موضوع خاص للأستفسارات المتعلقة بالأسنان

[زبــــــــدة]

عندي سؤال لوووووووول

هالشي مخوفني والله....
اذا لثتي ملتهبه لازم لازم جراحه؟؟؟؟
يعني مالها علاج ثاني لازم يسوونلي جراحه...؟؟؟

وشلون الجراحه مايعور ويسوونه بيوم واحد...؟؟؟؟

 

[القبله]

حياج الله دكتروتنا و جزاج الله خير عالمجهود

انا أول شي عندي مشكلة ضرس العقل اللي فوق طلعوا عادي عقب فتره بغيت أموت من العوار و امبين طالعين غلط حيل و صاكين على لثتي حيل و مسببيلي جروح ابباطن الخد رحت الطبيب و سوالي أشعه و قالي الضرسين لازم ينشالون و ضروس العقل عندج كلها عوجه و عطوني حبوب مسكنه و مرهم حق اللثه و الحمدلله صرت زينه و حطيت موعد و رحت شلت بس ضرس واحد و الثاني من شفته طخ و ما عروني خليته و هالحجي من شهر 3 اللي طاف ,, و ألحين بيطلعلي الضرس اللي تحت بس اليمين و يعورني حيل و مأثر على بلاعيمي و أذوني بشكل مو طبيعي و أنا أحس بالضرس بس موراضي يطلع كلش و أحس فيه ابمكانه من صوب الفك من بره كره صغيره و حييل خايفه من هالشي لدرجه ما رحت فحصت ؟
أسألتي ؟؟ هل ضروري اشيل ضرس العقل اللي فوق و الدكتور كان مقررلي أشيله بس أنا مارحت لأنه طخ؟؟
و ثاني سؤال شنو مشكلة بضرس العقل اللي تحت ؟؟

و آخر سؤال أنا أبركب تقويم لأنه ضروسي كل مالهم و يدخلون ابعض مادري اشقصتهم و الدكتور يقول العيب ابفكج هل ضروري أشيل ضروس العقل اذا ابركب تقويم ؟؟

و السموحه ثقلت عليج

 

[دكتورة أسنان]

عندي سؤال لوووووووول

هالشي مخوفني والله....
اذا لثتي ملتهبه لازم لازم جراحه؟؟؟؟
يعني مالها علاج ثاني لازم يسوونلي جراحه...؟؟؟

وشلون الجراحه مايعور ويسوونه بيوم واحد...؟؟؟؟

هلا حبيبتي
على حسب نوع الالتهاب و حجمه بس دام قالولج جراحه معناته الالتهاب قوي و عميق .. للاسف مافي حل ثاني الا اذا كان الالتهاب قليل و مو عميق ممكن اخف بتنظيف اللثه العادي ..
ان شاء الله ماراح تحسين بشي وقت العمليه لانج مبنجه بس تالي لازم تاخذين مسكن قوي لان راح تحسين بعوار ..
و اذا كان الالتهاب بمكان واحد ربع الفك بيسوونه بيوم بس اذا كان باكثر من مكان لا يحتاج اكثر من يوم باختصار كل ربع بيوم مثلا ( نصف الفك العلوي هذا اقصد فيه الربع )

 

[دكتورة أسنان]

حياج الله دكتروتنا و جزاج الله خير عالمجهود

انا أول شي عندي مشكلة ضرس العقل اللي فوق طلعوا عادي عقب فتره بغيت أموت من العوار و امبين طالعين غلط حيل و صاكين على لثتي حيل و مسببيلي جروح ابباطن الخد رحت الطبيب و سوالي أشعه و قالي الضرسين لازم ينشالون و ضروس العقل عندج كلها عوجه و عطوني حبوب مسكنه و مرهم حق اللثه و الحمدلله صرت زينه و حطيت موعد و رحت شلت بس ضرس واحد و الثاني من شفته طخ و ما عروني خليته و هالحجي من شهر 3 اللي طاف ,, و ألحين بيطلعلي الضرس اللي تحت بس اليمين و يعورني حيل و مأثر على بلاعيمي و أذوني بشكل مو طبيعي و أنا أحس بالضرس بس موراضي يطلع كلش و أحس فيه ابمكانه من صوب الفك من بره كره صغيره و حييل خايفه من هالشي لدرجه ما رحت فحصت ؟
أسألتي ؟؟ هل ضروري اشيل ضرس العقل اللي فوق و الدكتور كان مقررلي أشيله بس أنا مارحت لأنه طخ؟؟
و ثاني سؤال شنو مشكلة بضرس العقل اللي تحت ؟؟

و آخر سؤال أنا أبركب تقويم لأنه ضروسي كل مالهم و يدخلون ابعض مادري اشقصتهم و الدكتور يقول العيب ابفكج هل ضروري أشيل ضروس العقل اذا ابركب تقويم ؟؟

