ميته قهر .. كرهت بيروت ... تعالووو طمنوني ..

[dectora 7elwa]

الحين شاورج وراح
شفايده الزعل
استقبليه بفرح
لاتغثين عمرج اللي صار صار
اذا زعلتي الحين المره اليايه ماراح يعبرج
لكن مره ثانيه لا ماكو
وقوليله المره اللي طافت خبرتني عقب ما حجزت وما بغيت اكسر خاطرك وانزل كلمتك جدام رفيجك
لانك غالي عندي \
لكن مره ثانيه لا مافي
بس هالكلام مو اول مايرد
لا بعدها بيوم او يومين

 

[جيكره(و)تتغلى25]

مايمديه يتزوج

وبيروت ونااسه يمكن استانس عالجو والقهاوي وطبعا البنات بس مو شرط يتزوج او يخربط


قدييييمه شخباري رفيجي عازمني وانت ماتستحي كل مره تتقبل هالعزيمه الكبيره المره الجايه بيقولج برد عزيمه رفيجي وهو بيسافر

 

[أحبك أمي]

الرجل ماله امان
والله يعينك ويعينا عليهم

 

[دنيا أبوها]

الله يصلح ما بينكم و يسخره لج و يبعد عنه الحرام و أهله .....
استودعيه الله و ربج بيحفظه و يحفظ قلبه و يرده لج سالم غانم ....

 

[الرحيل افضل]

الحين اهو يقولج خليني اسافر الحين بستانس؟ شقصده؟
الله يستر مابي اخرعج بس لبنان بالله شفيها؟ كاهو الطايف روعة ليش مايروح ؟لبنان مافيها الا دسكو ومراقص وبنات خبري خبرج والا واحد رايح مع رفيجه بالويكند شيسوي؟ يتفسج بالطبيعة مثلا؟
الله يعينج​

 

[غنـــــج]

انا زوجي سافر تايلند وانا مو راضيه من راح وانا بس قاعده وابجي

بعدها راح للسعوديه
وكشخت له وطلبت عشا لما رد وقال وناسه كل يوم بسافر
قلت لا حبيبي ديره عن ديره تختلف

رد بعد فتره وراح لتايلند مره ثانيه

ما بجيت ولا شي بالعكس لما يدق اسولف معاه عادي

بس لما رد


ما شاف وحده مشتاقه ركبت معاه السياره هاديه واهوا يلتفت كل شوي يطالعني ويسولف
تعرفين اللي منصدم مني

وانا بس ابتسم ولا جنه سافر ورد

وبالبيت نفس الشي لما وصلنا
عااااااادي كنت

سولفنا مع خواته وضحكنا
لما دخلنا قالي شفيج مو مشتاقة لي ما جني مسافر

قلت امبلا مشتاقة لك

رحت لبست نفس النفنوف الناعم الطويييييل المستور بس حلو
يعني ما كشخت ونطرته وطلبت له عشا

لا عادي

لاني ببين له اني مو راضيه عالاقل
لان لو بمنعه ما راح يسمعني بالعكس اخلي نفسي عزيزة نفسسسس مو اقوله لا تروح ويطنشني

قطيعه اكره هالدول لما يروح مع ربعه حتى لو واثقه فيه اكرههم

 

[غنـــــج]

بعدين لا يستغفلج ديري بالج

وسالفة رفيجي عازمني بيني له انج مو مقتنعه من هالسالفه

واذا بغى يسافر مو حزة الحزه يقول

انا هذا اللي يبط جبدي لاني جرررربته
اليوم يقول باجر الصبح طيارتي

تهاوشنا هوشه

بس شفادني هزئني

اه ذكرتيني

 

[HaYoOoMa]

المرره الثاانيه

خلج حاازمه معاااااااااااه

 

[DooLy88]

سواها مرة وسافر مع ربعه
وسكتتي
ورجع ويبي يعيدها

مابي احد يقول لي خلوه يرفه عن نفسه وليش صاكين عليه
يقدر يستانس بكذا طريقة



ماحب وما اايد سفر الريال مع ربعه

 

[شيري ديور]

لاتحاتين ً ً ًاستغفري الله وايدً ً ًوشوفي المعجزات

 

[اختكم بالله]

الله يعينج

 

[ورده الكرستال]

احسني الظن حبيبتي


الله يرجعه لج بسلامه

 

[ذكرى الايام]

يعني لي قلتي لا ولا لي زعلتي وحرقتي دمج ماراح يروح!!

