موضوع عن الخدامه :(

[SweeTa_4ever]

قوه بنات شلونكم وشلون الحمل معاكم؟​

حبيت اطرح موضوع اول مره ينطرح واهوو مهم جداا اكيد كل بيت في خدامه :dfgl:وفي زينه وفي الشينه انا ابي اعرف أرائكم حول هالموضوع ارجوو المشاركه في لنستفيد

مابي اطول عليييكم واقرقر وايد انا بجر وافكر احط خدامه لاني الصبح بالدوام معني ساكنه مع حمولتي واقدر اني انزل البيبي بغيابي عند خالتي بس ابي اتعاونها على البيبي خالتي مره عوده الله يعطيها العافيه وطولت العمر ابي من تجاربكم ومعرفتكم

شنو احسن جنسيه للبيبي؟

اخذ كبيره بالعمر وله صغيره؟

اخذ عندها عيال وله ماعندها متزوجه وله مو متزوجه؟

اخذ كانت مشتغله وله يديده من بلدها لي عندي؟

شنو احسن مكتب للخدم اتعرفوونه وعفيه تكتبولي مكانه وين؟

عفيه ابي من تجاربكم لاني وايد احاتي وخاايفه هالخدم يخرعون بهالوقت بس شنسوي مالنا غنى عنهم :eh_s(13):

 

[SweeTa_4ever]

شنووو هذا ادشووون وماجاوبوني:eh_s(14): يالله بسرعه اسبوع الياي بروح اطلب خدامه ومحتاره وخاايفه:eh_s(16):

 

[farawla_q80ia]

اختاري خادمة بالثلاثينات
متزوجة
عندها عيال
يفضل هندية واذا ماكو سللانية واخر شي فليبينية
بس ييبهم مو مشتغلين مكان عشان يتعلمون علي طريقتج
وهم خل يكون عندهم لغة انجليزية بسيطة للتفاهم
واشكال مقبوله
والمكاتب ما عندي فكرة عن احسن مكتب بس انا يبت فليبينية من مكتب فاطمة حسن وكانت لي تجربة مو حلوة مع مكتب القلاف ومكتب الدخنان هم معقول
وفي نصيحة يقولون ويا كثر ما يقولون اذا يبتي خادمة اخذيها من مواليد الشهر اللي انتي انولدتي فيه عشان اتفاق الطبع بينج وبينها ( معلومة يديده صح )

 

[SweeTa_4ever]

ماقصرتي حبيبتي فراوله عاد انا ماحب الفلبينيات مادري ليش وايد صارات مواقف منهم يوم كنت بيت اهلي بس سالفت نفس ميلادي والله خووووش شي :ggdw:

 

[ما عندي سالفة!]

انا نفسج ابي اعرف ..


شكرا عالموضوع ..

 

[ZajiL]

انا احب الفلبن

لان بسرعه يتعلمون وخل تكون اواخر العشرينات اول الثلاثينات

 

[SweeTa_4ever]

الفلبن حلوو فيهم اتحسين انضاف ويريحون القلب بس التعامل مادري ينخاف منهم بعد بنات ابي ارائكم عفيه

 

[mamlakatal7ob]

أنا بعد أقول اخذيها شوي كبيره بالثلاثينات ولا تاخذينها بالعشرينات تكون مطيورة

وعندها عيال علشان تكون يايه تشتغل حق عيالها وتعرف حق اليهال مو بربس

وبالنسبه حق إذا مشتغله من قبل والا لأ ؟؟؟؟؟؟؟؟؟؟؟؟؟

أنا جربت الثنتين ... يبت وحدة مو مشتغله من قبل وعلت قلبي غباء مو طبيعي لدرجة انها مهما تتكلمين ما جنها تسمع

ويبت وحده مشتغله (بس حرصي انها مو مشتغله بالكويت) بالسعوديه أحسن زينه ومجابله عيالي عدل بس عيبها وايد ملسونه

