مو حابة الدنيا .. :(

[ρяɪиcєss τστα]

السلآمـ علــيكــمـ ..

شلونكـمـ صبآيآآآ ..

بصرآحة أنا بدش بالموضوع على طوووول .. انا قبل سنتين تقريبا كنت وحدة ثانية كلي تفاؤل واحب الحياة واجتماعية .. وأحب الدنيا وأحب الناااس .. كان عندي وايد رفيجات .. بعدين بس خلصت الثانوية ودشيت الجامعة .. صارتلي مشاكل مع أعز رفيجاتي .. ثنتين اهما .. وتفارقنا .. الفرق بيني وبينهم انهم عرفوا يعيشون من بعدي .. بس انا لا ..

وايد بعدهم أثر علي وعلى دراستي .. قمت ما أدرس وكله ساقطة بالجامعة .. الحين أنا داشة على ثاني سنة بالجامعة .. وللحين المشكلة مأثرة علي .. وكله أسقط ومعدلي نازل حيل .. ودي أحب الدنيا مرة ثانية وما أزعل لما أفارق شخص أحبه حيل ..


صج حيل تعبت .. دايما أحاول أحل مشاكل الناااس واسعدهمـ بس ما عمري لقيت اللي يفرحني أو يوقف يمي .. ياليتـ تساعدوني .. ​

:eh_s(11):

 

[عالمي انا غير]

هلا حبييبتي نصيحتي بدال ماتتعلقين بالناس تعلقي بربج واذكريه واللي مايبي قربج شتبين فيه ركزي ع مستقبلج ودراستج اهم شئ ولا الناس مراح تفيدج دوري حياتي طوريرها ركزي عليها هل الزمن صعب تلقين الوفى والاحساس الصادق اللي يتكبر ويحقر واللي واللي حياتي مستقبلج اولى محد بيفيدج ان ضاع ومحد يستاهل عشانه تصيرين فاشلة وتضعين حياتج ومستقبلج وفكري بهلج يبون يفرحون ويفتخرون فيج

واتمنى تتقربين من ربج هل الفترة وتستغفرين كثير وتقرين قراءن واتمنالج التوفيق

 

[ρяɪиcєss τστα]

مشكوووورة وايد حبيبتي .. بإذن الله .. لازم أتغلب على هالمشاكل .. وانا الحمدلله أصلي ودايما أقرا قرآن .. تسلمين يا قلبي .. والله ريحتيني ..

 

[أنت رجائي]

النااس اللي تحبك من كل قلبها مارح تترك عشان اي سبب ورح تتفهم وضعك وهذول البنات اصلا ماحبووك كثر ماانتي حبيتيهم
ولاتعلقين قلبك فييهم خليييهم يولوووووووووون يطيروووووون
تـعـلق بخـالـق الـسـموات والأرض
فـأنه مـعكـ دائـما
『』... أحفظ الله يحفظك ...『』
اللهم لا تجعل الدنيا اكبر همنا
ولامبلغ علمنا ولا الى النار مصيرنا

 

[∫ ∫ ∫ ∫ جــوان ∫ ∫ ∫ ∫]

حبى الدنيا تحبج قربى من ربى اكثر وبتشوفين الدنيا اشلون بتصير احلى واحلى

وابتدى اول فى توقيعج وشيلى الصور الى فيه

لا تزعلين منى لانى حاسبتج حسبه اختى وقاعده انصحها وابى لها خير

والله يوفقج

 

[سكوتي بذوقي]

اذكري الله سبحانه

ولاتفكرين فيهم ودوم صلي بآخر الليل

وادعي الله يبعد عنك كل ضيق

ولايشغلك إلا بطاعته سبحانه

وترى هم عايشين مرتاحين وحياتهم ماشيه

ولايدرون عنك فكري في مستقبلك

اهتمي بدراستك

وعندك شي أحلى من الصديقات الوالده الله يخليها لك وخواتك

هذول أحلى من ألف صديقه

الله يسعدك ويوفقك يارب اختي

 

[عطر الليالي]

حبى الدنيا تحبج قربى من ربى اكثر وبتشوفين الدنيا اشلون بتصير احلى واحلى

وابتدى اول فى توقيعج وشيلى الصور الى فيه

لا تزعلين منى لانى حاسبتج حسبه اختى وقاعده انصحها وابى لها خير

والله يوفقج

مع أختي جوان في اللي قالته ...
وأنصحك بكثرة الإستغفاااااااار تراه سحر سحر على النفس سبحان الله لمن تستغفرين كثير تحسين نفسك مرتااااااحه حييييل ولايهمك شي في هالدنيا ..
ودايم حطي في بالك من باعني برخيص بتراب ببيعه .. ليه تعطلين حياتك علشان ناس ماحسبت لك حساب ياقلبي حياتك بتعيشينها مره وحده وصديقاتك اللي فارقوك بتلاقين غيرهم إن شاء الله ..
تفااااااائلي ياقلبي :eh_s(17)::eh_s(17):

