موضي الحمود أبلغت الحكومة رفضها اعتبار التعليم مهنة شاقة

[بنت شرق]

التدريس مهنه شااااااقه وطارده وخاصه هالسنوات الاخيره لان حضرات المدرا ء فى الوزاره حاطين ريل على ريل ويطاعون قواتين تعجيزيه واحنا عيال الخدامه لازم نطبقها غصب علينا وما نقول اح ولانتعب ولا نمرض بس نشتغل من الساعه 7ونص للساعه 2 ظهر لا وبطولون الدوام المدرس والله ما اقول الا كفوكم الوافدات اللى قاعدين ياعبون بالوزاره لعب مستغلين وظفيتهم فى الدروووس الخصوصيه وياخذون دبل معاشاتهم فى الوزاره

 

[كويتية صغيرة]

كنت أتمنى الاهتمام بمستوى التدريس
و كفاءة المدرسين
مثل مايهتمون بالمادة وزيادة المعاشات
التدريس اهم مهنة و اعظم مهنة و اهي اللي تخرج الطبيب و المهندس و غيره

مستوى التدريس مهم
في مدرسات وايد (من حديثي التخرج) مايعرفون يشرحون و محد يدري عنهم...... و في مدرسات مالهم خلق يشرحون و يعتمدون على الأهل و على الأم بالذات .... المفروض ينتقلون لوظيفة ادارية و رحم الله امرء عرف قدر نفسه ، التدريس و القدرة على إيصال المعلومة فن .... و اللي يشتغل بالتدريس لازم يكون حاب التدريس و يستمتع اذا وصلت المعلومة للطالب .... و اذا مغصوب على المهنة يحول لمهنة ادارية ثانية او يغير طريقته على الأقل لان الطلبة مالهم ذنب ، طبعا لا اعمم بكلامي .... في مدرسات يهبلون ينحطون على الجرح يبرى و الله يكثر من امثالهم

سامحونى على صراحتى بس هذا الواقع
انا ..... يرجعون عيالي من المدرسة...... و ادرسهم كل المواد العربي و الانجليزي و الدين و العلوم و الاجتماعيات والرياضيات و ......
و كل مادة لما اشرحها لبنتى تقوللي : يما اول مرة افهم هالشي ......... !!!
اقوللها عيل شنو تسوون بالصف طول اليوم !!!!!!!


المدرسة ماتدري اذا الطالبات فاهمين والا لا .... تشرح و تطلع
انا ما اعمم .... لكن هذا حال كثير من المدرسات
و الله لايغير بقوم حتى يغيروا ما بأنفسهم

حتى لو القرارات ظالمة او غير منصفة للمدرسة

الطلبة مالهم ذنب


و على فكرة انا ايضا مدرسة و أعي تماما كل كلمة كتبتها

مع التقدير لجهودكم و احترامي لآرائكم


و سامحونى على صراحتى

 

[ام طلال]

حسبي الله ونعم الوكيل .
المعلمة اشتغلت كل شي (فراشه-سستر -بياعه-دكتوره-معلمة-ناطور) وكل هذا موعاجب واللي تقول خلي يطولون المدارس للساعة ثلاث اقولها شايفة المناهج السنعه ولا بس انتي عندج عيال احنا مانبي نجابل عيالنا واذا على المدرسين الخصوصيين جابلي عيالج الله لايهينج احسن.

 

[ضحـاوي]

التدريس مهنه شاقه

احنا غير عن الوظايف كلها ,, لكن لنا الاجر ان شالله ,, فعلا شي يحز بالخاطر

 

[UM M&M]

اللي قاعد يلومون المدرسات و ان عيالهم يرجعون البيت مو فاهمين شي !

