مو قادره انساه وش الحل

[وتين المحبه]

مرحبا صبايا

بقولكم مشكلتي يمكن تلاقولي حل بس رجاء لحد يغلطني لاني عارفه اني غلطانه وندمانه قد شعر راسي

انا كنت اعرف واحد وحبينا بعض علاقتنا استمرت 5 سنوات بس ابوه مصر انو يتزوج بنت عمه

هو رفض كثير بالبدايه وابوه تعب ودخل المستشفى وقاله وصيتي لك تتزوج بنت عمك وهو وافق

وانتهى الي بينا بس يابنات والله قلبي محروووووق ومقهوره عايشه بجحيم طول الوقت افكر فيه

حتى بدوامي اسرح وافكر واندب حظي حاولت الهي نفسي ماقدرت ببالي طول الوقت وكل يوم قبل

مانام دمعتي على خدي متعذبه عذاب الله لايوره لمسلم

مو قادره اتصور بيتزوج وتصير معاه وحده ثانيه

وش الحل ابي اشيله من بالي اتمنى اتزوج بس عشان انساه هذا اذا قدرت

اتمنى اني ماعرفته وكأن ربي يعاقبني على الشي الي سويته

تكفون ساعدوني انتوا بنات واكيد حاسين فيني وش الحل

دعواتكم لي

 

[7o0o0r]

اهلين حبيبتي
تصدقين كل الشباب هذا عذرهم ابوي تعب ووصاني امي زعلت علي ابوي بيطردني من البيت اذا ماخذيت بنت عمي امي طاحت بالمستشفى يوم درت اني ماابي فلانه ابوي حرم علي ابوي وابوي وامي بصراحه هذول الاعذار اسمعهم واجد من بنات تكون لها علاقه بواحد بس اهله مى راضين
حبيبتي فكري عدل خل نفترض انه كلامه صح ابوه وصاه يتزوج بنت عمه
بيكلمج عقبها ، حاول يخطبج من قبل ، وينه ليش ماخطبج قبل لا يقوله ابوه اخذ بنت عمك
حياتي انتي اهو ضربج بالحيط وراح يعيش مع وحده ثانيه لو يبيج لو يحبج جان قال ماني متزوج لا بنت عمي ولا غيرها وقعد يكلمج لين يقنع ابوه
بس مشكلتنا اذا حبينا شخص ننسى عيوبه وبس نتذكر الزين فيه ويصير بعيونا الملاك اللي مايغلط
الحين الرجال تزوج ونساج ولا رد عليج اصلا اسمحيلي عن هالكلام والله مو قصدي اجرحج ولا اضايقج بس انتي طلبتي المساعده وانا قاعد اساعدج بأذن الله
فكري انه اهو باعج وقرر يرتبط في انسانه ثانيه غيرج لو صج يحبج جان قعدت ماتزوج لا بنت عمه ولا غيرها لين ربج يلين قلب اهله ويخلونه يختار اللي يبي سوري طولت عليج انتي فكري انه راح ونساج وانه الحين اهو مع وحده ثانيه ومو متذكرج ولا تطرين في باله صدقيني اذا اقتنعتي في هالشي راح تنسينا بسهوله
اسفه على الإطاله

 

[وسن الوجد]

_

اولا ما يجوز هالتصرف انج تحبينه و يكلمج
ثانيا معروفة بتنتهي القصة على هالموال
ثالثا توبي لربج و استغفري من هالتصرف
رابعا اشغلي نفسج بذكر ربج و اهتمي
بــــــــ


الصلوات المكتوبة بوقتها
صلاة النـــــوافل بعد الصلوات المكتوبة
صــلاة الضحى
صلاة الوتــــر



كل ما طرى ببالج قولي :

استغفر الله
استغفر الله
استغفر الله
استغفر الله
استغفر الله
استغفر الله
استغفر الله
استغفر الله
استغفر الله
استغفر الله
استغفر الله
استغفر الله
استغفر الله
استغفر الله
استغفر الله
استغفر الله
استغفر الله












كثري استغفار , الاستغفاااااااااااااااااااااااااااار يريح يريحححححححححح
و الله يبعد عنج هالتفكير يا قلبي



