مو مشكلتي ... مشكلة اختي اللي ماتزوجت وطولت ما انطق بابها

[ليموني]

الله يرزقها ويرزق بنات الحلال وماندش سنه 2011 والا اختج مالجه باذن الله

 

[q8y-moon]

تطلقي وخلي رجلج يتزوجها لاجابت عيال يطلقها ويرجع لج وجذي كلن صار له عيال

عسي ماشر خبال اهو ولا شنوو
الحمدالله والشكر

حبيبتي صاحبه الموضوع
اختج مو كبيره لي درجه انكم خايفين انها ماتزوجت لي الحين
بس الخوف ان ليش ولا مره انخطبت ولا تكلم عليها احد
معروف ان نصيبها بيجيها بس لازم تحطون فبالكم كل شي يمكن نفس ولا عمل ولا ولا
شوفي طبعا ماكو احسن من القرايه خل تقرا البقره وتدعي ربها ولا اذا تنحرجين تقولين لها انتي شغليها في بيتكم
وفي بعد طريقه توني سامعتها بس تاكدي منها انا مادري مو متاكده
ان تاخين كيلو ملح وكيلو سدر وكيلو شبه
وتقسمينهم بالتساوي علي 7 اكياس
وكل يوم تتسبح بكيس لمده 7 ايام من فتره العصر الي قبل المغرب وهالشي يفيد من ناحيه العين ولا الحسد والعمل الي اخره
واسفه علي الاطاله بس حبيت افيدج
وادعيلي ان الله يسهل اموري

 

[شذى2007]

الله يرزقها

 

[جوك احلى جو]

حسستيني انها بالاربعين من صجج تتكلمين وايد بنات حلوين اكبر من اختج ماتزوجو وعادي كلن ربج كاتب نصيبه ماتدرين شنو الخيره مادري ليش تحسسوني ان الزواج صك من صكوك اللي تدخلكم الجنه !!!
انتي شايفه حالة الطلاق شلون كاثره بالديرة شوفي المشاكل الزوجيه والخيانات ساعات العزوبيه ارحم والمهم مومتي تتزوج المهم منو تتزوج ترا الزواج مو لعبه

خليها تقرا بالخيره والتفيق وتتصدق والله يعطيها علي قد نيتها

وماعليج من الردود اللي تدل علي الجهل والتخلف كلن مجتمعه يختلف الناس الحين اغلبهم يحبون يتزوجون كبار عشان يكونون ناضجين وشبعو من حياتهم حسافه علي البنت تتحمل مسوليه بعز شبابها


والله يكتب لها اللي يستاهلها يارب

 

[CUTE ENGINEER]

حبيبتي مو المهم تتزوج صغيرة المهم يكون نصيبها ريال زين تنحسد عليه ويرزها ويعزها ويحبها ويدللها

الله يرزقها بالنصيب الزين والزوج الصالح اللي يحطها يعيونه

عاااجل غير آجل يارب

وترى لازم تعرفين انه الزواج رزق مايجي إلا بوقت معلوم وقدر معلوم والصبر زين

بس خل تحصن نفسها من العين بالمعوذات وآية الكرسي وسورة البقرة

 

[مظلومه ياناس]

رد : مو مشكلتي ... مشكلة اختي اللي ماتزوجت وطولت ما انطق بابها

واااااااااااااااااااااي بنات بصراحه فشلتوني بردودكم وحسيت اني تسرعت بكتابة الموضوع .... والله من كثر ما احبها ودي تتزوج الرجال الصالح اليوم قبل باجر
مشكوووووووووورين على الدعوه ولكم بالمثل ان شاءالله وعسى يرزق كل بنت ماتزوجت وكل متزوجه وماحملت
كلامكم عين العقل ماقصرتوا

اما تركواز ........... الله يهديج ويصلحج ويكملج بعقلج يارب .......... مااقدر اقول الا الحمدلله على نعمة العقل

 

[حسآويه]

رد : مو مشكلتي ... مشكلة اختي اللي ماتزوجت وطولت ما انطق بابها

لو تركض ركض الوحوش غيرك رزقك ماتحوش..

 

[وهج الخير]

رد : مو مشكلتي ... مشكلة اختي اللي ماتزوجت وطولت ما انطق بابها

اسم الله عليك من الفشله حبيبتي والله ما نصحنه الا من محبه وغلا والله ورب العزة دعيت لها واختك غاليه ومبين صالحه وعاقل
هالشيء خلانه نرد من محبه وربي يعدل نصيبها ويبلغك فيها ويتزوج ولدك بنيتها يارب ياكريم وعزموني عاد حبيبتي انتي
ولو مضايقك الموضوع حاجي المشرفات يمسحونه

 

[روح الدنيا]

نصيبك يصيبك

عيشو حياتكم عادي اللي مكتوب ع الجبين تشوفه العين

 

[pretty sarona]

اختج دام مواصفاتها حلوة يبيلها احد يعدلها بذهب ,, لا تبينون حق الناس انكم تبون تزوجون اختكم ,, إذا الله كاتب لها نصيب بتاخذه

 

[مسك وبخور]

