موضوع مسبب لي قلق (فيدوني )

[** شيخة **]

هلا حبيبتي

يمكن اللي يقرا اول سطر من موضوعج بقول وحده مراهقه وحااطه ببالها هالشي

بس اللي يكمله مبين انج كبيره وعاقله ماشاء الله

بالعكس كلاامج مافيه شي وماابنيتيه على اسم انج تبين شيخ وبس انتي تبين شخص محدد ببالج وعااجبتج شخصيته من الكلام اللي سمعتيه

وهالشي موو عيب واغلبناا جذي المهم انج تدعين ربج اذا كان خير لج يقربه ويكتب النصيب بينكم واذا كان شر لج يبعده عنج ويرزقج باللي احسن منه

واذا مثل ماقلتي رفيجتج مرت ولد عمه يعني واايد قريبه منه ممكن تقووله بطريقه حلوه عنج ماتقووله انج تبينه او معجبه فيه او او لااا تقووله انج خووش بنيه ومن هالحجي والله يكتب اللي فيه الخير

 

[سحيله_الحلوه]

يالللللله ان شاللله الله يرزقني ويرزقج الريال الصالح واللي يخاف ربه ويكون شيييخ والا اميير

 

[om-HaSsoOon]

حيااااااااتي الله يزرقج بالزوج الصالح والذريه الصالحه قولي امين

ثاني شي مو عيب اذا كان هذا تفكيرج بس لا تووقفين عند هالتفكير وبس

يعني لا تخلين ببالج بس اتزوج شيخ وبس وخلاص يا اتزوج شيخ يا ما اتزوج هذا التفكير الغلط

وبالنسبه حق الشخص اللي تكلمتي عنه اذا كان فعلا معجب فيج ويبيج على سنه الله ورسوله خل يتقدم لج وان شاء الله الله يكتب لج اللي فيه الخير

 

[المزيونه ...]

هلا والله شيخه

بالنسبه لرفيجتي ترى اهو مايعرفها ولا يعرف شكلها كلش

بس اهيا اتعرفه يعني مو بينهم ميانه كلش

واهيا صغيره كبري تقريبا

مشكوره سحيله حلوه نكج عجيب ههههه


عدل كلامج ام حسون الواحد مايوقف تفكيره عند شي معين اذا صار خيارات افضل ليش ما اوافق صح

ومشكورين بنات وماتقصرون

 

[زيـטּ عَبْس]

الله ينولج اللي في بالج يااارب

وينولني اللي في بالي



عاد لاتنسين تعزمينا على عررررررررسج

 

[خليج***]

لازم شيخ؟؟!!

مانصحج تتعلقين فيه حيل,,
ماتدرين يمكن اي يوم ويتزوج غيرج وقتها راح تنصدمين ونفسيتج تتعب,,

انا ادري انت اللحين مستانسة وبالذات انج شفتيه كذا مرة,,ويطالعكم,,
بس مو شرط لو اي صبي بداله راح يطالع مو شرط اذا طالع راح يتزوجج,,

انتي اللحين كل اللي بايدج انج تدعين يكون من نصيبج,,
بس اهم شي لاتخلين مشاعرج تتحكم فيج خلج عقلانية,,
ولو تقدرين اتعرفي على خواته او امه او على ناس يعرفونهم ,,بس لاتحطين كل امالج انهم يخطبونج,,
حاولي تسيطرين على مشاعرج,,اكثر,,

 

[(كويتيه عسل)]

واضح صاحبة الموضوووع تبى تتزوج المظاهر والابهة ولا تنظر لمعنى الزواج الى هو الستر والسكن 0تنظرين للقشور ولا يهمك المضمون

صح كلامج لانها قالت تبي تتزوج شيخ وموشرط كويتي

حاطه بالي ماتزوج غير شيخ ( عادي ماتفرق حتى لو خليجي )

البنيه تبي شيخ اي شيخ

مثل اللي تتزوج واحد علشان جماله

ولا اللي تتزوج واحد علشان فلوسه

واللي تتزوج واحد علشان سيارته

تفكر بالمظاهر ترى زواج المظاهر مايدوم وغير ناجح

انا منصدمه من اللي يقولون للبنيه معاج حق وتفكيرج موغلط وتفكيرج صح

ليش خالتي تزوجت امير من ال سعود عشان جذي صار تفكيري نفس تفكيرها

لان خالتها تزوجت امير وجنها قالت رفيجتها متزوجه شيخ

تبي تتزوج مثلهم يعني تقليد جنها تقول لــروحها حالي حالهم

انا مو احسن منهم ومافي احد احسن من الثاني

مااقول الا الله هديج وياريت تعيدين التفكير بهالموضوع

اعيد واقولج مره ثانيه زواج المظاهر مايدوم

اختي لا اتفكرين بالمظاهر ...

