موقف محرج .. لو انتي مكاني ولا مكانها شبتسوين ؟؟

[حبـ admant ـك]

السلام عليكم ورحمه الله وبركاته


شلونكم وشخباركم


بدخل بالموضوع على طول

صادني موقف امس وحبيت اشاركم فيه واجوف شنو بيكون موقفكم

الله يسلمكم كنت بسنتر بوينت مع بنتي و بنتي عمرها سنه و 4 شهور

وانا اجوف الثياب الا وقفت وحده مع ريلها كانو يتشرون

بنتي من شافت الريال صرخت عليه بااااااباااااا :eh_s(1): بااااابااااا

والريال ابتسم لها لكن مرته طالعتني بنظره والله اني خفت منها

خذت بنتي ورحت قسم ثاني لانها فضحتني بس تقوله بابا مع ان مايشبه زوجي بشي

بعدين رحت بحاسب على اللي خذتهم و صدفه تلاقينا عند الكاشير وابتدت بنتي

باااااااااااااااااابااااااااااااااااا وتمد يدها له تبيه ياخذها

ياربي افتشلت و مرته منفسه عليي ودها تذبحني

مع ان المكان زحمه وفيه رياييل بس بنتي ماختارت الا هالريال :eh_s(16):

بس لما رحت البيت وفكرت في السالفه لو انا مكان مرته و تييني ياهل

تأشر على زوجي وتقول له بابا شنو بيكون موقفي ؟؟؟!!!

الله لا يحطني بموقفها بس اكيد بشك و الف فكره و فكره بتدور براسي

حطو نفسكم مكانها شنو بيكون موقفكم و شنو بتسوون ؟

اترك المايك لكم :eh_s(17):

 

[زوجة عزيز]

ههههههههههه الله يخليها لج انا لو مكانها ما اشك ولا انفس على المره عادي ترا بس اتوقع المره زفت زوجها وبتشك فيه دامها عطتج هالنظره هههههههه الله يستر اكيد تهاوشو يوم اطلعو

 

[سعوديه تذبح]

ههههههههههههه موقف لايحسد عليه
وعلى قولة زوجة عزيز اكيد تهاوشو هع هع

 

[شيخه_البيض]

صباح الخير

صارلنا تقريبا موقف مشابه له

تخيلي مرةنا قاعدين بالبيت ولا يرن تلفون ابوي ولا ياهل شوي ويطلع من السماعه \\ يصااارخ يقول يبااااااا شوف حصوووه تاخذ العابي وماتسمع كلام امي وامي قالتلي انت دق على ابوك

ابوي علامات استفهام فوق راسه واحنا البنات لاتشوفونا شوي ونقوم نذبح ابوي من الحرة اخر شيء قاله ابوي حبيبي انا مو ابوك قلنا له خوش فلم يبااااا بعدين الابو دق واعتذر لابوي

بس صج صج صج احان شكينا بابوي واتوقع لو امي موجودة بتكمل السالفة

 

[زينبو]

ويه عاد الياهل مضيعه انتي شذنبج لوووول ماعتقد شي يستاهل النفسيه ابد

 

[ليدي بجد]

يمه لهدرجه الحريم شكاكات......والا الي الرجال..هم الي يمشون ويتزوجون......شي غريب
لو يصير لي ابتسم مع زوجي على الموقف..وابتسم للولد ويمكن ابوسه...واذلف بيتنا عااااااادي...شصار يعني!!!!!!!!
بس المشكله صراحه لو صاير ..العكس....تتوقعون...زوجي يشك فيني !!!!!!!!!!!!!!

