موعد عمليتي الاسبوع الياي ونسيت سالفة الدوره :(

[أميرة طفولتي]

السلام عليكم

شلونكم بنات


انا نااااااااااااطره موعد عمليتي عند الدكتوره شيرين
من زماااان بس المشكله اني لمن اخترت تاريخ 1-6
نسيييييييييييت ان الدوره راح تكون علي ،
اليوم دقيت كلمت الدكتوره ومااااااااااااااااااافي موااااااااعيد
كله فل شغاله الفترتين الصبح والعصر
اهيا قالتلي اذا كانت 3 او 4 يوم عليج مو مشكله
وقتلها عادي اخذ حبوب ارفعها قالتلي
لا لا تاخذين مانبي لخبطه
انا الحمدلله دورتي مضبوطه يعني اتييني تاريخ 2
من كل شهر بس الشهر الي طاف
الي اهوا شهر 4 يتني تاريخ 2 وردت يتني نهاية الشهر 30
الحين انا احترت هل هالشهر راح اتيني 30-5 ولا 2-6 ؟!!!!
موعد عمليتي بالنص 1-6
ابي شي مايخليها تنزل الا تاريخ 2 مابيها تنزل علي قبلها
شسووووووووووووووي بنات بليز في طريقه اقدر اخليها
ماتنزل من غير لا اخذ حبوب ترفعها ؟!!!!
بليز ناطره هالموعد من زمان ومابي يروح علي :eh_s(16):

 

[dectora 7elwa]

الله يعينج
نصيحه لا تلعبين بهرموناتج
لا تفكرين فيها ونطري لين 31-5
اذامايت توكلي على الله
اذا يت اتصلي اجلي الموعد
ومدامج مستخيره لااا تحسفين ولا تحاتين

 

[أميرة طفولتي]

حبيبتي دكتوره
عدل كلامج انا مابي اخذ حبوب خصوصا ان الحمدلله دورتي منتظمه
واتييني بالضبط نفس التاريخ من كل شهر
بس انا اخاف اتييني واتوهق واذا بحط موعد ثاني راح انطر وايد
وانا عندي مناسبه مهههههههمه لازم اسويها قبلها وما اقدر بعدها
احتمال اسافر يعني حدي محصوره بس ابي طريقه ماتنزل
بس عاد شنو اهيا مادري !

 

[ام حربي]

الله يعينج

 

[ندىـا]

ايش عمليتج ؟؟

 

[جوري ابيض]

بصراحة انا بعمليتي قلت للدكتور باكل حبوب لان نفس اليوم كانت وانا مومضبوطه قالي اكلي احسن لج
راحت امي الصيدليه ويابت لي الحبوب كليتهم لما خف علي عوار العمليه تقريبا اربع ايام
ويتني الدوره اول ماهديت الحبوب بيومين او ثلاثه

 

[أميرة طفولتي]

جوري حبيبتي

الدكتوره منبه علي اني ما اخذ اي دوا قبل يوم العمليه
امممم انا مو مجربه ولا مره هالحبوب اهيا شلون طريقتها كل يوم اكل حبه يعني ؟

 

[أميرة طفولتي]

ندى

حبيبتي عملية شفط

 

[mabahrain]

بنات انا اللي أعرفة ان الحبوب اللي ترفع الدورة و حبوب منع الحمل وايد خطرة لما تاخذينها وقت العملية المفروض تكونين قاطعتها قبل العملية بشهر لان ممكن تسبب نزيف اثناء العملية

 

[** رش رش **]

يا قلبي يا أميرة حتى انا دورتي مع عمليتي
بس الحمدالله جتني بدري يومين و الحين عمليتي بكرة ان شاء الله و بكون رابع يوم الدورة و دكتورة شيرين قالت لي عادي رابع يوم
الله يسهل لنا عمليتنا و يقومنا منها بالسلامة

 

[أميرة طفولتي]

حبييييييييييييييييييبتي رش رش

الطيب عند ذكره توني يايه بدور الموضوع الي كنت قايله عن عمليتج
لاني ذاكره اني قتلج ان عمليتي الاسبوع الي وراج
الله يسسسسسسسسسسسسهل عليج انشالله وتقومين بالسلامه وتبشرينا
نفس الكلام قالته لي الدكتوره اذا 3 او 4 يوم مو مشكله

mabahrian
بالضبط حبيبتي الي قلتيه عدل
والدكتوره اكدتلي هالكلام من ساعتين كلمتها ماقدرت اصبر لي باجر
وقالتلي في خطوره كبيره اذا خذيتيها تسبب نزيف وجلطات بعيد الشر عن الكل
وانا اساسا كنت ابي حلول ثانيه غير الحبوب
يعني مثلا اشرب اشياء بارده ومثلجه لوووووول
وما امشي واتحرك لان المشي ينزلها << على حد علمي
وووووووو
بعد شسوي عشان لا تنزل ؟! مايمدي احمل باسبوع ؟ لووووووووووووول

