موضوع مهم اسم بنتج منو اختاره وهل سميتي ع خالتج

[(أم نونو)]

عادي ومافيها شي اسمي على خالتي بس اذا اسمها مو حلو حرام اظلم بنتي

 

[عيالي ذيابه]

انا قالي راح اسمي علي امي
وانا ما عندي مشكله لانها نفس امي

 

[Loloki]

انا هم قالولي لان انا اول وحطه ايبلها حفيد ف تبي ع اسمها تومه = فطومه

 

[كتالونيه]

انا قلت ابسمي عليها
علشان اكسبها وهي
تموت ع الي يعطيها شي
واذا ماعطيتيها ياويلج تكرهج كره
العمى
قلت ابسمي عليها علشان تطلع بنتي هي الوحيده
الي تحبها
وهي اصلا محد سمى عليها
وتنقهر اذا جيرانا كل وحده مع حفيدتها وسميتها

 

[مشتطـه]

انا ريلي اول كان يقول جذي على امي وجذي

اسم خالتي عادي مو قديم حيل ومايفشل بس عااادي

وانا بصراحه احبها بس مابي اسمي بنتي هالاسم مو حابته

عاد ريلي شكله هون
خصوصا ان الحين فيني ولد

بس قال لو بنت بسميها فلانه او فلانه غير اسم امه شكله نسى


انا ضد اسمي على فلان وعلنتان
شكو!!! بنتي ولاا بنتهم


ونصيحة نصييييييحة لا تظلمين بنتج اذا اسم خالتج مو حلو

حرام اجر انتي بتملين

انا حاسه فيج ودج تفرحينها وتفرحين زوجج بس بتملين مع الايام وتتحسفين

ترى الغلا بالقلب مو بالاسم

وتدرون شنو اللي يقتلني يوووه

اذا بيسمون على وحده ويسمون اسم مشابهه يعني مرقعين السالفة

مثال
وضحه الام
يسمون الحفيده اوضاح

شكوووووووووووووووووووووووو؟

 

[tmtmt]

اسم خالتي نفس اسمي مرتاااحه

وانا الي اخترت اسم بنتي
اول شي ماكان راضي مايبي الاسم بعدين اقتنع الحمدالله

 

[الذوق والرقه]

انا خالتي مو كويتيه واسمها ياسلاااام مخصص لدول شقيقه محد يسمي اللي هم
وطول فترة حمالي زعلانه عند اهلي وطالبه الطلاق وما ادري شنو بيسمي ؟؟ وكنت حاسه بيسمي بس افكر شنو بقول له
ادخل منو يكلمه بالاسم اذا سمى وجبت بنتي واشوه بعدها باسبوع جا بيتنا بس ما واجهته واجه اخوي قال شبتسمي الحلوه
قال محتار بين فجر ومها انا عاد ما سكت اقوله قول مو كيفك انا اللي بسمي << الحين طلع إلساني يضحك اخوي علي يقولي بقوله خلك رجال وسم على امك لو اسمها مو حلو

 

[درة أهل الطولات]

الغلا بالقلب مو بالاسم حرام بنتج

 

[رووح ابووها]

بنات نصيحه اذا اسم خالتج مو حلو لا تسمووون
والله بيتعقدون وبيكرهون اساميهم وبيقارنون بينهم وبين خواتهم

 

[ام الحلوااات]

اســــم خــــااالـــــتـــــــي قــــديـــم ومــــو حــــلــــو كـــلـــــش
و انـــا اللـــي ســـمـــيـــت بـــنــــاتــــي الـــثــنــتـــيــــن لان زوجــــي مـــو راااضـــي يـــســـمـــي يـــقـــول مـــااعـــرف اســـامـــــي الــبــنـــات
انــتـــي امـــهــــا وانــــتـــي ســـمـــيـــهـــــا بــــس يـــاخــــــوووووفــــي لايـــجـــيـــب الـــعـــيـــــد بــــاســـــامـــي الـــصــبــيــــاااان اذا اللــــه رزقـــنــــي صــبــيــــان​

 

[[[ عيون جابر ]]]

والله بالنسبه لي خالتي كل ماتشوف ريلي تنقز ان نسمي على اسمها ومستعده تدفع مبلغ وقدره عشان الاسم بس انا رااااافضه تماما انا الي احمل واتعب ومحد له حق يسمي عيالي غيري انا وزوجي والحمدلله زوجي متفهم ومتفقين
وما اايد الاسامي القديمه وما اايد اني اسمي على فلانه او علاااانه احب بنتي تكون مميزه

