موظفه يديده وتبي نصايح اهل الخبره شلون اتعامل مع بناتا الدوام

[مريومه الرشيدي]

بنات بصرااااحة الموضوع حلووو والنصايح اللي فيه احلى انا بباشر العمل الاسبوع القادم ان شاءالله بس ابي اسألكم انا مابي يعرفون عن حياتي الخاصة بأي شي لان سمعت من رفيجاتي لي الراس هم موظفات من سنة مابي اتكلم عن حياتي لدرجة اذا قالولي متزوجة مابي اقول اي واذا قالوا وين ساكنه اي منطقة مابي اقولهم لان بصراحة هم ماعندهم الا معانا وحدة بالدوام اسمها..... وساكنه ......... ومتزوجة ....... اليوم صار وياها بالدوام مع الموظفة الافلانية جذي والا مثلا قالت جذي يعني والثانية ترد اييييييي عرفتها هذي تصييييير حق جد جد جد جد جدها يعني شكو مابي احد يعرف عني شي ابركلي بس فشله اذا سألوني اقولهم مالكم شغل وين ساكنه ومتزوجة هذا شي راجعلي ههههههههه والله ابتلشنا ان علمناهم شينه وان زفيناهم شينه الله المستعان ماتقولولي شسوي اذا سألوني*

 

[مملوحة_الوصايف]

اذا سؤال ماتبين اتجاوبين عليه سكتي او ابتسمي او قولي ليش بتعرفين لووول دقره وما اعتقد بردون يسألونج خير شر لانهم بعرفون نوعج شنو او سرج خليه بينج او بين نفسج مهما صرتي حيل مع اي وحده اليوم رفيجتج باجر ماتدرين شصير وتفضح اسرارج وبس هذا اهم شي خصوووصياتج والباجي يهووون

 

[قمر وخدودها عسل]

صراحه مجتمع فظيع الله يعينج تخيلي احنا كمدرسات تجي وحده من قسم ثاني تجيب لهم حلو أوطبق أول ما تطلع حش وقرض فيها ما

يسوى عليها المسكينه مقدرتهم.

 

[.● Softiah ●.]

صراحه مجتمع فظيع الله يعينج تخيلي احنا كمدرسات تجي وحده من قسم ثاني تجيب لهم حلو أوطبق أول ما تطلع حش وقرض فيها ما

يسوى عليها المسكينه مقدرتهم.

عيل شرايج
اكو وحده مطرشه حق بيت من البيوت طبخه سنعه برمضان السنه الي فاتت
وانا وقتها كنت زايرتهم
بدال مايقولون تسلم ايدها ذكرتنا من زينها عالفطور
طاحوا طنازه وحش ( بقبيلتها ! ) علبوا انه اهما ماياخذون من هالقبيله ومايتزوجون منهم !
لعنبو داركم استحوا حتى بعز رمضان والمره موجبتكم تتحجون فيها و عن الاصل والفصل ! من تكونون انتوا !
اخرتها كلكم منسدحين بقبر حالكم حال كل البشر وحال هلي تطنزتوا عليها
هذا وبنت الحلال متنقصه لكم من طباخها قرضتوا فيها !! طييح الله حظكم
على فكره انا حضريه بس هالحجي صار جدامي للاسف
وقاعده اقول الظاهر لما وجبتهم هذيل نتفوني انا بعد دام نتفوا بنت الحلال اشكره جدامي حتى ما احترموا وجودي
قطيعه تقطعهم هالحريم مومال حشيمه كلهم لا كبار ولا صغار وشايفين روحهم بشكل ياسااااتر
انا الصراحه صرت اسوي الي يريحني وبمزاجي
سواء بالدوام ولا بالزوارات ولا بالمواجيب
عاجبني سويته
مومقتنعه عطيته اكبر طاف واحلى سيفون
تحجوا هالحريم ولا ماتحجوا بستين الف طقااااق
وما صرت اجامل احد علبو حشيمه الي بقلبي على لساني هالحريم موكفو تدارون لهم وتجاملونهم لانهم مايجاملون احد واذا جاملوج بويهج اقرضوا فيج من وراج
ويقولون ليش اهل جهنم الحمرااغلبها حريم !
الناس متحجيه متحجيه سواء صرتي سنعه ولامبلتعه
بالعكس اذا تبلتعتي وقطيتي صجيتهم بالويهه اشكره يخافون منج
ماغلطوا الريايييل يوم قالوا حريييييم ما ايون الا بالعين الحمرا
مالت
وبس سوري عالانفعال الزايد عن حده
ارتحت لما كتبت هالرد بردت جبدي فديتني

