مشرفة القسم ( جارة القمر )
السلام عليكم ورحمة الله وبركاته
(الحمدلله الذي اطعمني هذا الطعام ورزقنيه من غير حول مني ولا قوة)
اشلون خواتي الغاليات..عساكم بخير وعافيه
من الأكلات الكويتيه المميزة..والي نشتهيها من فتره لي فتره
العيش مع الربيان اليابس (المربين).
لذيييذ.وخفيف..وله طعمه الخاص.. ومحبينه :rerrerek:
العيش مع الربيان اليابس (المربين).
لذيييذ.وخفيف..وله طعمه الخاص.. ومحبينه :rerrerek:
وبنزل لكم هني طريقته بناء على طلب اختي الكريمه أم كوثر
نشتري ربيان يابس..ودايما موجود عند المحلات الايرانيه او بالجمعيات صوب اكياس البهارات
ولا بغيتي تشترينه..اختاري الي حبته كبيره نوعا ما..ومو مكسرة حيل
نشتري ربيان يابس..ودايما موجود عند المحلات الايرانيه او بالجمعيات صوب اكياس البهارات
ولا بغيتي تشترينه..اختاري الي حبته كبيره نوعا ما..ومو مكسرة حيل
اول خطوة ننظف الربيان من الأرجل الي فيه ومن الزوائد الي على الظهر
وعقب انقع الربيان اليابس بماي حار لمدة ساعة
وراح نلاحظ ان الربيان نفش شوي وكبر حجمه
نصفيه من ماي النقع ونفوحه بجدر لمدة عشرة دقايق
وبعدها نحطه بمشخال نصفيه علشان نتخلص من ماي الفوح( ماي السلق )
وعقب انقع الربيان اليابس بماي حار لمدة ساعة
وراح نلاحظ ان الربيان نفش شوي وكبر حجمه
نصفيه من ماي النقع ونفوحه بجدر لمدة عشرة دقايق
وبعدها نحطه بمشخال نصفيه علشان نتخلص من ماي الفوح( ماي السلق )
الحين نبلش بالجد
انفرقع له بالجدر بالزيت بصلتين مفرومين ناعم مع ثلاث فصوص ثوم مدقوقين
وجنزبيل كمية زينه مدقوقه ناعم ونضيف الربيان الي فحناه (سلقناه )
على حمسة البصل ونضيف فوقهم بهارات حب
مسمار، كمون، دارسين، ورق غار، حب هيل عدل، ولومي اسود ثلاث حبات+ ملعقة اكل بهارات مشكله( استخدم البهارات القوطي الاخضر الي عليه صورة سفينه..حيل يعجبني ) ونص ملعقة كركم، وملح..وعلوب يعطي نطاعه للعيش.. ..
نحمس عدل ليما تطلع الريحه الخنينه
ونكون مجهزين بجدر ثاني ماي حار نكته على الحمسه
ونخليها تطبخ لمدة ساعه.
(ملاحظه تقدرين تضيفين ماش منقع ومغسول
مع ماي السلق..يعطي طعم ولا اروع مع العيش)
انفرقع له بالجدر بالزيت بصلتين مفرومين ناعم مع ثلاث فصوص ثوم مدقوقين
وجنزبيل كمية زينه مدقوقه ناعم ونضيف الربيان الي فحناه (سلقناه )
على حمسة البصل ونضيف فوقهم بهارات حب
مسمار، كمون، دارسين، ورق غار، حب هيل عدل، ولومي اسود ثلاث حبات+ ملعقة اكل بهارات مشكله( استخدم البهارات القوطي الاخضر الي عليه صورة سفينه..حيل يعجبني ) ونص ملعقة كركم، وملح..وعلوب يعطي نطاعه للعيش.. ..
نحمس عدل ليما تطلع الريحه الخنينه
ونكون مجهزين بجدر ثاني ماي حار نكته على الحمسه
ونخليها تطبخ لمدة ساعه.
(ملاحظه تقدرين تضيفين ماش منقع ومغسول
مع ماي السلق..يعطي طعم ولا اروع مع العيش)
عقب مرور ساعه نطلع نص كمية الربيان الي بالجدر
ونسوي حشونا العجييييب..الي مايحلا المربين الا فيه..وراح اوضح لكم طريقته.
