موضوع مختار//عيش ناطع بحمسة الدجاج والفطر الشهيه..تفضلوا حبايبي..ياهلاا

[حلوة ومملوحة الكويت]

مشرفة القسم (جارة القمر)​

السلام عليكم ورحمة الله وبركاته​

*الحمدلله الذي اطعمني هذا الطعام ورزقنيه من غير حول مني ولا قوة *​

اول شي.. تراني ولهانه عليكم..صارلي مده مانزلت شي..انشغلت شوي..
لكنكم والله العالم... وسط القلب:rerrerek:​

وثاني شي...جربوا يالغاليات هالعيش..حده لذيذ..والاهم انه سهل ما يتعبكم..يصلح لخواتي المبتدئات بالطبخ..والعرايس عسالله يهنيهم...​

نبتدي حبيبااتي..​

اول شي..نحتاج دجاجه نقطعها لحوالي 8 قطع ونشيل الجلد عنها.. واللي تبي الجلد تخليه مافي مشكله ​

نسلق دجاجتنا بماي مع بهارات صحيحه( هيل، دارسين، مسمار، فلفل اسود حب، ورق غار) ربع ملعق صغيره كركم، نص ملعقة اكل بهارات مشكله) ونضبط الملح علشان عقب نبي نسوي العيش بماي السلق.. ​

نسلق الدجاجه تقريبا لمدة 35 دقيقه او 40 حسب حجمها..اذا كبيره تحتاج طبخ اكثر من الصغيره..عموما نبيها تكون شبه مستويه..مو مهتريه حيل من الطبخ..​

نشيل الدجاج اذا فحناه على جنب لحين الحاجه له.​

ونبتدي شغلنا الرئيسي​

نحط كميه وفيره من الزيت بالجدر..وترا الزيت المعقول يعطي نكهة للعيش مايكون ناشف وحباته نثريه ماتلزق ببعض.. ونضيف حوالي بصلتين صغار مقصصين ناعم ونحمسهم ليما يتغير لونهم ويتشوقرون..نضيف كميه زينه من الثوم والزنجبيل المدقوقين وعلبة فطر ..وانا قصيت الفطر لنصين..وحجم التقطيع راجع حسب الذوق​

​

نحمس شوي ليما تمتزج المكونات عدل..ونضيف نص ملعقة اكل بهارات أو بهارات الكاري ونص ملعقة اكل فلفل اسود وربع ملعقة اكل كمون ونص ملعقة اكل كزبره مطحونه ونص ملعقة اكل كركم
وعلبة معجون طماط ​

ونحمس عدل نخلي المعجون والبهارات تغلف البصل والثوم والزنجبيل​

​

​

تالي..نضيف قطع الدجاج الي سلقناها..مع علوب فلفل صغير مقصص..والي ماتتحمل حرارته لااا تحط كلللش..لاتقولون بعد حلوة ومملوحة شلوطتنااا:bbbiu:​

​

نحمس بخفه نخلي الخليط يتمازج ..وبعد حوالي خمس دقايق من الحمس على الخفيف..نضيف نص قلاص ماي ونضبط الملح.. ونخلي الخليط يتسبك على نار هاديه لمدة عشر دقايق .​

​

​

نجي لتجهيز العيش..نخلي ماي الدجاج يطبخ على نار عاليه واذا شفناه يغلي على النار..نكت العيش عليه..وطبعا العيش نكون منقعينه لمدة لاتقل عن ساعه بماي دافي..معاه شوية ملح..​

​

نسلق العيش ثلاث ارباع استوا..لاتطبخينه حيل وينهرس معاج... وعقب نجي لمرحلة تطبيق الحمسه مع العيش..​

بقاعة الجدر نحط كميه من العيش..
وفوقها كميه من الحمسه​

​

​

ونكرر العمليه ..كميه من العيش ..وكميه من الحمسه​

ليما نوصل لوجه الجدر ..نرش عليه ماي ورد منقعين فيه زعفران وشوية هيل وشوية من صبغة العيش ...​

نخليه على نار هاديه لمدة 35 دقيقه...​

وقبل لانسكر عليه بشوي نحط على وجه الجدر شرايح بصل قليناها بزيت غزير مع شوية ملح وفلفل اسود ليما وصلت للون المطلوب..طبعا مع التحريك بين مده والثانيه واحنا نقليها بالزيت...​

​

وهذا غدانا جهز ياحبيبااتي وبديت النجاب...شوفوا لون العيش من المعجون والكركم والبهارات..يشوووق..​

