ميتى بجي ومفتشلة من نفسي ومادري وين اودي ويهي

[!!إنت دنيتي!!]

تختوخه بس قشطه: كل الي قلتيه يا قلبي سويته الا المطعم و بشوف شغل حلوة اعزمه عليها ان شاء الله
يارضاها وقف وناظر شوي: اي و الله كلامج درر تسلمين
al-musk: طولة لساني مايبيلها مرشد اسري يبيلها شوية عقل وثقل مني و احترام و اتعوذ من ابليس يا الغالية

 

[روحي زوجي]

حبيبتي شكل الريال طابت نفسه منج

بس مبين انه للحين يحبج لانه ضغط على نفسه وسامحج صدقيني هالنوعيه يبيلهم احترام وتقدير وتخلينه يادهينه لا تنكتين علشان ماتتحسفين باجر لانه اي غلط تالي صدقيني ماراح يغفرلج فيه وانتبهي لنفسج علشان ماتاخذه وحده ثانيه ويدلعها وانتي تاكلين حسره عقبها

اكلمج مثل اختي بس صج صج ديري بالج عليه وتاسفي منه واطلبي السماح حتى لو تذلين نفسج له تراج عقبها انتي الربحانه والله يهدي سركم ويصلح مابينكم يارب

 

[احلى سماء]

والله يا ليت زوجي يحبني ويعزني
الحين هو ما>يني وانا ساكته ولو بعايره شكثر فيه معيارات ما تخلص
بس انا لاني متربيه عدل ساكته
ولان امي علمتني عيب اطول صوتي على احد وعلى زوجي خصوصا
ومو متعوده على طولت اللسان
ه>ي العوبه واللي لسانها طويل
هي اللي يحترمها زوجها
بس الانسان ترا له طاقه
روحي جيبيله هديه
اكشخي سوي له عشا مفاجئة
ودزي رسايل شعر
وغيري من نفسج

 

[تنايفـ]

حبيبتي لاتدورين حلول بالمنتدى .. الحل لازم يكون من داخلج (انتي)
شنو الحل الي ممكن تلقينه هني؟ ولاشي .. انا موقاعده الومج بالعكس
الي ابي اوصله لج انه الي فيج لازم يتغير من نفسج وبنية صادقة منج .. حرام زوجج مايستاهل كل هذا منج .. وامس كانت لحظة الانفجار وحمدي ربج انه امج كلمته .. اعتبري هالشغلة (قرصة) لانه لو عدتيها مرة ثانية موضوعج ماراح يترقع
والله مابي اخرعج بس هذا الي باين من كلامج
غيري نفسج ومن نفسج وبنية صادقة انج تتحكمين بلسانج .. اوكي كلنا نعصب بس مسكي لسانج قبل لا ينطق بأي كلمة ممكن تهدم بيتج (عشانج وعشان حياتج مع زوجج الي يستاهل منج كل خير)
اذا تنرفزتي عدي من الواحد لي الـ 10 قبل لاتنطقين اي كلمه .. واستغفري وايد وقت الغضب وحطي هالشغلة في بالج
" بالتفاهم كل شي ينحل "
وان شاء الله بعون الله المياه ترجع لمجاريها بينج وبين ريلج .. لاتخافين اهوا متضايق الحين بس نطري عليه شوي راح يهدا ويرجعلج
والله يوفقج حببتي
​

 

[احلى سماء]

والله يا ليت زوجي يحبني ويعزني
الحين هو ما>يني وانا ساكته ولو بعايره شكثر فيه معيارات ما تخلص
بس انا لاني متربيه عدل ساكته
ولان امي علمتني عيب اطول صوتي على احد وعلى زوجي خصوصا
ومو متعوده على طولت اللسان
ه>ي العوبه واللي لسانها طويل
هي اللي يحترمها زوجها
بس الانسان ترا له طاقه
روحي جيبيله هديه
اكشخي سوي له عشا مفاجئة
ودزي رسايل شعر
وغيري من نفسج:edbf4317b9:

 

[بتبوتااا]

حياتي اذا صارت بينكم نقاش حاد استغفري الله وتعوذي من ابليس ولا تردين عليه ولا شي سكتي عشان لا يكبر الموضوع ..
كل مره سوي جذي وبتلاقينه اهو لي يعتذر وبتصير حياتكم هدوء اكثر والله يعينج ويهديكم حياتي ..