 

[**نور الدنيا**]

Upppp
لايووووقف نصااايح بليززززز

 

[Om -TOota]

خلي طبعج هاديه لاتتكلمين وايد واهم شي اهم شي خصوصياتج حطي تحتهم خط احمر وستوب واذا متزوجه لاتسولفين عن ريلج قدامهم لا بالزينه ولا بالشينه الزمن هذا يخرررع سمعت سوالف تخلي شعرج ابيض

 

[روحي زوجي]

انا للحين ماتوظفت بس للحين افكر بهالموضوع

هو شي طبيعي باول الوقت راح يصير تحليل شخصيه للموظفه الجديده

تكفون بنات نبي نصايح بعد

 

[So MuCh PaIn]

فووووووق

 

[om_dodo]

اب

اب

 

[نونه العنونه_H]

البنات ما قصروا:eh_s(7):

 

[emankuwaiti]

البنات ماقصروا الله يجزاهم كل خير

 

[Delaiila]

هلا صبايا

انا متوظفه من سنه وبمكان اختلاط اوكي بس مكاني لحالي واجهتني اسأله ومرات اجاوب لانهم حنه حتى لو تصرفينهم يرجعون يسألون ومشكلتي طيبه

معاي كم بنت والباقي رجال فيه وحده احسها حقوده وغار وتتفلسف انا البنت الي كاشفه بينهم فيه بعد وحده بس لانها قديمه محد يحكي معها كثيير

هذاكله مقدمه

بكرا بننقل مكان فيه مكان للبنات فبنصير مع بعض حتى الحمام مع بعض ومرررررررررره شايله هم كان عندي خصوصيه وما احترموها كيف الحين

بنات عطوني كم خطوه ابدا فيها بالمكان الجديد خصوصا انو حتى لو اكلم الي معاي بالقسم بيسمعوني مع اننا من اقسام مختلفه

مرررره مو عاجبني طريقة تقسيمهم للمكان بس مالنا حكم نغير اي شي

ما ابي اتدخل باحد ولا احد يتدخل فيني كيف

ببدا طبع جديد معهم كيف يكون بسيط ورسمي بدون ما احد يمون علي ولا امون عليه

وربي يوفق الجميع كلن بمكااانه

 

[Mednight Rain]

أول شي مبروووك الوظيفة اليديدة ، الله يعطيج خيرها ويكفيج شرها .

ثانيا الحياة العملية تاخذ نص حياتج لان نص اليوم وانتي بالدوام لازم تكونيتن مرتاحة وبيئة سليمة ولاتدخلين بأحزاب وتكتلات وشلليلة معاهم ، وعلى طول الابتسامة بويهج ، وعلى طول أبدي بالسلام وردي السلام .

ثالثا توقعي الأسألة والمواقف التالية :

- أسألة شخصية ( متزوجة ، وين ساكنة ، اي ثانوية كنتي ، شنو عائلتج منو مناسبين )

>> الجواب : ليش تسألين بايتسامة خفيفة . أو والله هذي حياتي الخاصة ماحب اسولف عنها .

ونصيحة ( لازم يعرفون انج ماتحبين تتكلمين عن حياتج الخاصة ولج خصوصية ) .

- مشاركتهم في الأكل .

>> اذا حابة تشاركينهم وتقطين معاهم قطية على الاكل وتلتزمين فيهم على راحتج أو طلبي بروحج وأكلج بروحج .

- مشاركتهم في الواجبات الاجتماعية ( عزا + فرح + ولادة ...)

