موضوع خاص للأستفسارات المتعلقة بالأسنان

[دكتورة أسنان]

يمكن سؤالي متكرر بس ما قدرت اقرى كل الموضوع ماشاءالله طوييييل المهم انا ابي اسنان هوليود اشلوون سويت تبيض بعياده خاصه كانت النتايج عاديه مو اليب في بالي و الحين كل المذيعات مثل حصه لوغاني امل العوضي صارووو اسنانهم بيييييييييييض ابي الله يخليج فيديني

هلا حبيبتي ..

انا مسويه موضوع كامل عن التبييض و ابتسامة هوليود في هذا الرابط


http://q8yat.net/showthread.php?t=227422

ان شاء الله اكون افدتج حبيبتي و اي استفسار حياج الله

 

[دكتورة أسنان]

االسلام عليكم

اختي فكها الفوق متراجع للخلف ومساحته اصغر من الفم

شنو اسبابه وعلاجه

وعليكم السلام ورحمة الله و بركاته

حبيبتي ممكن اكون السبب وراثي او عيب خلقي في بطء نمو الفك العلوي او سرعة نمو الفك السفلي .. العلاج يعتمد على العمر و الفحص الدقيق لعظمتي الفك فاذا كان التراجع في حدود معينه يمكنها تركيب تقويم طبعا اذا كان عمرها يسمح بذلك .. بجميع الاحوال تحتاج الى مراجعة اخصائي التقويم و اخصائي جراحة الفكين و عمل الفحوصات الازمه لتقرير العلاج الملائم

 

[::blackrose::]

حبيبتي كان فيني سوس في الضرس الاخير جهة اليسار الدكتور عالجه لي بس ما قدرت اتحمل لانه فكي يعورني فسوالي نص السن وقالي ارجعله عشان يكمل وحطلي حشوة

انا كليت دجاج تكه وحسيت الحشوة طلعت من مكانها وحسيت بالم
وانا خايفة اروح للطبيب الاسنان

والحين اذا شربت شي احس بألم واذا حتى تمضمضت احس بألم

اخاف اكون جنيت على نفسي وتطور الامر من سوسه الى عصب

بصراحه فكي مسببلي ازمه ما اقدر اتحمل ابطل حلجي زياده الدكتور يقولي فتحي حلجج لانه ضرسج اخر شي وما يقدر يوصله


شسوي

 

[دكتورة أسنان]

حبيبتي كان فيني سوس في الضرس الاخير جهة اليسار الدكتور عالجه لي بس ما قدرت اتحمل لانه فكي يعورني فسوالي نص السن وقالي ارجعله عشان يكمل وحطلي حشوة

انا كليت دجاج تكه وحسيت الحشوة طلعت من مكانها وحسيت بالم
وانا خايفة اروح للطبيب الاسنان

والحين اذا شربت شي احس بألم واذا حتى تمضمضت احس بألم

اخاف اكون جنيت على نفسي وتطور الامر من سوسه الى عصب

بصراحه فكي مسببلي ازمه ما اقدر اتحمل ابطل حلجي زياده الدكتور يقولي فتحي حلجج لانه ضرسج اخر شي وما يقدر يوصله


شسوي

حبيبتي ااذا الحشوه طلعت لازم تروحين علشان لايزيد الموضوع عليج .. ان شاء الله ماكو الا العافيه .. والله ماكو حل غير انج تصبرين شوي لين الدكتور انظفه لج لان هالمكان جد صعب وايد ويحتاج تعاون المريض مع دكتوره .. ميخالف حبيبتي ضغطي على نفسج شوي و اذا طلعتي منه اخذي مسكن خفيف و سوي كمادات دافيه و ان شاء الله ربج يسهلها

 

[بنوتة80]

السلام عليكم ورحمة الله وبركاته

يعطيج العافية دكتورة


عندي استفسار .... في لثتي في بقع داكنة بغيت اعرف شو هي ؟ اخاف الموضوع كبير وانا مب حاسة ؟؟

 

[** جنان **]

يعني حبيبتي مو ظروري جراحه ممكن تعديل الفك بالتقويم بدون جراحه لانه انا سامعه انه اذا في مشكله بالفك لازم جراحه

واختي عمرها بالعشرين
ومشكوره اختي ما تقصرين

 

[دكتورة أسنان]

السلام عليكم ورحمة الله وبركاته

يعطيج العافية دكتورة


عندي استفسار .... في لثتي في بقع داكنة بغيت اعرف شو هي ؟ اخاف الموضوع كبير وانا مب حاسة ؟؟

وعليكم السلام ورحمة الله وبركاته

الله يعافيج حبيبتي .. اذا كانت بشرتج سمراء فالبقع الداكنه تعتبر صبغات داخليه و شي طبيعي .. و ممكن تكون صبغات خارجيه ناتجه عن الشاي و القهوه و المشروبات الغازيه اما بالنسبه للرجال فمن الممكن ان تكون ببسبب التدخين ..

هذا طبعا اذا كانت الصحه العامه جيده و لاتوجد اي مشاكل صحيه .. اما لو كانت هناك مشاكل صحيه لاقدر الله فانصح بمراجعة طبيبك ..

