


و انتي اهم شي تعرفين شنو الاشيا اللي مايحبها زوجج

ولا تسوينها جدامه عشان ماتصير مشاكل ..


واللي تقولج زوجج يبي يطفرج ويغثج عشان ماتطلعين معاه ..

لا حبيبتي انتي غلطانه ع اي اساس دشيتي بعقل الرجال !!!!


يعني انا وانا بنت ما احب هالحركات

النعال اتطلع اصوات وادنق بالمطعم اخذ اللي طاح مني

الناس اجناااااااس كل واحد في شغلات تغثه وشغلات عادي عنده !!




اجل لو اقولج عن زوجي

يعني تخيلي مرات لما اطلع معاه واكون بس ماخذه فوني بدون شنطه

امسك علاقة الفون واخلي فوني يتدلدل مايتدلدل حييييل

لا العلاقه قصيييييره

عادي صح !!! انا اشوف هالحركه عاديه!!!

زوجي مايحبهاااااااا ينغث ههههههههه

صج انغثيت بس طوفتها لانه ادري هذا طبعه!!!

وعباتي يدقق فيها في بقعه مو مكويه مع اني ساعات

اكون توني مطلعتها من المصبغه

بس اهووو طبعه جذي ... يحب الشي المررررررتب

حيل حيل


ومع هذا صج ساعات اتحلطم بس لما ادري انه طبعه خلاص

اتجنب الشغلات اللي تغثه

عشان ارتاح انا



والعفووووو حياااااج

 

[امـ خــزامـى]

حبيبااااتي انتوا الظااهر فاااهمين الغيررره غلللللللللللللللللللللللللللللط

يغااار ياااحظي ودليل محبببه

بس باسلوووب حلو ولبق موو يصررررخ


ماابقى الا هي بعد يهزءني قدام اللي يسوى ومايسوى

بعدين لحظه لحظه البنت جالسه بالكرسي وطااح منديلها وبتاااخذه خير ياااطير
مااشوووف قلة ادب لو اخذته
يعني انا جالسه بالكرسي بس مديت ايدي عشان اخذه ّ!!!!لا جد فهمووووني يالمؤدبات
وبعدييين ليش كلكم قبيتوا عليها وحركاااتك مستفزه وتعلمي الذرااابه وهووو وينه ووين الذرااابه
اصلا استغفرالله بس
بالنسبه لي حتى لو السالفه مو سالفة تطفيش عشان مايطلعني وكل السالفه غيره واسلوب ازباله

انا اعلمممممه السنع والاحترام اذا مو بالطيب بالغصب اعلمه

عاااد انا كلش كلش كلش كلللللللللش جنييي اللي مايحترم زوجته قدااام الناس ومايمسك اعصااابه
مهمممممممممممممممممممممممممممممممممممممممممما سووووت الا الخاينه طبعا هذي مايبيلها احترام


اعذروووني تحمست زيااده وتفاااعلت لاني اشوووف كثييييييييييييير من هالاشكال بالامااكن العامه
وحريمهم سااكتااات

استغفرالله فرقوووا بين الغيره اللي كلها حب واحترررام وبين الغيره المتسلطه المستفزه




ملاحظه خارجه عن الموووضوع

اللي ماتنزل عشان ماتاخذ المنديل ولا الشوكه اذا طااحت وش تسوووين لو طااح بووكك ولا ملفك بمكااان عااام
وكنت لحااااااااااالك او انت واختك ؟؟؟؟؟؟؟؟

 

[ليدي بجد]

الله يعينك بس يمكن يسوي هالحركات من فتره بس مضايق منك بشغله الله اعلم ولو انه بهالطبع من يوم خذيته. فالله يصبرك بس ما عليك بسيطه بيتغير يجي اول وثاني بيبي وتخف الوقفه على الحبهوالي تقول يغار ودليل حب اذا ذا زوجي بيهزءني بكل طلعه بصوت عالي وينكد على فليته ما يحبني واكتفي باحترامه لي ابرك. وأي حب قاتل وغيره وهو تلقونه مليان بنات. !!

 

[قـــمـــرهم]

ام خزامى


ليش اغلب ردودج ع المواضيع هجوم !! اغلبها فارضه سوء النيه !!!

الحين اهي الله بلاها بزوجي عصبي يصرخ بالشارع جدام الناس

شتسوي يعني !!


توووووقف جدام الناس واتصارخ عليه يعني مراااادد وملاسن جدام الناس!!!!


اذا كل واحد بيصارخ ع الثاني !!! وين العاقل اللي بيهديهم !! منو فيهم العاقل!!!


كيفها لاردت بيتها اتصرف معاه مو توقف جدام خلق الله وماتسكت عنه!!!!

وبعدين

شكو طاح بووووك ولا ملف والا والا !!!


احنا انتكلم عن المطعم اهي حددت موقف معين !!!

بالمطعم لا طاح منج شي المفروض المفروض ما اتدنقين تاخذينه

لانه في جرسون ويجيبلج بدال الفوطه والا الشوكه اللي طاحت !!!


هذا اللي نعرفه !!!

وبعدين ما اعتقد في مقارنه بين المواقف اللي ذكرتيها

فوطه بمطعم مووووو شي ضروري !!!! وفي اللي يجيبه لها


بوك ولا ملف اكيد شي ضروري ماراح يطيح بوكها وتخليه وتمشي !!!


لانه شي ضروووووري !!!

وانا قلتلها جدااااام زوجج تفادي الشغلات اللي مايحبها !!


والا بروحج كيفج سوي اللي تبينه لو تبين اتصارخين بالشارع!!

بس جدامه اتفادى الشغلات اللي اتنرفزه!!

 

[امـ خــزامـى]

حبيبتي قمرررهم مو كل الموااضيع نطبطب ونجااامل ولا زوجك يحبك ويمووت فيك وهذي غيره واسكتي


فيه اللي تحتاااج نصح وفيه اللي تحتااج هزززه وفيه اللي تحتااج من يهبطها

لالالا جد قمرهم رااجعي نفسك كل رد بهالموضوع تفسرينه من مخك
مين جاااب طااااري اني اصرررخ عليه
اللحين انا منقهره من اللي يصرخووون وماايحترمووون حريمهم اروح انا اصرخ على زووجي ؟؟؟؟؟؟؟؟
ترى اعلمممه الاحتررررام مو بالصررراخ لاتخلين المسلسلات تأثر عللليك
القوه وفرض الاحترام مو بالصراخ والهوواااش بالذكااااء والاسلوووب اوصل للي ابيه

وبالنسبه لي عشان لاتعممين ابوي الله يخليه لي معلمني اني مااحتاااج احد لو انا اقدر اسوي هالشغله اسوييها
ماانتظر احد يسويها لي حتى لو شغلته الا اذا كان فيني كسر وتعباانه ومااقدر
انا احب اسوووي كل شي بنفسي طاحت الشوكه طاح منديلي كل شي انا
وبالعكس انا جايه ارفهه عن عمري وهو شغلته ومكرروف اساعده واعتبرها صدقه

وبالنسبه للامثله اللي ذكرتها انه بجميع الحالات بتنزلين وبتااخذين غرضك وفيه من بيقول عادي وفيه من بيقول قاصدتها
واصلا تستعررررررررررررررض <<<ايه تستعرض لاتستغربين
فعشااان كذا انا اسوي الشي بحسن نيه وخلي الناس تفهم اللي تفهمممممممممه

الا الظاهر الحمل مأثر على استيعااابك الله يهووون عليك حبيبتي

وللمعلوميه راااجعي كل ردووودي قبل لاتحكمين عليها كلها من موضوع او موضوعين

 

[قـــمـــرهم]

ههههههه والله ضحكني ردج


اولا منوووو قال كل موضوع لازم نطبطب وزوجج يحبج و و و

بالعكس انا ما احب هالاسلوب !!!

وبنفس الوقت مو بكل موضوع نفرض سوء النيه!!!!

تقولين زوجج من تصرفاته مايبيج تطلعين معاه !!!

ع اي اساس حكمتي عليه!!!


ثانيا ..

اللهم لك الحمد ما اتابع مسلسلات لا قبل ولا الحين ولا بعدين


وبعدين انتي تقولين اعلمه السنع !!! شنوووو بتسوين يعني اذا اهو يصارخ بالشارع!!!

وضحيلها وضحي لصاحبه الموضوع عشان تعرف اتصرف بهالموقف!!!


اهي وحده من الثنتين

يا ترادده وتصارخ نفسه

يا تسكت واذا رجعت البيت اتفاهم معاه وهذا الحل اللي اشوفه


وسالفة المنديل والشوكه !!هذي سالفة بروح وموضوع المطعم استثنائي


يعني انتي طاح منديلج ع الارض والارض وصحه بتاخذينه وتمسحين ايدينج فيه!!

والا طاحت الشوكه بتاخذينها وتقومين تغسلينها !!!

والا بتطلبين شي جديد!!!


وانا ماجبت طاري الاستعراض وهالسوالف

بس من باب الاتيكيت واللي نعرفه اذا طاح شي وخاصه بمطعم
ماناخذه وكافي انه الطاولات لازقه ابعض وزحمه وناس


وجزاج الله خير ع الدعوه

 

[نونه المنكوشه]

والله الريايل معقدين وغثيثين ليش مايوسع صدره كله معصب ومنفس ع شنو ماعجبه شي يقدر يتكلم باسلوب حلووو ويفهمها وشي طبيعي ماراح اتكررها بس منفس ويصرخ وغيره اي غيره هذي انتي اصلا المفروض اتفاهمينً معاه بموضوع البنات اللي عنده تالي تناقشي معاه بموضوع العصبيه والنرفزه شوفي اي اسلوب ينفع معاه واختاري الوقت المناسب وقولي كل اللي بخاطرج والله يهديه ويسخره لج

 

[Q8shosh]

قمرهم مشكوووره عالردووود بس والله محد فاهم ريلي والله تعبانه منه حيييل يكفي اني مسويه قيصريه وملتهبه علي ومانعني من حبوب منع الحمل معنى الحمل خطر على هالفتره
والحين اقوله اخاف انا حامل يقول روحي بروحج سوي تحليل اقوله انته ريلي تعال معاي ااكيد راح اضايق اذا انا حامل ﻻنه خطرررر علي
يقولي مينونه انتي روحي بس روحي هذا ريل

 

[قـــمـــرهم]

سلامتج ي قلبي ماتشوفين شر يارب


اكيد محد فاهم وحاس باللي انتي فيه الا انتي


والله يكووون بعووونج بس حاولي تعودين زوجج ع الطبع اللي تبينه

حاولي تغيرينه للشي اللي انتي تحبيه ..

شده.. لين .. مسايس.. اعصاب .. دلع .. زعل

لين توصلين للطريقه اللي تنفع معاه


وادعي دايما
(( اللهم اجعلني لزوجي كما يحب واجعله لي كما احب ))

وعليج بالاستغفاااار


والله ييسر امورج ويريح بالج يارب