 

[ليدي بجد]

دعااااااابه

 

[حبـ admant ـك]

زوجه عزيز

اي والله تصدقين احس تهاوشو بسبتها ههههههههه الله يستر

سعوديه تذبح

ايييه الله يستر

شيخه البيض

موقفكم صعب و اشوه اتصل الابو جان بتصير سالفه ثانيه هههههه

 

[حبـ admant ـك]

زينبو

شدراني فيها الله يهديها

ليدي بجد

الدنيا تغيرت ياختي

 

[اميره1980]

عادي ما فيها شي
يعني انا لو كنت مكان المره كنت بضحك و ابتسم و العب مع الياهل بعد

 

[ام كوشه منكووشه]

ياحليلها بنتج ذكرتني بولد اخوي واهوا صغير عنده كل الريايل ابووه

 

[ضايعة بدنيتي]

فديييييييييتها الله يحفظها لج يااارب ويبلغج فيها عروس ياحلوها

معليش حبيبتي التمسي العذر لها .. يمكن انها محرومة من الذرية وهالشغلة تجرحها وحساسة منها .. بعد انتي ما لج ذنب البنت تأججت عندها مشاعر الشوق للبابا خخخخخخخخ

الله العالم

بس ترى الموضوع كلش ما يقهر الا اذا المرة ذيك تعاني من شغلة بخصوص اليهال ف انتي اعذريها حبيبتي ..وااااااي ولو انا مكانها بلعب معاها وبنشد لها اناشيد طيور الجنة جدام الناس لووووووووول ليما يطردوني من المحل بسبب الازعاج خخخخخخ

فديييييييتها بنتج ودي افرص خدودها وابوس فيها لين تطفش خخخخخخخخخخ

عسى الله يحفظها لج ويجعلها بنت صالحة وبارة اللهم امين

 

[زوجة عزيز]

زوجه عزيز

اي والله تصدقين احس تهاوشو بسبتها ههههههههه الله يستر

سعوديه تذبح

ايييه الله يستر

شيخه البيض

موقفكم صعب و اشوه اتصل الابو جان بتصير سالفه ثانيه هههههه

ياحلوها والله الله يحفظها لج ان شاء الله بس لي كبرت ذكريها بهالموقف خخخخخخخخخخخخخخخخ:krkrkr:

 

[المتميزة@80]

وااايد تصير , بس مثل ما قالت الاخت ,ضايعه بدنيتي , يمكن اهي محرومه وحست بغيره وتحسست من الموضوع

بس مافي داعي للشك نهائيا يعني ,

اتخيل شكلج وانتي متوهقه ههههههه الله يحفظها لج وتشوفينها عروس يارب .

 

[ana_tolip]

عادي مافي مشكلة حرام ياهل وكل ياهل لما يشوف ريال يقوله بابا مافي اي داعي للزعل او الاحراج

 

[Queenleo]

ماافيها شيء واذا بتحط رااسها براس هالسالفه فالله يعين ريلهااا

 

[المرتاحة]

بيه اشدعوه عليها ليش نفست!!

لهدرجه مصغره عقلها ولا مو واثقه بزوجها

لو يصير لي الموقف بشيل البنت وبقول لج بناخذها بعد البنت ما تبيج تبي ابوها هههههههه

 

[صمت المرافئ]

موقف لا يحسد عليه بالنسبة للريال
الله يعينه على مرته
وربي ضحكت وآنا اتخيل شكلج وانت منحرجة
على الاقل بنتج يوم قالت بابا لكويتي لابس دشداشة وغترة
آنا وحدة تسولفلي عن بنتها
كل ما تشوف ريال قالت بابا
وتركض له تبيه يشيلها
ان شاء الله لو هندي عليه بنطلون وقميص :eh_s(1):

​

 

[ورده الكرستال]

مافيها شي انا لومكانها خذيت بنتج وديتها لزوجي

 

[opera]

عادي ياهل مو قصده ان هذا ابوه بس لانه مايعطي العلاقات مسمى غير بابا وماما

كل اليهال جذي الرياييل بابا والحريم ماما

اشدراه يعني بيقول عمي ولا خالي مثلا !!

انا ولدي عمره 3 سنوات للحين كل الرياييل بابا بس الفرق ينادي بابا فلان لوووووووول


يعني مثلا ريل حماتي يقوله بابا احمد ( يسمع عياله يقولون له بابا اهو بعد وياهم) شسوي مو راضي يتعلم اقوله اسمه عمو احمد بس ماكو