موضوع صج مفشلني

[N0oNa]

السلام عليكم

طبعا ولدي عمره اربع سنوات و ويداوم و مشكلته ان



للحين يشرب حليب بالمميه بليل يعني كل جم ساعه يفز يبي حليب
و اذا يشرب حليب بليل ييعني لازم يروح الحمام وايد بس الاخ مايروح و يلبس حفاضه بليل شسوي شلون اقطعه و انا الحين حامل باجر بلحق على شنو و لا شنو

و ماياكل عدل كلش

شسوي ابي حل دبرونيييييييييييييييييييييييي بلييييييييييييييييييييز

 

[فلانه وعلانه]

والله العظيم نفس بنتي جنج تدرين عنها انا بنتي دشت الخمس سنوات

وحده قالت لي احرميها من المميه ولاتغصبينها على الاكل اهيا اذا جاعت بتطلب اكل ....سوتها مع بنتها وجابت نتيجه

 

[(*ام عهــــد *)]

الله يكون بعونج مالج إلا تقطعينها عن الرضاعه وحطي الأكل كيك بساكيت كروسان شغلات خفيفه حطيها في الصاله على الطاولات في السياره عشان يتعود ياكل والحليب عوديه على القلاص قولي انت كبرت ومايصير عيب تشرب بالمميه
والله يسخره لج ويسهل حملج يارب

 

[tmtmt]

الله يعينج بس ليش نطرتي لي الحين !!!
كل مازادت المده كل ماصارت اصعب

بس قطعيه خليه يبجي تاذي معاه تحملي اسبوع وبفج
واليوم الي مايشرب اشتريلها هديه
ولا لوحه فيها نجوم قوليلها اذا ماشربت احطلك واذا يمعت ٥ اشتريلك الي تبي
وجذي يعني

 

[N0oNa]

و الله حاولت معاه الحليب بقلاص اقوله صرت كبير بس ماكو فايده بليل مايحس في نفسه يقوم يبجي و يصارخ يبي حليب
ماادري شسوي باجر لي ثقلت شسوي و لا ولدت

 

[N0oNa]

و الله ظروفه ما اسمحت ان اقطعه حليب
و خاصه وقت النهار ماياكل شي كلش يكسر خاطري فاعطيه بليل

 

[كنوشة 2009]

حطي في ملح
علشان يكرها يعني كل ما قال ابي حليب عطيه بس مع ملح
انا جربت الطريقة مع بنتي بعدين كرهتها

 

[noynoy]

واي كسر خاطري و الله
جربي طريقه البنات تقطعينها فجأه و انشالله يتعود شوي شوي

 

[غرشة عود]

حطي ملح او عنزروت يكرهها

او اذا مروق الصبح قوليله انت رجال ماتشرب مميه شرايك نقطها بالزباله يبي يقطها وبالليل يبي يحن بس قولي خلاص قطيناها

انا ولدي يوم قطعتها صار بالليل بس يحن على اي شي لازم يبجي بس مايقول ابي حليب لان يدري ان هو قاطها

 

[om Firas]

الله يعينج ويسهل عليج ماعندي شي افيدج فيه ان شالله البنات يفيدونج

 

[جلكسيه اس 3]

غريبه والله انا اعيالي البجر 3 سنين والصغيره 2
الحين على النهار قمت ما اعطيهم مميه
و يحنون وعادي ما ارد عليهم لاني ابي اوكلهم
والحمدلله هالطريقه نجحت
اخلى المميه بس حق الليل وقت النوم او لما يقومون بلفير مستعسرين
نصيحه ولدج اكبير لاتعطينه مميه خليه يشبع من الاكل احسن من المميه
ومشكلة الحفاظه لما الحين مستمره
المشكله انه ما يقول انه يبي حمام عقب ما يسويها الاخ يقول ابي حمام

 

[الـــريـــم]

نصيحه انتي كرهيه بالمميه بس مو بالحليب
قوليله تبي هذا قلاص ماتبي كيفك
وكسري المميه بس مو جدامه وبعدين قوليله انكسرت الحين وماعندنا
واشتريله حليب كي دي دي الصغار وخليه يشرب
راح تتعبين بس بالنهايه بترتاحين

 

[ماركة انثى]

حبيبتي انتي حطي في الممية شوية ملح اومرة انا افضل مرة بعدين يكرة الممية وعطية بقلاص

اما الحفاظة قطيها وقبل النوم ودية الحمام ولاتعطينة شي قبل النوم بنص ساعة

وعلى قولة المثل ( اول المشي الحبي )يعني خطوة خطوة مو كل شي مرة وحدة

 

[N0oNa]

مشكورين بنات و ما قصرتوا بحاول بالملح خل اشوف شسوي

 

[دلع86]

امبيييه وايد طولتي الصراااحه

انا بنتي من سنتين قطعتها خليييتها تقط كل ممياتها بالزباله صج انها بليل تبجي وتقطع قلبي بس قاومت وقويييت قلبي كلها اسبوووع وخلاص نستها

 

[N0oNa]

حبيبتي ولدي من الاحتياجات الخاصه و مر في ظروف عمليه
و عفيسه فماكان لي خلق اضغط عليه او حتن افكر بالسوالف هذي
كان كل اهتمامنه على مشكلته و شلون نعالجها عشان جذي تاخرت معاه

 

[أحبك أمي]

رفع