فكري بواحد يوقف معاج بالراحه والشده ...واحد تكبرين ويااه مو تكشخين فيه ...

ايه والله صدقتي معاج حق :ggdw:

الزواج مسؤولية وعشرة عمر مو نفنوف ولا جنطه

 

[شوارفسكيه ورديه]

ان شاء الله ربي يرزقج اللي تتمنين وماكو شي على عسير وسواء شيخ او وزير او اي كان صاحب منصب

يضل انسان ومافيها شي اذا كان تفكيرج فيه وايد بنات ماشاء الله توفقو مع جذي مناصب وعايشين حياتهم الله يسعدهم

وفي العكس كانوا يكابرون وكل كلامهم مستحيل نتزوج من اي شخص الا شيخ ولا مانتزوج ووالله ليما الحين اعمارهم

على 40 وفوق ناطرين الشيخ انا ماتشمت ان شاء الله والله يرزقهم باالاصلح بس ان شاء الله مايكون كل تفكيرج جذي

اكيد فهمتي قصدي ؟ عموما ادعي واللي الله كاتبه لج بتشوفينه وموفقه ان شاء الله حبيبتي ولا تنسين تعزمينا

 

[*Giglio RoSso*]

الله يرزقج الزوج الصالح اللي يصونج ويحافظ عليج

 

[غربــــة اِحساس]

بس شيخ !


عاد انا حاطه في بالي (ملك ) بس حسافه الي بالخليج كبار ماينفعون


لووووووووووووووووووووووووووول


اتغشمر لاتزعلين حبوبة

شوفي اهي الاحلام والاماني حلوة بس لاتخلينها تسيطر على تفكيرج وتعطل حياتج بس عشان ماتنصدمين اذا تزوج هالشيخ

واطلبي من ربج الزوج الصالح : )

 

[العفاسيه]

حياة الامراء والشيوخ مو مستقره ؟؟ ياخذج جمعه وخميس؟؟ بعدها شتسوين؟؟ بعدين شدراج انه مو متزوج
تعوذي من ابليس واعتبري من حالت بنت خالتج

 

[* قلبــ أنا ــك *]

اختي خليج واقعيه ..لا تعيشين بعالم الاحلام

 

[شيخة الزين كله]

عسى الله يوفقج ويكون من نصييييييييبج

 

[sweety_love2]

الله يرزقج بالزوج الصالح يارب والله يوفقج

 

[مريم81]

ما علــــــــــــــــــــــــــــــــــــــــــــــى الله صعب .. ما علــــــــــــــــــــــــــــــــــــــــى الله عسير ،،

كلنا حلمنا وتخيلنا وتمنينا هالشي .. لكن نصيبج يصيبج .. وإشلون يصيبج >> بشي واحد بس ( الدعـــــــــــــــاء ) ،، مايرد القضاء إلا الدعاء ..

يارب يارب يارب يارب يرزقج ياه ( إن كان إنسان صالح يخاف ربه فيج قبل الناس )
وإن ماكان نصيبج
يارب يارب يارب يارب يرزقج باللي أحسن منه اللي يخليج شيخه بعينه وبعيون الناس



ملاحظه %%% الزواج الثاني ما يقتصر على الشيوخ فقط .. كل الطبقات تتزوج ثانيه وثالثه ورابعه.

 

[غلا جوري]

اي واحد الحين يخطبج وافقي وتوكلي على الله مالج الا نصيبج

 

[Virginia-Rose]

عادي يوم من الايام كنت احلم اني اتزوج robert baer وكنت اتوهم فيه وايد لول

الاحلام بلاش حبيبتي بس لا تحطين في بالج انه الحلم راح يتعدى الواقع

انا مادري انتي تحبينه كشخص ولا تحبين اسمه كشيخ ؟ وشلون اكتشفتي انج تحبينه ؟ قعدتي معاه شفتي اسلوبه وكلامه وتفكيره وعقليته ؟؟ ولا من خلال اقاويل الناس ومديحهم له؟

المهم الله يوفقج بحياتج ويرزقج باللي يريحج بحياتج مو باللي يوديج بمليون داهيه وييب فوق راسج ثانيه وثالثه ورابعه !!

يارب يحقق امنياتج اذا كانت من صالحج قولي امين بس

 

[*peace*]

بالعكس مافيها شي كلش

وسبحان الله ترى اذا حطيتي شي ببالج ممكن يصير خااااااااصه مع الدعاء

 

[غزل بنات]

والله انا جني عرفت اللي تقصدينه بس اذا اللي في بالي ترى اهو مايشوف نظره شبه زيرو مابي اضيق خلقج فايمكن مايكون يخزج

هههههههههه ليه كذا حطمتي البنت

ادعي ربي يرزقج فيه ويصير من نصيبج

انا بعد اول الموضوع علبالي شيخ دين

 

[vogue grl]

انشالله الي بالج يتحقق ويرزقج ويرزقنا معاج امين