مو عارفه اتعامل مع زوجي * تم تعديل الموضوع من قبل المشرفه*

[اهذريبك~]

آآآآآآه ياقلبي علييييييج انا انقهررت من سالفتج حبيبتي زوجج شايف فيها شي مو لاقية فيج حتى ولو كانت جيكرة مثلا بس اكيييد انه منجذب لها بـ شي

ومثل ماقالو البنااات ليشششششش تضيقين خلقج اشغلي نفسسسج اهتمي بنفسسج وعيالج طقية بالطوووفة البسي و اكشخي وتمكيجي واطلعي وكل شي سويي ولا تعطينة اهتمااام والله يهدييه لج و لعياله

 

[اهذريبك~]

ام العباية عقب شنو عقب ما مص دمج ونشفه على قولتج عقب ما نكبر بالعمر ونصير شياب عقب ما شيب الراس والهم اكل جسمنا
انا سويت ك كل اللي قلتيه وانا من النوع اللي يحب يهتم حتى هدومه انا افصخم له وكللللللللشي سويت بس خذيتها قاعده اللي يبي يغير يتغير من كيفه ومو انا اغيره ومثل ما قالت وحد من البنات اوا مسؤول على تصرفاته بس يمد ايده بكثره والله رقبتي قامت طلع صوت من طثر الطق وكلامة مثل السم ينقط يقولي انتي زباله انتي خنزيره انتي نيسه وونتي ونتي تبيني اقعدله واقابل وجها لا والله
مرات خلاص الواحد له طاقه وانا طاقتي وصلت حدها ابي احط حد لو توصل لطلاق هم بقول الحمدالله بس صراحه ما يتعاشر انا طلعت من بيتي وخذيت بنتي من المدرسه وهوا ما يدري وصكيت الجهاز ولا درا عني والحين هايم بالحب والغرام معاي او بدوني وصراحه انا عندب بنتين وبنتي العوده كلا تسالني بابا شنو سوالج ماما ليش منيه احمر هم بعد مابي اازمها وياي حبيبتي اهيا من النوع اللي يفكر فيني واحيانا البعد يكون وسيله من الحلول بس اني على قولتج اقعد بيتي وماكو احترام واشبع ضيم وصليم وحق منو حق واحد مغازلجي يموت عالبنات

من شب على شيء شاب علييييييييه و قوووي حححيل هالكلام اللي يقولة لج.!!
الله يهديييه ماودي اقولج شوفي حياتج نفس ماشافها بس هذا شكلة ماله نهاية وبتضيع سنين عمرج فـ اذا لا قدر الله طلقج ألف من دورون المررة الصالحة وشوفي حياتج و ربي يعوض عليج

 

[ام العبايه]

طيب ليش تفكرين اشلون اتعامل معاه وانتى الصبر وصل حده انتى تبينه بس القهر والزعل له اثر لا ترجعين لين تتاكيد انج راجعه للتعامل معاه بطريقه غير الاوليه تقولين مليت من الطق حطى الله بين عيونج وقول حق نفسج لا تكتبين التفاصيل ليش طقنى ليش شتمنى اكتبي الموقف بورقه واقريها كانج وحده كاتبه مشكلتها واقتصي لها الحق بتلاقين انج فقتى اعصابج بموقف احتمال عندج لا يحتمل بس عند الغير عادى يصير بمعظم البيوت اختى راح تظمنين ان الجاى حل بقولج تركيه بس لا الرجال كلهم عندهم شي ما يعجب حوا وحوا نفسها لو تطالع نفسها ما راح تعجب نفسها بتنتقدها


في مره رحت السوق وقعدت اطالع واركز على عيون الرجال تتوقعين وين كانوا يطالعون ? حتى البياعين وعمال النظافه مركزين على مناطق بكل وحده تمر وساعات معاه زوجته ومحتشمه بس يلف ويدور اي وحده تمر محتشمه سفور خدامه الحريم لاهيه بالتشري واهم عيون مبققه حاولت اركز معاهم لقيت اشياء تجر الانتباه الله يعينهم يتعبون ويحاولون بس شيطانهم يغلبهم

