أحلى همبه كويتية
**مشرفة قسم مائدتك**
غدانا امس بالزوارة
بحري من قلب
كله سمك x سمك
وايد ناس اعتادت على شوي الميد
بس انا ما أحب طعمه بالمشوي يصير فيه مرورة وخصوصا للي ما يشقون البطن وينظونه
سبحان الله الناس أذواق
جربت اقليه كان الطعم خطير
مثل اي سمك مقلي نااااطع
الكمية انتي تحددينها حسب عدد العائلة
المقادير :
سمك ميد - شعوم
بهارات سمك
ملح
عصير ليمون
3 ملاعق كبيرة طحين
كركم
الطريقة :
- تشقين بطن السمكة وتطلعين الوصخ اللي فيها
- بالنسبة للشعوم تسوين نفس طريقة التنظيف وتقطعين السمكة 2- 3 قطع حسب الحجم اللي تبينه
- غسلي السمك كله واتركيه بالمشخال ينزل مايه عدل وبعدين ملحية من الداخل وضعيه في ماعون كبير ورشية عليه عصير اليمون لما يتشرب عدل ( قلبيه اكثر من مرة عشان يدخل الليمون داخل السمك )
- اخلطي البهارات والكركم والطحين شوية ملح ( لا تكثرين خصوصا اذا انتي املحته بضمير من داخل ) ورشي
داخل كل سمكة شوية عشان تتبهر عدل
وبالنسبة للهامور غطسيها بالخلطة من كل الجوانب
والزايد من خلطة البهارت رشيه على السمك وقلبيه عدل
- انا سويته الخميس العصر وتركته بالثلاجة عشان يتتبل عدل وقليناه الجمعة حق الغداء .
- اقلي السمك في دهن غزير نوعا ما وقدميه مع المشخول والأجار
- بالنسبة للصبور انا ذكرت طريقته بموضوع منصل مع العيش المشخول
هذا الرابط
http://www.q8yat.net/showthread.php?t=606414
وتفضلوا الصور ، اعذروني التصوير بالموبايل ومو واضحة وايد
الشعوم بعد التتبيله وللأسف نسيت اصور الميد بعد
الشعوم بعد القلي
والميد - مقرمش ولما تفك مش حتسك
لذييييييييييييذ
والصبور
والمشخول والأجار
والبطيخ
وللي ما يحب السمك سويت له بشاميل
هذا صحن وليدي بس ياخذ المعكرونة
وطبعا بعد السمك ماكو غير الشاي المنعنع اللي يعدل المزاااااااااااااج والدوخة بعد السمك
*
*
*
*
*
*