 

[أغلى أمنياته]

حبيبتي الحيااه ماتنتهي عند شخص///
الحياه تكمل فيهم ولا بدونهم //
نصييحه لوجه الله لا تعطين الناااس اكبر من حجمهم //
اللي يبيج حطيييه على راسج واللي مايبيج فرقااه عيد مايشوف شر اما انج توقفين دراستج ومستقبلج عشان اشخاص ماحطوولج قدر هاذي مصيبه//
كملي دراستج وخليج قريبه من ربج ومن باعج بيعيييييييييه​

 

[ρяɪиcєss τστα]

تسلمووووون .. وانتو كلكمـ خواتي وما أزعل من أحد أبد

:* ما قصرتوا بنآت .. وجزآآآكمـ الله ألف خير :*

 

[lamoshty]

أنتي قلتيها

هم عرفوآ يعيشون من بعدك بس انتي لآ


مالك غير تعكسين كل شي مايعجبك حتى لو ماتقدرين حاولي بالبداية تصنع بعدينن بيصير سهل وبالعكسس يمكن تلاقي ناسس يعوضونك اياهم


الدنيا ماتوقف على ثنتين ^_^

 

[رهــKSAــــف]

الدنيا ماتوقف على احد حاولي انك تنسين اللي فات
وابدي صفحه جديده ارجعي نفس اول اجتمااااعيه
اذكري الله دااايم خلي لسانك رطب بذكر الله
واتمنى لكي حيااااة سعيده

 

[ρяɪиcєss τστα]

مشكورين حبيباتي :* ..

الله يسعدكمـ دنيآ وآخرة :* ..

وما تشوفون ضيـق أبد

 

[ذوق بوتيك]

حبيبتي الدنيا تشغل مو شرط انهم مايتواصلون معاج انج مو غاليه عليهم ومو كل من رحب فيج وتواصل معاج يحبج
الدنيا تجارب وعن تجربه اقولج البنت اللي فيها خير أو ملتزمه تلاقينها تحبج لله مو لمصلحه عشان جذي تتواصل معاج لو بعد سنين وغير جذي تنصحج وتخاف عليج
اما البنات اللي تبيج لمصلحه أيا كانت متى خلصت مصلحتها تنساج
الشي الثاني الجامعه من اسمها تجمع و افضل سنين تتعرفين فيه على بنات اهيه بالجامعه مثل ما الله خلق هالبنتين خلق احسن منهم تعرفي وتواصلي مع البنات
والانسان اجتماعي بطبعه واكيد تأثر بنفسيتج انج فارقتي رفيجاتج بس الدنيا ماتوقف على أحد وبصراحه محد يستاهل تضيعين دراستج ومستقبلج عشانه

ونفس ماقالوا خواتي خلي بقلبج الله وحبي الله وتعلقي بالله شوفي شلون الدنيا بتصير حلوه حتى لو صارت فيها مشاكل ماراح تتأثرين لان قلبج متعلق بالله وبس

 

[دلع العتبان]

البنات ماقصروا حبيبتي ،،،،

 

[مودي كويتي]

انا فهمت عليك انتي قصدك نقص شي بحياتك من بعدهم شوفي حبيبتي الدنيا ماتتوقف عند احد نهائيا انسي كوني علاقات جديده اللي مايبيك شووووووووووووووووووووتيه شوت خلاص حبي نفسك حبي دراستك وحبي الدنيا طلعي روحي مجمعات وشوبنق شغلي نفسك باي شي بتنسين انتي بس مشكلتك الفراغ اللي يخليك تتعلقين بالماضي وذكريات الماضيي بس اشغلي نفسك لاتصيرين فاضيه ابدا والله والله تنسين تابعي كل برامج التلفزيون ذكري ربك اتقربي لربك اكثر واكثر والله يوفقك بحياتك امين

 

[ρяɪиcєss τστα]

تسلميييييين " مودي كويتي " صح اهوو الفراغ اللي يخليني افكر فيهم .. المشكلة ان انا أقدر أشغل نفسي .. بس أحس لو ما فكرت فيهم راح أكون مو وفية وبكون أنانية .. !!! مع ان اهما عايشين والله !!! والاثنين اللي تخلوا عني هذيل رفيجات حيل مع بعض حاليا !! تخيلي ! ..

بس انشالله أقدر أتغلب على هالمشكلة .. الحين صارلي سنة وما قدرت أتغلب عليها .. بس انشالله مع الوقت راح أنسى وعلى قولتج .. لازم أشغل نفسي واركز شوي بحياتي بدال الكآبة اللي أنا عايشة فيها .. محد بالدنيا يستاهل !! ... مشكورين وايد يا بنااات .. وانشالله بتشوفوني بالحلة الجديدة بعد جم شهر ههههههه بطلع بالتلفزيون واصير أشهر من اوبرا والسعادة على ويهي هههههههههههههههه ..

:d فديتكـمـ كلكم .. :*​