 

[دكتورة أسنان]

يعني حبيبتي مو ظروري جراحه ممكن تعديل الفك بالتقويم بدون جراحه لانه انا سامعه انه اذا في مشكله بالفك لازم جراحه

واختي عمرها بالعشرين
ومشكوره اختي ما تقصرين

والله ما اقدر اجزملج حبيبتي لاني ماشفت الحاله ولا فحصتها الوحيد اللي يقدر ياكدلج اهو الدكتور المعالج .. فعلا في حالات ماتستدعي الجراحه بس ما ادري شنو وضع اختج بالضبط .. خليها تراجع استشاري التقويم و استشاي جراحة الفكين علشان يعطيها العلاج المناسب ..

حياج الله

 

[سوسووو22]

حبيبتي انا عندي اول ضرسين طوال قالولي سويلهم تبريد"جنه مو متأكده من الاسم" وين اسويهم؟

 

[moony77]

السلام عليكم ورحمة الله وبركاته

انا عندي استفسار بالنسبة للاسنان اللي فيها مسافات طبعا انا اسناني اعاني من هالموضوع ولما رحت شهر 7 اللي طاف القاهره لقيت وحده سوت عند دكتور اسنان هناك وكانت حالتها نفس حالتي وصكرت المسافات بالحشوات التجميلية .
فرحت وسويت عنده لكن المصيبة الحين انه واحد من الاسنان السفلية اصبح فيها كسر بالحشوه وطبعا الحشوه عباره عن سيراميك ووايد متحسفه وذاك اليوم رحت مع امي ابها للاسنان وسألت دكتور الزلزلة قال في نوعين لتسكير المسافات اول شي حشوات السيراميك وثاني شي يحطون فوقها قشرة او تلبيسة سيراميك ويقول هالطريقة احسن بس لقيتها وايد غاليه السن الواحد 120 وانا ماشالله عندي 8 اسنان مفتوحة

مادري لو كان في حل تقويم جان سويته بس حسافه راحت على مافي دكاتره ثانيه ممكن يسوون هالحشوات وارخص من هالمركز انا سويت هالحشوات بمصر كله ب 800 جنيه يعني تقريبا 45 دينار والله بلاش

 

[moony77]

السلام عليكم ورحمة الله وبركاته

انا عندي استفسار بالنسبة للاسنان اللي فيها مسافات طبعا انا اسناني اعاني من هالموضوع ولما رحت شهر 7 اللي طاف القاهره لقيت وحده سوت عند دكتور اسنان هناك وكانت حالتها نفس حالتي وصكرت المسافات بالحشوات التجميلية .
فرحت وسويت عنده لكن المصيبة الحين انه واحد من الاسنان السفلية اصبح فيها كسر بالحشوه وطبعا الحشوه عباره عن سيراميك ووايد متحسفه وذاك اليوم رحت مع امي ابها للاسنان وسألت دكتور الزلزلة قال في نوعين لتسكير المسافات اول شي حشوات السيراميك وثاني شي يحطون فوقها قشرة او تلبيسة سيراميك ويقول هالطريقة احسن بس لقيتها وايد غاليه السن الواحد 120 وانا ماشالله عندي 8 اسنان مفتوحة

مادري لو كان في حل تقويم جان سويته بس حسافه راحت على مافي دكاتره ثانيه ممكن يسوون هالحشوات وارخص من هالمركز انا سويت هالحشوات بمصر كله ب 800 جنيه يعني تقريبا 45 دينار والله بلاش

ومشكورين على هالموضوع

 

[حسايف*]

مرحبا دكتور
انا عندي سن شايلة العصب من 4 سنوات ومالبستة بس الحين احس بعوااااااااار بسني مادري من شنو؟؟؟؟؟؟
وبغيت اعرف عمري 24الا ثلاث شهور اقدر احط تقويم لان اسناني متراصصصصصصة ومتقدمة وشكل شفايفي مو حلو
اخاف يكون كبرت علا تقويم
وشكرا

 

[دكتورة أسنان]

حبيبتي انا عندي اول ضرسين طوال قالولي سويلهم تبريد"جنه مو متأكده من الاسم" وين اسويهم؟

حبيبتي لازم تسوين اشعه قبل اذا في مجال ممكن تسوين برد ..