ونسوي حشونا العجييييب..الي مايحلا المربين الا فيه..وراح اوضح لكم طريقته.
بس قبلها نكون منظفين عيشنا وغاسلينه ومنقعينه بماي دافي لمدة ساعه
نكت العيش على الجدر الي فيه نص كمية الربيان ونعلى على النار اول عشر دقايق
وعقب نخفف على النار ونغمت الجدر بقصدير او قطعة خام
نجي للحشوو:
حبيباتي..الربيان الي اخذناه من الجدر بعد سلقه ..نحطه بجدر اصغر.او هاون
حسب رغبتج وتدقينه لين يصير ناعم..في ناس تدقه ناعم حيل وفي ناس وسط
وبمقلاة نسوي حشونا العادي
بصل كمية زينه نقصصه صغار ونحركه بمقلاة على نار هاديه ليما يتغير لونه شوي شوي. على الراحه..
ولا شفنا اللون ابتدا يميل للبني..نبتدي نبخ الماي عليه ونحرك
ونضيف الربيان الي دقيناه ناعم على البصل
ونضيف نص ملعقة اكل فلفل اسود ونص ملعقة اكل هيل ناعم
وربع ملعقة لومي ناعم..لاتكثرون حيل..يعطي مروره بالطعم
وربع ملعقة اكل كركم
وربع ملعقة اكل بهارات مشكله
ونعلي على النار
ونحرك ليما ينشف الماي من المقلاه وتتمازج المكونات
وعقب آخر شي نضيف ملعقتين أكل زيت او اكثر..الزيت يعطي نطاعه للحشوو..ونحرك عدل ليما تتحمش مكونات الحشو..
وعقب ناخذ الحشوو ونحطه على وجه الجدر على جنب ونخليه قبل لانسكر النار علي العيش بعشر دقايق على الوجه علشان يشرب العيش من نكهته الطيبه..
وجذي تكون اكلتنا جهزت.
وعقب نخفف على النار ونغمت الجدر بقصدير او قطعة خام
نجي للحشوو:
حبيباتي..الربيان الي اخذناه من الجدر بعد سلقه ..نحطه بجدر اصغر.او هاون
حسب رغبتج وتدقينه لين يصير ناعم..في ناس تدقه ناعم حيل وفي ناس وسط
وبمقلاة نسوي حشونا العادي
بصل كمية زينه نقصصه صغار ونحركه بمقلاة على نار هاديه ليما يتغير لونه شوي شوي. على الراحه..
ولا شفنا اللون ابتدا يميل للبني..نبتدي نبخ الماي عليه ونحرك
ونضيف الربيان الي دقيناه ناعم على البصل
ونضيف نص ملعقة اكل فلفل اسود ونص ملعقة اكل هيل ناعم
وربع ملعقة لومي ناعم..لاتكثرون حيل..يعطي مروره بالطعم
وربع ملعقة اكل كركم
وربع ملعقة اكل بهارات مشكله
ونعلي على النار
ونحرك ليما ينشف الماي من المقلاه وتتمازج المكونات
وعقب آخر شي نضيف ملعقتين أكل زيت او اكثر..الزيت يعطي نطاعه للحشوو..ونحرك عدل ليما تتحمش مكونات الحشو..
وعقب ناخذ الحشوو ونحطه على وجه الجدر على جنب ونخليه قبل لانسكر النار علي العيش بعشر دقايق على الوجه علشان يشرب العيش من نكهته الطيبه..
وجذي تكون اكلتنا جهزت.
وتفضلوا غالياتي:eh_s(7):
هني اخذت الحشوو..وخلطته مع جم ملاس من العيش علشان اوزعه على وجه صحن النجااب..
وبديت بالنجاب
وطبعا ..مايحلا المربين الا بالدهن العداني الخنيين( السمنه )..تسيح من حرارة العيش
عليكم بألف عاااافيه إن شاء الله:aha:
بنتكم
:33_1185028183:
حلوة ومملوحة الكويت
بنتكم
:33_1185028183:
حلوة ومملوحة الكويت
التعديل الأخير:
