موقادره اتاقلم مع القولون تعبت !

[نفيشه]

ماتشوفين شر
ضاق خلقي عليج

والله كلكم عورتوا قلبي عسى الله يشافيكم

 

[New Mum]

انصحج بموسى خورشيد ممتاز ممتاز ممتاز
ماشوفين شر حبيبتي

 

[ii DareeN ii]

ماتشوفين شر وشوفي الطبيب شيقولج ولا تخلين اذكار الصباح والمساء انتي ارقي نفسج والقلون ازمه لكويتين ذبحنا وخري عن الضغط النفسي

 

[جبنة بيضة]

ليش جذي ضيقتي خلقي ان شاء الله ماكو الا العافية شربي ماي زمزم و ادعي و ان شاءالله الله كريم و لا تضيقن خلقج و فكري بأشياء حلوة و أنا سامعة المرقودش زين بس سألي أحن قبل لا تشربينه وعصير التفحاح وايد زين للاسهال

الله يشافيج

 

[لوكريسيا]

الله يشافيج حبوبة الاسطورية .. جربي روحي حق سامي أمان اهو متخصص بالجهاز الهضمي و المناظير ... و لله ان امي كانت تعاني من قرحة المعدة و تصرخ و تبجي بالليل و محد عارف علاجها الا سامي امان يوم راحت له الحمدلله لي يومج ما تشتكي من معدتها

و طبعا لا تنسين تقرين البقرة متواصل و تحصنين نفسج .. بعد الواحد سبحان الله تروح عن باله هالشغلات وقت الحفلات و الطلعة ..

و طمنينا عليج .. أجر و عافية يالغالية

 

[شندوخه]

العصفور مايفهم شي وعن تجربه بكل عايلتنا انسان تجارى مايهمه مريضه يهمه فلوسه
والله حبيبتى انا وحده لى باااع طويل عند دكاتره القولون وافضلهم خبره الشمالي واذاماعندج ميزانيه روحى للاميري للدكتوره معصومه العلي

 

[شندوخه]

الله يشافيج حبوبة الاسطورية .. جربي روحي حق سامي أمان اهو متخصص بالجهاز الهضمي و المناظير ... و لله ان امي كانت تعاني من قرحة المعدة و تصرخ و تبجي بالليل و محد عارف علاجها الا سامي امان يوم راحت له الحمدلله لي يومج ما تشتكي من معدتها

و طبعا لا تنسين تقرين البقرة متواصل و تحصنين نفسج .. بعد الواحد سبحان الله تروح عن باله هالشغلات وقت الحفلات و الطلعة ..

و طمنينا عليج .. أجر و عافية يالغالية

لالالا ديري بالكم من سامى امان

 

[أسيرة قلبه]

هلا حبيبتي

انا من جم شهر صار فيني القولون من الاعصاب و القلق اللي فيني طبعا على طول دوخه و لوعه جبد و لوية بطن مرات ا مساك و انتي بكرامه بس ترى اللي انا اعرفه من زمان ان الاطباء ما يعتبرون القولون مرض لا يعتبرونه حاله مرضيه مزمنه ما لها علاج بس اهم شي ان الشخص المصاب يبتعد عن الاشياء اللي تسبب توتر و قلق و اعصاب

و على فكره ترى هالشي منتشر وووااااااااايد بالعالم تقريبا عشرين بالميه من سكان العالم يعانون منه اذا ماني غلطانه

 

[moors]

ماتشوووفين شر و سلامات

 

[زين البدر]

انا اخوي عنده القولون العصبي

بس ياخذ نوع دوا مادري شسمه


وايد وايد مرتاح منه


اذا تبين اسألج عنه حاضره من عيوني ولا اشوفج تتعبين

 

[قلب امي]

