موضوع يونس# متى حبيتي جنينج؟

[انجبر قلبي]

من صجج من قبل لا ادري اني حامل كنت متشفقه على البيبي مع اني الحمدلله حملت بدايه زواجي بس من قبل الزواج وانا اتمنى هالشي ولمه عرفت اني حامل كان احلى يوم بحياتي من هاللحظة كان اليوم يمر علي جنه سنة وللحين ... من الشوق اعد الوقت و احسب الايام والساعات و اتخيل شكل بنتي و شلون راح اربيها طول شهور حملي وانا افكر فيها بال24 ساعه حتى ريلي يقول ما يت وجذي عيل شلون لو ولدتي راح تنسينا ... و لمه تحركت ف بطني احساس ثااااااني سبحان الله احساس الامومه روعه ومايندرى لا يت شلون بيتغير الاحساس للاحسن او لا الله يجعلهم من الذرية الصالحة

 

[أم عزوز21]

آنا بجر وبالشهر الثاني ..

وقبل الحمل كان زوجي وده احمل بس لما حملت ما استانس ، يقول شلون استانس وانا ماشفته !!؟

وهالشي خلاني ما استانس ـ والدكتوره قالتلي إنتي 50 % راح تجهضين ، وعشان جذي ما استانست ..

وشعوري تجاهه عااااادي ما احس اني حامل ولا حبيته !!

الله يقر عيني بشوفته سليم معافي يااااااااارب وكل الحوامل ( آميييييين )

 

[روحي ابوي]

والله حبيته قبل لا احمل

وحملت و سبحانك ياربي متعلقه فيه وهو خلايا !

الخلايا تجمعت خارج الرحم و كان بيتكون جنين ! في قناه فالوب ! مو بالرحم (مو مكانه* *)

المستشفى قالوا لي هذا يهدد صحه الام بالموت ! ( وهم حبيته وماكرهته*) ويارب اشوفه بالجنه ويشفع لي يوم القيامه باذن الله ،،

لكن قلبي عشقه قبل لا عيني تعشقه !

عطوني مرتين كيماوي ولا نزل !

قالوا لي قلبج متعلق فيه لدرجه ان الكيماوي ماخذ وقت طويل

لي يومك وانا فيني هرمون الحمل مرتفع و الخلايا ميته !

وقلبي ميت بهالخلايا !

عورتي قلبي وحسيت الحب بكل حرف كتبتيه:eh_s(2):
اللهم ارزقها الحمل السليم المعافا عااجل غير ااجل ياارب العالمين
اللهم آآآآآآمييييييييييين:eh_s(17)::eh_s(17)::eh_s(17):

 

[chobits.19]

موضوعج كله مشاعر واحاسيس

اول بيبي كان شعوري غريب كنت اخاف منه اكثر مما كنت متعلقه فيه

لاني جبته وانا صغيره ٢٠ سنه

انا صرت ام وانا عمري 18 :d
وابوه كله يقوله دير بالك ع اختك
وبنات حمواني صغار اعمارهم من 9 لي 12
كله يقولولي مانصدق ان هذا ولدج جنه اخوج الصغير



وانا بصراحة ع حملتي بعبود كنت قبل لا اسوي تحليل قلت في بيبي ببطني وولد بعد
ومن حللت وقالولي حامل شعور مو طبيعي
فرحة ماتنوصف
وغير لمن تحرك كنت اطير من الفرحة
وغير يوم ولدت وجذي يقطون البيبي ع صدرج وهو مفصخ
كااان شي غريييييب يهبل
والحين اشوفه وهو يكبر جدام عيني D:

والثاني حسيت اني حامل
ورحت حللت وقالولي ضعيف
وبعد جم يوم نزل معاي دم وخفت حييييل عليه
ويوم قالولي حاامل
زعلت حيييل وماحبيت اني اخسره
والحين معاي تهديد اجهاض
وادعي ربي ان كان في ثباته خيرة ياارب يثبته لي

وان شاء الله ربي يرزق كل ام بالذرية الصالحة
ويخلي كل ولد لمه وامه له :eh_s(7):

 

[anwaroo]

اول الايام كان عادي بس اول ماسمعت دقات قلبه حسيت انه فيه شي داخلي قطعه منى وبجييت
حبيب ماما هذا

 

[سبيل المودة]

يا حلاتكم يا بنات

اجاباتكم تتدفقققققق مشاااااعر

اب اب

خلوا الموضوع يضج والحنان و الأمومة

 

[dana1986]

وااااااااااااااااي وناسه

 

[زين ودلال]

بجري تعلقت فيها وحسيت اني صرت ام صج عقب ماطلعت من النفاس ورديت بيتي وكل ماتكبر اتعلق فيها اكثر واكثررررررررررررررر عسى ربي مايحرمني منها

وهالحمله من اول ماسمعت النبض وانا متعلقه فيييييييييييه حييييل لدرجة اني بجيييييييييييييييييت من الوناسه وكل ما اسوي سونار تخنقني العبره مادري ليش!!!