 

[dectora 7elwa]

يقولون بالطب النبوي
ان شرب ماء الاراك يرفع الدوره
اللي هم المسواج او السواك
بس شلون ما اعرف

 

[dectora 7elwa]

يا قلبي يا أميرة حتى انا دورتي مع عمليتي
بس الحمدالله جتني بدري يومين و الحين عمليتي بكرة ان شاء الله و بكون رابع يوم الدورة و دكتورة شيرين قالت لي عادي رابع يوم
الله يسهل لنا عمليتنا و يقومنا منها بالسلامة

رش رش
الله يسهل عليج
ويقومج بالسلامه
عليج بالادعيه وقراءه القران قبل العمليه
ولا تنسين تنبهين دكتور البنج على اي ادويه تاخذينها او اي حساسيه عندج او ربو
لا تستهينين باي معلومه بسيطه
قوليلنا باي مستشفى ونيي نزورج

 

[أميرة طفولتي]

دكتووووووره

شنو ماء الأراك سامعه عنه شي ؟
ووين احصله ؟ بالحواي ؟

بسوي سيرج عنه الحين

 

[أميرة طفولتي]

اها لحظه توني اقرا عدل

يعني الماده المصنوعه منها المسواج اهيا ماء الاراك << قامت تألف على كيفها لوووووووول
اروح اسوي سيرج احسن خخخخخخ

 

[أميرة طفولتي]

اييييييييي والله دكتوره شوفي شنو لقيت


(( فتـــــــــــــــــوي للأُخت المُسلمـة ))
أفتي العُلماء بتأخير الدورة الشهرية طوال فترة العٌمرة أو الحج حتي تتمكن المرأة من دخول الحرمين الشريفين وآداء النُسك وسواء كانت الأُخت المُسلمة بِكراً أو مٌتَزوجة يمكن إستعمال أقراص خاصة برفع الدورة الشهرية تمنع حدوث الدورة أثناء رحلة العُمرة أو الحِج .
وعلي سبيل المثال ( أقراص بريمولوت نور تؤخذ ثلاث مرات يومياً بعد الأكل قبل ميعاد الدورة المتوقعة بعشرة أيام ) .
وقد إستُنبِطت تلك الفتوي من ثبوت أن نساء الصحابة في عهد رسول الله صلي الله عليه وسلم ، كُن يلجأن لرفع الدورة الشهرية بشرب ماء مغلي مع خشب الأراك ولم يعترض علي ذلك رسول الله صلي الله عليه وسلم علي ذلك .

 

[أميرة طفولتي]

انشالله اليوم بروح اشتري من الحواي وببلش كل 12 ساعه

مشكووووووووووووووووووووووره حبيبتي والله يوفقج ويسخرلج عيال الحلال

 

[جوري ابيض]

انا كانت عمليتي حق ظهري تذكرت قبلها بيوم ان باجر الدوره ولا اسال الدكتور قالي اكلي احسن لج عشان لاتوهقين عقب العمليه لان صعب اتحرك كنت عقب العمليه
الحبوب كنت اكل وحده باليوم بس لما تحسنت حركتي عقب اربع ايام هديتهم

عاد انتي علا حسب عمليتج وشوفي الدكتوره اذا ماتعبج العمليه لا ترفعين الدوره والله يسهل عميلتج ويشفيج حبيبتي

 

[أميرة طفولتي]

بعد عمري والله جوري
ماقصرتي
بس للاسف انا الدكتوره منعتني من اكل الحبوب وقالت يسبب نزيف في بعض الحالات
قالت انتي عمليتج بسيطه اذا لا قدر الله يتلج الدوره خلاص احطلج موعد مع يوم عندي عمليات بسيطه نفسج
والله يسهل انشالله وماتييني واسويها اخلص

 

[dectora 7elwa]

اللي اعرفه ان هو المسواج العادي
تنقعينه وتشربين مايه
بس ترا ماعندي فكره عن الطريقه بالضبط
مع اني للحين انصحج ما تلعبين بهرموناتج