الله يصبرك انا اعاني منه من 7 سنوات مو بس واحد عندي القولون العصبي والميعوي ونفس اعراضك بس والله ماخليت شي الا جربته وسويت حميه من الدهون والفلفل وارتحت شوي بس تعبت بس الحمد الله انا عالجت في مستشفى رعاية الرياض عندنا وعطتني الدكتوره علاج واحد بعد الفطور واحد بعد الغداء والعشاء والحمدالله احسن بكثير كنت اول لما تجيني الحاله اروح اخذ ابره من الوجع بس الحمد الله احسن من غيرنا انا استخدم الحين العلاج للمدة اربع شهور بس فيه علاج عادي ينفع مايضر هي حبة مضع بعد كل وجبه وعادي يستخدمها اي واحد يمكن تلقينه عندكم في الكويت الحبيبه والله يشفينا جميعا من هاذ القولون قولو امين انصحك استعملي الحبوب بعد كل وجبه وبتشوفين الفرق ان شاء الله
اسمه (disfltyl) كرتونه ابيض وفيه خطوط صغيره على جنب لونها ازرق واصفر وسماوي والله يشفيك

 

[سكن االروح]

اسطووووووورتنا مريضة


الحين انا بحط لج موضوع بالقسم الإسلامي عنالرقية الشرعية

يا ليت تقرينه

منه بتعرفين اذا فيج عين ولا لالا والف لا باس عليج حياتي وما تشوفين شر

 

[سكن االروح]

حطيت لج الوضوع غلاتي

http://www.q8yat.net/showthread.php?t=75838

واي سؤال انا حاضرة وموفقة يارب

 

[**سهام**]

هذا دواج وعلى الله شفاك

ماي زمزم تقرين فيه سورة البقرة والمعوذات
وتشربين منه طول اليوم مدة شهر او شهرين
واقري المعوذات بعد كل صلاة وانفخي بايدينج وامسحي على جسمك

 

[الاسطورية]

مشكورين بنات
الحين اشوف موضوعج حبيبتي مشكوره عالمشاعر الطيبه

 

[*البدرة*]

يا عمري
انا فيني بعد بس مع اسهال ...مكرم السامع///
اخ انتي وانتي تشكين اشوف نفسي فيج والله العظيم
الحمد لله على كل حاااال.. والله يشفينا ويشافيج ويشفي الجميع
بس ابي اعرف هل هو ياثر على الحمال...؟
انا اتعالج بالهادي وما سويت للحين لا منظار ولا سونار..؟
جم يكلف عند الشمالي تقريبا يا الاسطوره..؟
او شرايكم اسويه بالحكومي وعند منو..؟؟؟؟
"
"
ما تشوفين شر يالغالية..

 

[شندوخه]

يا عمري
انا فيني بعد بس مع اسهال ...مكرم السامع///
اخ انتي وانتي تشكين اشوف نفسي فيج والله العظيم
الحمد لله على كل حاااال.. والله يشفينا ويشافيج ويشفي الجميع
بس ابي اعرف هل هو ياثر على الحمال...؟
انا اتعالج بالهادي وما سويت للحين لا منظار ولا سونار..؟
جم يكلف عند الشمالي تقريبا يا الاسطوره..؟
او شرايكم اسويه بالحكومي وعند منو..؟؟؟؟
"
"
ما تشوفين شر يالغالية..

اي تقدرين بالحكومه روحي مستشفى الاميري مركز ثنيان الغانم مال امراض الجهاز الهضمي عند الدكتوره معصومه العلي عن تجربه هذي احسن وحده عارفه زين وايدها خفيفه ونفسيتها عسل

 

[الاسطورية]

البدره قطي على نفسج وروحي الشمالي وايد مدحوه لي
وعالحمال انا سالت يقولو سبحان الله كل الالم يروح مادري عاد وانا ناويه اسال البنات عن هالفكره

 

[بتبوتااا]

وااااااااي انا مثلج بس حصوه بالمراره مو قولون
لما ايلي العوار اتلوى ما اقدرر تلوع جبدي من كل شي تصدقين اني ضعفت 15 كيلو لاني ما اقدر اكل دهن ان كليت اييلي العوار
وااااااي بنات ماتلاحظون انه القولون والحصوات الحين منتشره؟؟
ياترى من شنوو؟؟ اكل المطاعم؟؟ ولا شنووو؟؟
ولا النفسيه والاعصاب والتفكيررررررر ولا امراض العصر؟؟
الله يشافيج ويشافينا امين يارب العالمين!!1

 

[[ . . Jee Jee . . ]]

سلامتج اسطوو حبيبتي والله ياليته بعدوينج ياقلبي انتي