موضوع مهم وحساس يخص كل بنت

[اليتيمهـ]

بصراحه ماله وقت

يعني مرات ام 18 عقلها افضل من ام 30 وتفكيرها اكبر


وبعدين كل شي قسمه ونصيب

 

[malak2]

العمر مو ميزان

يا ما بنات تزوجو صغار حييييييييييييل و يما بنات تزوجو كبار حيل

و هذا نصيب

و الله يرزقج النصيب الزين يا رب

كلام جميل

 

[novelist]

من 18 وفوق يعتبر مناسب تكون البنت نضجت

وإذا عدت ال 37 تعتبر تقريبا متأخرة بالزواج

وبالأخير الزواج قسمة ونصيب .. الأهم استمراريته مو بأي سن تتزوج فيه البنت

 

[LoMYa]

أنا صج عنونه وعمري 15 بس اشوف السن المناسب للزواج بين 23 لي 25 والبنت تعتبر متأخره لما يكون عمرها بين 30 لي فوق

 

[mirrorsweet]

 

[زهرة الخليج 81]

انا مادري انتو تحطون هالاعمار كانه مقادير للطبخ ولا مقاسات للملابس
لاحبايبي الحين شنو الفرق بين الي تتزوج وعمرها 20 ولي عمرها 30 كلهم يقدرون ايبون اعيال خاصة في وقتنا هذا الي ناااااااااااااادرة واحدة تفكر تيب درزن اعيال زمان اول اي اقولج في فرق بس الحين لا الاكثرية تقولج بيب اثنين ثلاث واذا كريمة تقول خمس
وكل شي له سلبيات وايجابيات
اولا ايجابيات الزواج المبكر .....
1- اذا كانت ناوية تيب ترزن اعيال راح يمديها ( وما أظن الحين في وحدة تفكر جذيه )
2- تكبر مع عيلها بحيث اذا كبروا يكون فيها حيل تربيهم ( مع انه حريم بهالوقت مافيهم حيل وهما بالعشرينات اشلون اذا عيزوا )
3- ماتقعد تحاتي نصيبها ومنو بتزوج وتفتك من كلمة بايرة او عانس (مع العلم ان الناس صاروا متفتحين ويعرفون شنو القسمة والنصيب والي مايعرفون يعتبرون ناس متخلفين في زمن متحضر )
أما سلبيات الزواج المبكر
1- البعض وليس الكل تتحسف وتقول ليتني تونست بعمري بشبابي الي راح على الزوج والعيال (مع ان زينة الحياة اهما العيال )
ايجابيات الزواج المتاخر
1- تكون فاهمة الدنيا عدل عدل ومخالطة متزوجات اكثر ومستفيدة من تجاربهم .(مع العلم ان يمكن بنات اصغر منها وافهم منها )
2- فرحتها بالزواج ماتنوصف يعني لو تزوجت صغيرة ماراح تستانس او يستانون اهلها كثر لماتكون كبيرة .
3-تكون متفرغة دراسيا وذهنيا للزواج ماكوا امتحانات ولا ولا
سلبيات الزواج المتاخر
1- تكون في حااااااااااااااااالة وحدة اذا البت مابقى شي على مبايضها وتخلص يعني اذا عدت الاربعين وفوق تقل عندها فرص الحمل وبهذا العمر ماتقدر تاخذ الا واحد كبير بالعمر فوق الاربعين وتنحرم من ابو الشباب وزين الشباب

وانا اقول ان ام العشرين والثلاثين نفس الشي اما ام الخمسة والاربعين اتوقع حتى لو ايها النصيب ماراح تستانس اصلا تحس صعب عليها تغير نمط حياتها الي عاشتها طول عمرة

واخيرا
اهم اهم اهم اهم شي التوفيق والسعادة في الزواج وارد وقول لاتخلون هالارقام في بالكم والله عز وجل اهوا ادرى بحال اي وحدة متى يناسبها الزواج ومتى مايناسبها
وانا عن نفسي احمد ربي ماتزوجت ام 18 ولا19 لا بالعمر كنت صفحة بيضة مع العلم الكل مستغرب اني ليش ناتزوج بس انا اقول بعد تجاربي بالحياة اكتشفت لو اني متزوجة وانا صغيرة يمكن ريلي يتحسف انه خذاني

 

[زهرة الخليج 81]

واحب اضبف تقطة ترى العيال لاتنسون يكبرون حطوها في بالكم يلي راح تحتاجون تصغرون بعمركم لنا تكبرون

 

[عاشقه رويشد]

احسن عمري حق البنت 19

والسن يعتبر متأخر او عانس لما توصل 30

 

[حلوة وبس !]

اعتقد من 18 إلى 27 سن مناسب

من 30 وفوق صراحه متأخرة

 

[WaRoODa]

و الله انا اشوف ان البنت يستحسن تتزوج أول ما تخلص دراستها الجامعية و تاخذ شهادتها لأن الزواج بنظري مسؤولية و يبيله مجابل و الدراسة يبيلها مجابل و ما اتوقع ان البنت تقدر اتوفق بين هالمسؤوليتين و قاعدة أشوف وايد بنات فشلوا في زواجهم و السبب الزواج المبكر ، يعني على 23 هو أفضل سن
أما سن تأخر الزواج أنا بنظري من 30
بس هذا ما يمنع انها بتكون عانس طول عمرها لأ اذا الله كاتبلها النصيب بييها انشالله

 

[كاندي بينك]

20 الى 25 جذي زين

 

[Ocean]

من 20 - 26 سن مناسب ( طبعا بحسب طبيعه البنت )


من 27 - 29 ترقب ..


30 تأخر ..


و بالنهايه نصيب .. و العمر مو دايم يكون مقياس على نجاح الزواج و سعاده الزوجين

انا اوافقها الراي