موضوع مهم للمتزوجات وابي خبراتكم للاستفادة

[مها يعقوب]

:cxxxp:السلام عليكم بنات

انا متزوجة وصارلي شهر:33_1185028183:في شغلة ضايقني وهي إنا ريلي يروح الدوانية ويتاخر
يروح من الساعة 9 ليما ساعة 1,30 او 2 الصبح وطبعا ربعة يدقون علية عشان يروح الدوانية واحسة حيل مطمن لانا قاعدة بيت اهلة ومايحاتي كلش لاني تناقشت هالموضوع معاه بس مااشوف اي تغير وابي حل لاني صج قمت احس بفراغ واخاف هالشي ياثر بالمستقبل:cxxxp: ؟

 

[وافترقنا..]

الله يعينج ياعمري

عادي انااا كملت شههر والمشكله يبيلج تتعودين وعلى العموم بالديوانيه احسن من لايروووح اماكن ثانيه
وعادي انا نفس حااااااااالتج بالظبط بس اشتغليله مسجاااات وهالسوالف بيرد بسرررررررعه>>يعني خبره

 

[FeShinGoOo]

رد : موضوع مهم للمتزوجات وابي خبراتكم للاستفادة

حمدي ربج انا ارفيجتي ريلها يروح من 4 العصر ومايرد الا 6 الصبح
الصراحه هاذي مو حاله ومحد يتحمل اهي اول ايام تحملت بس الحين كارهه عيشتها حامل وتعبانه واهو كاشت فيها وطايح بالديوانيه
لازم تحطين حد حق لموضوع حبيبتي ترى راح يمصخها

 

[أم زنوبة]

وييي بعد زين من 9 لي 2
انا ريلي يفصل مرات من الصبح لي بليل ولا يواصل بالقهوه او الدوانيه
ولو انتي كاشته فيه بتزيعل مع الوي
انا اقول تكلمي معاه ان وقت ما انتي مو قاعده بروحج في البيت خل يروح
واذا انتي قاعده لا يروح
او حددي يومين بالسبوع قوليله انت تروح بهاليوم الدوانيه من اي ساعه تبي بس ما يصير 10 الا في البيت انت
وحتى انتي هاليومين ونسي نفسج وتدلعي يا طلعي مع رفيجاتج ولا سوي اشياء الصالون
ولا اذا بتكشخين لي رد 10
وجذي عاد الله يعينج على ما بلاج
شده وتزول انشالله

 

[مها يعقوب]

رد : موضوع مهم للمتزوجات وابي خبراتكم للاستفادة

انا خايفة من هالشي لانا احس مافي مسؤلية اتجاهي شلون اذا حملت راح الياهل يربط بينة بس ماراح يتحمل مسؤلة الياهل :eh_s(2): ابي حل ساعدوني انا مابي اسكت علي هالشي عشان لايتماده

 

[قمر الكويتية]

رد : موضوع مهم للمتزوجات وابي خبراتكم للاستفادة

الله يعينك
إدعي له يارب ينصلح حاله ،،، ويمكن لما تحملين يكون الوضع أحسن و يارب يسخر قلبة لك

 

[أم زنوبة]

حبيبتي المشكله مو بالدوانيه يعني المشكله بعدم المسؤوليه
وانا اتوقع ان زوجج صغير بعمره اذا مو مهتم فيج وخصوصا انتي في بداية ايامج معاه
انا اقول كلميه وقعدي معاه وقوليله فلان انا ما تزوجت الا ابي واحد يسأل عني يتطمن علي يحاتيني
يهتم فيني وانا الوضع معاك جذي قاعد يضايقني يريت لو تحاول تتغير عشان عيشتنا ونكون متفاهمين اكثر

الله يعينه على شباب هالوقت نظامهم وصخ بعدم المسؤوليه

 

[رحيل المرافيء]

رد : موضوع مهم للمتزوجات وابي خبراتكم للاستفادة

لاتحملين واذا سألج ليش
قوليله انت 24 ساعة بالديوانية والعيال يبيلهم مجابل
طبيب وماطبيب وانت منت صوبي ابد

 

[~LiBrA~]

رد : موضوع مهم للمتزوجات وابي خبراتكم للاستفادة

حبيبتي الله يعينج وانتي بطريقتج واسلوبج تقدرين اتغيرينه بس التغيير ما يكون انج تمنعينه يروح الدوانيه

لا خليه لي الساعه 12 ترا زين

بس بغيت اسأل هالشي طول ايام الاسبوع؟؟؟

اذا طول الاسبوع اتفقي معاه ان ايام الدوام يرد 12 وبالويك اند يكون مثلا يوم الخميس لج يعني ما يروح ويوم واحد بالاسبوع اليمعه مثلا يتأخر لي ال2

اتفقو مع وقوليله ان هالشي يضايقج

 

[الأميرة جوري]

رد : موضوع مهم للمتزوجات وابي خبراتكم للاستفادة

الله يعينج ...بس لازم تتفقين معاه اما يرد مبجر كل يوم ..او يخصص لج ايام لج انتى

 

[مها يعقوب]

رد : موضوع مهم للمتزوجات وابي خبراتكم للاستفادة

مشكورين وماقصرتوا خواتي وانا اشكر كل الردواد وكل وحده فيكم حاولت تساعدني