بيروح استودعيه الله وان شاء الله مافي الا العافيه والله رحت بيروت
ماشفت بناتهم حلوين تخافين من شنو لا تعورين قلبج استودعيه الله
وبيني له انج راضيه من ورى قلبج بس عشان اهو بخاطره وانه عطى الرجال كلمه
وترى الي يبي الخرابيط موجوده عندنا شالله حاده على المخاسير[/QUOTE]
صاجه والله :rerrerek::rerrerek::rerrerek:

 

[ام كوشه منكووشه]

راح .؟........ الله يحفظه .
شوفي هو راح يدور وناسه اكيد فاقدها بالكويت ... غيري جوه لي رد بالسلامه ...
لا تنكدين على نفسج صدقيني مو كل اللي يسافرون يدورون الوناسه يكون خاين ... او متزوج يبين عليه اصلا ...
لي رد بالسلامه ان شالله سئليه وين راح ووين الوناسه هناك و.. و...
اصلا لبنان كلها وناسه وخاصه اذا الواحد اول مره يروح لها بيحس بطعم وناسه غير جو وطبيعه ويوم مشغول بطوله وعرضه
وبعدين باقولج معلومه اي ديره تروحين لها اول مره واستانستي فيها يوم واحد راح تشتاقين لها مره ثانيه والمره الثانيه اذا رحتي بتملين منها بسرعه وخاصه الدول العربيه .......................
لا تخافين ولا تحاتين بس يرد بتعرفين وانت بتحسين اصلا فيه .......
بس انت غيري له الجو كلللللللللللله ...........

كلامهاا عجبني :eh_s(15)::eh_s(15):
وصااجه مو كل واحد ستفر معناته بيخون او بيخربط
بعدي عنج هالافكار وبالعكس خليها كانها فتره تجديد لكم وهالفتره دلعي نفسج اكثر روحي سوي مساج -تسوقي- طلع مع خواتج وجذي

 

[PuPa^^SWeeT]

الله يعييينج


بس قولي رووح بس انا مو راضية عليك


وبس

 

[hend6363]

حراام عليكي ا اختي والله مو زين الك زوجك باين عليه مسكين رايح يستانس خليي املك بالله كبير يا ربي الحين الي يسافر راح يخربط استغفر الله العظيم

 

[نشيج الروح]

المهم بيني له أن هالشي غلط مو كل ما يطق براس الواحد يروح ... لازم يستشير ويستأذن ...

 

[pusy cat]

استودعيه الله وقوليله استودعتك الله دينك واماناتك وخواتيم اعمالك

وبس لا تحاتين ولا توسوسين

 

[$ النيره $]

حبيبتي احسني الظن

انتي ليش خايفه؟ خايفه انه زوجك يخربط؟ مهو ياحبيبتي ازا بدو يخربط في هون بنات قد شعر راسه ، هو حكالك الجو والتمشي والسوق .

احسني الظن حبيبتي ولاتزعلي وهو مسافر بالعكس ودعيه واحكيلو تروح وترجع بالسلامه لاتنكدي على حالك ولا على زوجك صدقيني الدنيا فانيه ، عيشي حياتك وخليكي مبسوطه

شو بتسوا عليكي يروح ويرجع وانتي منكده؟ مين يلي رح يتأثر وينقهر غيرك؟ فاستهدي بالله ووسعي صدرك واحسني الظن حبيبتي

والله يهدي بالك يارب ويرجعلك زوجك بالسلامه

معـآآهـآآآ :rerrerek:

 

[ياسمين وجوري]

شوفي حبيبتي ان بقولج طريقه قد تنفع معاج طالما ان الزعل والعناد والرفض ما تنفع مع الريال اذا بغى يسافر بروحه خاصةً لما يكون أقوى من زوجته وما ينقدر في هالمواقف لازم تعاملين معاه بردة فعل غير مألوفه مثلاً في سفرته هذي لا تتصلين عليه واذا اهو اتصل كلميه عادي جنج مستانسه ولا تستعجلينه بالرده ولنا يرجع نفس الشي جن اللي مسافر اخوج كلميه عادي وقوليله والله استانست عند اهلي هاليومين ولا تحسسينه انج تعبتي وحاتيني وايد لالالا ابد خل يحس ان الامور عاديه وجوده وعدم وجوده ما يفرق معاج ولما يجيب طاري السفر مره ثانيه مع ربعه حسسيه ان الفرحه بتنط من عينج واذا علق قوليله الشي اللي يونسك أكيد بيونسني خليه يحس انج مو عايشه عشانه لا انت إنسانه لج شخصيه مستقله شوي شوي تلاقين ان الفار بدى يلعب بعبه مثل ما يقولون ويبتدي عاد اهو اللي يتلزق ويحاول يعرف شاللي شاغلج عنه شاللي خلاه آخر اهتماماتج ومع الوقت تلاقينه منشغل فيج ويدور في فلكج
*