ميزانيه لدبي

[كويتيه وافتخر]

لو سمحتوا خواتي

ابي اسافر دبي مع زوجي وولدي

والسفره كلها على حسابي لان زوجي مايدري

جم التذاكر وجم اجهز ميزانيه ابي اسبوع الى عشره ايام بس

ولدي عمره ثلاث ما اتوقع ياخذون عليه تذكره بالغ مو ؟؟

ابيكم تفيدوني بليز وين احجز وارتب السفره مع مكتب والا احجز الفندق من هناك

اشرايكم ؟؟

 

[Venice]

ممممم اختي دبي غالية من ناحية التسوق حطي هالشي في بالج

الفندق حجزي من هني اضمن وانصحج في جراند حياة عجيييييييييييييب
وعائلي

وقريب حق السوق والمجمعات

واذا تبين غالي ويسوى عندج مينا السلام

اختي دقي على السفريات واهما يعطونج التفاصيل

واذا تبين اسامي مجمعات واماكن تونس مستعدة افيدج انا دبي ديرتي الثانية:eh_s(7):

 

[Venice]

اختي اذا بتقعدين 10 ايام ليش ماتاخذون شقة هناك ؟ اوفر من الفندق

والحجز من السفريات بعد

 

[فديت تراب الكويت]

احجزاا عند مكتب طيران الأماراتيه يسوون خصم اذا التذكره والفندق منهم حلوه عروضهم ... جربيها ....​

 

[supermarket]

ميزانية دبي حالها حال ميزانية اي دولة اوروبية

يعني توقعي 10 ايام سكن جريب الالف شي عادي هناك


بالسلامة

 

[New Mum]

دبي صايره نار بس اتينن ...
و كمبسكي وايد حلو إذا معاج ياهل متى ما استعسر صعدتي فيه اهو في الايمرتس مول ايد مول عندهم

 

[طال السكوت]

و كمبسكي وايد حلو إذا معاج ياهل متى ما استعسر صعدتي فيه اهو في الايمرتس مول ايد مول عندهم





عربي بليزززززززززز عربي
والله ما فهمت شنو مكتوب:d :d

 

[طال السكوت]

 

[سبائك]

أخييييييييييه يادبي يا حلاتها

والله شوفي حبيبتي فكري بعد بالسياره هناك

ترى اذا بتاجرون سياره حق روحاتكم ويياتكم غالي نار

واذا بتركبون تكاسي هم غالي

احنا لما رحنا دبي قبل سنتين بالشتا نفس هالحزه رحنالها بسيارتنا

وايد اريح لنا وحق ميزانيتنا بعد

وماغير انا فارشه الخريطه بحضني وادلي ابو الشباب وكله غلطانين بالشوارع​

 

[جكورة]

أنا مسافرتها العام نفس الوقت..التذكرة على الإماراتيه ب105 والسكن بفندق تاج بالاس( 5 نجوم) الليله ب80 وولدج أعتقد تذكرة كامله مو نفس الطفل لأنه تعدى السنتين..والتكاسي مو غاليه حيـل بس لو تأجرون سيارة أوفر..وباقي المصاريف على حسب المشترى وعلى فكرة دبي صايرة غاليه حيل حيل بس تستاهل تونس وعجيبـه بالهحزه..ولو تبين أي سؤال أنا حاضرة.

 

[جكورة]

و كمبسكي وايد حلو إذا معاج ياهل متى ما استعسر صعدتي فيه اهو في الايمرتس مول ايد مول عندهم





عربي بليزززززززززز عربي
والله ما فهمت شنو مكتوب:d :d

الايمرتس موول.. هذا( مجمع الإمارات )فيه ألعاب وحاطين فيه مثل مجمع ثلوج وأعتقد سينما..

 

[~~أم جــســوم ~~]

دبي الحين وايد حلوه والجو حلو بعد ،، وانا في شهر 11 الي طاف سافرت مع عيالي وكانت زحمه بشكل مو طبيعي ،، واكثر شي تعبت منه التاكسي
ما تحصلين الى بالغصب ،،
نصيحتي لج اجري سياره واذا ما تدلين شي لا تقولين في خريطه لان الزحمه اتخليج تملين وانتي قاعده بالسياره وتضيعون الطريق ،،
الي سويته انا اجرت سياره مع السايق والله ارتحت ولا وقفت الشارع بالساعه
يكون السايق معاكم باليوم لمده 10 ساعات تقريبا وبسعر حلو
واي سؤال انا حاضره،،،، ​

 

[supermarket]

ريم من وين اجرتي السيارة بالسايق؟

 

[^^ ريان^^]

انا رحت الامارات من سنتين وما افكر اروح لها مرة ثانية ابدددددددددددددددد

اولا عشان :ماحسيتها تفرق عن الكويت كللششش
ثانيا :غالية حيييييييييييييييييييييييييييييييييييل بشكل مبالغ فية

ثالثا: كان توقيتي لها غلط يعني بنهاية 8اول تسعة مت من الحر والرطوبة

رابعا: قدنا اهناك خمس ايام دفعنا ألف دينااااااااااااااااااار لو زايدة عليهم شوي رايحة ديرة باردة ابرك

 

[~~أم جــســوم ~~]

ريم من وين اجرتي السيارة بالسايق؟

حبيبتي من مكتب تاجير السيارات اذا كنتي تبين سياره مع السايق 200 درهم باليوم واذا سياره بدون سايق 130 وتعاملهم وايد حلو

 

[mooomooo]

الله يسلمج كنا بالعاطلة اللي طافت بدبي

وبصراحه السكن والتذاكر كانوا الف
وقطينا عالمصرف الف بعد بس هذا لاني ماسكه ايدي هخخخخخخخخخخخخ


قعدنا 10 ايام

وصج تكاسيهم الله لا يراويج من الزحمة ماتحصلين تاكسي واجرنا سياره دخنا

عشان نرد فندقنا لازم ناخذه فره ساعتين عشان نوصل لوووووووووووووول

والله ذكرتيني بايامن مضت

 

[New Mum]

انا اقولكم انا فندق كمبنسمي اللي في مول الإمارات وايد حلو و مريح خصوصا اللي يسافرون ويا عيالهم ..
و شكرا

 

[%%^^ريـــنــبـــوووو^^%%]

دبي حلوه
بس نار
وانا قعدت فيها اربع ايام قطيت الف وشويه
بس انا وزوجي
وبخاطري اروح هالعطله بس اشوف الميزانيه يبيلها اقل شي الف دينار

 

[كويت الخير]

دبى وايد حلوه صج غاليه مجمعاتها ومطاعمها

بس الاسواق الشعبيه اسعارها حليوه مثل سوق مرشد وسوق نايف

بس حق الترفيه روعه عندك سكى دبى (( مدينه الثلج )) بالامارات مول

كنك بالاسكيمو وعندك الباص العجيب يمشى بالشارع نص ساعه

وبعدين يدش البحر ويصير سفينه شى شى !!!

هذا غير التلفريك وسوق البهارات الشعبى ومجمعاتها المرتبه

وانشالله رحله موفقه انشالله يارب

 

[دمعة فرح]

دبي حلووه بالبرد والله انصحكم فيها

اما بالصيف مول موشي لان الطلعه ما تقدرين تطلعين حر موووت

اما البرد وااايد حلوووو

وانا انصح الي يروحون ما ياخذوون فنادق ويقطوون فلووسهم ع الفنادق الغاليه خذي لج شقه حلووه مريحه وتكفيكم


مرحبابكم بديرتكم الثانيه