موقف لا ينسى .........

[@ام ضاري@]

الله يتمم عليكم يارب
والله في موقف كثير طيبه بيني وبينهم
بس اكتفي في ردي هذا

 

[خشف العذارى]

رد : موقف لا ينسى .........

الله يهنيكم ولا يغير عليكم

 

[شيخه الحلى]

والله حمولتي ما اشوف منهم إلا كل خير

بس مافي موقف معين سووه لي

بس للأمانه عمرهم ما غثوني ولا شفت منهم شي
لا خالتي ولا عمي ولا حمواتي

 

[Um Rashed]

انا اذكر خالتي على بنتي البجر ساعدتني واايد ... وحتى لمن كنت احس بعواار بطني كانت تجابلني وتسوي لي اعشاب اشربه .... والشي الثاني اللي يونسني لمن ريلي ساعات جدام امه يقعد يتغشمر معاي ويقول لامه انه يبي يتزوج وحده ثاانيه تقعد تدافع عني وتقول له ليش ان شاء الله اصلا ما راح تلاقي احلى واذكى من مرتك لو تلف وادوور ما راح تلاقي ... ادري انه ريلي يطفرني بس استااانس واايد من حجي خالتي ... فديتهاا والله ....

والله يخليلج خالتج وعسى دوووم هالمحبه ... قولواا امين لنا ولكم كلكم

 

[ام حزينة 2]

كثير هيا المواقف الحلوة من ام زوجي فديتهااا

 

[املى كبير]

حياتى حمدالله على سلامه وليدج مايشوف شر

والله يديم المعروف بينكم ويتمم عليكم


انا الحمدالله حمولتى كلهم زينين يمكن لانى زينه معهم وزوجى يحبهم حييييييييل وبار فيهم


اما خالتى انا تهببببببببل مالها شغل بااحد ودمعتها تسبقهااا


اذكر مواقفها دوم اصلا لادرت انى مصخنه بجت يااحياتى والله


واااااااجد مواقف مع حمولتى ماانساها ومواقفى بعد لهم واااااجد والطيب يستااااااهل الطيب


فديتج عشوووق

 

[تعويذه الحب]

الله يسلمج امول حبيبتي

وان شاء الله تظل هالمواقف الحلوه بينا وبين حمولتنا الله لا يغير علينا

 

[Tom ♥ Jerry]

.



فديت خآلتج و الله :*
الله يتمم عليكم و لا يحرمكم من بعض
و عسى على طول مشتانسين
و الله يشآفي ولدج

: )

 

[فـدوه]

رد : موقف لا ينسى .........

الله يتمم عليكم أكيد انتي زينة معاهم عشان جذي ردوها لج

الحمدلله على سلامة ولدج

 

[MISS-_-FLOWER]

رد : موقف لا ينسى .........

انا خالتي اذا ريلي على غشمره قالها خطبيلي بتزوج تروح تسبه سب و تخليه يعتذر ويتاسفلي وتقول اذا ما اعتذرتلها قلبي ماراح يرضى عليك

 

[سعوديه وتحبكم]

اب اب اب

 

[مكاييل]

للحين والله ماشفتها ولا دخلت معاها

اتمنى مايكون بينا نحاسه ياااارب

 

[الـفـجـر الـبـعـيـد]

رد : موقف لا ينسى .........

الحمدلله يارب خالتي تهبل حنوونه وطيبه ومالها شغل باحد ولاتتدخل فينا لا من قريب ولا من بعيد

اهي عادتها اذا تزوجوا عيالها وهم معاريس تروح تنظف البيت وتلم الملابس وتغسلهم وتبخر البيت من غير لاتعلم احد

ولما كنت فبيت اهلي خدامتي منحاشه راحت البيت ونظفته وغسلت الملابس فشله منها والله للعلم خالتي ماعندها خدامه ولا تحب الخدم

الله يخليها لنا ويطول بعمرها ان شالله

 

[ام كوشه منكووشه]

رد : موقف لا ينسى .........

الله يخليهم لج ان شاءالله

 

[A7la KatkoOota]

رد : موقف لا ينسى .........

حبيبتي الحمدالله على سلامة ولدج
والله يتمم عليكم ويخليها لج ويخليكم لها ماقصرت يزاها الله خير ودوووووم انشالله مويوم هالمواقف ولايغير عليكم

 

[ضحكت حبيبي]

رد : موقف لا ينسى .........

الله يتمم عليكم ان شاء الله
والحمد الله على سلامه ولدج

بصراحه انا صارلي 6 سنين متزوجه ماادري اذا خالتي تحبني والا لا
الصراحه شخصيتها تحيرني بس الحمدالله انا زينه معاها
وماانطر رد الجميل من احد
يمكن لاني مو مستقره بحكم وظيفه زوجي + الظروف دايم نكون بره الكويت
وطبيعه دوامي ماتخليني احتك بالناس وايد

 

[tmtmt]

الله يخليها لج ويتمم عليكم يارب
الي يعرفج غصبن عليه يعزج ويحترمج

ما اتذكر موقف استاتست منه وايد
بس كفايه انهم يحبوني وهذا شي متأكده منه الحمدالله
وكفايه انها ماترضى علي ودايما تدافع عني حتى لو على غشمره

الله يخليهم لي ان شاءالله

 

[حبيبه بدر]

انا بحمالي الاول

دزو لي خالتي وحماتي جنطه كبر سريرنا +جم كرتون

ولا هم مجهزين لي كل شي حق البيبي جتى سرير البيبي وملحقاته طقم كامل ولبس انفاس حقي

ما شريت ولا عود
ومن كثرهم لاما يبت ولدي الثاني استخدمت منهم لانه في اشياء ما فتحتها من جيستها جزاهم الله خير ما قصروا

 

[ماركة انثى]

رد : موقف لا ينسى .........

الحمدلله على سلامة ولدج

والله يخليلج خالتج عساها دووم المحبة


وهذا من طيبج واسلوبج الراقي لانج اصيلة مع خالتج ومع الكل

والمواقف واجد بس للحين ما اذكر شي وشكرا على الموضوع:blueSmCLR:​

 

[@البتووول@]

رد : موقف لا ينسى .........

قلبتي المواجع والله

خالتي راحت توفت الله يرحمها ويغفرلها مواقفها لاتعد ولاتحصى ربي يرحمها ويغفرلها