موظفات وزارة الكهرباء والماء تعالوااا

[nono78]

اشلونكم بنات شخباركم

انا توه طلع اسمي بالديوان وطلع اسمي الكهرباء والماء

طبعااااا انا تخصصي كيماء

م . مهندس كيمياء

انصدمت بيقطوننه بمحطة الدوحه

وانا رافضه حديييييييييييييييييييي يننت الوكيل المساعد مابي الدوحه شنو خبله انااوافق

فحبيت اسالكم وين في مختبرات زينه بالشويخ

انا قتله ابي ((تنمية مصادر المياه)) وما ادري ورقتي عند جاسم النما ما ادري راح يوافق عليها ولا لأ

وبغيت اسالكم تعرفون منى السيار السمره

اشفيها اخلاقها

الوكيل المساعد فيصل المضف قالي قوليلها تكتبلج شنو الشواغر الموجوده

وتعاليلييييي

وقالت ماكو وظاااااااااااااااااااايففففف


رديت للمضف وسكت قالي راجعيني السبت


عفيه بنات وين في مختبرات زينه قولولي لاتقولولي مختبرات شويخ رحت وقالي مافي حق البنات يبون شباب

ناطرتكم على احر من جمر لا تكشتون فيني

 

[nono78]

مشاركة: موظفات وزارة الكهرباء والماء تعالوااا

اشدعوه مافي وحده بهالوزاره !!!!!!!!!!!!!!!!!!!!!!!!!!

 

[nono78]

مشاركة: موظفات وزارة الكهرباء والماء تعالوااا

عل اقل دخلوا سلموا مابي شي

 

[HoNeY_GirL]

مشاركة: موظفات وزارة الكهرباء والماء تعالوااا

ودي افيدج بس مااعرف شيء

انزين سألي الموظفين والموظفات اللي اهناك يمكن يقدرون يساعدونج

يالله بنات اللي اهناك اتساعدها حاسه فيج والله : (

الله يعيينج

 

[to07aH]

مشاركة: موظفات وزارة الكهرباء والماء تعالوااا

والله مادري ..

للاسف ماقدر افيدج

 

[nono78]

مشاركة: موظفات وزارة الكهرباء والماء تعالوااا

هني قيرل وتوحه

مشكورين عالردود

جان زين القى احد يقولي وين في مختبرات بهالوزاره التعيسه

 

[barbie girl]

مشاركة: موظفات وزارة الكهرباء والماء تعالوااا

ما اعرف احد بهالوزاره احسها مو بالديره

 

[nono78]

مشاركة: موظفات وزارة الكهرباء والماء تعالوااا

باربي قيرل

امبلا بالديره بجنوب السره مع الوزارات اليدد

 

[q8ya-co0ol]

مشاركة: موظفات وزارة الكهرباء والماء تعالوااا

والله ماعندي فكره بس ماحبيت ادش ومارد

 

[nono78]

مشاركة: موظفات وزارة الكهرباء والماء تعالوااا

مشكورين

بس صج ما كو احد بهالوزاره

 

[lolo77]

مشاركة: موظفات وزارة الكهرباء والماء تعالوااا

حجيو شلووونج
ما ادري شرد عليج
بس بقولج شي
وحده ويانا بالدوام اختها انقبلت معاج
بالكهربا والماي
سالتها اليوم وين قبلها
قالت اللي بجنوب السره
انا استغربت ان انتي بقلونج الدووووحه
والله شي عجيب
انا اقول يمكن اهي مسماها غير
اهي اعتقد مشغل حاسوب

والله اعلم
كل اللي اعرفه قلته
والله يوفقج حبيبتي انتي
ما صدقنا طلع اسمج وبتصيرين منا

الله كريم

 

[ام جميلات]

مشاركة: موظفات وزارة الكهرباء والماء تعالوااا

انا كنت بالوزارة
بس منى السيار وااايد زينة وتساعد اشفيها عليج ؟؟
وجاسم النما ما يمشي احد الله يعينج ..
حبيبتي اقولج اياها بصريح العبارة حطيلج واسطة واي مكان تبينه بالوزارة بيحطونج لو انشالله بالمريخ
اذا بغيتي اي شي انا حاظر وموجوده راسليني عالخاص ..

