موقف صارلي وياليته ماصار..ابي رايكم..؟

[وحيده بدروبي]

انا ماني معلقة علي الموضوع لان تصير باحسن الناس بس بقول شي واحد بس يا حلو البراااااااااااءة اللي فيج مادري حسيتها فيج بشكل مو طبيعي الله يوفقج

بعد عمري مشكوره عالدعوه والله يوفقنا اجمعين حبيبتي

 

[غيآبڪ عذآبي]

.


حمممدلله ع سس ـلآمتج ~..

حسس ـيت إنه ششهم ونيته زينه << ششدرآج

ومآ أتوقع بيلحقج ..

 

[EnG.SaMoRa]

مادري حبوبه
اول شي الحمدلله عالسلامه
وثاني شي انا اشوفه ولد شهم وماراح يضرج ، ولا يتعرضلج
لويبي يتحرش جان حط رقمه بسيارتج عالاقل
بس اهوة شكله طيب ويبي يسوي خير وبس
لاتخافين
وانسي السالفه

 

[حنان الذكريات]

اول شي الحمد لله على سلامتج ..ولا تحاتين اي شي ..لانج وقتها كنتي مرتبكه ومو عارفه شلون تتصرفين ..
اذا سوالج شي بعدين قولي حق احد من اهلج ولا تخشين الموضوع ....وهالريال شكله كان يبيج تكلمينه بالتلفون ...
بس انتي اذا شفتيه لا تعطينه ويه وسوي روحج ما تشوفينه وبس ...لا تخافين ولا شي ..انتي ما سويتي شي غلط
والحمد لله على سلامتج مره ثانيه

 

[amani]

حبيبتي كل الصار أحسه عادي مادري بس عسى يطلع الولد محترم وما يسوي شي ثاني

 

[ياعشيري جعلك السلال]

الحمدلله على سلامتج

الي سويته غلط بس مجبورة عليه شتسوين بعد

الله يعينج

انا رايي تقولين حق امج الصراحه حلوة وبترتاحين صدقيني

 

[nandeny]

الله يستر عليج وعلينا وماكو الا العافيه والبنات ماقصروا بالردود

 

[طموحه بزياده]

والله انا شكيت فيه تقولين عنده اكثر من تلفون!!!

هذااااااااااااااااااااااااااااا فازع يا حليله وبنفس الوقت يبي يضرب عصفورين بحجر لوووووووووووووووووول


ديري بالج ولا تعطينه ويه ترا شطله مو هين

بس صج مالومج يوم ركبتي سيارته لان سيارتج خربانه وتخافين على عمرج ب المفروض يوم صفطتوا عند الجمعيه خلاص كلن يروح بطريجه ليش لحقج لي بيتكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


الله يستر عليج واهم شي خليج واثقه من نفسج انج بنت محترمه وماسويت شي غلط ولا تخافين من اخوانج ولا تقوليلهم انج ركبتي سيارته

 

[amoon]

حمدلله ع سلامتج

اهم شي انج ماسويتي شي غلط

 

[Un-6be3iya]

ترا ليلحين الدنيا فيها خير
و هذا مبين عليه ولد اصل و شهم الله يكثر من امثاله
و بصراحة بآين انج عجبتيه
بس ديري بالج من الغلط لو مهما كان
عشان لو كآن صج حاط عينه عليج راح ايي ويخطبج من اهلج و لاتقولين مايعرف وين اسكن ولا شي ماتدرين يمكن سجل رقم سيارتج وانتي ماتدرين عشان يطلع بيانات
ويمكن فتح الدرج و شاف دفتر السيارة من بإسمه ؟
كل شي جايز
و خطآج السو

 

[اميره1980]

اول شي حمد الله على السلامة
ثاني شي اللى صار صار خلاص الكلام ماكو فايدة منه بس نستفيد من اخطائنا و اذا الانسان ما اخطأ شلون يتعلم صح؟
بس كان افضل حل مثل ما قالو البنات تدقين على اخوج اللى ما تكلمينه و يمكن صار هالموقف علشان تكلمينه و تردون لبعض و جنه مو صاير شي و صدقينى لو كنتى متصلة كان يالج طاير مهما كان اخته اهله بالشارع ما يخليج لو متذابحين
عموما اذا لحقج او سوالج اي سالفة تقدرين توقفينه عند حدة خو انتى ما ركبتى وياه و ابسط شي تقوليله انا ادري انى تصرفت غلط و كنت بموقف صعب ما كنت ادري شنو قاعده اسوي و مشكور وايد على المساعده يا خووووووووي و حطي تحت كلمة يا خوووووووووي الف خط