ما أقدر أقول لها ليش هذا وصخ والا ليش هذا جذي والحين بتروح وما أدري شنو أييب محتاره​

هم أنا ودي أعرف راي البنات من ناحية إذا كانت مشتغله والا لأ وأي أحسن جنسيه ودي أجرب الهنديه اشرايكم فيها تنفع حق اليهال والا لأ ؟؟؟؟؟؟؟​

 

[SweeTa_4ever]

والله ياقلبي مملكت الحب فكرت بالهنديه بس مادري احس وصخين مو ملووووت يهال حق طباخ ومساح مو حق ياهل
احنا انشوف اراء الامهات وانشالله نستفيد منهم مابي اقط ولدي حق اي وحده الضنى غااالي اللله يعطي كل محرومه انشاللله

 

[mrs_sugar]

انا جربت كل شي
كل الجنسيات .. كل الديانات .. يديدة و مشتغلة .. كبيرة و ضغيرة

ما تفرق

الخدم مثل البطيخ انتي و حظج

بس نصيحة صلي استخارة قبل لا تروحين المكتب و الله يختار لج اللي فيها الخير و الصالح

انا ما اجيب خدامة الا باستخارة و سبحان الله ساعات المكتب جدامي و اضيع عنه او ما القى موقف و اروح مكتب ثاني اخذ خدامة غير اللي كنت ابيها و تطلع روعة و ساعات تكون مرتجعة بعد صارت معاي مرتين​

 

[Hello_kitty]

انا جربت كل شي
كل الجنسيات .. كل الديانات .. يديدة و مشتغلة .. كبيرة و ضغيرة

ما تفرق

الخدم مثل البطيخ انتي و حظج

بس نصيحة صلي استخارة قبل لا تروحين المكتب و الله يختار لج اللي فيها الخير و الصالح

انا ما اجيب خدامة الا باستخارة و سبحان الله ساعات المكتب جدامي و اضيع عنه او ما القى موقف و اروح مكتب ثاني اخذ خدامة غير اللي كنت ابيها و تطلع روعة و ساعات تكون مرتجعة بعد صارت معاي مرتين​

_03BA:

 

[SweeTa_4ever]

امبي وين الباجي شنو ماعندكم خدم

 

[ناني سيكرتس]

شوفي انا رفيجاتي تزوجوا وعيلوا قبلي كلهم انصحوني اذا تزوجت ويبت ياهل اييب خدامه سيلانيه لانها حنونه عالياهل وتشتغل بضمير واذا خلصت شغل يعني العصر بستجابل الياهل وتلعب معاه بعد .
وصج كلامهم يبت 3 خدام من اول ما تزوجت ليما الحين, 2مومتزوجات وانا علمتهم ووحده متوزجه وعندها يهال بس لوعت جبدي كله تفكر وتبجي تبي عيالها.
اذا يبتي خدامه حرصي انها مو مشتغله بالكويت كلش, اذا اهي مشتغله بلبنان احسن لان اللبنانيات يعلمونهم الشغل النظيف ويعلمونهم الطباخ ومباجل الياهل ينفس الوقت.




واخر شي الخدام حظوظ يمكن تطلع زينه ويمكن تطلع شينه, وبعد على طريقة تعاملج وياها.

 

[أم أسيل]

أنا بصراااحه ما حب الهنووود احس مووو حق اطفااال واحس انهم مجرمااات شوفي عندج السلانيات زيناات بس ييبي مشتغله بالاردن او لبنان ذربه ونظييفه ويكوون عمرها 27 الي 30 مو اكثر ولاا اقل عشاان تقدر على اليهاال تلحقهم ودااريهم عن تجربة انا عندي اللحين سلااانيه كملت سنتين وبتقعد بعد سنه انشالله وبيييب فلبنيه اتساااعدها لانها ابروووحه ما تقدر عالاطفاال والبيت صعبه طفليين وخدامه عليها الشغل كله وانا موظفة لازم الرحمه اشوي:eh_s(6):