شوفي انتى عندج بنتين الله يخليهم لج تدرين ان البنات لهم معزه اه ذكرتينى بنتى يعطى عيديه القاصي والدانى واهى ناطره الكل يطلع واهى ناطره وعيالى ناطرين فرحت العيد بس اخ يروح عيد ويرد عيد واهم ناطرين اكتبلج ودموعي ما توقف ما درى ليش ودى اكتبلج كل الى شفته ظلم البشر مو هين يدخل ويطلع ضيف ان تكلمت طلعت غلطانه وان سكت انتى وبس الحمد لله على كل حال وخرابات البيوت بيلاقونها بعافيتهم بنتى تقعد وين ما اروح يقولي خالاتى نحسها مكبوته تبي شي اقولهم من زود الادب بس لا تشوف حواليها الكل شيسوى لبناته واهى وحيده ابوها مالها خوات عادى عنده يشوفها عادى مع انه حساس بس هذي تركض وراه اذا يبي شي وان كانت تبي شي ان شا الله يبي بس عمك اصمخ يقول لاخوها الكبير شوفها شتبي لين مالت على اخوانها ما ردوها بس الابو غير تبجي تقول يمه عفيه خلى ابوى يشتريلي عصير عوار قلب اقول لها انا اجيبه اطلبه ما ترضي ما تشتهيه صار لها سنتين تطلبه وقبل اسبوع اشتراه تكتبله وما يرد يقول ما وصلني شي يا ربي وين نروح صج اهو الحين زين بس الي بقلبي وقلب عيالي وين يروح لو متزوج نقول قدر بس واحد ما نعرف ارضه من سماه لا موصج احنا بشر مع هذا ما راح انكسر هذي نصيبي عيالي كانوا يختبرون وينجحون ويتفوقون واهو عادى حتى اخر يوم بالمدرسه ما يدري متى الطلاق حل بس مو اي احد يقدرله خصوصا اذا الى حواليج يهمهم انج جدام العالم مرت فلان وانا اقولج زوجى الكل يعرف عنه طيب وواجب وكرم وحقانى بس هذا كله ويوصل لين الباب ويوقف صاحب وجهين على قولته انا معرض لمواقف وانا ما استاذن احد طبعا حتى لو على حسابنا

 

[شذى الحب]

يارب تسخر لنا ازواجنا يارب وتبعد عنا الحرام يارب اللهم سخر لي قلب زوجي يارب :yaaaaaarb:
ولا يرى من النساء غيري يارب :yaaaaaarb:اللهم امين يارب العالمين عاجل غيراجل :yaaaaaarb:

 

[رمش الغلاااا]

والله قطعتي قلبي حاسه باللي تقولينه بس شنسوي يا ربي انتي لج طاقه وانا لي طاقه سامحت بما فيه الكافيه والله يكتب اللي فيه الخير انا للحين ما قررت شنو ابي مخي متشتت ساعات اقول بطلق ساعات اقول لا وبناتي خصوصا انهم حيل متعلقين فيه ما اقولج مو مجابل بناته يعني مرات يعطيهم من وقته وهذا شي وايد زين بالرجال بس الله كريم العبايه انا قاعده ادعي ربي يصبرني وياخذ حقي ويكتبلي باللي اختارة لي وعسى ان كرهتو شيئا فهو خيرا لكم :yaaaaaarb:

 

[ديانا سبنسر]

الله يعينج

 

[كروزهـ]

استغفري كثير وتصدقي وصلي صلاة الليل و ادعي ..
ويارب يرجعلك

 

[كريستال]