 

[طنطن]

مشاركة: موظفات وزارة الكهرباء والماء تعالوااا

ياقلبي أنا اشتغل داخل الوزارة نفسها ودوامن من 8 إلى 1:45 وأنا مثلج مهندسة كيمياء صاري أربع سنين أستغل شغلي مكتبي وأحس إني يوم عن يوم أنسى الهندسة مديرتي حييييييييييل زينةواسمها م. إقبال الطيار بس ما أعتقد تبي مهندسين كيمياء لأن إحنا 8 مهندسات كيمياء بالإدارة أحيانا يصادف نطلع عمل رسمي نروح مشاريع الوزارة من الصبية حتى الزور وعندنا 3 أيام بالشهر نستأذن فيهم ونطلع دورات مختلفة بس بالصيف ملللللللللللللل وأنا الحين أفكر أروح الشعيبة أو اي مكان فيه مختبرات وصح وحدة من اللي معانا شاطرة كانت تشتغل بمركزتنمية مصادر المياه أول شي مختبرات بعدين تعبت من المواد الكيماوية اللي هناك فانتقلت قسم البحوث في المركز بعدين جت عندنا ووحدة كانت تشتغل بمحطة الدوحة وكانت حيل مستانسة هناك لأنهم يحسسونج بالمسوؤلية مو مثلنا ماحد يدري عن تقريرج إلا مديرتج بس انتقلت عندنا لظروف شخصية وسلامتج

 

[زيـنـه]

مشاركة: موظفات وزارة الكهرباء والماء تعالوااا

طنطن .. جنج من دفعتي بالجامعه

نونو .. مثل ما قالوا ضبطيلج واسطه يحطونج وين ما تبين ..هذا الحال في كل مكان .. و ان شاء الله موفقه

 

[nono78]

مشاركة: موظفات وزارة الكهرباء والماء تعالوااا

بنات مشكورين ياقلبي عالرد


وام جميلات مشكوره ياقلبي

بس حبيت اقولكم اني توظفت خلاص بعد ما حطيتلي واسطه >>>> صج ديرة واسطات

والحين صرت معاكم موظفه بالوزاره

بس ماكو شغلللللللللللللللللللللللللل بس اقرا مجلات وجرايد

وكلهم يقولولي عادي اول ايام التعين ماكو شغل لاحقه عالتعب


واشكركم مره ثانيه

 

[HoNeY_GirL]

مشاركة: موظفات وزارة الكهرباء والماء تعالوااا

يالله زين سويتي وعالبركه ووين عينوج اللي بجنوب السره ؟

واشلون اللي فيها و تنفع للبنات اللي مايبون خلط وايد ؟

 

[nono78]

مشاركة: موظفات وزارة الكهرباء والماء تعالوااا

هاني قيرل

الله يبارك فيج حبيبتي

ايي مكاني بجنوب السره + المبنى حده راقي واحلا مافي مواقف السيارات الي بالسرداب

بس الي ما يحبون الخلط ما ينفعلهم وعلى حسب الأقسام والغرفه الي انتي فيها

بس الوزارات كلا خلط يعني مو نفس مدرسه

يعني انا قسمي في رياييل (مصاروه) مهندسين

بس مكاتبنا احنا 4 بنات وبيحطولنا بارتشن في باب عشان يصير خصوصيه لنا

بس والله الي معانا محترمين

 

[ام جميلات]

مشاركة: موظفات وزارة الكهرباء والماء تعالوااا

انا كنت بالوزارة الرئيسية بس ما اعرف شي عن الدوحة
بس ترى الوزارة زينة ومعاشاتهم زينة وعندهم اضافي وعندهم بونص يعني بالنسبة حق قوانينهم اوووكي
وبالنسبة لج مساعد مهندس ترى لج بدلات سنعه عندهم اصلا يسمونها وزارة المهندسين

ترى لو ودوج مكان بعيد بيعطونج بدلات زايده
واي شي عن الوزارة نفسها انا حاظر وتحت الخدمة

 

[دلوعة زوجي]

وي وي يعطيج العافيه نونو ومشكوره عالواسطه اللي حطيتها

والله يوفقج غلاتي وزيدي جيلة الككاو علشان اييلج مع رفيجاتي الميانيين

 

[nono78]

أم الجميلات

ايي صح كلامج المعاش وايد وايد زين وحده اوكي

وصح كلامج الوزاره كلها مهندسين

وبالنسبه للمكان الأبعد اكيد معاش اقوى لأن في بدلات زياده

بس انا حبيت مكان يكون قريب على بيتي

ومشكوره يا قلبي يعطيج العافيه