موعارفه بنتي شفيها ساعدوني

[happy girl]

اول بيبي ومااعندي خبره بنتي خلصت ثلاث شهور وداشه بالرابع المهم الفتره الاخيره تصارخ وتطلع اصوات بصوت عالي حيييل اوووو اااااا ومرات احسها متضايقه لما تصارخ انا عاي احسه لعب اهلي تخرعون منها يقولون اشفيها وسوسوولي تخرعت اخاف فيها شي مريضه *

 

[happy girl]

شدعوه محد رد الامهات اللي عندهم خبره

 

[happy girl]

شدعوه عاللاقل اللي دشو يسوون رفع

 

[دلع86]

اتوقع عادي الياهل بهالعمر يبدي يطلع اصوات ويلعب مع نفسه
بس اذا خايفه عليها وتحاتينها وديها جيكي عليها وطمني قلبج

 

[برد الكويت]

انشاء الله ما فيها الا العافيه دام انها ما تبجي ولا انج تحسين انها مضايقه وتنام براحه ما اظن فيه شي بس انتي اقري عليها دايما والله يحفظها

 

[•Brown•Sugar•]

يبين اذا بجيتها تغيرت فجأه او ويهها يصير محمررر على عنابي يمكن بطنها .. مأذيتها الغازات

 

[بتبوتااا]

عادي عادي حبيبتي. بنتي وتهي صغيره كانت تطلع اصوات مثل وحووش لووول وحتى بنت اختي تصارخ وتطلع اصوات مادري شلون


بس عادي طبيعيولاتحاتين

 

[حرم_الغلا]

‏ عااادي أسم الله عليها بدت تناغي الله يخليها لج

 

[موجة ~ بحر]

يمكن بطنها غازات

 

[ذهبيه مرصعه بألماس]

اسم الله عليها

تناغي بصوت عالي و تبي تلفت الانتباه

لاتحاتين

و اذا اول بنت بالعايله ( حفيده ) اكيد كل شي بيهولونه اهلج

ههههههههههههههههههههه


تو الناس عالحركات الغريبه

الله يحفظها لج و يخليها لج يارب

 

[L . A]

هههههههه الله يخليها لج عادي تجرب صوتها بهلاشهر عاد انتي سمي عليها لا تخلينها وشوفي عندها العاب اطلع اصوات تبي تقلدهم