موقع منحة الشيخ سالم العلي

[مستقبلي احلى]

مظلومه اختي كم كانت مديونيتكم

الف ما تغطي على الديون
اللهم لك الحمد

 

[غوالي الكويت]

مرحباااااااااا كويتيات يا أجمل بنات الخليج ممكن تساعدوني ما ادري اذا في لحد ألحين في تقديم طلب للمنحة...جزاكم اللة خير

 

[أم جوري]

هلا وغلا حبوبة

تقديم الطلبات توقف من مدة ... للاسف

 

[صوت السهارى]

انزين الحين الواحد اشلون يستفسر اشصار عالطلب يعني لما ادخل الرقم المدني كلا يطلع لا يوجد مدخلات شالسالفه اشلون انعرف اشصار ؟؟؟؟

 

[مظلومه ياناس]

خواتي هم يدزون لج رساله عالموبايل مكتوب فيها
تم مساعدتك من تبرع سمو الشيخ سالم العلي راجع بنكك بعد 5 ايام


مستقبلي احلى اهيا صج ماتغطي شي بس الحمدلله شي احسن من لاشي

 

[العنا]

بنات ماتعرفون اى اخبار عن المنحه ووين وصلو الجرايد نتابعها ما يذكرون اى شى

 

[أم جوري]

المنحة سيتم ادياعها غدا في حسابات اهل الشهداء ...
سيتم صرف منحة الشيخ سالم العلي اطال الله في عمره للمدينين باقل من الف دينار في هذه الفترة ..

 

[atooma]

مشكوره

 

[مستر]

السلام عليكم

قدمت اوراقي بشهر فبراير/2007

وامس الساعه 9 بالليل جاني المسج اللي كنت باني عليه آمـال كبيرة

ورحت اليوم لبيت الزكاة فرع السالميه (يداومون الجمعه) وسألت قالو:

نزل لك مبلغ 400 دينار

مع العلم اني قدمت اوراق تثبت بمديونياتي اللي توصل الى 30.000 ثلاثين ألف دينار

(الله يجزا الشيخ سالم العلي كل خير ويطول بعمره ويعطيه الصحه والعافيه)

لكن الموضوع ومافيه:

ان في ناس قدمت مديونيات أقــل مني وحصلت أكثر

ليش حتى بفلوس الشيخ خلوها واسطات او شنو السالفه بالضبط!!!

ياجماعه 100 مليون وين راحووو؟؟؟ سؤال يحير

يعني معقوله هذا الشي يصير؟؟؟

حسبتها بالنسبه طلعت نسبة 1.3% من مديونيتي

للعلم:

اعرف اشخاص بالأسم الثلاثي ومبلغ المديونيه اللي قدموها
ومديونيتهم اقل من مديونيتي بفرق كبير جداً
وعطوهم اكثر من المبلغ اللي خصصوه لي بفرق
ولابعد قبلي بشهور
وماعليهم ضبط وأحضار
ولا عليهم احكام قضائيه

(جـاري عطوه سبعــة آلاف دينار)

المصيبه ماني عارف اراجع منو بخصوص هالأمـر

ياريت تفيدوني لأني للحين ماابي آخذ هالمبلغ قبل لا أتأكد وحتى لو حولوه للبنك راح أطلب ورقه تثبت انهم خصصو لي هالمبلغ

(لاتقولون راجع بيت الزكاة)


ملاحظه: موقع بيت الزكاة مايخدم بشي نهائياً بالنسبه للي ناوي يستفسر من خلاله والتليفونات مايردون عليها نهائياً صارلي شهر اتصل عليهم مايردون واللي مو مصدقني يجرب ويتصل عليهم ويتأكد من صحة كلامي

يخدمك إذا ناوي تدفع لهم يعني بس بالتبرع لأن مشالله أرقـام الحسابات اللي حاطينها تقريباً بكل بنك لهم حساب تقدر تتبرع فيه أو إذا ناوي تعرف مجلس إدارة بيت الزكاة وتشوف صورهم بعد
وحاطين اعلانات للتبرع بالمسجات
وصورة خريطة الكويت ومواقعهم بكل مكان بالديره عشان ماتضيع وتوصل لهم بسرعه

 

[قرة حسن]

الموقع مو راضي يفتح وياي ليييييييييييش ؟

 

[حبيبة]

بنات شالسالفة المنحة مو للمتقاعدين اللي تقل رواتبهم عن 1000 دينار صح ولا لأ

 

[sara bent elkuwait]

الصراحة ما ادرى بس اللة يجزاة خير

 

[sara bent elkuwait]

بنات شالسالفة المنحة مو للمتقاعدين اللي تقل رواتبهم عن 1000 دينار صح ولا لأ

الى راتبة فوووق الالف ما يعطوونة اما الا الى راتبة 990 يعطونة على حسب ما سمعت

 

[الدروازه]

ما قصر الله يشافيه ويعافيه يجعلها في ميزان حسناته

الموقع ما طلع عندي يمكن بعد ما جهزوه ؟؟؟؟

فعلا جت بوقتها الحمد لله

 

[أم جوري]

المنحة الجديدة 500 دينار لكل متقاعد راتبه اقل من 1000 دينار ....

الله يجزاه خير ويكون في ميزان حسناته ان شاء الله ...

الموقع مو مفتوح الحين علشان التسجيل حاولوا تدخلون باجر او اللي بعده ...

 

[bano0ota_cool]

بنات الموقع موشغال؟؟؟
ليش

 

[المبخر]

جزاج الله خير

 

[sweety_love2]

شنو هذا مو موقع سالم العلي للمنحه قاعد يطلعلي موقع اجنبي فيه صورة بنت لابسه جنطه

 

[انا كويتية]

يابنات هذا الموضوع عن المنحة القديمة مالت بيت الزكاة

منحة المتقاعدين هذا موقعهاا :

http://salemgive.zakathouse.org.kw/

 

[Ťђё Ĕηđ]

يزااااااااااااااه الله خير ماقصر

الله يشاافيه ويعااافيه يارب ...