ميتى بجي ومفتشلة من نفسي ومادري وين اودي ويهي

[ام عبادي 6]

ترا ماسويتي شي خطير عيرتيه باصله
يعني الى هالدرجه يستحي من اصله

 

[جوري 2007]

اللي صار صار ، لاتقولين لو لانها تفتح عمل الشيطان
كتبيله رسالة طويله عريضة قدمي فيها كل انواع الاسف والحب :hjy5jewf: واني مااقدر اعيش بدونك ومن هالكلام وحطيها بالليل بالسيارة على الكشن او على السكان عشان يشوفها
خلج ساكته بالبيت هاليومين بس قومي بواجباتج بصمت عشان يهدى الريال ويراجع نفسه
اذا حسيتيه هدى شوي وبدا يتحجى او حتى بدا يسلم ، حجزي ليلتين بفندق او شاليه ، وتجهزي من مجاميعوووا
اول ليله لاتناقشون شي بس تونسوا او حتى تتمون ساكتين بس نظرات احسن
ثاني يوم تناقشوا
حسسيه ان الكلام طالع منقلبج مع دمعتين
ولو يكون فيه هدية افضل
والله يهدي سركم

 

[ايامنا الحلوة]

يااختي تاسفي منه لين يرضي

واستغفري ميه مره بيوم

ترا كل شي الا الكرامه

وليش اتعايرنه باصله وانتي بالاصل ماخذته وتعرفين اصله من قبل

غلط كل انسان مايرضي بالاهانه

 

[رومــآ]

نعااااااااايرينه باصله

اذا اصله في شيئ اجل ليه خذيتيه يا قلبي

تعوذي من ابليس واعتذري منه و

 

[مييمو]

اول شي تصلين لربج ركعتين وتحمدينه على النعمه الي عندج
ثانيا ياقلبي الرياييل عندهم كل شي الا المعاير
الله يهداج يارب
الحين الواجب عليج تسووينة تراضينة وتسوويلكم ليله حلوة تفتحون صفحه يديده
تغيرون فيها من الاجواء الي انتو فيها
طبعا فاهمه قصدي
والاهم تحاولين تتحكمين بعصبيتج وتفرغينها باي شي ثاني
والله يهداج ويخليكم لبعض يارب

 

[DooLy88]

الريال كان بيطلقج بس الله ستر

اخذيه درس

وتعلمي تقضبين لسانج

البنت موحلوة واهي لسانها طولها << كنت جذي والحمدلله قدرت اسيطر على نفسي واكون مبردة اعصابي
احسن لي واحسن حق اللي معاي


الله يهديج

 

[الغاليه نونو]

طلعتي الريال جليل اصل وانتي اللي سويتيه شينقال عنه؟؟؟؟؟؟

شوفي يمه مابي الومج لاني حاسه باللي انتي فيه الحين بس بقول لج شغله يمكن ماحسبتي لها حساب واهيا سبب طولة لسانج

لسانج هذبيه بالتسبيح والتهليل وخليه دوووووم رطب بذكر الله تعلقي بالرحمن اللي عينه ماتنام وشوفي حياتج اشلون تصير الرياييل يصبرون علي الرفاله وعلي قلة السنع ويعطون المره فرصه وثنتين وعشرين بس لما تقللين من قيمته والله يرفس المره ويطقها بستين يمني ويمشي عنها

الحين غلطتج ماينساها ريلج الا لما تحسسينه انج انتي اقل منه بكل شي وترفعين من معنوياته وتقوليله بالفم المليان والله لوما انت علي راسي انا ما اسوا بيزه ماعليك من لساني ترا اللسان هبره وتتحرك بالحلج وان ييت للصج لوماعرفك ولد اصل وفصل ماحبيتك ياابعد قلبي ياعل ربي يطول بعمرك يالغالي ولا يحرمني منك

وصيري خوش مره وعقلي وهالله هالله بصلاتج وعاملي الريال زين علشان ربي يرضا عليج ويوفقج حبوبه/

 

[!!إنت دنيتي!!]