و السموحه ثقلت عليج

هلا حبيبتي الله يحييج مشكوره ..
بالنسبه للسؤال الاول طبعا يفضل خلع ضرس العقل بما ان وضعه غير طبيعي لان ضرس العقل يتحرك من فتره الى فتره فاذا انتي الحين ماتحسين فيه باجر الا بيرد يعورج فليش العباله ؟ خاصه انه ما منه فايده دام انه مو طالع عدل ..
بالنسبه للسؤال الثاني .. احتمال يكون التهاب و صديد و احتمال هذا طرف الضرس نفسه بالحالتين ابين بالاشعه ماكو خوف لاتحاتين بس لازم ينشال ..
اي حبيبتي ضروري لانهم مو طالعين عدل و ثاني شي راح يتحركون و يخربون تقويمج
حياج الله حبيبتي

 

[القبله]

مشكووووووووووره دكتوره و جزاج الله خير ابميزان أعمالج أن شاء الله

 

[دكتورة أسنان]

مشكووووووووووره دكتوره و جزاج الله خير ابميزان أعمالج أن شاء الله

حياج الله حبيبتي جزانا و اياكم

 

[شندوخه]

السلام عليكم شلونج دكتوره ماعليه لوعت جبدج بس انا محتاره وتوني راده من طبيب الاسنان

انا اسناني فيها بقع وابي هالبقع تروح ويصير لونهم ابيض قالي مافي فايده من الليزر لان هالبقع ماراح يوخرها وعندي حلين
يركبلي بورسلان او يحطلي حشوات تجميليه
بس حسيت الطبيب مو متحمس للتركيب لانه فيه نحت للظرس وانا للحين ماني عارفه شنو الاحسن ؟
اركب بورسلان للطبقه الاماميه او اركب حشوات تجميليه ؟
مشكوره وسامحيني عالازعاج

 

[زبــــــــدة]

اهاا

مشكووووورة حبيبتي
يعطيج العافيه

 

[ودي أتغير!!]

يعطيج العافية دكتورة .. انا كنت مسويه تقويم .. وشلته بس ماحطيت المتحرك بعدين .. والحين اشوف جنه اسناني ردوا وفي فراغات بسيطة .. شتنصحيني اسوي ؟ .. ماودي احطه مره ثانيه .. انا مشكلتي مو كبيره باسناني مجرد فرق بسيط كان بللي جدام .. والحين في شوية فراغات ..

 

[LuLiTa]

ابي اسوي زراعة اسنان لكن الدكتور قالي انه ما في عظم كافي
ف شنو الحل ؟؟ و عمري 22 سنة

 

[دكتورة أسنان]

السلام عليكم شلونج دكتوره ماعليه لوعت جبدج بس انا محتاره وتوني راده من طبيب الاسنان

انا اسناني فيها بقع وابي هالبقع تروح ويصير لونهم ابيض قالي مافي فايده من الليزر لان هالبقع ماراح يوخرها وعندي حلين
يركبلي بورسلان او يحطلي حشوات تجميليه
بس حسيت الطبيب مو متحمس للتركيب لانه فيه نحت للظرس وانا للحين ماني عارفه شنو الاحسن ؟
اركب بورسلان للطبقه الاماميه او اركب حشوات تجميليه ؟
مشكوره وسامحيني عالازعاج

وعليكم السلام ورحمة الله و بركاته
هلا حبيبتي حياج الله ..
اخيرا يا ( شندوخه ) رضيتي على طبيب الاسنان ؟ سعيده جدا بهالخبر :eh_s(6):
اذا الليزر لا يستطيع ازالتها اذن البقع داخليه و فعلا حلها يكون اما باللامينت (قشور السيراميك ) او الفينيرز(تلبيسات البورسلان ) او الحشوات التجميليه( كمبوزت ) ..
الفينيرز ابتعدي عنه ( في حالتك ) لانه اكثرهم نحتا للسن .اللامينيت اقل نحتا من الفينيرز ولكنه اكثر من الحشوات التجميليه .
من وجهت نظري اختاري الاقل ضررا وهي الحشوات التجميليه ( الكومبوزت ) ولكن قبل ذهابك للطبيب يجب ان تعرفي ..
حاولي ارتداء لون اخضر فاتح او ازرق فاتح ( هذا اذا لم تكوني ترتدي العباءه ) فهاذان اللونان مريحان جدا للعين و يسهلان انتقاء لون الحشوات بدقه و ابتعدي عن الالوان الصارخه و احمر الشفاه و الفاونديشن ( ان وجد ) فجميعها تؤثر على دقة اختيار اللون المناسب << هالمعلومه نادر جدا ما يذكرها الاطباء ولكنها صحيحه 100% وابسط دليل عليها هو تغير لون اسنانك عندما تضعين احمر الشفاه
اغسلي اسنانك جيدا بعد الافطار ولا تتناولي المشروبات والماكولات الملونه قبل الذهاب الى الطبيب .
يجب ان تعلمي ان عمر الحشوات التجميليه هو مايقارب ال 5 سنوات تزيد او تقل حسب جودتها و اهتمامك بها بعد ذلك يفترض ان يتم تبديلها .
اذا كنتي تفكرين في تبييض اسنانك فبيضيها قبل الحشوات .
وطمنينا عليج حبيبتي حياج الله

 

[دكتورة أسنان]

اهاا

مشكووووورة حبيبتي
يعطيج العافيه

الله يعافيج حياج الله

 

[دكتورة أسنان]

يعطيج العافية دكتورة .. انا كنت مسويه تقويم .. وشلته بس ماحطيت المتحرك بعدين .. والحين اشوف جنه اسناني ردوا وفي فراغات بسيطة .. شتنصحيني اسوي ؟ .. ماودي احطه مره ثانيه .. انا مشكلتي مو كبيره باسناني مجرد فرق بسيط كان بللي جدام .. والحين في شوية فراغات ..

