ميزانيه تايلند

[kuwaitiya_84]

مساء الخير حبيباتي كويتيات
عندي استفسار بلييييز تفيدوني :
1- شنو احسن طيران حق تايلند حتي لو ترانزيت ساعه ، وشلون احجزه ؟
2- شنو فندق حلو بوكيت وشرايك في بوتينق بيتش وفندق في بانكوك ؟
3- عدد ايام الرحله 12 يوم جم يوم اخليهم بوكيت وجم يوم تايلند ؟
4- معاي عيالي بنتي تسع سنوات ولدي خمس سنوات شنو في بوكيت غير جزيرة جيمس بوند والبقيات والفيله وبانكوك الاكواريوم والفانتاسي وورلد ؟
4- وعالمصرف شكثر يكفيني لانه مابي اخلي شي بخاطر عيالي غير التذاكر والسكن تهقون 1500 كافي ؟

ادري ماصار استفسار ههههههههه صار تحقيق بس ياريييت تفيدوني بالتفصيل والاسوقه لاتحاتون من المواضيع والصور سجلت كل شي

 

[kuwaitiya_84]

سوري مو فانتاسي وورلد دريم وورلد بليييز ناطرتكم

 

[kuwaitiya_84]

شدعوه عليكم ٤٩ وحده تدش تشوف ولا تفيدنا وينهم خبيرات تايلند ماتوقعتكم جذي

 

[قانونية]

هلا حبيبتي

عندج فندق ميلينيوم حلو وموقعه ممتاز في بوكت
من رايي خلي ٦ ايام في بوكت والباقي بانكوك
وفي ب بوكت فندق في حمام سباحه تقدرين تتسبحين فيه انتي وعيالج وهو خاص اذا تبين اعطيج اسمه
وبانكوك في فنادق وايد
اذا تبين عطيني ميزانيتج واشوفلج كل شي
وافضل طيران القطريه وترانزيتها ساعه ونص تقريبا

 

[قانونية]

الرحلات في بوكت
في مصنع المجوهرات ومصنع العسل ومصنع الكازو
وفي رحله بي بي ايلاند
ورحله جزيره كورال
وفي جوله حول بوكت
وفي عرض الفانتسي
وفي حديقه الحيوان
اشيا وايد

 

[kuwaitiya_84]

تسلمين حبيبتي ميزانيه السوق والمطاعم والرحلات ١٥٠٠ مو من ضمنهم التذاكر والسكن والفيزا تطول ولا لا وفي الطلب مكتوب الفندق وجذي هل ظروري اذكره لهم ولا مايحتاج وتسلمين حبيبتي ماقصرتي

 

[kuwaitiya_84]

الفنادق موشرط يكون خمس نجوووم ولا يكووون حده مولي ههههه يكون يكون حلوو وعائلي وغرفه وحده مع عيالي صعبه اخليهم بروح والتذاكر علي قولج القطريه بس قالولي فيها شغله يفتحون الجناط صج ولا بس كلام

 

[قانونية]

لاااااا من عمري اروح معاهم ماصارت معاي

وتايلاند مافيها فيزا ياقلبي

قوليلي جم شخص واي تاريخ تبين واشوفلج من عيوني

 

[قانونية]

لقيت لج فيلا ب حمام سباحه وغرفتين مع ريوقهم ب ٢٨١ دينار
ولقيت فندق ب شاطي الباتونغ بيش ب ١٢٥ دينار مع الريوق
غرفتين نوم وحمامين وانتي بكرامه

 

[نياره]

اب اب