احنا نشرح بالصف بكل ضمير و لا تشوفين لويتنا ووسائلنا بس عشان نبسط المعلومات للطالبات

اذا بتلومون لوموا اللي حاطين المناهج اللي فيها معلومات مكدسه و احنا مطالبين ان نخلص هالكميه بفترة قصيره و يلومونا اذا ماخلصناها

فمالنا الا احنا نشرح باللي نقدر عليه و تشوفينا كل حصه ندخلها مانقعد على حيلنا و صوتنا واصل لآخر الممر

و يطق الجرس و احنا ماحققنا كل اهداف الدرس

اذا الصف فيه 20 طالبه و كل طالبه فهمها غير عن الثانيه واذا انا بوقف على كل سؤال ماراح اقدر اخلص حصتي !!

نسوي اوراق عمل و مانقصر بشي

فوق هذا كله الادارة تطلب منه اشياء تعجيزيه

برامج اذاعه + مطويه او ندوه او غيرها + اشراف

حشا مكينه مو آدميه اللي تشتغل !!

يعني اذا بتلومون لوموا الوزارة مو المدرسه نفسها !!

 

[كويتية صغيرة]

اللي قاعد يلومون المدرسات و ان عيالهم يرجعون البيت مو فاهمين شي !

احنا نشرح بالصف بكل ضمير و لا تشوفين لويتنا ووسائلنا بس عشان نبسط المعلومات للطالبات

اذا بتلومون لوموا اللي حاطين المناهج اللي فيها معلومات مكدسه و احنا مطالبين ان نخلص هالكميه بفترة قصيره و يلومونا اذا ماخلصناها

فمالنا الا احنا نشرح باللي نقدر عليه و تشوفينا كل حصه ندخلها مانقعد على حيلنا و صوتنا واصل لآخر الممر

و يطق الجرس و احنا ماحققنا كل اهداف الدرس

اذا الصف فيه 20 طالبه و كل طالبه فهمها غير عن الثانيه واذا انا بوقف على كل سؤال ماراح اقدر اخلص حصتي !!

نسوي اوراق عمل و مانقصر بشي

فوق هذا كله الادارة تطلب منه اشياء تعجيزيه

برامج اذاعه + مطويه او ندوه او غيرها + اشراف

حشا مكينه مو آدميه اللي تشتغل !!

يعني اذا بتلومون لوموا الوزارة مو المدرسه نفسها !!

انا عارفة كل هذا اختى
و يعطيكم العافية
و المدرسة لازم تكون فقط مدرسة بصراحة الأمور الثانية من أنشطة و إذاعة و غيره ....كلها ثانوية
لان شنو الفايدة
اذا مستوى التدريس ضعيف

اهم طرفين في وزارة التربية كلها ....... المعلم و الطالب

فقط كنت اريد ان اقول
ان الطالب ليس له ذنب اذا المعلم مضغوط او مظلوم في بعض الأمور
اول نقطة تحرص عليها المعلمة

اول نقطة و اهم نقطة من هذا كله

ان تخلي الطالبات يحبونك
و بعدها يكون عندهم استعداد لتلقى المعلومة
من بعدها انتى و شطارتك لان فعلا التدريس فن

و مازلت عند رأيي ان الطلبة ليس لهم ذنب من هذا كله
لو كل مدرسة وضعت في بالها هذه النقطة و هي تشرح جان ما احتجنا ولا مدرس خصوصي

 

[رفرف]

احنا خل نشيل شغلنا بس
وما نبي يعتبرونا مهنة شاقة ولا نبي زيادة على معاشاتنا ولا شي ..
واذا بيطورونا على قولتهم خل يعطونا دورات الصبح حالنا حال غيرنا علشان نلتزم بالحضور .. مو نداوم ونكرف الصبح دوام كامل وتالي يعطونا دورات مسائية عديمة الفايدة الزامية وبدون مردود مادي علشان يترسون مخابيهم وان ما حضرناها خصم من معاشاتنا !!
شنو اهما شارينا ؟ ما ورانا بيوت وعيال ؟ وقتنا كله ال24 ساعة لهم خلاص ؟
واذا وزارات الصحة قاعدة تنزل دورات متخصصة بالكمبيوتر وبالتعامل مع الضغوط وغيرها لموظفينها .. احنا المدرسات حد دوراتنا وندوز ورسام ويبون يطورونا بعد ؟؟!!
ويقولووووون مو مهنة شاقة

وترى على فكرة .. الطالب اذا كان اول اهتماماتنا مو اول اهتمامات الوزارة للأسف ..
اهتماماتهم الترزز والمعارض والانشطة والرقصات والاصدارات وحفلات التخرج وكل شي ثاني ما عدا الطالب ..
والمدرسات بيفهمون كلامي ..

