مشرفة القسم ( جارة القمر)
جوكليت كيك*
الشكل للأمانه ماخذته من صوره شفتها مع بعض التغيرات لكن الطريقه من تأليفي طبعاً .. ?
المقادير:
1 كيك جاهز (روبن هود)*
3 جالكسي*
نص علبه كريمه حمرا (خفق)
1 مالتيزر*
الطريقه:
سويت الكيكه بنفس الطريقه الي ورا العلبه مع استبدال الماي بالحليب حطيتها بقالب صغير ودخلتها الفرن ع درجه حراره 180 بعد ما استوت خليتها تبرد شوي طلعتها من القالب وقصيت الجزء البارز من الكيكه الي بالنص بشكل دائري بس ما وصلت السجينه لقاع الكيكه وهاذي نقطه مهمه بحيث يكون في طبقه سميكه من الكيك في الاسفل بعدها ذوبت الجالكسي مع الكريمه الحمرا بحمام مائي حطيت نص الككاو داخل الكيكه بعدين حطيت المالتيزر وحطيت فوقه المتبقى و زينته بهرشي .
وبالعافيه ..?
وهاذي صوره من زاويه أخرى التقطتها اختي بعدستها الجميله يعطيها الف عافيه
*
سوري ع الشرح الدايخ اي نقطه تبونها مافهمتوها لا يردكم الا لسانكم ❤
وعندي ملاحظه لانه صار معاي موقف كلش ما حبيته بالنسبه حق نقل الصور ما امانع احد ينقل مواضعي او الصور بالعكس اتشرف والله لكن الي حاب ينقل اتمنى يذكر المصدر وما ينسب الصوره حق نفسه لانه هذا بالنهايه جهدي احب اشوف اسمي عليه .. ?❤
آرائكم وانتقاداتكم تهمني ..! ❤
