تصـدقين مجرّد ما قريـت العنوان لأول مرة حسيت دمعت عيني:eh_s(2):
الجنين اللي بداخلي حبيته من قبل لا أحمل .. اصلن حياتي بدت لمه بدى هالجنين يعيش فيني ...
تصـدقين صوت السستر واهي تبشـرني اني حامل للحينه بأذوني ؟؟ كانت الاجابة مثل المفاجأة ما كنت متوقعتهـا وكلما اتذكرها تقولي بوسيتف ابتسم و عيوني تغورق و امسح على بطني بس ابي اصدق اان الجنين فعلا بداخلي مو حلم ...
حسيت بقدرة الله شلون خلق فيني هالروح كنت اتابع نموها من كانت مضغـــه .. نطفـــه .. علقـــه ... و احس بشي عجيب سبحان الخـــالق و اقرا تطورات الجنين اسبوع بأسبــوع ما اطوف شي و حدي استانس لمه ايي اليوم اللي ادخل فيـه اسبوع يديد عشان بس اعرف معلومه يديده عن الجنيـــــــــن !
عشقتـه من لمه شفت جيس الحمل بالاسبوع الخامس وكان الجنين توه مو مبين ... بس انتظرتــه بكل لهفـــه عشان يبيـــن .. و لمه شفته اول مرة كان نقطـه شلون كنت فرحانه بهالنقطه سبحان الله ... ماكان مبين فيه شي مجرد نقطه!! بس كان احساسي لا يوصف ! ولمه سمعت النبض حسيت كل شي بداخلي يتحرك و ينبض صوت نبضاتهـا احلى لحن مر علي بحيـاتي ينعاد بمسمعي كل يوووم اسمعه بس بخيــالي لان من سمعته قام يرن باذوني كلما تذكرت
أيمع بصور السونار و كل شوي اطلعهم من الملف و اشوف و اسرح فيهم مرة اضحك ومرة ادمّع احساس مختلط :eh_s(2):... و اذا صار موعدي مع السونار احن على زوجي يصور بتلفونه فيديو عشان اذا رجعت البيت كل شوي اشوووف كنت ابي شي يروي شوووقي ما عندي غير هالصور و الفيديو ملوت السونار عشان اتصبّر ... لان اليوم كان يمر علي جنـه سنـــــه و مو مصدقه اني بالشهـر الثامن الحمدلله ربي يتمم علينا و عليكم
أصلا احس اني عايشه بعالم ثاني تفكـيري فـ بنتي بالـ 24 ساعه احيانا احس اني مو مع الناس احس باحساسيس اقول يا ربي ودي احد يشاركني ودي زوجي يحس باللي انا احس فيه يعني حركتها ورفساتهـا و كل شي.. بس ماكو محد يحس فيه غيرج انتي لان عايش فيج انتي بروحج
انطر حركتهـا بفارغ الصبر اذا تحركت اعيش بعالم ثاني معاها واذا فقدت الحركة دقايق شوي اشهـــق من الخووووف و المحاتاه اقول ما ابي شي بس ابي احس بطقـه وحدة عشان ارتــــــــــاح 
حتى لمه انام احلم فيهـا واشوفها باحلامي وايد من كثر ما افكر و على طول ادعي يا رب تقر عيني بشوفتهـا وتبلغني و تبلغ اهلي فيهـا يارب تطلع بسلامه و من الحين ادعيلهـا بكل صلاة هذا و اهي توها ما اطلعت على هالدنيـــا بس احساسي فيهـا ما يخليني اتجاهلها !!
و الامرحلـه النسـاه شقووولج كانت تلوع جبدي من الاكل لمه اكل احس اني برجع اتعب وادوخ واتألم تخيلي وانا تعبانه لمه اتذكر ان خيره هالتعب طفل ابتسم واقوووول الحمدلله ... و اغصب نفسي اكل و انا شوي و ارجع كل اللي كليته س يهـووون عشان بنتي
لا وتخـــيلي ان كلما احس بلوعه و تعب ارتأاح واستانس .. لان دام نساتي موجودة معناته بنتي بخيـــــر .. و كلمـا صرت زينه و احس اني نشيطه ومافيني الا العافيـه اخاف احاتي ابجي حتى نوم ما انام ليش ما قاعده احس بالنساه ليش ما قاعدة احس باللوعه اكيييييد بنتي فيها شي :eh_s(2): وبس تتحرك حركة وحدة جنـه ردت لي الروح
... حبيتهــــا من كل قلبي و لاني حبيت زوجي وكنت اتمنى الله يرزقني منه ياهل فـ صار هالحمل شي غالي ما اقدر اوصفـه لج .. وكل اللي قلته ولا شي بس اللي بداخلي محد يحسـه و يعلم فيه غير ربي !!
الله يرزق الجميع يا رب و لا يحرم احد من هالشعـــور و انشالله الفال حق خواتي يجربـون هالاحساس لهم ولكم انشـالله قولوا آمين
و الله يقدرنا على تربيـه عيالنا تربيـة صالحه
و يصبرنا بالايام الباقيـه ادعولي اشوف بنتي بحضني و يبلغني فيهــا
مشكورة على موضوعج الروعه احس اني فضفضت و خذيت راحتي .. لان مشاعري ما عمري عبرت عنها الا بيني و بين نفسي