 

[&& دعاء &&]

حمدالله ع السلامه
الموقف جدا عادي ريال فيه خير وما قصر وصلج لبيت اهلج
اوكي انتهي كل شئ ليش مكبره الموضوع وما له داعي المحاتاه
Un-6be3iya
ما شاء الله عليج حللتي الموقف عدل بس حرام لا تعلقين البنيه اخاف ما يصير شئ
وشكرااااا

 

[Cander]

الحمد لله على سلامتج

يمكن الولد نيتة صافية ويبي يساعدج صج

بس مع الاسف ان اغلبهم يبون مقابل ، وهذا شكلة يبي يكلمج عشان سالفة التلفون

بس انتي خلي تصرفج عادي ، اذا طلعتي من البيت لا تتلفتين ، واذا لاحظتي سيارتة ديري بالج

تبتسمين او تطالعينة واذا كان يمج بإشارة او شي خليج ثقيلة حتى مابايل لاتمسكين خل يحس انج مو

من هالبنات الخفيفين ، واذا تجرأ ونزل يكلمج لا سمع الله ، سوي نفسج مو ذاكرة اللي صار ، لا تعطينة

فرصة يتمادي ، طبعا كل هذي فرضيات ونظريات يمكن نكون ظالمينة ومو قصدة شي

الله معاج

 

[غلا الغوالي]

الله يعينك

موقف يخوووووووووف

قولي الله يكفيني شره

 

[قطوه ورديه]

الحمدلله على السلامه
و
عادي يمكن حب يطمن عليج

 

[BaiTotia]

وليش ظن السوء بالناس

شكله كان حاب يساعدج وشافج بروحج تبجين وإنتي بنيه تحتاجين مساعدة

وتصرفج أحس إنه طبيعي لأنج مصدومة ومتوترة وخايفه ومخترعة

ولا تحاتين الحمد لله عدت على خير وخطاج السوء

 

[وحيده بدروبي]

حبااايبي مشكورين عالردود الننوسه الحلوه مثلكم وابشركم طلعت اليوم ورحت الدوام ورديت ماشفتش حد..!! الحمدالله

واللي تقول ظن سوء حبيبتي انتي ماشفتي ابتسامته وشلون نطرني لما ادش البيت ومشى..عموما الله يجزاه خير

 

[كويتيه برونزيه]

اهم شي حمدلله على سلامتج اختي

وخلاص اذا هو سوا خير يعني لازم يتعرف عليج عيل خيره مو لوجه الله

المهم دامج قلتليله عطيني رقم حسابك واحولك على تعبك وقفتك وياي وما رضا خلص خليه بحال سبيله

واذا شفتيه وانت طالعه ولا شي سوي نفسج عادي ولا كأنه يمج جذي لغايه ما يذلف عنج

وبليز شيلي التغيم وديري بالج بالطريج

حافظكم الله

 

[ام سعود ديكسون]

الله يستر عليج ويبعد عنج اعيال الحرام

الصبي شهم وساعدج وغير جذيه لا تقعدين تفكرين وايد لان الشباب يعرفون ان هالبنت مو مالت خرابيط

وما كان له داعي تحولين له فلوس الريال مساعدج بدون مقابل و بالنهاية بقولج خطاج السو بالحديد ولا بالبشر

 

[وحيده بدروبي]

اهم شي حمدلله على سلامتج اختي

وخلاص اذا هو سوا خير يعني لازم يتعرف عليج عيل خيره مو لوجه الله

المهم دامج قلتليله عطيني رقم حسابك واحولك على تعبك وقفتك وياي وما رضا خلص خليه بحال سبيله

واذا شفتيه وانت طالعه ولا شي سوي نفسج عادي ولا كأنه يمج جذي لغايه ما يذلف عنج

وبليز شيلي التغيم وديري بالج بالطريج

حافظكم الله

فديتج هذا اللي بسويه مشكوره ياقلبي عالنصيحه والدعوه..بس انتي تقولين شيلي التغييم ترى انا مو مغيمه سيارتي@@..!!