موقف دمرني 3 ايام رمضان

[صابرة الحمدلله]

السلام عليكم حبايبي وخواتي​

انا متزوجة من سنه ونص والحمدلله لين الحين مالله كتب حمل​

بدخل بالموضوع ​

انا عايشة عند حماتي الصغير ماجرة شقة عندها ووبيوم الاثنين اللي هو ثالث يوم رمضان كان عندها فطور ​

وحبيت اساعدها خدامتها يديدة وماتعرف شي​

ومعاها لين يت حزة النجاب واليهال من الصبح قاثيني بس يحوسون بالمطبخ ولا يحاجونهم​

فبحزة النجاب ييت حماتي الكبيرة وتوها حتى ماقطت عباتها وتسلم علينا بالمطبخ ​

فطور رياييل وحريم حايسين ​

وقلت : طلعي اليهال من اليوم يحوسون حوالينا ذبان بس يدورون​

شردت علي ​

قالت: قولي لا اله الا الله لاتنظلينهم​

والله احتريت وانقهرت انا حسودة​

قلت لها : الله يخليهم لكم انا مو حسودة​

والله مافطرت وانقثيت لدرجة اني دعيت الله يسامحني ​

ليش هو بيدي الحماله وانا رادته​

لانها شايف انها تحمل اول ماتخلي حبوبها​

والله انا نفسيتي زفت وصراحة حرتني وماطيقها​

 

[***الزين***]

انا اقول يمكن ماتقصد ... لاتحطين فبالج حبيبتي طنشي انتي اكبر من هالاشياء التافهه .. استغلي رمضان بالدعااء ان الله يرزقج الذرية الصالحة

 

[مو عايشة بالدنيا]

الله فوقها
ولا تحترين ولاتتضايقين هذا شي بيد رب العالمين
واذا هي ماقدرت النعمة الله يجازيها

 

[_ظل الياسمين _]

حبيبتى مو شرط قصدها اللى فى بالج ..

هالشى ينقال عااااادى لاى احد ..لا تخلين فى بالج ولا تصيرين حساسه من هالناحيه..

خلى امورج عاااااادى وتوكلى على الله وعسى ربى يرزقج ويفرحج انتى وكل من فى خاطره يارب العالمين.

 

[المهذبه]

موقف عادي حبيبتي وأنتي حساسه ..

 

[كويتية ورديه]

ميخالف حبيبتي . الله كريم .. ان شاءالله ربي يرزقج ومايحرمج بإذن الله بالشهر الفضيل يارب

 

[كويتيه مذهله 87]

انتي يمكن تتحسسين بهالاموور وانتي بعد ليش قلتيلها اابن هي بعد تخاااااف

 

[التميميه]

عادي والله كلا يقولها هالايام لاتشيلين بخاطرك
والله عادي اذا هي حبوبه وطيبه ترى ماقصدت ولازم الواحد من نفسه يقول ماشاء
الله تبارك الله قبل لايقولون له الناس

ربي يوفقك وييسر عليك ويرزقك ياااااارب

 

[نكهةالبرتقال]

ميخالف حبيبتي طوفيها ، و أنت سويتي خير وايد إنك ساعدتيها ، بس مرة ثانية خلي كلامك موزون دامها حساسة جذي

و لا تفتحين معاها حيل

أنا صارلي موقف مع أخوي الله يهديه ، لما ييله مولود ، دز حق كل قرايبنا وسائط صورة الولد ، إلا أنا ،خايف أنظله

و كأني حسودة ! على أبو إن الله ما رزقني ، بس ما اهتميت ، و دعيت من ربي يعطيني بدال الولد الواحد اثنين توم

يا رب يرزقني بالتوم اللي أتمناهم و يرزقك و كل محرومة ياااارب

 

[mosta7eel]

عادي حبوبة يمكن ماتقصد وقالتها من باب الميانه
واهي اكيد تتمنى ان الله يرزقج انتي واخوها الذرية

 

[لوكي 22]

لايهمج ..
وعسى ربي يرزقج ان شاءالله

 

[mememoon]

حبيبتي عادي يمكن تتغشمر اومو قصدها لا تضايقين ..ولا تبينين لها انج حساسة من هالناحية ..

 

[تاجي أخلاقي]

اضغطي على قلبج ..وانسي ...واعتبريه موقف ما صار ..

الله يوفقج ويرزقج..

 

[أنوار البحرين]

حبيبتي حالي من حالج
اذا انتي توجه الكلام جدامج أحس من انه يكون من وراج
اولا أوافقج الراي انها اقهرتج شي طبيعي لانها عبالها الله أنج حاطة بالج على عيالها بمعنى انج تراقبين عيالها وهاذي الشي ما يعجبها
ثانيا أنتي عملتي باصلج ساعدتيهم ووقفتي وياهم ومقت ما كانو محتاسين بالمطبخ
ثالثا حسبي الله عله هالمشاعر الحساسة اللي تتفاعل مع شرار ابليس وتولد القهر والحسرة مع انه هاذي الشي من عند الله
رابعا ولا يهمج فديتج ، واللي رزقهم بيرزقج احسن منهم
خامسا في ناس ما تعرف تتكلم واذا حاولت ترد باسرع وقت ردت بكلام غير موزون
سادسا خلج بعيد كل البعد عن عيالهم وأي موضوع يخص عيالهم وإنشاء الله الله بيرزقج الذرية اللي تحلين بها

 

[غزلان كويت]

لا تحطين في بالج الحياة مستمره والمشاكل كثيره ويامالج من المواقف خلي نفسيتج حلوه واستعدي لاي موقف خو احنا دايم جدام المدفع يا روحي احتسبي الاجر لاحول ولا قوة الا بالله

 

[عروسه 99]

والله حاسه فيج الله يعينج والله ويرزقج ويرزق كل محرومه عاجلا غير اجلا بهالشهر الفضيل

 

[سمسومه الحبوبه]

يابعد عمري والله حاسه فيك في ناس ماتعرف تحكي لوصايرلك مثل موقفي وش بتسوين
بعد مافطرنا في بيت حمولتي قعدنا نسولف قالت مرة ابوه اني قايله لبنتي تعالي افطري معنا بس عيت لانها فيها الدوره وتعبانه قمنا نسولف في الدوره قلت انا إذا جت ضاق صدرك وإذاماجت ضاق صدرك قالتي قدامهم إنتي عاد الوحيده اللي المفروض انها تفرح اذا ماجتها الدوره وش تحترين متاكم معرسين ويله قام كلن يسأل وصرت علك في فم اللي يسوى واللي مايسوى

 

[ترووفه]

حبيبتي لاتحرين عمرررج عااااادي


يمكن انتي يوم قلتي اعيالكم يحسوون جنهم ذبااان

قالت قولي لااله الا الله عادي حبيبتي لاتصير حساسه

ان شاااءالله بتحملين وتفرحين بشووفة النونو

 

[meen_ana]

يارب يزرقج بالذريه الصالحه يارب

 

[WaChoCha]

عسى ربي يرزقج من اوسع ابوابه الذرية الطيبة الصالحة وصدقيني ما تضيع عند رب العالمين