موعد دورتي الشهرية بيوم العرس

[بحيرة البجع]

شلونكم عرااايس كويتيات

دورتي الشهرية موعدها يوم عرسي وموعارفة شنو الطريقة معاها

تنصحوني بحبوب تمنع الدورة جم يوم ليما يعدي اسبوع من عرسي؟؟؟عل الاقل
احتمال اخذ عمرة متوهقة حيل
واذا اوكي هل لها مضار مثلااااااا تمنع الحمل ؟؟
واذا صار شي من اول ليلة وكتب ربي حمال واستمريت اكلهم هل لها تأثير ؟؟؟؟؟؟؟؟؟
مو عارفة شنو التصرف السليم بليز بنات ساعدوني الله يسخر لكم ازووواجكم

واللي مرت بنفس الظرف لا تبخل علي

واذا اكلهم شنو افضل وحدة تناسب عروس ؟

واكلهم قبل اسبوع مثلا من العرس ؟؟؟ قبل عشرة ايام ؟

 

[مذهلة2013]

حبيبتي انا ماعندي علم بس خذيت مره للعمره واعتفست علي وذبحني بطني عوار
بس ماانصح فيها بتاتا اذا انتي عروس بتخذينها الا اذا بتروحين عمره

 

[بحيرة البجع]

مشكورة قلبي على الرد

بس تخيلي عروووس وريحتها كلش من الدورة ؟؟؟؟؟؟؟؟؟؟؟؟؟ تشوفينها عدلة ؟

 

[أحلى عروس 2012]

راجعه دكتورة شاطرة وأساليها
لان هذا بكون من احلى ايام عمرج
لازم تبذلين جهدج تكونين مرتاحة
راجعي دكتورة

 

[أمورته]

صحيح حلو الحل انج تراجعين دكتوره

والله يتمم لي ولج ولكل ع خير

 

[مذهلة2013]

حبيتي سواء اخرتيها ولالا راح تييلج وراح يعرف اهو
وصدقيني يمكن بدايه الزواج مو زين هالحبوب راجعي دكتوره قبل وساليهااذا ياثر
موفقه

 

[lulu_q88]

في حبوب بالصيدليه ترفعها اخذتها بالحج اكلتها قبل موعد الدوره باسبوع

ولما رجعنا تركتها ٣ ايام ونزلت

بس جاني نزيييف

وانا مثلج ناويه اكلهاا اذا بتصادف وقتها عرسي

 

[<miss botamba>]

راجعي دكتوره نسا بخصوص موضوع الحمل وتركتيها لان اهيا تعطيج الجواب الكافي

والحبوب ماتسوي عقم بس تلخبط الهرمونات اوقات

والحبه حسب ما اذكر وحده باليوم وتستمرين عليها لو شهر ومن تقطعينها اتييج الدوره


بس ارد واقولج لا تسإلين هني روحي وراجعي دكتور افضل

كلش كلش مالج خلق روحي المستوصف لان حتى المستوصف يصرفونها

 

[1001]

تخربط الدورة وتعفس الهرمونات وتسبب الم فضييع اذ يت حزتها

 

[رنيم الروح]

حبيبتي انا ما انصح فيها لانه عشان اتاخرها لا بد اتلخبط الهرمون وعليها لما تنزل الدوره بتكون كثيره مره والم وبهذله
وترا مو مضمونه هالحبوب انها تمنع
واذا على الريحه النظافه والتغيير اول باول من ملابس داخليه ومن غيره والشاور والتعطر ماراح يكون فيه ريحه
وبعدين ليش متوقعه تجي اول يوم ممكن من الحاله النفسيه تتقدم وممكن تتاخر
واذا لا بد روحي الدكتوره والله يعينك على هالحبوب راح تتعبك الدوره اذا انزلت

 

[بحيرة البجع]

والله كلامكم على عيني ورااسي بس حوسة والله

لازم اشوف دكتورة

 

[مـهـاآ]

راجعي دكتورة احسسن

 

[مدّهره !]

اللي أعرفه إنهاا لما تنزل بتصب وبتلخبط الهرموناات وتلعب بالنفسيه لعب


مااجربتهاا لكن من تجاارب البنات اللي أكلوهاا

 

[miss\lulu]

انا خذيتها لما رحت العمرة صج والله اهيا تلعب بالنفسية ترى

 

[شندوخه]

ما انصحج تلعب بالهرمونات واذا نزلت الدوره يصير عوارها متعب
روحي لدكتوره نسا احسن لج

 

[سمو ذاااتي]

مممممم ما انصحج

انا كانت مفروض تنزل قبل عرسي بيوم وتخيلي ما انزلت الا عقب العرس ب ٤ ايام

 

[$ماكنتـــــــــوشه$]

آنا نفس حالتج موعدها 12 الشهر ..
بس افضل لج تسإلين دكتوره

 

[مس روبنز]

ما انصحج تستخدمينها خير شر

 

[الحورية الصغيرة]

أجلي العرس !!!!

 

[شهد العسل ومر]

انا خذيتها مرتين عشان عمره
عادي ماتلخبطت معاي بس ماكنت متزوجة وقتها