مينونة سفر تكفون ساعدوني

[أمانيQ8]

هلا حبيبتي اولا العاب السي وورلد عاديه ملاهي وفيها جم لعبه مثل طريقة الجندول والدوامه ... وقلت لج السي وورلد اهم شي فيها الطياره لا تفوتكم /بالنسبه للبس شتوي وربيعي قلت لج سدني بارده جاكيتات لان توصل درجة الحراره خمسه اما جولد كوست بارده بس بالنهار لبسيهم نص جم عادي بس من 4العصر يبدي البرد
لا تحجزين اي رحله الا من الفندق نصيحه لان في مكاتب عرب اهناك نصب ياخذون عليج الدبل
بالنسبه لرحلة البلو ماوتن لا من قالج 100اشدعوه انا اسأل زوجي اهو متذكر انا نسيت لا ماتوصل اميه عاد اتعرفين مبالغة الناس!!
بالنسبه للقروبات جيكي على الخاص

 

[أمانيQ8]

المواصلات في استراليا (جولد كوست)وسدني نفس الشي

التاكسي ويعتبر إلى حدا ما غالي.وتتراوح أسعاره من 130 دولار الى 170 دولار استرالي.
• باص تاكسي أو باص عادي سعره معقول ويعتبر الأفضل وتقريبا بحدود ال 30 الى 40 دولار استرالي.
• القطار ويعتبر الأرخص بحدود 12 دولار للشخص. ولكن لابد من التنويه إلى انكم بتحتاجون إما للتاكسي أو الباص لنقلكم من محطة القطار الى الفندق.مع ان والله انا كنت امشي وناسه الله يعزكم جوتي رياضه وامش وترا اقصد بالقطار اللي اهو الكهربائي راح تشوفينه بسدني وايد

 

[أمانيQ8]

عدنااااا


اول شي سألت زوجي وتأكدنا سعر التذكره حق رحلة البلو ماوتن (118)دولار استرالي مو 100دينار عرفتي الحين وصج 118وايد بس مودينار دوووولار واليهال اكيد ارخص وايد بس مو متذكرين وارجع اقوووووووووووول ترا رحلة البلو ماوتن ما استانسوا اليهال ملوا ومدتها ترا 4ساعات
ــــــــــــــــــــــــــــــــــــــــــــــ
الشي الثاني تذكرة السي وورلد:الكبار64دولار والصغار42دولار استرالي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
دريم وورلد تذكرة الكبار64 دووولار والصغارمن سن4سنوات _13سنه42 دولار هم استرالي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
موفي وورلد نفس الدريم وورلد
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وصج بغيت اقولج ان فندق الشيفرون تاورز اللي قلت لج بجولد كوست كل شي يمه سعر (الغرفتين)64دينااااااااااااار كويتي لليله الوحده وانا انصحج في يمه البرج الثني تابع له فيه شقق اوسع لكم واحسن عشان ال(جوله)لان انا ساعات احتاج اسوي حق اليهال شي شوربه مثلا او نودلز اذا انتي ما تستخدمينها مولزوم اخذي الغرف بس الشيفرون تاورز برجين واحد غرف والثاني شقق
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
طبعا بدون مناقشه السكن بسدني بفندق ستار سيتي اينن روعه وفي يم الماكدونالدز اللي يم الكواريوم (الحديقه الصينيه )روحوا لها لاتفوتكم مشي من الفندق 10دقايق او اقل وتذاكرها ارخيصه فزوا الصبح وروحوا لان اتسكر5العصر هذا بسدني لاتنسين
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
على طاري الماكدونالدز ترا سعر الوجبه فيه8دولار للعلم فقط
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في جولد كوست يم الشيفرون في الساحه المشهوره فيها (صدق او لا تصدق) روحوله حلو نفس اللي يابوه بحديقة الشعب الحين ترا اهو استرالي بالاصل وقاموا ينقلونه كل مكان يونس وايد وتذكرته 15دولار للكبار والصغار8دولار واذا انتوا داشينه اللي بالشعب ماله داعي تدشون له بس اجباله في مجمع فيه العاب فيديو جيمز وجذي اذا عندكم فراغ روحوا الساحه سيدا استمتعوا فيها وناااااااااااااااسه ماتملين ويمج البحر بالضبط
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الانفنتي اذا سكنتي بالشيفرون بس تنزلين من الاصنصير يطلع بويهج لا يطوفكم حده وناسه وتذكرته الكبار23دولار والصغار12دولار (جولد كوست)
ـــــــــــــــــــــــــــــــــــــــــــــــــــــــــــــــــــــــــ
ادري افكاري مو مرتبه بالكتابه بس شسوي كله من الذاكره وسامحيني عالقصور اي استفسار لايردج شي