و طمنينااااااا عاد ​

 

[شوشو الشقيه]

يسلمو تبين نصيحتي صدق
من باعك بيعه لو تحبه
اقولج هو ما افتكر فيج ولا سال عنج
تدرين لو انا مكانج شنو افعل
مثل ما يفعل افعل
هو بيتزوج صح انا بعد اتزوج
السن بالسن والبادي اظلم
مثل ما هو شاف حياته و بيكمل مع غيري انا بعد مثله
بشوف حياتي بكمل مع غيره
بقولج تره الرجال يهبلون
كلهم نفس الرومنسية والحب والحنان
بس انتي جربي تسلمين قلبج لزوج المستقبل و شوفي
بتقولين بعدها كيف حبيت حبيبي القديم وكانت نزوة بحياتي وانتهت

عشان تنسينه جربي تحبين غيره
لكن بالحلال
من اختك احلى سمره

لو كان صدق يحبك والله ما تركك
والله ما خلاك دقيقه بعيدة عنه
لو يحبك حارب الدنيا عشانج عشان يوصل لقلبج يبقى معاج

 

[M!SS.LOBY]

الله يهديج استغفري وتوبي
هذه العلاقة من الاول غلط وجذب وانتهت بجذبه تافهه ابوي وصاني اخذ بنت عمي فيلم هندي قديم قاطعينه من زمان
وانتي الله يكون بعونج مصدقه هالجذبه 5سنوات مرو عليج وبالاخير حاب يجدد بيشوف وحده ثانيه رقيقة مشاعر ويخدعها

 

[نوفه11]

ياحياتي الله يفرج لك ياعمري ويختار لك الخيره وباين وانا اختك انه بايعك والله ماودي اقوله واوجع قلبك لكن هذي الحقيقه

 

[dalo0oa121]

يبين انه يلعب والله جد كذب هال شباب ما يخلص تعبنا منهم

 

[Reem]

كلهم هذي اعذااااارهم .. ليت جاب عذر غير هالسالفه اللي قالوها كثييييير قبله /:

المهم باين انه كذاب ولو نفرض واحد بالميه انه جاد كان حاول بهالخمس سنوات يخطب لو مره

واذا جد شاري حبكم كان رفض بنت عمه وقال مابيها في عشرين طريقه وطريقه عشان يبين اذا هو يحبج او لا

والله يستر عليج دنيا واخره مثل ماقالو البنات

استغفري وانوي التوبه ولاتكررين الغلطه هذي واذا جا نصيبج ب اذن الله وافقي ويتنسينه وتنسين طوايفه

اهم شي حطي ببالج انه كذب عليج وهو عاش حياته بالطول والعرض وانتي تندبين حظج ؟؟؟؟

 

[آهاتـ]

الله يفرج همج وهم اللي نفس حالتج اعرف وحده اذا حبت طاحت على ويها اتحب من قلبها حبت واحد اسفه ع الكلمه(حيوان) مايستاهلها بعدين هدها من غير سبب صارت لها حاله نفسيه واسقطت او عشان تنساه حبت عشره غيره يمكن شباب الكويت كلهم بس عشان تنسى والحين للاسف من كانت وحده محترمه وناجحه الى منحطه فديري بالج تكلمين أي واحد عشان تنسينه ولا هم تتزوجين أي واحد عشان تنسينه او تقهرينه ترى انتي اللي راح تنتظرين او لهي نفسج ويا رفيجاتج بالنادي أي شي قلبي

 

[shak!shoka]

الايام تنسيج يا حبيبتي

الحب حلو و مو بسهوله تنسين الي تحبينه

اعتبريه ذكري او مرحله وانتتتتتهتتتتتتت و ركزي ع كلمة انتهت

تعلمي من هالتجربه و كل شي يصير لنا بحياتنا يكون خبره و تجربه نستفيد منها بعدين

ليش مقهوره !