 

[Un-6be3iya]

امبيه انا بجيت وانا اقرا
< حدي فلم لوول

يالله المهم انها عدت على خير ديري بالج تعيدينها والله وين تلقين واحد مثل ريلج لو واحد ثاني جان اقل ما فيها مد ايده عليج يوم غلطتي عليه



الله يخليكم لبعض يآآرب

 

[مجنونة بس عاقلة]

الله يعينك ويهديك ويصلحك

 

[جوري الزبير]

حبيبتي عورررررررتي قلبي والله 00بعد عمري حاول تغيرين من العصبيه وطولة اللسان ادري انج مو قاصده هالشي والدليل تمسكج فيه وخوفج على زوجج 00 وماشاء الله الوالده واخوج فيهم كل الخير عرفو يحتوون المشكله 00وانتي من هالبيت هذا يعني بنت حلال وطيبه 00
كل ما يصير موقف تحسين انج بتتعصبين وله الشيطان ابتدى يوسوس لج بمشكله استغفري الله وااااااااااااااايد 00 يعني حتى وان كان يصارخ على راسج 00 انتي استغفري بقلبج وكانج بعالم ثاني 00 صدقيني عن تجربه ياكثر مشاكلي انا مع زوجي ولله الحمد وايد امور تغيرة بالاستغفار والدعاء00 عسى ربي يوفقج ويغرسج في قلب زوجج غرس يارب ويبعد عنكم كل شر

 

[Donot Leave Me]

اختي الله يهداج ترى الحب اساسه الاحترام

لا تهدمين بيتج بلحظه غضب

هدي و اذكري ربج و مهما صااااااااار مهما تهاوشتو و شديتو بالحجي لا تغلطين عليه ما يصير

انتي اللي لازم تحافظين على كرامه زوجج مو احد ثاني مو انتي اللي تغلطين عليه

هالمره الحمدلله رب العالمين عدت على خير بس مره ثانيه الله لا يقولها بيصير شي تندمين عليه طول عمرج

احترمي زوجج دام انه زين معاج و يحبج لا تخسرينه و انتي اللي راح تندمين بالاخر

اخذي نفس تعوذي من ابليس و طلعي من المكان اللي تناجرتو فيه

كشخي و ضبطيه خل ينسى الزعل و راضيه بطريقتج بشنو اهو يحب

و الله يوفقج يا رب و يسهل امورج ..

 

[روحي زوجي]

حبيبتي شكل الريال طابت نفسه منج

بس مبين انه للحين يحبج لانه ضغط على نفسه وسامحج صدقيني هالنوعيه يبيلهم احترام وتقدير وتخلينه يادهينه لا تنكتين علشان ماتتحسفين باجر لانه اي غلط تالي صدقيني ماراح يغفرلج فيه وانتبهي لنفسج علشان ماتاخذه وحده ثانيه ويدلعها وانتي تاكلين حسره عقبها

اكلمج مثل اختي بس صج صج ديري بالج عليه وتاسفي منه واطلبي السماح حتى لو تذلين نفسج له تراج عقبها انتي الربحانه والله يهدي سركم ويصلح مابينكم يارب

 

[ريتااجي]

حاسة فيج لإني مثلج لساني متبري مني بالذات لما أعصب

بس حاولي قد ماتقدري انج تمسكين نفسج وتمسكين أعصابج

ترى موكل مرة تسلم الجرة وربي يهديج ويخليكم لبعض ولايحرمج منه

 

[SOKAR MALE7♥]

نصيحة قلبي روحي استشاري اسري ومعالج متخصص يحل مشكلة لسانج..ودايم تصدقي بنية ربي يبعد هالبلاء عنج ويبرد جبد زوجج ويرضيه عليج ماتخيلين شكثر مفعول الصدقة عجيب وفوري...

عين العقل واذا ماتبين دوري بقوقل عن علاج العصبية يعني مثلا اذا عصبتي عدي للعشرة >>> صرت استشارية نفسية

وترا الريال مايحب المرا اللي تجرحه حاولي تدزيله مسجات حب ورومانسية واشعار وسائط حلوة كل ساعتين بس خليها قوية وحلوة والله يهديج ويهديه لج

 

[جِراحُ الغَرام]