ما قصرتوا كلكم و الله عارفة غلطي حييييييييييييييييل و حاسة باللي انا سويته
و الله ما كان قصدي اعايره كنت ابي اقثه سبحان الله قثيت نفسي
و الله امس الحمدلله طلع ابن اصل صج رب لا يحرمني منه جنة شي ماصار من بعد ما كلمته الوالدة الله يخليها لي
و عاملني احسن معاملة و الله العظيم
و انا طول امس ما بطلت حلجي بكلمة وحدة ومن يقولي شي اقوله تامر و انشاء الله
ما خليته دقيقة بروحة حسسته اني يمه بكل شي
و الله استغفرت ربي و ربي سبحانه ما قصر معاي
و انتوا الله يخليكم لي بعد ما قصرتوا بنصايحكم
و ان شاء الله يارب يكون لي درس استفيد منه

 

[احلام روحي]

عاد يفكر بالطلاق مره وحده !!

شي غريب

ع الاقل يحقرج يخليج بيت اهلج تخيسين وتتعلمين

بس سيده طلالالالالالاق !! شنو هذا كل الحللول بالطلاق !! الله يصلحج انتي ويااه

 

[!!إنت دنيتي!!]

احلام روحي:
شيسوي من الي فيه و الله انا وحدة عصبية لي اقصى درجة الريال بلسم بس انا مو شينة لكن عصبية
بس الحمدلله هذا درس لي

 

[دنيتى زوجي M]

الله يهديكم حق بعض ويلين قلب زوجج عليج بس انتى حاولى تمسكين اعصابج شوي ترى الريال مايتحمل نفس المره

 

[!!إنت دنيتي!!]

دنيتى زوجي m :اللهم امين يارب العالمين تسلمين
و رب يسخرلج زوجج يارب

 

[tmtmt]

اذا عصبتي لا تتكلمين سكتي وروحي بروحج !
ولا كتبي الي بفلبج بورقه وبعدين شققيها ...

بعد زين منه متحمل اكيد ريال ما يرضى وحده ما تحترمه

 

[حبيبة سليمان]

انا مثلج ساعات ما امسك نفسي بسسسسسسسسسسس هذا ريلج مو رفيجتج لازم تحترمينه وتحطينه على راسج

وحافضي عليه ترى مثله وشرواه ماتلقينه بهالزمن نادر

والله يبعد عنج المشاكل ويوفقج مع ريلج

 

[حبـ admant ـك]

الله يهديج ويسخركم لبعض
اشوه ان عدت على خير
وهذي عبره لج عشان ماتعصبين
لان العصبيه وراها بلاوي
نصيحه لا اتيبين هالموضوع جدام ريلج عشان مايتحسس منه
و سوي روحج عادي و دلعيه خليه ينسى الموضوع

 

[meen_ana]

خلي درس وحاولي اذا كنتى معصبه ماتكلمين ريلج الا لمن تهدي وفكري عدل قبل لا تقولين الكلام الان الريال الزم ماعنده كرامته

 

[هواجيس الفجر]

عسى الله يخليكم لبعض ولا يفرقكم

وانشالله بقدرة قااااادر ينسى الي صار و تفتحوون صفحة جديدة

 

[om-Jana]

حبيبتي كافي انج عرفتي غلطج
وخلي الايام تثبتله انج انتي شاريته وتحترمينه اشتغلي على روحج عدل اثبتيله هالشي ولا تملين لان مع الايام بيحس مو بنفس الوقت
وسوي كنترول على نفسج

الله يهنيكم يارب ويبعد عنكم المشاكل

 

[خاتم ذهب]

ديري بالج غيري من نفسج وبدي الكلمه الحلوه يعني اذا انت زوجته اللي يحبها ماتحترمه وتقوله الكلمه الحلوه منو اللي يقوله

 

[@ العذبية @]

الحمدالله ان الامور زانت بينكم

بس حاولي قد ما تقدرين انج لما تحسين خلاص لسانج بيفلت منج حاولي انج تبعدين عن المكان اللي هو يكون فيه
ولما ترتاح اعصابج ناقشيه بهدوء عن اي شي مضايقج
وصدقيني ما في شي بالدنيا يخليج متضايقة الا اذا انتي سمحتي لنفسج بالضيق

هوني الامور وحاولي تنسين ريلج عن اللي صار ولا تذكرينه بشي يجرحه
حاولي تطليعين تغيرين جو .... واذا كانت اعصابج تعبانه روحي سوي مساج ريلاكس يمكن ترتاحين بعدها وتروح كل الهموم

الله يتمم عليكم انشالله

ويهديكم لبعض يا قلبي