مو مشكلتي ... مشكلة اختي اللي ماتزوجت وطولت ما انطق بابها

[مظلومه ياناس]

السلام عليكم يا اهل المنتدى
بنات احنا من قبيله معروفه بالكويت اصل وفصل .......... احنا 5 خوات كلنا تزوجنا ولله الحمد وبعمر صغير تزوجنا
بس المشكله ان اختي الخامسه واخر العنقود (27 سنه) ماتزوجت ولا انطق بابها ولا مره مع انها تهبل .. الجسم مانيكان والشعر اسود سواد ليل والنفسيه تهبل والوجه حلو ........ اختي حيل اجتماعيه وضحوكه وطيبه وكشيييييييييييييخه
بس النصيب طول وتاخر ....... وامي تحاتيها تقول اخاف اموت وماتزوجت ...تقول ودي اشوف عيالها مثل ماشفت عيالكم
اخاف اكلم خطابه وتزعل اختي .......... تقول هذا مو طبعنا وعيب شيقولون عنا الناس
افكر اسويها من وراها من غير لا تدري ........ بس اخاف اندم واتحسف
حتى اخواني 5 ومتزوجين يحاتونها وشايلين همها ............. ما ادري ليش كاسره خاطري مع انها ماتفكر ولا شايله هم الزواج اهلي مدلعينها ومومقصرين عليها بشي ............... بنات شالحل ؟ ابي شوركم

 

[Pink -Pearl]

رد : مو مشكلتي ... مشكلة اختي اللي ماتزوجت وطولت ما انطق بابها

خليها تقرى سوره البقره 40 يوم اهيا وامج
وان شاء الله بييها نصيبها وتفرحون فيها

 

[Cander]

عادي اختي

الله ماكتب لها نصيب ليلحين ، بعدين بعدها صغيرة ترى لا تحسسونها انها بمشكلة

الله يوفقها وييسر امرها وييسر امر كل البنات

 

[*الشيـــهـانـة*]

توها صغيرة ونصيبها بيجيها

 

[..<< ندى الورد >>..]

رد : مو مشكلتي ... مشكلة اختي اللي ماتزوجت وطولت ما انطق بابها

الله يوفقها ويسر لها نصيبها وتفرحون فيها
وانشاء الله يجي اليوم اللي تسمعين كلمه خاله من بنتها

 

[وهج الخير]

رد : مو مشكلتي ... مشكلة اختي اللي ماتزوجت وطولت ما انطق بابها

لو بنقول خل تقري تصدق تروح مناسبات تطير السما تنزل الارض والله ما كتب خلاص
النصيب يصيب سبحان الله لو اقول لك قصص وايد تنصدمين لا تحرجين اختك اذا اهيا ما تحب طريقة الخطابات تري اختك بجذيه تحس انتو قاعدين ترخصونها لا تحرجينها
لان شكلها نفس طبعي انا مره انسانه احرجتني او ارخصتني عند وحده ثانيه وقامت هالانسانه يزاها الله خير تحرجني جد بطريقه جارحه ومو مادحه واهيا عبالها انه قاعده تمشي نصيبي
حسيت انجرحت وانطعت جرحتني وحسيت انه قاع تدلل على صدقيني يمكن البنات يعارضون رايي بس النصيب يصيب وهذا حالها وحال الكثير من الخوات لو تروح كذا زواره استقبال افراح لو تقري و تتصدق نصيبها بيي لها للباب صح اسعي يا عبد بس لا ترخصونها
ولا تقولون لها الله يرزقك لاااااااااااااااااا
قولو كلام يرفع قدرها قولو انتي مال ياخذك شيخ امير مو اي احد ربي يعدل بختها ويرزقها الزوج الطيب الطاهر اللي يكون لها قرة عين صدقيني لا تحرجونها وتعبونها واهيا مرتاحه بس اهيا تتعب منكم ومن نظراتكم صح تتمني تتزوج حالها حال البنات بس عادي ومتقبله حياتها اذا استمرت انسه صدقيني اهيا تتعب اكثر منكم ومن الناس بسبب الالحاح عليها الله يبلغكم فيها وبعيالها جريب يارب يارب

 

[منيرة خالد]

الله يرزقها بولد الحلال

 

[aṕriliå]