رد : مو مشكلتي ... مشكلة اختي اللي ماتزوجت وطولت ما انطق بابها

لو بنقول خل تقري تصدق تروح مناسبات تطير السما تنزل الارض والله ما كتب خلاص
النصيب يصيب سبحان الله لو اقول لك قصص وايد تنصدمين لا تحرجين اختك اذا اهيا ما تحب طريقة الخطابات تري اختك بجذيه تحس انتو قاعدين ترخصونها لا تحرجينها
لان شكلها نفس طبعي انا مره انسانه احرجتني او ارخصتني عند وحده ثانيه وقامت هالانسانه يزاها الله خير تحرجني جد بطريقه جارحه ومو مادحه واهيا عبالها انه قاعده تمشي نصيبي
حسيت انجرحت وانطعت جرحتني وحسيت انه قاع تدلل على صدقيني يمكن البنات يعارضون رايي بس النصيب يصيب وهذا حالها وحال الكثير من الخوات لو تروح كذا زواره استقبال افراح لو تقري و تتصدق نصيبها بيي لها للباب صح اسعي يا عبد بس لا ترخصونها
ولا تقولون لها الله يرزقك لاااااااااااااااااا
قولو كلام يرفع قدرها قولو انتي مال ياخذك شيخ امير مو اي احد ربي يعدل بختها ويرزقها الزوج الطيب الطاهر اللي يكون لها قرة عين صدقيني لا تحرجونها وتعبونها واهيا مرتاحه بس اهيا تتعب منكم ومن نظراتكم صح تتمني تتزوج حالها حال البنات بس عادي ومتقبله حياتها اذا استمرت انسه صدقيني اهيا تتعب اكثر منكم ومن الناس بسبب الالحاح عليها الله يبلغكم فيها وبعيالها جريب يارب يارب

والله انا مع وهج الخير انا ما راح اقول انها صغيره بس بعد ترى الحين كل شي تغير حتى عمر الزواج وهالشي انا اشوفه من واقعنا حنا 4 اخوات احنا ال3 تزوجنا صغار وعندنا اختي اخر العنقود مثلكم الى الان ما تزوجت مع انها حلوه وبيضا وجسم حلو ماشاءالله بس الله ماكتب لها نصيب للحين وانا اشوف حوالينا الحين مو مثل قبل ام 17 وام 18 يتزوجون لا الحين اغلبهم 26او 27 واذا تاخذين براي اخيتج ماله داعي الخطابه مو قصور فيها ولا باللي يتعاملون معها بس لان انتي مثل ما قلتي مثلنا ما تمشي معنا هالامور واذا لاسمح الله اختج درت بهالشي صدقيني بتضايق وتحس انها رخيصه
والله يرزق اختي واختج وبنات المسلمين اجمعين باللي يعرف قدرهم امين:hjy5jewf:

 

[marimor]

الله يرزقهااااا بولد الحلال وتشوفون عيالها يااااااااارب

 

[Dr.Nouf]

رد: رد : مو مشكلتي ... مشكلة اختي اللي ماتزوجت وطولت ما انطق بابها

خليها تقرى سوره البقره 40 يوم اهيا وامج
وان شاء الله بييها نصيبها وتفرحون فيها

راي من رايها

 

[طويت صفحة الماضي]

خليها تكثر الاستغفار ولله انها علاج سبحن ربي يفرجلج ربي بسرعه والنصيب يصيب

 

[آبـلـہ نـونـو]

رد : مو مشكلتي ... مشكلة اختي اللي ماتزوجت وطولت ما انطق بابها


عسى الله يرزقهآ ولد آلحلآل عآجلاً غير آجل ..

..

 

[آبـلـہ نـونـو]

رد : رد: مو مشكلتي ... مشكلة اختي اللي ماتزوجت وطولت ما انطق بابها

الله يرزقها ويرزق بنات الحلال وماندش سنه 2011 والا اختج مالجه باذن الله

آميـــــــــــــــــن يآ ربْ ..

..

 

[مظلومه ياناس]

رد : مو مشكلتي ... مشكلة اختي اللي ماتزوجت وطولت ما انطق بابها

امين ياااااااااااااارب الله يتقبل دعائكم
ياحلوكم ياكويتيات وياحلو نيتكم الصافيه ........كلكم والله تاج على الراس ........ كلامكم حيل يريح
واختي والله مافتحت الموضوع ولاتكلمت مسيكينه بالعكس عايشه حياتها ............ بس تعرفون قلب الام شلون تحاتي بناتها وشلون كل ام تتمنى تشوف بنيتها عروس معززه مكرمه في بيت زوجها
الله يرزق الكل ياااااااارب .......... وان شاءالله ماتجي سنه 2011 الا وكل البنات مالجين وبالتوفيق للكل
وهج الخير ياحلوج وياحلو كلامج ولاهانوا الباقين

 

[&& دعاء &&]

رد : مو مشكلتي ... مشكلة اختي اللي ماتزوجت وطولت ما انطق بابها

كل واحد ياخذ نصيبه
شكثر بنات كبر اختج واكبر ما تزوجووووو للحين
يعني الوضع عادي

 

[~Mazuna~]

رد : مو مشكلتي ... مشكلة اختي اللي ماتزوجت وطولت ما انطق بابها

مااقولج اختج صغيره بس ليلحين فيي فرص للزواج عاادي

والنصيب يصييب لوووو بعد 100 سنه

شرايج خالي توه متزوج وحده عمرها 40!! ولامره متزوجه

شفتي شلون النصيب اييي لوو جم كاان العمر

وديها معاج عروس وعزايم خلي الناس تشووفهاا وكثروو من الدعااء لها وخل امج تدعيلها وتقرى سورة البقره بنية الزواج وانشالله مااتمر هالسنه الا ومبشرتناا بزواجهاا

 

[G!RLooNa]

والله توقعت بتقولين عمرها فوق ال 35 عادي 27 توها بعز شبابها واهم شي انه اهيا مو هامها ليش تحسسونها بالنقص خل تعيش حياتها وادعولها الله يرزقها بالزوج الصالح