الله يقومج بالسلامه ويسهل عليج حملج وولادتج ..
الميزانيه بالاول والاخير تعتمد عليج انتي .. محد يقدر يعطيج حروة المبلغ لان ممكن ناس استقبالها يكلف فوق 3000 وناس شغلهم بسيط
بالنسبه للملابس وتجهيز البيبي حطي بالج لو عملتي حسابج وعرفتي المحلات ومتى تنزيلاتهم ممكن تاخذين شغلات بسعر حلو وبناء على خبرتي انا ان السوق الشعبي ( مثل عيد النصار ) نفسه نفس سنتر بوينت و مذركير السعر تقريبا متقارب ماتفرق حيل معاج .. من نحية ثانيه ترى البدلات كلش كلش ماتحتاجين اكثر من 2 ممكن لطلعتج من النفاس انا بفترة النفاس ما البس بدله الياهل وينه ووين البدلات الافرول اريح له وايد
الكفر والقميص ولاده اذا انتي تبين الشغل الثقيل وسوالف مشاغل ممكن يوصل لي 300 او اقل بشي بسيط او اكثر وممكن تاخذين قمصان من ايفوري اشحلاتهم محلهم في النقره الشمالي القميص ب 35 ويترواح بهذي الحدود
الكفر على حسب ذوقج والي يعجبج فيه 50 وفيه 200 ممكن تلقين في صفاة الغانم بحدود ال 50 لي 100 واذا تبين اثقل ممكن تاخذين من دبنهامز او زارا هوم او شغل حريم واهني السعر بيفرق اكيد وهم في بمجمع الرحاب الاسعار متفاوته
انا شخصيا ما احط ميزانيه لتجهيز البيبي و شغل الاستقبال ابدي مبجر من الرابع اخذ لي كل شهر شغلات بس طبعي ما احط اوفر واستقبالي البسيط النااعم مايكلفني حييييل الحلو والموالح والعصير مايتعدى ال 200 ,,, بالنسبه لتوزيعات السوفنيرات احس صارت قديمه الحين انا ما احط
المستشفى التوئم السعر بيفرق معاج ولو لا سمح الله قيصري بعد بيفرق السعر وتتفاوت الاسعار على حسب المستشفى وقد يحتاج البيبي حضانه فالحسابه تحسب هالشغله اهي الي تحتاج ميزانيه بالنسبه لي اعملي حسابج من الحين اختاري المستشفى واخذي لستة الاسعار وباللسته في لو الولاده طبيعيه لو الدكتور من المستشفى ولو قيصري ولو تؤئم بعدين راح تتضح لج الصوره بالنسبه لسعر ** هالشغله الاهم بالنسبة لي لانها تحتاج مبلغ متوفر بوقت الولاده
الغرفه اهم شي تحتاجينه كبت وسرير كذلك يعتمد من وين تاخذينهم مثلا الضجيج لهم سعر لو نجار يعتمد الاسره اشوف سنتر بوينت اسعاره حيل ممتازه خصوصا لو خذيتهم بوقت التنزيلات بتفرق معاج اكثر لو توئم ...
تحتاجين بفترة النفاس سرير صغير لبيت اهلج غير الاسره الي في بيتج هالاسره الصغيره متوفره في سنتر بوينت او السوقه الشعبيه افضل شي انتي اخذي فكرة عن الاشكال والوان الي تعجبج والاسعار الي تتماشى مع ميزانيتج
انا اشوف بغرفة البيبي تحتاجين سجاده ادفى للغرفه ,, وبعد تحتاجين بفترة النفاس طاولة التبديل اريح لج لما تبدلين البيبي اسعارها من 20 ( خذيتها من سنتر بوينت ) وتوصل لي 100 او اكثر بالاول والاخير انتي ووضعج وميزانيتح تحددين احتياجاتج قد يكون شي اشوفه انا ضروري انتي تشوفينه ماله داعي افضل حل كل ما شفتي محل مذركير سنتر بوينت او سوق شعبي دوري فيه وركزي على شغلهم والاسعار عشان تعرفين الي تحتاجينه
بشكل مبدئي اعتقد المستشفى المفروض تحطين 2000 للولاده لتوئم عشان تكونين بالسليم
الله يسهل عليج حبوبه ويقر عينج بشوفتهم
