موضوع مسبب لي قلق (فيدوني )

[Girly Girl]

من طريقة كلامج يبين انج كبيره وعاقله وفاهمه ماشالله عليج بدون ماتذكرين عمرج..وبالعكس مافيها شي اذا حطيتيه ابالج وتمنيتيه بس مو معناته انج ترفضين اللي اييلج على اساسه اهوا !! لا طبعا يمكن اييلج اللي يسعدج اكثر منه..والله يوفقج انشالله سواء معاه او مع غيره
وانا ترا نفسج حاطه ابالي فزاع لوووووووول اقول حق اهلي انا حرم حمدان بن محمد من راشد ال مكتوم<<<<< مصدقه حدها لوول
وعلى فكره اللي قالت عنه اختي caty مواليد 85 زيادة معلومات

 

[منورة الكويتية]

لاتعلقين بأوهام .. شنو يعني صادفتيه مرتين بمطعم ..
تصير حق الكل
لاتعلقين بتهيأت يصورها لج مخج
واذا يالج انسان زين ومصلي ومسمي ويخاف الله لاتردينه عشان هالفكرة

 

[الريادة]

الله يرزقج الزوج الصالح الأمير الشيخ , بس المهم صااالح!

 

[^ليلاس^]

الله يرزقج الزوج الصالح وانا رايي نفس راي منورة الكويتية

 

['Basma']

واضح انج متعلقة بالاسم اكثر من الشخص نفسه

 

[توت عنكبوت]

انا اعرف وحدة نفس تفكيرج وشاعت بين الناس انها بتاخذ شيخ (( طبععا البنت ولد عمتها شيخ ))

المهم مشى قطار العمر فيها واستسلمت واخذت واحد من جماعتها .

اطلبي ربكادعي بس ها شلون بيعرفك الشيخ اللي تبينه والله يوفق الجميع

 

[اكسبلانكا]

ربي يرزقج ان شاء الله ويكون من نصيبج

 

[saroonh]

حبيبتى الي الله كاتبه لج بيصير انشالله وانشالله الله يعيطيج علي قد نيتج بس ها نبي نحضر العرس ولنا عشاء خاص بروحنا ككككككككك
الله يوفقج بريل يكون صالح بدينه ودنياه

 

[دلعني]

وعسى ان تحبوا شيئا وهو شر لكم ...

والله انا عكسج ...طول عمري افكر لي خذيت شخص يكون بيني وبينه تكافؤ اجتماعي ...

مو متخيله نفسي اتزوج شيخ...مو عارفه اتصرف معاه ...ادري بتقولون ريال حاله حال اي ريال ...بس تقدرين اتقوليله كل

اللي في بالج ولي عصبتي وما اعجبج شي منه بتردين عليه...

انا عندي حلاته ولد فلوس ياخذ بنت فلوس

واللي متوسط الحال وعايش على شهادته ومعاشه ياخذ اللي مثله ...لج مثل اللي عليج بس مع الشيوخ تفرق متى ما طق

اباله ومل تزوج او طلقج اوخلاج ابيت بروحج مع الخدم والسايق وقالج سويت اللي علي ..

اختي لا اتفكرين بالمظاهر ...فكري بواحد يوقف معاج بالراحه والشده ...واحد تكبرين ويااه مو تكشخين فيه ...

الله يوفقج بس نصيحه انتي عمرج مو صغير يعني اذا الله كتبلج تاخذين شيخ كان بها بس لا اتعلقين روحج بهالحلم واي شخص

زين تقدملج لا ترفضينه عشان شيخ يا عالم بيي والا لا

الله يوفقج

بس اسمحيلي اسئلج سؤال واتمنى اتجاوبينه اهني

شنو ايجابيات وسلبيات الزواج من شيخ ؟؟

 

[ScarletteO'Hara]

حبوبة اهم شي تتزوجين ريال صالح, سواءا كان شيخ او من عامة الشعب, مافيها شي انج تدعين ربج انه يكون من نصيبج, بس اذا المرتين الي صادفتيه كانوا صدفه, تهقين راح تصادفينه مرة ثانية؟؟ جنها صعبة... يمكن انا وافعية زيادة عن اللزوم, بس اذا الله كاتب اكيد راح يصير, اهم شي انج اذا صادفته مرة ثانية خليج محترمة, الريال ما يحب البنت الي تخز, يفضل المرة الثقيلة


و يا رب اذا كان ريال صالح يكون من نصيبج قولي امين

 

[a7la tooota]

حبيبتي الله يرزقج بولد الحلال اللي يسعدج

انتي ادعي ربج بس نصيحتي لج لا تتعلقين فيه وايد خلج واقعيه وان شاء الله اذا الله كاتب بيكون من نصيبج

 

[honey lust]

الصراحه انا احس انج متعلقه بأوهام و احس ان الزواج اكبر من انج تبنينه على اعجاب
و على جم كلمه سمعتيها عنه
ياما ناس مو شيوخ لكن شيوخ بأخلاقهم
انا اقوول انشالله الله يرزقج بالريال اللي يعزج سواء كان شيخ ولا غيره

 

[المزيونه ...]