حبيبتي
ان الانسان يغير من نفسه شي سهل اذا كان يملك اراده لهذا التغيير
انت اخذي قرار على نفسج انج تمسكين روحج .. وما تعصبين بسهوله لأنج انت اللي راح تتعبين
اعطيج مثال بسيط .. انا من النوع الفضولي جدا .. ةكل اهلي يعرفون هالشي ... وممكن يستغلون هالشي ضدي ..
بيوم اخذت على نفسي قرار اني اغير طبعي ... وقمت اي سالفه اسمعها اطنش ما ادقق فيها ..ز الى ان تغير طبعي
لدرجة ان وحده من اهلي فضوليه اكثر مني سألتني عن سالفه قلت لها مادري ... قالت ماعندج فضول تعرفين ... قلت لها لا .. والله طول اليوم هي تحترق تبي تعرف السالفه وانا ما همني ...
والحين مر على هالكلام فوق العشر سنوات ... مرتااااااحه من هالشي .. بس طبعا فضوليه على الخفيف بس مع زوجي ...
انت اخذي القرار انج بتتغيرين ... وربي يقويج ... مسكي روحج ... اذا عصبتي سمعي كلامه الى النهايه ... بعدها اخذي نفس عميق وعدي الى العشره ... طلعي لج هوايه او شي تستغلين طاقتج ... وتطلعين حرتج ... انا مو عصبيه بس محد يقرب مني لا عصبت ... بركان هااااايج وما اعرف زوجي وممكن بسهوله اغلط عليه ... تدرين شنو اسوي ؟
اقوم اخم البيت وامسح واغسل واعدل .. واكوي الملابس ... لدرجة ان زوجي يضحك علي ... قام يعرف اني معصبه اذا شافني شاده حيلي بالتنظيف .. ويقول ليتج ارعه وعشرين ساعه معصبه ...
وعموما انت هالفتره لا تضغطين عليه .. ويفضل تاخذون لكم سفره تغيرون جو .. او تروحون فندق .. وشوفي شنو يحب سوي له
وربي يقويج ويوفقج :yaaaaaarb:

 

[روحي تحبه غصب]

الله يهديج ويصلحج ويسخرلج هالريال
وحاولي تسيطرين على نفسج

 

[كويتيه مذهله 87]

الله يهديج بس
خليه هذا درس لج
قصتج مشابهه لقصه رفيجتي معاي بالدوام تقول نسى بس تحس ان الحب الي بقلبه خف عن قبل

لا تلوومينه مع الزمن يتغير

لاتلومينه اوكي وان شالله مايتغير عليج بس من خلال الي ذكرتيه ان انجرح حيييييييل
بس انتي وشطارتج نسيه وعوضيه عن كل شي
ومره ثانيه ركزي علي الكلمه الي تسم البدن قبل لا تقطينهاااا

بكل الحالات صار بينج وبينه كلام شاد ماتغلطين عليه

أولا : هذا ريلج
ثانيا : أكبر منج

ولازم يكون بينكم أحترام متبادل علشان هو يحترمج
ومبين ان انصدم من كلامج
حاولي تتغيرين حبيبتي مو علشانه علشانج انتي وعلشان مستقبلج علي الاقل

 

[ام ساره 4]

ديري بالج مره ثانيه ومو كل مره تسلم الجره والله لو واحد ثاني جان من زمان قاطج بيت أهلج قولي الحمدلله إن الله معطيج زوج يحبج ومتفاهم ومو مقصر عليج بشي بعد إشتبين أكثر من جذيه والأصل مو كل شي أهم الأخلاق تعوذي من إبليس وقومي توضي وصليلج ركعتين وادعي ربج إن يبعد عنج العصبيه وطولة اللسان واستغفري ربج علطول وكلما صار بينكم مناوشات حاولي تسكتين واستغفري طول الوقت ولا تقعدين جدامه حاولي لغاية ماتهدين وبعدين بعد مايهدى رجعيله مره ثانيه وبوسيه على راسه وطيبي خاطره بكلمتين والله يخليكم لبعض وعسى الله لا يفرقكم إن شاء الله

 

[miss-loonly]

بما انج عارفة نفسج غلطانه هذا بحد ذاته حل
لا تحاتين وكل شي يتصلح بس اثبتي له انج ندمانه
وتقبلي مروري

 

[tolay]

حرام عليج كل شي ولا تعايرينه بأصله

ترضين احد يعايرج بشي

اللي صارلج درس لج عشان تتعلمين وماتجرحين زوجج

بنات ازواجهم طق واهانات وساكتين

يعني استغلي طيب زوجج بشي زين

 

[++MesK++]

؛
؛

ما ينلام والله

كل شي ولا الاصل ياقلبي

تعايرينه بأصله !!!

لو واحد ثاني جان مد ايده عليج و خلا اللي ما يشتري يتفرج

مو كافي توه راد من رحلة علاج ! بدال لا تساندينه بمحنته تسوين جذي!

ادري كلامي قاسي بس هذا الصج و انا ماحب اجامل

و مافي شي اسمه انا عصبيه و ما اثمن كلامي

لما تعصبين حبسي نفسج بالغرفه لمن تهدين و تعقلين بعدين تكلمي بهدوء

؛
؛