مومري نوكيا 3250 وين ينحط ؟؟

[طماشه]

بسم الله الرحمن الرحيم

السلام عليكم ورحمه الله وبركاته



انا ضايعه ابي احد يسااعدني

توني شاريه موبايل نوكيا 3250 وعطوني ويااه مومريين يعني عدد 2 مموري
واحد صغير وواحد كبير الصغير عرفت وين احطه بس الكبير توهقت فيه دورت له مكان
بس مالقيت بطلت الكاتالوج بس موكاتبين وين أحطه !!!


المهم الموضووع إن ابي اعرف وين يحطوونه لانه كل ماانزل شئ عليه يقوولي امسح بعض
البيانات الذاكره منخفضه واهو توه يديد مافيه شئ اصلاا




ويزاكم الله خير مقدما


مع التحيه
أختكم طمااشه

 

[*(*DmoOo3*)*]

اهلين طماشه هلا والله
حبيبتي على قولتج الميموري الكبير هذا حق وصله الكمبيوتر (usb) عشان لا بغيتي تنزلين الصور او نغمات تحطين الميموري الصغير داخل الكبير وتحطينه بالوصله وبجذي يكون عندج ميموري وبيته :eh_s(6):
بالاجهزه اليديده الميموري اللي اي معاها 64 مايكفي شي لازم ميموري يديد اكبر ويفضل 128

 

[طماشه]

يسلمووووووووو بعد قلبي على الرد

انزين انا قاعده انزل الصور والويفات دايركت من الكمبيوتر الى الموبايل عن طريق البلووتووث !!
يعني شنو مميزات اني انزل الصور والويفاات عن طريق الممروي الكبير ؟؟

و قصدج اشتري مموري يديد سعته 128 واحطه بداال الصغير
انزين الممري اشتريه من محل الموبايلات ؟؟


ومشكوووووووره حبيبتي

 

[[ . . Jee Jee . . ]]

ايي لا يقصون عليج اشتري من محل تثقين فيه ..

اشتري واحد كبير وارتاحي .. احلى شي لما يكون ميموريج كبييير

وناسه كل شي تستقبلين لول


آنا مالتي 128 مرة شفت اعلان 500 بققت عيوني @@ جذي


​

 

[طماشه]

هلا نجوومه لا تخافين على اخييتج ماينقص عليهااا

بس بغيت أسألج بجم سعرهاا ؟؟


و500 هذي شنو مساحه ممري؟؟

 

[Boochy]

حبيبتي طمااشه..

ترا الميموري الصغير مسااحته كبيييييييييييييره

مساحته بالضبط 484 ميجا بايت..يعني تقريبا نص جيجا..<< دشي عالميموري وشوفي.. راح يطلع لج جم المساحه

صدقيني ما يحتااج تغيرينه...
انا عندي الصغيره وفيه 237 نغمه...ويمكن فوق الـ 200 صوووره وغير مقاطع الفيديو...وهم بعد يستقبل اكثر
.
.
.​

 

[ياشايل الظبى]

اتوقع مايتحمل 500
اشترى 128

 

[*(*DmoOo3*)*]

لا حبوبه سمعي نصيحتي ونصيحه المحلات اللي اعرفها اذا خذيتي ميموري اكبر من 128 راح يعلق جهازج ويصير بطيء وايد والميموريات الكبيره احجام 500 واكبر هذيله حق الكاميرات مو التلفونات ، حبوبتي ميموري ال128 ب4 دنانير تحصلينه لا يقصون عليج ، بعدين على قولتج الميموري الكبير ما يفيدج بشي دام تستخدمين البلوتوث بس يفيد حق اللي جهازهم مافي بلوتوث اقصد الكمبيوتر طبعا
يلا خلينا نشوف متى ومن وين تشترين ميمورييج

 

[طماشه]

تصدقون نزلت على الموبايل كل الي بخاطري وبدون مااغير المومري وماقام
يقولي امسح بعض البيانات

يعني كلام بوجي صح مايحتاي اغيره

بس مادري ليش بالاول يقولي امسح بعض البيانات !!!


ومشكورين على تفاعلكم مع الموضوع ومشاركاتكم ​