​

ونثرت البصل اللذيذ على العيش...​

​

​

​

​

​

​

http://www.q8yat.com​

رجاءن خواتي الغاليات لو تكرمتوا لحد يرد..بكمل تنزيل باجي الصور​

 

[حلوة ومملوحة الكويت]

رد: عيش ناطع بحمسة الدجاج والفطر الشهيه..تفضلوا حبايبي..ياهلاا

نكمل​

​

​

​

​

​

​

​

عليكم بمليوون عاافيه..
واقبلوا تحياااتي
:eh_s(17):بنتكم:eh_s(17):
حلوة ومملوحة الكويت
:33_1185028183:​

 

[رحيل المرافيء]

رد: عيش ناطع بحمسة الدجاج والفطر الشهيه..تفضلوا حبايبي..ياهلاا

ماشاء الله تبارك الرحمن روعة
تسلم ايدج

 

[جارة القمر]

رد: عيش ناطع بحمسة الدجاج والفطر الشهيه..تفضلوا حبايبي..ياهلاا

حلوه ومملوحة الكويت

تسلم ايدج



وبالعافييييييييييييييييييييييييييييية

 

[حلوة ومملوحة الكويت]

رد: عيش ناطع بحمسة الدجاج والفطر الشهيه..تفضلوا حبايبي..ياهلاا

ماشاء الله تبارك الرحمن روعة
تسلم ايدج

الارووع مرورج ياقلبي
ياهلاا ومرحبااا
،،،،​

 

[حلوة ومملوحة الكويت]

رد: عيش ناطع بحمسة الدجاج والفطر الشهيه..تفضلوا حبايبي..ياهلاا

حلوه ومملوحة الكويت

تسلم ايدج



وبالعافييييييييييييييييييييييييييييية

الله يسلم عمرج يالغااليه
ومشكوره على التثبيت حبيبتي
ياهلاا ومرحباا
،،،،​

 

[cat_women]

تسسسسسلم الايادي

 

[زوجة عزيز]

ماشاء الله عجيب يعطيج ألف عافيه ماقصرتي على هالطبخه الزينه

 

[ام فهود وشهود]

ماشالله رووووووعه
وعلئ فكرة احب اجرب طبخاتج
لان ماشالله لا اله الا الله
مظبوووووووطه
تعطينا بالمقادير

 

[نهى الأحمد]

ماشاءالله تبارك الرحمن


شهالزين والطباخ الحلو مثلج حبيبتي


تسلم ايدج يا الغاليه وعليكم بالف عااااااااااااافيه




على فكرة ياقلبي
انتي وريوم

شهادتي فيكم مجروووووووحه يا فنانات المطبخ


عسى ربي ينعم عليكم نعمة الصحة والعافيه


احبج في الله

 

[معي احلى]

ماشاء الله شكله شهي .. جدا ..



تسلم الايادي ..

 

[الأميرة جوري]

تسلم ايدج واليوم سويتها للغدا وبقولج شلون طعمها وأكيد لذيذه مادامها منج

 

[بنوته على الاخر]

روووووووعه تسلم ايدج

 

[كريستال]

فديييييت قلبج

الله لايحرمنا منج ولا من مواضيعج

طبخ ولا الذ واخلاق عاليه وسنع تبارك الرحمن كامله مكمله الله يحفظج

ماودي اثقل عليج حبيبتي بس لو تحطين طريقه الساقو واللقيمات اللي سويتيهم في رمضان مب لازم بالصور بس الشرح يكفي

ماشاء الله طباخج اللي ينقال عنه كما يجب ان يكون الله يعطيج العافيه ويخليج لحبايبج ولنا يارب*

 

[mngo67]

ماشاءالله...احس ريحة الاكل كفخت بخشمي
تسلمووووووووووو الايادي

 

[عروس فبراير]

عساج ع القووه تسلم ايدج

 

[ABEER FLOWER]

الحمد لله على سلامتج مملوحتناااا

وما شاء الله طبق رائع كالعاده

تسلم الأيـادي

وبالعافيه ​

 

[Dinyaak]

ما شاء الله والله شكله يشهي
الف عافيه حبيبتي وتسلم الايادي
احب طريقتج بالطبخ حييل نفسج حلووووه
تقبلي مروووري 

 

[صابرة رغم الجروح]

رووووووووعه من قلب


تسلم ايدج حبيبتي

 

[ام دانه ورنا]

ماشاء الله ربي يحفظك طباخه ماهره واحس ريحة الطباخ واصله لين عندي
تسلم الايادي