 

[أمانيQ8]

المواصلات في استراليا (جولد كوست)وسدني نفس الشي

التاكسي ويعتبر إلى حدا ما غالي.وتتراوح أسعاره من 130 دولار الى 170 دولار استرالي.
• باص تاكسي أو باص عادي سعره معقول ويعتبر الأفضل وتقريبا بحدود ال 30 الى 40 دولار استرالي.
• القطار ويعتبر الأرخص بحدود 12 دولار للشخص. ولكن لابد من التنويه إلى انك ستحتاج إما إلى تاكسي أو إلى باص لنقلك من محطة القطار الى الفندق. وللمعلومية اقرب محطة الى منطقة السير فيرس بارادايس هي محطة " ني رانق ".

 

[fat]

أشكرج وااااااااااايد وااااااااااايد كفيتي وفيتي

 

[أمانيQ8]

حاضره حبيبتي ... انتي تتدللين

 

[fat]

كلامج شوقني وان شاء الله تسمح الظروف والله يكتب لنا سفرة حلوة والبركه ي معلوماتج

وأونس عيالي وماقصرتي

 

[أمانيQ8]

قووووووووووووووووووووووولي امين عسا الله يكتبها لج انشالله وتروحينها وتستانسين انتي واسرتج الكريمه بإذن الله ومثل ماقلت لج لاااااااااااااااااااايردج الا الكيبورد اي استفسار مني مناك شي ماشيات انتي بس آمري

 

[lolo77]

يعطيج الف الف عافيه اماني

والله انا اقرى واتخيل رحلتي لمن رحت شهر العسل

الصراحه ودي هالصيف نروح بس قاعده افكر باليهال

ولدي لي ماليزيا قام يبجي ووتملل من الطيارة فمابالج لي استراليا دبل الساعات
؟؟

ومره ثانيه عليكم بالف عافيه رحلاتكم الى استراليا

 

[fat]

عزمي وخلينا نروح ونسوي جروب كويتي وحبايب على قلب شرايج

 

[fat]

حبيبتي تفضلين أي شهر السفة 7 أو 8 وبصراحة ودي أمر نيوزلندة مدام يمها طبيعتها عجيبة بس أخاف تكلفني السفرة وايد وأنا عيالي شباب

يعني تذاكرنا كاملة السعر بس أبي تكون السفرة حلوة ونيسة منطقة أوكلاند في نيوزلاندة عجيبة

 

[fat]

:tomato2::tomato2::tomato2:حبيبتي تفضلين أي شهر السفة 7 أو 8 وبصراحة ودي أمر نيوزلندة مدام يمها طبيعتها عجيبة بس أخاف تكلفني السفرة وايد وأنا عيالي شباب

يعني تذاكرنا كاملة السعر بس أبي تكون السفرة حلوة ونيسة منطقة أوكلاند في نيوزلاندة عجيبة

 

[fat]

ودي تكون رحلتي سنغافورة 3أيام وسدني 4أيام وجولدكوست 12يوم وأوكلاند 5أيام ونرد هونجكونج شرايج برحلة

 

[fat]

منطقة الروكس في سدني شنو فيها بالضبط وحلوة بنت حماي راحت العام وتتشرق فيها تقول سدني أونس من جولدكوست

وتقول روحي مع جروب لأن سعر التذاكر تكون نص السعر لان القايد يشتري تذاكر حق لجروب كله يعني على كلامج ما أروح ركز لاوند

يقولون فيه كل شي الأكل اللبناني والتذاكر ودي أعرف جم ميزانية سفرتي تقريبا أدي دوختج بس شسوين ابتلشتي

 

[أمانيQ8]

LOLO77 ,والله اذا عندج ياهل يرضع ولا بالعربانه انسي بس اذا اصغر ياهل طاف الاربع اسنين بيكون شايل عمره روحي وانتي مطمنه واذا ما اتعبرين على اليهال اخذي خدامه بس هم بتكلفج بسكنها وتذكرتها استراليا تذاكرها نار عموما اذا فيها الصالح لج عسى الله يكتبها لج حبي

Fatوالله انا قاعده اقول حق زوجي طقت جبدنا اتصديقين يودينا شهر مايبقى رحله ما رحناها وبعض الرحلات على مرتين وهالمره يقولي عندنا شقتنا اللي شريناها احتمال شهرين نقعد بس بحاول انشالله اروح استراليا وديره ثانيه حتى لو سنغافوره ميخالف بس عشان مايملون اليهال وبيني وبينكم استراليا ماتنمل بس التغيير حلو

 

[أمانيQ8]

up up upup

 

[أمانيQ8]

وللفايده منطقة الروكس هذي يم القهاوي بالهاربر وناسه شراحه ومناظر حلوه ويسوون فيها حفلات مجانيه اغاني روك وراب وفيها مجمع المطاعم هندي لناني تركي امريكي ايطالي كل شي

 

[أمانيQ8]

من سدني الى اوكلاند ساعتين او ثلاث بالنسبه لنيوزلاند وايد فيها شبه من استراليا وفي باخرة ستار كروز تطلع من استراليا توديج نيوزلاند كرحله بحريه حلوه اتذكر انا هالباخره خذتها من سنغافوره وافتريت فيها شرق اسيا

والله نيوزلاند ميزانيه يبيلها وحتى استراليا شوفي احنا كل مره نسافر فيها استراليا نختم السفره بشرق اسيا واتكلفنا من خمس الى ست الاف تدرين استراليا كانت بسنة 2004 بالمركز الخامس من حيث الغلاء الحين بالمركز الثاني تصوري ارتفعت بسبة العرب هبوا فيها وللعلم انا وزوجي وبناتي عددنا كلنا خمس وكانت اتكلفنا هالقيمه اللي ذكرتها

انصحج اتسافرين امبجر يعني اخر سته او على اول سبعه لأن اتمتعبن اهناك مافي ظغط خليجيين وعرب احنا من يخلصون اليهال امتحانات على طول نمشي يعني اخلصوا اليوم باجر طايرين لان قلت لج قبل زوجي ما يحب يشوف وايد عرب يقول ماغيرنا جذي لان الخليجيين يبدون يروحون من 24 -7-هذي تواريخهم لي اخر 8 ما ادري انتوا شيناسبكم

بالنسبه لسفر القروبات يقول زوجي اذا اهي تتحمل الناس خل تروح اوفر لها بس احنا مانروح قروبات لان يقول ماتدرين شنو يطلعون الناس اللي وياج ترا والله مع احترامي للبعض هيلق وفنا بعينا هالشيفهذا السبب الرئيسي اللي يمنعنا بس اذا حابه اتروحين اجروبات عشان اوفر روحي الله يوفقج


لا ما اذيتيني سئلي على كيفج

 

[fat]

يا بعد عمري خجلتيني

 

[أمانيQ8]

اخذي راااااااااااااااااااااااااااااااااااااحتج لا خجل ولابطيخ حتى رقمي عندج عالخاص