 

[ام الحلوااات]

اسم خالتي نفس اسمي مرتاااحه

وانا الي اخترت اسم بنتي
اول شي ماكان راضي مايبي الاسم بعدين اقتنع الحمدالله

:dddds: :dddds: :dddds:
مـــــو لاقـــــيـــهـــــا الا انــــتــــي

 

[rtoj]

انا سالفتي سالفه صج انصدمت بعد ما كنت مخططه على اسم وايد حلو وقلت للي اعرفهم عنا ومدحووه وايد قالوا انه حلو ومميز


وقبل جم يوم ياتني الصدمه من خالتي قايله حق ريلي انها متحلمه حلم باسم بنتي وسبحان الله جنها تعاندني بالحلم لان الاسم الي متحلمه انا ما احبه .. زعلت حدي ولدرجه اني قمت ابجي ورفضت الاسم واهوا يقول حتي لو كانت امي مو متحلمه بالاسم اهيا اختارت لنا هالاسم فلازم اسميها هذي امي وماقدر ارفض لها طلب


واي حدي حزينه

 

[*peace*]

بنتي انا اخترت الاسم وزوجي وافق عليه خخخخ

وخالتي والله تستاهل اسمي عليها بس اسمها قديم قديييييييم حتى اهيا قالت لاتسمون علي تعقدون

البنيه خخخخ

 

[شموسة كيوت]

مستحيل مستحيل اسمي على اسمها لو كانت حبوبة وطيبة معي ليش خلصت الاسامي وخالتي اسمها حيل حيل قديم من العصر الحجري ومستحيل اعقد بنتي في هالاسم..

اعرف جارتنا حراام مسمينها على اسم جدتها والبنت كبرت وتعقدت من اسمها وتبكي منه لانة كبير مو بعصرنا يسمونة والحين تقريبا عمرها 19 غيرت اسمها باسم كشخة وحلو لكن بعد شنو بعد ماتعقدت نفسيتها وتعبت

 

[نور النـور]

والله لو على قص رقبتي ما اسمي بنتي على اسمها لو حتى اسمها حلو محد له شغل باسامي عيالي غير انا وريلي

 

[๓ίşś зśŏłả..!]

آي انا سميت على خالتي ام ريلـي
بس بنتي الاولـى الاسم عجب ريـلـي لآنه اسم بنتي الاولى قريبـ من أسمي وسميتهآ
مآدري احس بتستانس الخاله اذا مرت ولدهآ وولدهآ سمو البيبي على اسمهآ نصحيتي لـج سمي عليهآ

 

[Om_RaYomaH]

بنتي البجر سماها اهو مع انه صار هووشة عالاسم

بنتي الثانية سمتها جدتها امه

بنتي الثالثة من قبل لا اولد واسمها موجود سبحان الله كل ماناديت بناتي اغلط واقوله
انا وامي وبجذي عرفت اني حامل ببنت

فسمتها امي لانه اهي بدت تنادي قبلي هلاسم مع انه ماحد بعايلتنا
مسمي هالاسم عشان يعلق بذهنج اوشي جذي
سبحان الله مقسوم

اما التسمية على احد انا متفقة مع زوجي مانسمي لا على اهلي ولا اهله

قصة قالت<<<<<<< هههههههههه
سوري عالاطاله

 

[LiL MaMa]

انا الحمدالله متفقين انا و زوجي مانسمي عيالنا الا اسامي عاجبتنا احنا الاثنين
و الاسم مو شرط يكون يديد عشان يصير حلو
لما حملت في بنتي الثانيه قلتله ماراح اقولك الاسم اللي في باللي الا لما اولد و اذا ماعجبك نغيره
و لما ولدت قلتله ابي اسميها طيبه على خالتي و الله بصراحه انا الاسم عاجبني و خالتي تستاهل
و الله فرحت و فرحتها عندي تسوى الدنيا و فرحت زوجي انني انا اللي فكرت بالموضوع بدون ما يقترح اهوه علي
بس اذا الاسم مو حلو و مو عاجبني ماله داعي اسميه
و انا من رايي ان مايصير الزوج يقرر الاسم بروحه و لا انا اقرر بروحي لازم نتفق

 

[english muffin]

انا ما احب اسمي على احد
وكل اهلي نفسي واهل امي عندهم مب زين نسمي على احد عايش
واذا اسم ام ريلج مب حلو حرام تظلمين بنتج