رد : مو مشكلتي ... مشكلة اختي اللي ماتزوجت وطولت ما انطق بابها

الله يهداج شيلي الفكرة من راسج

اكيد بتضايقينها

وبعدين توها صغيرة

 

[هــدوء]

رد : مو مشكلتي ... مشكلة اختي اللي ماتزوجت وطولت ما انطق بابها

توهااا صغيره

والنصيب بيد رب العباد

والله اللي كاتبه لها بيصير


والله يرزقهااا بولد الحلال

 

['Basma']

الله يرزقها الزوج الصالح

 

[احلى سماء]

حبيبتي مدحي اختج
ورزيها ممعاج
بزواراتج

اعرف وحده من جماعتنا سوت علاقات مع جيرانها ورزت بنات اختها وزوجتهم من ناس حواليها تبخصهم
فبما انج اكبر منها رزيها بكل عرس بكل عزيمه بكل زواره حتى لو عند حمولتج
ماتدرين النصيب متى يجي

 

[baby johnson]

يا حيااااتي الله يرزقها الزوج الصالح اللي يخاف عليها وبعدين عاااااااادي مو من كبرها الله يوفقها يارب

 

[أنا Top أنا]

رد : مو مشكلتي ... مشكلة اختي اللي ماتزوجت وطولت ما انطق بابها

ما تدرين وين ومتى نصيبها ..

ومردها بتتزوج والله يرزقها ويرزق اختي معاها < نفس الحاله ~

 

[تركواز]

تطلقي وخلي رجلج يتزوجها لاجابت عيال يطلقها ويرجع لج وجذي كلن صار له عيال

 

[lady-me]

ربي يوفقها ويرزقها الزوج الصالح

ومثل ماقالت البنت خليها تقرا سورة البقره يوميا
انا اعرف وحده قرتها كاامله لـ20 يوم وانخطبت

 

[جميله مو مغروره]

رد : مو مشكلتي ... مشكلة اختي اللي ماتزوجت وطولت ما انطق بابها

توها صغيره

اعرف حريم اكبر منها بالعمر وتزوجوا ويابوا يهال والحمدلله

الله يرزقها وانتوا لاتحسسونها انها عانس

بس حاولوا تخلونها تروح لعروس وعزايم

 

[[]نهاوند[]]

رد : مو مشكلتي ... مشكلة اختي اللي ماتزوجت وطولت ما انطق بابها

والله يا اختي انتم مسوين مشكله من بلاش

اختج مثل ما وصفتيها حلوه وجميله وعمرها 27 يعني توها صغيره ليش العجله؟؟؟

وامج تقول بشوف عيالها قبل اموت شدعوه اختج صكت الاربعين يعني؟؟

حبيبتي البنت توها صغيره لاتستعجلون على رزقها ونصيبها واللي ربي كاتبه هو اللي بيصير ومحد ياخذ غير نصيبه ترى فيه بنات اكبر من اختج بسنين مو متزوجات

انا اكبر من اختج ومو متزوجه ومامدح نفسي والله كل من شافني استغرب اني مو متزوجه لكن الحمدلله راضيه بقسمتي ونصيبي اكيد بيجيني الحين ولاا بعد سنه والا بعد عشر الله اعلم​

 

[هونـــه]

رد : مو مشكلتي ... مشكلة اختي اللي ماتزوجت وطولت ما انطق بابها

توها صغيره لا تاثرون عليها بافكاركم
مدام هي ما تفكر بالموضوع لسا اتركوها براحتها
و الله يرزقها بابن الحلال الي يسعدها

 

[يارب أغفرلي]

رد : مو مشكلتي ... مشكلة اختي اللي ماتزوجت وطولت ما انطق بابها

الله يوفقها يابنت الحلال لاتضيقين خلقك بيجيها رزقها وبطقين عيالها لانهم طقوا عيالج هههههههههههه
على قولة البنات ادعيلها وامدحيها عند اي احد
وان شاء الله نصيبها بيجيها

 

[كنت هناك]

البنات اللي قاعدين يجاملون ويقولون توها صغيره انا اقول بسكم مجاملات 27 كبيــــره يابابا مو صغيره اقرو عدل المراة كتبت عمر اختها 27 ماكتبت 17 علشان تقولون توها صغيره ياحبكم للمجاملات ليش ماتصيرون واقعيين شوي