 

[ام طلال]

صح لسانج رفرف

 

[UM M&M]

بصراحه انا اول سنه لي تدريس

توني اسمع بسالفة الدورات المسائيه و اذا مارحنا يخصمون !!

شكو اي شي ماكو شغل !!

شالسالفه

والله صج احتريت

والله يبطون الجبد

احنا شاللي قردنا و رحنا التربيه

استغفر الله

 

[وردة وردية]

حسبي الله ونعم الوكيل خواتي اللي مو مدرسات أبيكم بس تريضون قبل تحكمون يعني أنا أختي مهندسة وترجع البيت الساعة ثلاث لكن مو العبرة بالساعات العبرة بالجهد أنا أرجع البيت هلكانة ما أقدر أجابل عيالي والا بيتي وإهي ولله الحمد مرتاحة لأن طول اليوم بدوامها ما عليها ضغط مكتب مسكر ومسؤول واحد وأنا ثلاث مسؤولات فاتحين حلوجهم بالطلبات طول اليوم وآخر الشهر تبارك الله معاشها ضعف معاشي

عالعموم الوزيرة منصب سياسي ومع توجه الحكومة لكن لنا أمل في الوكيلات المساعدات انشالله يكونون أمينين في إيصال صوتنا:aha::aha:

 

[ام طلال]

وزارة القراده بإمتياز

 

[ام ورود مول]

الله يعينكم يارب

 

[^ حـلـــــوى و رهـــــش ^]

الواحد شيقوول بعـد غير ..

لاحول ولا قوة الا بالله ..


يعني محد يحس بـ صعوبه هالمهنه ..
الا اللي حاس فيها ..
هي شنو يهمها .. قاعد على مكتبها ومعاشها ماشي لها ..
احنا اللي كل شي على راسنا ..

الله يعين

 

[^ حـلـــــوى و رهـــــش ^]

الواحد شيقوول بعـد غير ..

لاحول ولا قوة الا بالله ..


يعني محد يحس بـ صعوبه هالمهنه ..
الا اللي حاس فيها ..
هي شنو يهمها .. قاعد على مكتبها ومعاشها ماشي لها ..
احنا اللي كل شي على راسنا ..

الله يعين

 

[قـہۈه فـرنسيـہ™]

...صراااحه الووووضع ما ينسكت علييييييييييه ,,,

أنا بكلم خالد عبدالجييييييييييل والله ,,,بس متى يرد ؟؟

 

[قـہۈه فـرنسيـہ™]

والنكته الثاااااااانيه ,,, (يبووون يسكرووون تخصصنا ويحوولووونا تخصصات ثاااااااانيه ) الحمدلله والشكر ,,,شنو بكيفهم ؟؟
يعني أنا أدرس 4 سنين وحابه تخصصي آآخر شي يقولون بيحولونا إجباري...

أنا أبيهم يحووولوني غصب ,,,عشان أرفع قضيه على الوزاره التعبانه ..

 

[الفلبينية]

مادري دام مو مرتاحات لهالدرجه ليش ماتستقيلون طيب ؟

 

[الفلبينية]