ببساطه قولي حق نفسج

الله مو كاتبلي اكون معاه
نصيبج عند واحد ثاني موعنده

اكتفي بال ٥ سنين و مثل ما قلت لج اعتبريها ذكرى و اطوي صفحتها


دربي مخج جذي ولا تعطين نفسج تسرحين فيه او تتخيلين زواجه من بنت عمه


اذا طرا في بالج استغفري
وتخيلي المحايه = المساحه و مسحي صورته او الموقف الي مر ع بالج



والله العظيم حيل راح ترتاح نفسيتج و تلاحظين التغييير

مو قاعده اتفلسف عليج تأكدي



والايام تعوضج

 

[oshi_q88]

عذره نفس بآآقي الششبآب ولله قمت آضحك
ععآآد هآالشبآب مآلقو عذر ثثآني !!
ي بنت الحلال آنسسسييه وربي لو يبيج بيتزوجج غصصب عن كككل النآس

 

[وتين المحبه]

جزاكم الله خير هو رجع يتصل ويرسل مسجات بس مارديت عليه
عالعموم اشكر كل من ردت علي ونصحتني والله لايعلق قلوبنا الا بحبه
وانا الحين احاول التهي بدوامي واسلي روحي

 

[أحـلام * ورديـة]

امبي ليحين في ناس جذي

احبه وابوه بيزوجه بنت عمه

ياماما اصحي هالايام الشباب مستحيييييييل يتزوجون وحده يعرفونها لو اهي شنو

من كثر اللي يشوفونه ومن كثر خرابيطهم مع البنات ما يثقون فيهم

حبيبتي ادعي ربج ان الله يرزقج بالزوج الصالح اللي يسعدج

وهذا عطيه اكبر طاااااف

 

[منتهى التفاؤل]

عليك بالدعاء والاستغفار ان ربي يمسح عنك طاريه وذكراه
وحوالي تدربين نفسك على بعاده و لا تردين عليه قوي قلبك شوي
بتتعبين فتره بسيطه وبعدها وربي راح تنسينه وتكرهين ساعة عرفتيه

 

[M!SS.LOBY]

لا حول ولا قوة الا بالله العلي العظيم

 

[شوق عينك]

مابُني علي باطل فهو باطل
العلاقه هذي من الاساس غلط ولعب تحملي
والله يعيينش واللهي نفسش ولا تردين عليه لو رديتي عليه ب تكونين غبيه وساذجه ولعبه ومقصه وكل شي


احفظي ماي وجهش وخلي عندش كرامه والله يوفقش

 

[سعادتهم]

تقربي من الله أكثر
وعلقي قلبك بمحبة الله سبحانه وتعالى

الشاب كان يتسلى ويطقطق
وعلقك معاه كم سنه

حاولي تشغلي نفسك وربي يرزقك بالزوج الصالح اللي يسعدك

 

[معزوفة عشق&]

كذااااااااب بعينه كلهم كذا لاطفش من البنت قالها ابوي وامي ومدري شنو
اولا مافي زواج بالغصب في هالزمن ثانيا حطي ف بالك حبيبتي ان مافي حب الا بعد الزواج
والله سبحانه قال ( وجعلنا بينهم موده ورحمه ) يعني المتزوجين وبالاخص بعد الزواج مو قبل وبالحرام بعد
اتجاهلي الامر وابداي صفحه جديده مع ربك واتقربي لربي بصلاة القيام في الليل والاستغفار والله راح تلقين راحه
نفسيه ولا اروع وادعي ربي دايم بالستر وكل ماطرى ببالك استغفري وانشغلي باي شي ثاني اتغلبي ع ابليس قد ماتقدرين
واياكي والياس
..ادخلي هالموضوع بيفيدك
http://www.q8yat.com/t1084858.html

 

[oorccia]

بقدر ايماننا ننسى

كل مايزيد معدل الايمان عندك كل ماتنسي

ارجعي لله وتوبي والله بيعوضك خير زكل شي نصيب ومكتوب وقدر واتركي الاغاني لا تسمعينه والصور الحزينه وفرفشي نفسك با اي طريقه ومع الوقت راح تنسينه وتنسين ابوه اللي جابه

 

[*جبرني الوقت*]

الحمدلله على كل حال