 

[معلمة الاجيال]

يختي على الموضوع اينن ويونس
بالنسبة لي ... كانت فرحة حيل لمه دريت اني حامل وحسيت وقتها بالمسؤؤلية ... وشعووووووووووور غريب يعني .. شعور ثقه على مسؤؤلية


لمه بدا يتحرك واحس بحركته حبييييييييييييييته وودي اشوفه حيللللللللللللللللللللللللللل :***

 

[AVE.NJ]

امبيه موضوعج كله مشاعر
انه بنات حملت اول مره بعد 16سنه زواج
واول ماحللت مو مصدقه واول سونار مومصدقه بس لما تحرك صار الموضوع جدي
ومهما اقولكم شعوري لما ولدت عطوني اياه واسولف وياه والدكتور كان يخيطني وانه لاهيه معاه
بس صج مشاعرج تزيد وتقوى كل مايكبر جدامج
صج اشتاق له لما ينام واذا طالعه ابي ارد البيت بسرعه
والله يخليلكم عيالكم ويحفظهم من كل شر

 

[honey lust]

واااااي بنات بجيتوني الله يخليلكم عيالكم و اللي اجهضت الله يعوضج يارب

عاد انا بروحي ميته عشان اصير ام

احس فيني حناااان مو طبيعي و امومه

 

[تبطي عظم!]

من دريت بحمالي حبييته وزاد حبي من تحرك

 

[shak!shoka]

ببجري من حللت ياني شعور و احسااااس غرييييب بس اذكر قلبي بغا يوقف و كان يددددق حيييييييل احس الكل كان يسمع دقاته !
و اول ما تحرك وانا صرت ما اعرف انام الا ايدي على بطني واحس برفساته واااااو شعور روووعه


بالثاني اول ٣ شهور عادي اصلا كنت متضايقه بس بعدين لمن اشوفه بالسونار و اشوفه يتحرك ر اسمع نبضه تخنقني العبره و احس جن اول مره اصير ام ؟
سبحان الله شعور مهنا توصفينه محد راح يفهم ولا يحس بربع احساسج

الله يرزقج كل محرووومه ياااااااارب

 

[f6oma 1991]

حبيتة و انا بالطبيب قالولي حامل و انا من يومها و انا احاجيه حبييته باول سونار و اهواا كان جيس حبيته بثاني سونار لمن كان طوله بالمليمتر حبيته يوم شفته بثالث سونار كان قاعد يحرك ايده و ريوله و يحرك اصابعه حبيته برابع سوناار قالوا جنننننه ولد بس مو مبين >>>>>وانا ماكنت بعرف جنس البيبي
و انا مو هامني بنت او ولد المهم بصحة و عافيه احبة و اعشقه قبل لا اشوفه و المسه ربي لا تحرم ولا وحده من هالشعور


ربي يتمم لي على خير و اولد و بيبي بصحه و عافيه اللهم لا تذرني فردا و انت خير الوارثين

 

[ScarletteO'Hara]

مو موقف واحد اكد لي اني احبها
اول مرة لما شفت الخطين بالتحليل المنزلي من بعد نطرة ٦ سنين
ثاني مرة بالأسبوع العاشر نزل علي نتفة دم كنت احسب اني يخسرها و قمت ابجي عليها و ادعي الله انه يثبت حملي و بيومها سمعت دقات قلبها
و اول ما بينت بالسونار انها بني ادم يعني بانت ايدها و ريولها و راسها
و طبعا من دريت انها بنت
و لما بلشت تتحرك لما كنت امطرها ترفس عشان اتطمن انها بخير
و أكيد لما طلعت من بطني و حطوها بحضني و انا ماسكتها و اقول لها بنتي حبيبتي و ابجي
و الحين و أهي بالاربعين لما تينني تبجي من غير سبب بس مجرد ما تسهى و تبتسم أنسى اني تعبانة و اطالعها و اضحك

 

[سبيل المودة]

سبحان الله يا حلو مشاعر الأمومة ماكو مثلها

قصصكم كلهاااا حنان و رقة

خنقتني العبرة و انشكحت و أنا اقرأ كلامكم


اب اب

 

[كويتيه مذهله 87]

من حللت ماكنت متشوقه بالعكس كنت خايفه يكون اجهاض مثل حمالي قبل
حيل متشاائمه
واول ماتحرك استانست ولمن شفته رباعي حبييته وودي اطلعه من بطني ابوسه وارده مكانه يكمل نموه

بس حسيت صج ان التربيه صعبه وحسيت اني ام لمن كمل ال 7 شهور
بدي يعرفني يويتعلق فيني وماأعرف انام الا يمي واحاتيه واخاف عليه

 

[pusy cat]

اول ماشفت نتيجة التحليل موجب فز قلبي واستانست

بس اللي خلاني احبه صج يوم جاني نزيف بالاسبوع الخامس حيل خفت عليه وتندمت اني تمشيت بالسوق لأن عقب مارديت نزفت

ويوم شفت الجيس بالسونار هم فرحت ويوم سمعت نبضه اول مره عور قلبي ويوم شفته بالرباعي واهو يفرك عيونه حبيبي

بس كل هذا كوم ويوم حسيت بحركته كوم ثاني صج احس اني متعلقه فيه عسى الله يشفيه ويقر عيني بشوفته سليم معافى يارب

 

[pusy cat]

واول ماتحرك استانست ولمن شفته رباعي حبييته وودي اطلعه من بطني ابوسه وارده مكانه يكمل نموه

لووووووووووووووووووووووووووووووووووووووووووووول نفس الاحساس بالضبط كله اقول ودي اطلعه من بطني والمه عقب ارجعه مكانه :eh_s(22):

 

[pusy cat]

سبحان الله يا حلو مشاعر الأمومة ماكو مثلها

قصصكم كلهاااا حنان و رقة

خنقتني العبرة و انشكحت و أنا اقرأ كلامكم


اب اب

يابعد عمري عسى الله يرزقج وتقر عينج بشوفة عيالج

الدعاء والاستغفار اهم شي