جني عرفته ولو اهوا اللي في بالي ترا امه من قبيله بدويه معرووفه وكانت رفيجة امي ايام الثانويه واخر مره كلمتها قبل 6 سنين يمكن وتقووول ان طلعاته محدوده واكثر شي مع خواله... اسمه يبدي بحرف النوووووووون؟؟

نفس اللي بقوله

لا بنات قالت لي شندوخه اسمه بس مو اهو كلش

انا اعرفهم كلهم بس مو اهو

 

[المزيونه ...]

مشكورين عالنصايح

واكيد بنات اذا تقدم لي زوج صالح وزين من كل المقايس بتزوجه

يعني بقعد طول عمري عالتفكير

بس اتمنى من الله سبحانه وتعالى اني اتزوجه ويكون لي زوج اذا كان لي خير بالدينا والأخره

ورفيجتي اتصير مرت ولد عمه (بس علاقتهم مو حيل ) عشان جذي لو بشوفه مره ثالثه اقدر

والله يوفقكم ويسعدكم ويرزقكم على قد نياتكم

 

[Mi$$ RoRo]

ياعمري تفكيرج مو غلط

والأماني مو حراااام .. إنتي ادعي ربج وترى ماعلى الله عسيــر

وقولي يارب اذا كان خير لي فزوجني اياه .. واذا شر لي فأبعده عني بعد المشرق والمغرب

والله بيقسم لج اللي فيه الخيــــــر .. والخيرة كلها في ما اختاره الله

وصدقيني اذا ياج نصيب غيره .. واستخرتي وحسيت براحه اعرفي انه هالشيخ اللي في بالج

شر لج .. يمكن يطلع كله مشغول او يتزوج عليج .. أو مو نفس تفكيرج ..

^_^ اذا تزوجتيه زوجيني اخوه هههههههههههههههههه ^_^


حامد زيد يقووول لا صــرت تحـلـم احـلـم تـكـون سلـطـان

تدرين .. اول ماقريت عبالي تبين شيخ ( داعية )


والله يوفقج ..

^
^
نــــــفـ س الــ ك ـــلااام

الله يوفقــ ج ..

وسؤال اذا ما فيه احرااج ردي ما عليج امـر

إنــتي بدويـة ولا حضــريـة ..؟؟

 

[Super_Star]

الله يوفقج يا قلبي سواء معاه ولا مع غيره

بس حبيبتي لا تقولين جذي و تبنين حياتج على هالاحلام

حتى لو اهوا في بالج لا تمشين و تقولين انا ابيه ولا انا ما اتزوج الا شيخ و من هالكلام

لان الدنيا قسمة و نصيب و الناس (شماته) و ما ينسون !!!:gathering:

و مابي اضيق خلقج يا عمري بس والله والله اغلب اللي يقولون جذي يطيجون بأردى الناس !:eh_s(10):

مو قصدي شي بس ابي افطنج و الله يسخره لج يا رب

 

[sara bent elkuwait]

واضح صاحبة الموضوووع تبى تتزوج المظاهر والابهة ولا تنظر لمعنى الزواج الى هو الستر والسكن 0تنظرين للقشور ولا يهمك المضمون بعدين الاخوات الى اسمحوا لنفسهم انهم يتداولون اسماء ناس عادية او شخصيت كبيرة ترضاها حق اخوها يتداول اسمة بالانترنت وبين فلانة معلانة ترى حتى الشباب لهم سمعة بعد

 

[المزيونه ...]

مشكورين بنات

اختي سوبر ستار شي طبيعي ما اقول للناس

السالفه بيني وبين اختي وامي ورفيجتي الكلوز بس

 

[المزيونه ...]

اختي ساره على اي اساس استنتجتي هالشي ؟؟؟

ممكن اعرف

يعني انا بتزوج مو عشان الستر شي يضحك والله عيل ليش متزوجه

عالعموم اختي القي نظره ثانيه واقري الموضوع بتمعن وراح تفهمين المضمون اكثر

ومادري وين اسم الشخص انذكر

اعتقد الشيخ فزاع معروف وايد وصوره منتشره بكل مكان اهو شاعر

مادري اي اسم تعنين

 

[ام عمار]

ربنا يعملك الخير ويرزقك بالزوج الصالح