 

[دكتورة أسنان]

السلام عليكم ورحمة الله وبركاته

انا عندي استفسار بالنسبة للاسنان اللي فيها مسافات طبعا انا اسناني اعاني من هالموضوع ولما رحت شهر 7 اللي طاف القاهره لقيت وحده سوت عند دكتور اسنان هناك وكانت حالتها نفس حالتي وصكرت المسافات بالحشوات التجميلية .
فرحت وسويت عنده لكن المصيبة الحين انه واحد من الاسنان السفلية اصبح فيها كسر بالحشوه وطبعا الحشوه عباره عن سيراميك ووايد متحسفه وذاك اليوم رحت مع امي ابها للاسنان وسألت دكتور الزلزلة قال في نوعين لتسكير المسافات اول شي حشوات السيراميك وثاني شي يحطون فوقها قشرة او تلبيسة سيراميك ويقول هالطريقة احسن بس لقيتها وايد غاليه السن الواحد 120 وانا ماشالله عندي 8 اسنان مفتوحة

مادري لو كان في حل تقويم جان سويته بس حسافه راحت على مافي دكاتره ثانيه ممكن يسوون هالحشوات وارخص من هالمركز انا سويت هالحشوات بمصر كله ب 800 جنيه يعني تقريبا 45 دينار والله بلاش

وعليكم السلام ورحمة الله و بركاته

حبيبتي اذا تبين الحل الاوفر .. غيري تلبيسة السن اللي انكسر و الله ماكثر العيادات انتي بحالتج ماراح يشتغلون بالضروس لان الضرس خلاص مبرود الدكتور مجرد بياخذ القياس و يصبه بالمعمل .. طبعا ماراح اتكلم عن اللي سويتيه لانج خلاص سويتيه ماكو فايده بس ردا على سؤالج هذا اهو الحل بنظري

 

[دكتورة أسنان]

مرحبا دكتور
انا عندي سن شايلة العصب من 4 سنوات ومالبستة بس الحين احس بعوااااااااار بسني مادري من شنو؟؟؟؟؟؟
وبغيت اعرف عمري 24الا ثلاث شهور اقدر احط تقويم لان اسناني متراصصصصصصة ومتقدمة وشكل شفايفي مو حلو
اخاف يكون كبرت علا تقويم
وشكرا

هلا حبيبتي مراحب

واضح حبيبتي ان الضرس التهب لازم تراجعين باقرب وقت .. العمر كله يارب التقويم ماله عمر معين حبيبتي .. اللي يحدد انج تقدرين تحطين تقويم ولا لا صوره الاشعه لعظام الفك و الاسنان .. راجعي استشاري التقويم و ان شاء الله تقدرين تحطيه ..

 

[karamella]

السلام عليكم
دكتوره حبيت اسالج عن التقويم اللي اقدر اشيله وقت الاكل وتفريش الاسنان تنصحيني فيه ولا الثابت احسن؟

 

[بنت عطا]

مرحبااااااااااااااااااااا دكتورررره

انا عندي الفكين كله يسكرووون على بعض اعاني وقت الاكل حيل منهم يسكرووووون يالله ابطل حلجي حيل عقب الشين ينفجون عن بعض

بس لما ابطلهم عن بعض حيل يعوروني وحتى لما اكل احس بعوار بالفكين وطول ماانا اكل يسكرون وارد ابطلهم <<<من3 سنين هذي حالتي والحين صارت مستمره على طوول

احسهم ينربطوون مع بعض ماادري شلوووون حتى مرات اكون نايمه وابي اتثاوب انسى انه عندي مشكله فيهم وابطل حلجي ويحوشني عوار مو طبيعي جني فاجه عظامي فج ...تعبت حيل والله
حتى لما ابي افجهم عن بعض طول ماانا اكل لازم هالصوت طق طق طق طقطقه عظاام<<لوووووول

شسوي في احد مثلي والا انا غريبه:eh_s(11):

 

[خليج***]

مرحبا دكتورة,,جزاج الله خير على المجهود الخير,,

انا عندي ضرس واحد مفقود بالفك السفلي,,
فعندي حلين على مااعتقد يا زراعة اوتلبيس(برد الاسنان المجاورة للفراغ),,

بما ان عندي ضرس واحد مفقود اعتقد ان الزراعة هي الحل الامثل,,

سؤالي\
هل للزراعة اثار جانبية على المدى البعيد؟؟
هل هنالك حالات تمنع المريض من اللجوء الى الزراعة؟؟
(تقريبا) جم تكلفة الزراعة؟؟
وهل الخاص افضل من الحكومي ولا عادي نفس الشي؟؟

 

[LadyBug]

يعطيج العافية دكتورة
أنا عمري 18 وقبل سنتين تقريبا حاشني ألم مو طبيعي
في سني 5 الي فوق فرحت الطبيب وقلتله يشيلة لأن الألم ذابحني
قام الأخ شاله جان يقولي حرام شلعتي واهو مافي شي ... يعني أنا ما أدري شهالغباء
أنا الدكتورة مادري اهو عالعموم ماأبي أطول عليج ...بس سني هذا للحين ماطلع شسوي ؟....وهل هالشي طبيعي ولا لأ؟؟

ويعطيج العافية..

 

[دراهــم]

السلام عليكم

يعطيكم العافية

انا اسناني اللي فوق ( 2 ) سيراميك

واللي تحت ( 4 ) سيراميك

سؤالي :

اللي تحت لازقين ببعض حيييل حتى خيط الأسنان ما يدش بينهم ... :eh_s(11):

شلون أخليهم يصيرون طبيعيين .. وأقدر انظف بينهم بالخيط ؟

أروح للدكتور ..... شقوله بالضبط ؟!

::

سؤالي الثاني

شنو افضل معجون أسنان لأسنان السيراميك ؟