ياحبيبتي انتي تحبينه وهذا بلا ابوك ياعقاب قلبج

بس مالج الا شي واحد تعلقي بربج وادعي ان مايكون في قلبج الا الله سبحانه

الريايل كلهم انانيين خساره فيهم تحبينهم اكثر من نفسج وتهتمين بهم طلعي من مخج صج مب بس تسكرين جهازج سكري قلبج عنه وعن التفكير به سواء بالسلب او الايجاب حب او غضب

اي مشاعر او ثانيه من تفكيرج مايستحقه

تعلقي بالله واحتسبي الاجر كل شي سويتيه او بتسوينه احتسبيه عند الله وشوفي النتيجه


الله يفرج همج

 

[بنت الاجواااد]

هذا المووووضووووع ينرفزني ومادري شقووولج لانه ماتحمل اعيش مع شخص بايعني واخر همه انا
!!!!!!!!!!!!!!!!!!!!!!

 

[ادمنت حبه]

مدام جربتى كل شي ومانفع جربي الدعاااء وسوره البقره لمده 40 يوم وان شالله راح ينفع
استودعيه كل يوم قولي اللهم اني استودعتك زوجي من الفتن والمعاصي واستودعتك قلبه وحبه واشغله بحبي وان شالله راح ينفع

 

[رمش الغلاااا]

الله كريم ياااارب مشكورين حبايبي عالوقفه ومنها استفدت منكم وشوي هونتو على

 

[رمش الغلاااا]

بنات قررت ارد بيتي شرايكم لاني ادري مامنه رجى ولا راح يتعب نفسه ويدق ويسال عنا وابي رايكم
شراااااااااااااااااااااااااااااااااااااااااااااايكم افيدوووني

 

[انثى بحق]

الله يعينج ويسهل امورج .. حبيبتي المهم صحتج وعيالج لا تهدمين بيتج بايدج ..
وبس قوليله اذا تبيها تزوجها بالحلال يعني لا تظل معاها بالحرام .. وتكونين ناصحه له جدام الله وذكريه
بالله وبمراقبته له وقولي له عندك عيال .. اهم شي الاستغفار .. واهتمي بنفسج اكثر غيري ستايلج ولبسج
وحتى اسلوبج وكلامج .. عسى الله يهديه ويسخره لج ..​

 

[مناير ...!]

مشكلتج مو معاها مشكلتج مع ريلج
لازم يصير لج وقفه معاه يمكن اهو بعد قاص عليها
لاتكونين سلبيه وتقولين اهي قاصه عليه

 

[غلآ نوآف]

دامه من خيانه لي خيانه مثل ماذكرتي
واهانات ومادري شنو
ليش تتحملين كل هذا
عيالج ماراح يعيشون بضيم ااذا تطلقتي منه
او عالاقل سوي ردة فعل قوية
اظهري كرامتج شوية
يعني احرقي اعصابج تصرفي سوي شي
مو بس عشان عيالي
عيالج ماعليهم شي بيعيشون
وانتي بتعيشين بدونه
دامه عايش بدونج
انتي بس الا ضمان عنده
او الي تجيب له عيال يحملون اسمه
مستفيد بكل الاحوال
استفيدي انتي شي من هذا كله
اطلعي لج بفايدة تذكرينها
لاتفنين شبابج

 

[مجنونـة روان]

لا تسوين شي معاه. خليه
بِــ̯͡سّ عليج بالدعاء بثلث الليل الاخير. ان شاء آللـْ•̣̣̥·̩̩̩̥•̣̥ـْـّہ يردلج احسن مٍـٍْ♡̨̐ـِْْنِْْ اول بَعَــ♡ـدْ

 

[رمش الغلاااا]

لا تسوين شي معاه. خليه
بِــ̯͡سّ عليج بالدعاء بثلث الليل الاخير. ان شاء آللـْ•̣̣̥·̩̩̩̥•̣̥ـْـّہ يردلج احسن مٍـٍْ♡̨̐ـِْْنِْْ اول بَعَــ♡ـدْ[/quo

اميين يارب وانا رديت بيتي والله كريم