 

[بتبوتااا]

والله انا اتعامل مع الاندونيسيات يات لي وحده وايد زينه بس كانت مريضه كله تكحكح
ويبت وحده مرجعه يومين كله خايفه وتبجي لانه الي رادينها كله يطقونها وقلت شلي بوحده مصرقعه !
وخذيت وحده قعدت عندي سنه وحبت لي حارس العماره الي يمنا ورجعتها والحين عندي وحده تهبل مع اليهال

ماتفرق بينهم وعلى فكره خدم خالتي كلهم اندونيسيات ماشفت منهم شي والهنود زينين حق اليهال بالعكس قلبهم على اليهال
بس الوصاخه تقدرين انتي تشترين لها اليونيفورم والشباصات والديودرنت يعني عده النظافه وبتتسنع اهم مساكين وين يعرفون هالسوالف

وبالنسبه للفلبن ما انصح فيهم كلش بوز ولي زفيتيهم ولا شي ينتقمون وعندج النيباليات فيهم الزين وفيهم الشين
الي مرو علي وحده زينه ووحده شينه !
واثيوبيات وخري عنهم
يعني احسن شي يااندونيسيه ياهنديه
وانتي وحظج وانشالله تيلج وحده تريحج وبالنسبه للعمر يبيها من 25 لي 30 والمكبت عندج اشكناني والصراف

واخذي مشتغله قبل احسن

 

[LUXURY]

انا من خبرة امي الهنديه احننننن شئ على الياهل
ويفضل عندها ياهل من قبل علشان تشتاقله وتحن على ولدج
والعمر بين 28-35
واذا مشتغله من قبل غير السعوديه لاتييبين لان يكرفووووووونهم عدل ويمشونهم سيده ومنها تعرف عربي تفكج بالتفاهم
والخدم حظوظ
وانا بعد ناطره راي باجي البنات

 

[tofy]

انا جربت فلبينية مسيحية

تهبل خوش وحده نظيفة وتهتم بالياهل عدل وتشتغل بضمير


واللحين عندي اندونيسية طلبت اندونيسية علشان خالتي ام ريلي

الاندونيسية وصخة ماتسبح الا لما ازفها شغلها كلا غلط وعلى طول تنسي


الزبدة ان الخدم حظوظ مو شرط على الجنسية ولا الديانة

 

[SweeTa_4ever]

اونتوو الصاجين بس الحين لهنود ماييبونهم السفاره مادري اسالفتهم رحت كل المكاتب مافي هنود طلبت سيلانيه كانت تشتغل بالسعوديه وعمرها 36 وعندها ولدين والحين ناطرتها يقولي يبيلها 40 يوم اللله يستر

 

[*سكون*]

أكثر موضوع يأرقني ويتعب نفسيتي لما أييب وحدة يديدة وأدخلها بيتي ما أدري شنو اهي ولا شلون تربيتها ولا طبيعتها .. عشان جذي اتوكل على الله وادعي ربي أكون انا وعيالي بمأمن منها فأعاملها كوحده منا وفينا بس بدون ما تتعدى حدود الادب معانا يعني معاملة ترضي رب العالمين ان شا الله عشان أزرع محبتنا بقلبها غصب طيب

بالنسبة لي الحكم عليها حسب شخصية الوحده وطبيعتها .. الجنسية ما تحكم

اهم شي بالنسبة لي تكون مو مشتغله بالكويت .. ومو متزوجه أفضل من المتزوجه

والله يوفقنا بالخادمة الامينة الزينه لانهم صاروا عملة نادرة بهالزمن

 

[هوفه]

انا من تجربتي مع اليهال فلبينية وبس


وتكون متعلمة ومسلمة فوق الزين

ومتزوجة وعندها عيال

بس اهم شي عنها لغة