>> اذا حابة تقطين معاهم ونص معاشج يروح كيفج هذا انتي تقررينه وحسب القروب اللي معاج ، صدقيني اهما اللي يفرضون احترامهم اذا كانونا متعاونين ومحترمين بتمشين معاهم أو العكس .

يعني نص كلامي اخذيه على طبيعة المكان والبنات ، ودائما افترضي حسن النية ( بس مو السذاجة ).

وفصلي هموم ومشاكل الدوام عن البيت لاتدخل معاج البيت .

وركزي على شغلج وحللي معاشج ومالج شغل باللي تحش وتفتن عند المدير او زميلاتج .


وموفقه ان شاء الله .

 

[هيبهـ ملكيهـ]

امبيه بنات انا ان شاء الله الاسبوع الجاي اباشر العمل بس بليييز بنات بستفسر عن شغله انا طبعي طيبه واستحي بس هم ماينخاف علي اذا احد تعدى حدوده اعرف شلون اوقفه عند حده

بس بخاطري سؤال مثلا وحده قالت انتي متزوجه والا بنت؟؟ شقولها وانا اصلا مطلقه موعارفه شنو اقول ابي جواب لهسؤال؟؟

واذا وحده قالت مثلا ابي اراسلج ع الواتس اب شقولها اقول مابي مثلا وانتو تعرفون هذا دوام وبقعد فيه وقت طووووويل يعني موشهر او شهرين واروح

واذا هي من اول يوم طلبت رقمي شقول لها ؟؟؟ او قالو قطات حق الغدا يعني مع بعض او نوجب فلانه شقول بلييييييز موفاهمه ناطره ردكم ؟؟؟؟؟؟؟؟

 

[هيبهـ ملكيهـ]

ااااااااااااب

 

[هيبهـ ملكيهـ]

بنات بليز ابي احد يرد على اسألتي بلييييييز ضروووووري

 

[هيبهـ ملكيهـ]

اااااااااااااااااب

 

[% مرت زوجها %]

للرفع

 

[ذكريات عشاق]

الله يوفقج يارب وانا بعد توني مترشحه
بس سمعت كلام البنات وخذيت منهم نصايح
ومثل ماقالوا خواتي العضوات قبلي

 

[ذكريات عشاق]

واذا وحده قالت مثلا ابي اراسلج ع الواتس اب شقولها اقول مابي مثلا وانتو تعرفون هذا دوام وبقعد فيه وقت طووووويل يعني موشهر او شهرين واروح ؟

شي طبيعي موظفات او مدرسات مع بعض بنفس القسم لازم تكون رقمج يكون عندها ورقمها عندج سبحان الله تحتاجين شي تبين شي والحل البسيط اللي انا انشالله راح اسوي ...اخذيلج خط ثاني وحطيه بجهاز عادي وخليه للدوام اذا انتي ماتبينهم يعرفون رقمج الاساساي اذا كنتي مو مرتاحه من هالسالفه انا رفيجة اختي جذي موية حاطة رقم للدوام وبس تطلع من المدرسة تحطه عالصامت او اطفيه ومرتاحه


واذا هي من اول يوم طلبت رقمي شقول لها ؟؟؟ او قالو قطات حق الغدا يعني مع بعض او نوجب فلانه شقول بلييييييز موفاهمه ناطره ردكم ؟؟؟؟؟؟؟؟
هذا شي اساسي ولازم يعني اذا القسم كله بيحط حطة وتكون كل مرة على وحده شي ححلو خاصة سوالف الريوق وهالسوالف لان مو حلوة اللي بالقسم كلهم مع بعض حاطين وياكلون وسوالف مع بعض وانتي جايبه اكلج بروحج احس مو ححلوة بالعكس خلج اجتماعية وحطي معاهم



هذي وجهة نظري من نصايح وكلام سمعته من اللي توظفوا قبلي وانا انششالله على ما اباشر العمل بشوف شنو طبيعه القسم اللي راح اكون فيه وبشوف شنو نظامهم وانشالله اذا ححلو وعجبني بسوي نفسهم