ميزانيتي ما تساعد ومضطره اسوي استقبال!!

[Stillness]

السلام عليكم ..
حبيت اخذ ارائكم بموضوعي , ميزانيتي ما تساعد اسوي استقبال!! ودكتورتي من بره المستشفى!!
وانا بجريه هذا اول حمال لي , اعتقد ضروري اسوي استقبال وهالشي بصراحه مضيق خلقي !!

بليز اهل الخبره يفيدوني شلون اقدر اقلل التكاليف وبنفس الوقت يكون استقبال ذرب وحلو ناويه يكون استقبالي يوم واحد صبح وعصر وبتعذر عن الاستقبال بالبيت!

 

[اخت خالتهم]

عادي بس طلبي حلو وفطاير
ماله داعي الخبه الاستقبال يكون عااادي مو لازم ورد و صحون معينه

 

[ديانا سبنسر]

اب اب

 

[أم يوسف وأمونة]

اختي انا بعد اضطريت اسوي بالمستشفي لانً ما اقدر استقبل احد بالبيت وعيالي وحوسه
ظروفي ماتسمح ابد

اختي مو لازم تحطين ورد وطقم مفارش ومثلن عندج توزيعات غاليه
يعني خلي افكارج بسيطه
مثلن الفطاير صحن والحلو صحن مع قهوه وشاي
العصاير اقدرين تسنغنين عنها
لان عتدج قهوه وجاي
الماي القواطي العمليه البسيطه الصغيره

اما قصدي عن التوزيعات تقدرين تاخذين ًصيتيه كاوكاو منً ريبيل او عندج محل اسمه ديزيزت دايموند شغلهم راقي وذرب ورخيص سعره جدا مناسب للكل
علب فيها قطع كاوكاو

ونييي حق الكفر تروحين تروفاليو او مثلابيروت سنتر في من٢٠ لي فوق بسيط وامريكي واسباني وفي صيني
وشغلات ناعمه وعمليه

اختي المقصد اذا انتي ما تقدرين
لا تضغطين ع روحج
ولا حتا تسوين شغلات مالها معنا

يعني سكر النقديم مو ضروري
ورد الطاولا مو ضروري
بالون عند الباب مو شرط
حلو قهوه من مكان بسيط وسعره معقول
يعني اقل محل الكيلو ١٠ مافي حلو واقل
فطاير وموالح سعر محل مندرين حيل مناسب حيل اناخذت ٨ درازن ١٦ دينار
وايد زين وطعمهم ينوكل ومقبول

العصير مو شرط طبيعي تقدرين توفرين مثلا المسافي او نادك وصدقيني طعهمهم حلو واااااااايد ومحد بيقول والله ما شربنها عصير طبيعي لان العصير الطبيغي بيطلع مكلف وايد

اطقم الاستكانات والمطاره والقهوه تحصلينها بالسعر اللي تبينها من بيروت سيتي وتشكيله كبيرررررره وايد

اختي هذا اللي يحضرني حاليا ًواتمني تقومين بالسلامه واذعيلي بعد الله يقومني بالسلامه ويسهل علي وعليج
وع الجميل ويرزق كل وحده محرومه قولو امين

 

[Toffeeya]

انا من رايي ما تسوين استقبال بالمستشفى و تسوينه في البيت عقب طلعتج من الاربعين .. عل الاقل توفرين قيمة الكفر الي بتحطينه بشي و شويات والحين الكفرات اقل شي على 200و 300 و هم بتسوين توزيعات و بتحطين ورد حق الغرفه و بتأجرين الخدمه من المستشفى و بتفتحين على نفسج باب ما ينصك .. بس اذا سويتيه بالبيت بتكتفين بالحلو و المعجنات و المشروبات واذا بتحطين خدمه عندج خيارات و اسعار مختلفه
و موفقه ان شاء الله

 

[ابدا يالغالي مانساك]

عادي مو الا استقبال وتعالوا شوفوا انا شعندي
اهم شي تقوومي بالسلامه حبيبتي
وداام ضروووفكك ماتسمح خلاص
لتضغطي علي نفسكك

لقمتي بالسلامه طلبي لكك كم صحن حلو ذرب مو الا يككوون غالي
وطلبي لكك كم صحن موالح

 

[قَلبڪْ صًخرْ]

سوي اخر الاربعين

ونفس ماقالو الخوات
اقتصدي اذا تبين بالمستشفى

 

[*ريمي*]

عادي لاتحاتين اهم شي سلامتج انتي والبيبي
في ناس عاديً استقبال مايتكلفون كل وحده وميزانيتها
اخذي غرفه مناسبه حجمها زين واشنري كفر وحلو ومالح
وتوزيعاتج يا شي زين سعره او علبه فيها كاكاو

 

[مدّهره !]