الله يعافيج حبيبتي
هذي المشكله واااايد تصير .. في اكثر من حل و يعتمد الاختيار على فحص مقدار التغيير و تحرك الاسنان
ممكن اختيار الحشوات التجميليه اذا كانت الفراغات صغيره جدا
او التقويم ااعادي او الشفاف في حالة الفراغات الكبيره
اما ااذا كان التغيير لا يذكر فيمكنك الاكتفاء بالمتحرك
وهذا القرار بيد الدكتور المعالج فسارعي قبل فوات الاوان

 

[دكتورة أسنان]

ابي اسوي زراعة اسنان لكن الدكتور قالي انه ما في عظم كافي
ف شنو الحل ؟؟ و عمري 22 سنة

اذا كانت صحتك العامه جيده .. يمكنك زراعة عظم .. اما ان يؤخذ من عظام الفك او عظم صناعي تقومين بشراءه من اعانة المرضى في المراكز الحكوميه و الطبيب المعالج هو الذي يحدد لك ذلك
حياج الله

 

[شندوخه]

بعد عمري ماقصرتي واخيرا رحت وركبت الحشوه التجميليه وان شاءالله باجر راح اكمل الشغل
واشوه حمدالله كنت لابسه عبايه على حضي ههههه

 

[adool70]

يعطيج العافية دكتورتنا العزيزة

مشكلة بنت خالتي باختصار اهو لون اسنانها يميلون للصفار وهالشي ويحرجها وايد
ولما قررت انها تسوي تبييض بالليزر نصحها الطبيب بالتنظيف العادي :ازالة لتراكمات الجير
وقال لها احنا الدكاترة ما نسوي حق روحنا ليزر
و هونت عقبها
لكنها ما زالت تعاني و نفسيتها تعبت من هالشي مع انها ما تشرب لا قهوة ولا شاي ابد
لكنها و اهي اصغيرة كانت تهمل تفريش اسنانها وتكتفي باكل العلج قبل لا تنام!!
وكانت خالتي تزفها بس ماكو فايدة والحين لما كبرت استوعبت خطاها
الخين شنو الحل دكتوره

 

[دكتورة أسنان]

بعد عمري ماقصرتي واخيرا رحت وركبت الحشوه التجميليه وان شاءالله باجر راح اكمل الشغل
واشوه حمدالله كنت لابسه عبايه على حضي ههههه

الحمدلله و نعيما النيو لوك :eh_s(6):
طمنينا عليج

 

[دكتورة أسنان]

يعطيج العافية دكتورتنا العزيزة

مشكلة بنت خالتي باختصار اهو لون اسنانها يميلون للصفار وهالشي ويحرجها وايد
ولما قررت انها تسوي تبييض بالليزر نصحها الطبيب بالتنظيف العادي :ازالة لتراكمات الجير
وقال لها احنا الدكاترة ما نسوي حق روحنا ليزر
و هونت عقبها
لكنها ما زالت تعاني و نفسيتها تعبت من هالشي مع انها ما تشرب لا قهوة ولا شاي ابد
لكنها و اهي اصغيرة كانت تهمل تفريش اسنانها وتكتفي باكل العلج قبل لا تنام!!
وكانت خالتي تزفها بس ماكو فايدة والحين لما كبرت استوعبت خطاها
الخين شنو الحل دكتوره

الله يعافيج حبيبتي
للاسف هذي نتيجة الاهمال .. المهم .. بما ان نفسيتها تعبانه خليها تسوي تبييض لان مافي حل ثاني اقل ضرر منه ! عموما اطلعي على موضوعي المثبت لتبييض الاسنان لعلها تجد فيه الراحه
http://q8yat.net/showthread.php?t=227422

 

[adool70]

شكرا دكتوره يعطيج الف عافيه و يزاج الله الف خير
توني قريت موضوع تبييض الاسنان اللي فهمته ان تبييض الليزر
يعتبر احسن الحلول لكن اسوا عيوبه
ان يزيد من قابلية الاسنان للاصفرار في كل مره
ويزيد من حساسيتها بعد
وان لازم يتكرر كل 6 شهور (في احسن الاحوال.. اذا مو قبل بعد)
والتلبيس عيبه الشروخ او الكسور وان لازم عناية خاصة بالتنظيف والا تنبعث ريحه من الفم
عدل؟

 

[ودي أتغير!!]

يعطيج العااافية دكتورة ماقصرتي