وصح انا اللي ملاحظته ((واللي نحشني من التدريس)) ان المدرسة تسوي أشياء مالها شغل بالتدريس عيل شكو تروح تجهز برنامج اذاعي وتفتش على الطالبات و تناوب و تحضر حفلات ورقص وخرابيط ومصاخه وهياط على غير سنع ! انا اقول خل يقدمون هالاقتراح واذا رفضته الوزيرة معناته الوزيرة تماطل ومو جادة بالتعليم اللي يفشل ... الاقتراح ان وزارة التربية توظف شباب وبنات خص نص حق الاذاعه + المقصف + الحفلات + كلللل شيي حتى حصص الاحتياط في لها موظفات يجون ويمسكونها ماعدا الامور اللي تصير داخل الصف وهذا اللي ينصب عليه الاهتمام الأكثر .. ويااكثر الشباب والبنات اللي تخرجو وقعدو ..وتركيز المدرسة راح يصير منصب على الطلبة .. ودي ومنى عيني ان هالاقتراح يوصلونه النواب حق هالوزيرة ونشوف شنو ردها ياترى !!؟؟ ماعتقد عندها عذر والنااس طواابير بديوان الخدمه ويبون يشتغلون وهذه الحفلات وبرامج الاذاعه والطابور وهالخرابيط كلها (( طالما مصصمين يسوونها ويشوفون ان بدونها ما ممكن يفهم الطالب )) تكون وظائف قائمة لحالها ومنا إلى الحجية الوزيرة.

 

[قلب راشد]

خلطة عطر...
لو سمحتي اذا ما جربتي التدريس لا تتكلمييين ,,, من حطج تتكلمين بلسان المعلماات ؟

بعديييييييييين مالت عليها وعلى وزارتها المعفنه اللي كل مالها والحال يتردى ... ومن قدهاا الوزيييييييييره قاعده رجل على رجل فمكتبها وتصدر قوانين ,, وتقارنا بدول الخليييييييج ... دول الخلييج موفره للمدرسين تحااظير جاهزه...تتوزع من الوزاره على كل معلم ...وماعندهم شي اسمه موجه ...كل معلم فوووقه رب يحاسبه ...ولا عندهم (بهـــــــــــــــــــــــرجه زاايده عشااان التصوير والجرايد) وكل هذا على حسااابنا طبعا
تحاظييييير ...أنشطه ...فعاليات ...مهراجانات(عشان بس بيمروون المدراء) ...مطويات ...أسبوع ثقافي...أسبووع...الأم ...أسبووع البيئه ...براامج إذاااعيه ...معاارض (وكل مدرسه غصب تسوي شي من حسابها الخاص) >>>ولا مو متعاونه ......غير هذا الحصص وازعااج الطلبه ... وتصحيح ...ورصد ...وتوزيع شهايد ... وسائل تعليميه من حسابج(عشااان الطالب غصب يفهم)...احتياااطات ,,,,.............................الخ

ويا ويييللج اذا قالوا لج سوي هالشغله وما تسوينها (مو متعاونه) ...

وفووقج 3 ..رئيسة قسم +موجه+الناظره ...


كل هذا وحاااااسدينااااااااااا ...
أصلاا التعليم صااار مهنه طااااااااااارده ,,,لأن المعلم ماااصارت مهنته الأساسيه التدريس .... صار هذا آآخر شي تبيه منه الوزاره ,,,


وغيييييييير هذا اللي يتكلموون ذابحهم الحسسسسسسسسسسسسسسسسد .... خل يبلعووون زقوووم ويسكتوووووون ...مرتااحين بدواماتهم ,,,يطقووون بصمتهم ويطلعووووووووون ...ولا مايداومون الا بالسنه مره ,,, واذا داوموووووا ناموا على مكااتبهم ولا طقووها بلعه وسواااااااااااالف ,,,,

أأيدج بكل كلمه قلتيها :q8:

 

[بنت الديرة2009]

والله الشيب ماطلع براسي الا من صرت مدرسة
انا اتوقع.......اللي تشتغل بالشئون ولا الاشغال...هذي يسمونها مهنة شاقة...
بس المدرسة اللي تكرف من الصبح لي الظهر
حتى بالويك اند مو مرتاحة
تحضير يومي وشغل وسائل وادوات
هذي يمكن يسمونها مهنة مريحة
مادري ليش الناس حاسدين المدرسة
على شنو,,,,,,,,,,
تعالو شوفونا نركض بالمدرسة جنا مجااااااااانين