الله يقوومج بالسلاامه ^^

إخذي أفكاار بسيطه من البناات وإن شااء الله سهالااات ...~

وخلي أحد من خوااتج يسااعدج ^^

 

[*ضيفة*]

انا مع الاخت ام يوسف وامونة قالت كل اللي ابي اقوله
اهم شي ما تضغطي على روحك لانه مهما عملتي الناس ما رح ترضي كل الناس فاهم شي اعملي اللي يناسبك وان شا ءالله بالسلامة

 

[حشمه]

تبين رايي اختي نفس حالتج بتحط حلو قهوه وعصير

الناس يايين يتحمدون لج بالسلامه مو يايين ياكلون

والكفر اشتري لج جاهز وسعره زين وشي تردين تستعملينه

وخلصنه لاتكلفين على روحج كافي مصاريف الولاده

 

[You FOR Me Only]

ماقصرو البنات

بس حطي ببالج شي الناس مابينفعونج بشي اذا كلفتي على نفسج وقطيتي فوق ميزانيتج وتوهقتي وحتى لو عندج ميزانيه افضل تنحط بحساب البيبي ابرك من الخبه

فسوي صحن حلو وصحن مالح وشاي وقهوه ومثل ماقالو الناس بتجي تتحمد لج بالسلامه وبتروح

 

[ناز ناز]

حبيبتي الله يهون عليج و يقومج بسلامة
مولازم تسوين بالمستشفى سوي عقب يعني يعقب ما ترتفعين ب 20 يوم او عقب الاربعين تكون الميزانية تعدلت و تسوين شي حلو و الي بخاطرج دام انه اول بيبي لج و ربي يتم عليج ​

 

[Stillness]

لو اقدر اسوي بالبيت جان مافكرت اسوي بالمستشفى بس لاني ماقدرا استقبل ضيوف بالببيت.. ماقصرتوا صج تو الناس ع الولاده بس بضبط اموري كثر ما اقدر وباذن الله ماراح اتكلف وراح يطلع حلو وذرب

 

[حبيبه فايز22]

ماقصرو البنات

موفقه

 

[فديت من سماني]

اذا لسى باقي او توك في بداية الحمل وفري من مصروفك او من راتبك و لا تتكلفين اهم شي تقومين بالسلامه

 

[غرام القمة]

اب اب اب

 

[ام دليار]

لا تشيلي هم الناس المهم تقومي بسلامة

 

[Stillness]

انزين بخصوص التوزيعات!! خاطري اسوي بس محتاره شنو تقترحون

 

[أم معاذ الكندري]

حبيبتي إذا كنتي موظفه أخذي من راتبك كل شهر من ١٥٠ لي ٢٠٠ وخشيهم لان ماراح اتبلشين بالتجهيز الاستقبال والبيبي إلا آخر الشهر السابع ولا بعد أغراض الاستقبال بنص الثامن أو آخره ع حسب
واقتصدي ياقلبي يعني ما تروحين اطقين لج كفر ب١٩٠ ولا ٣٠٠ وفوق تلاقين بتروفاليو يهيلون من ٢٠ وانتي صاعده ونصيحه أخذي شئ تقدرين تستخدمينه
موشرط ترا تسوين الاستقبال بغرفه ملكي يعني في الي اقل من الملكي الجونيرز ألفي أي بي ع حسب المستشفي الي راح تولدين فيها
الاستكانات والمطارات إذا عندج ملوت تجهيز عرسج مايضر ترا لان محد شايفهم وإذا شايفينهم ماعتقد أن اربع وعشرين ساعه مستخدمتهم. وعندج مجمع بيروت فيه هالسوالف والاسواق الشعبيه وعندي وحده من رفيجاتي تقول بالأسواق الجليب للأمانة أنا مارحت هناك
التوزيعات مع السكر مع اكلنكس المعطر هذا الي كلفني وطلع علي ب ٢٠٠
والحلو والفطائر للأمانة طلبتهم من محل في جمعية سعد العبد الله أنا مجربه شغله حلو وايد والصينيه فيها فوق ١٠٠ حبه ب ٨ دنانير أنا ماشريت صحون الاصحون من المحل اخترتهم وطبعا كله ع صحن صحن ماكلفت ع عمري
والعصاير والجاي أختي شالتهم مع الخدمه طبعا ب ٦٠
وريلي حاب التفافيخ اهو راح ييبهم ب ٣٠
للأمانة شريت ورد بس يم راسي صناعي طلع علي ب ٢٥
يعني شغل استقبالي ماوصل ٥٠٠
أي صج الكفر خذيته ب ٨٥ أو ٨٠ ما اذكر والله