موضوع باط جبدي كويتين مايعرفون يتكلمون كويتي

[غلاي عزوزي]

شلونكم امهات


بصراحه المنظر هذا قام وايد يتكرر معاي واحس بضيقه وعصبيه منها
ابي رايكم الي يصير صح والا غلط؟


اروح مكتبه مجمع جمعية سوق مستوصف
اشوف بنت والا ولد مع امه الفنكيه الي اطالع الناس بطرف عين
عارفين هالاشكال
المهم

مو مصدقه انه ولدها او بنتها بمدرسة خاصه


امبيه الياهل مايعرف اي كلمه كويتي
كله تكلمه انجليزي
اخ
شلون
والله ابسط شي يبيه يقولها بالانجليزي
وحتي لو غلط وقال كلمه بسيطه بالكويتي

خزته وعصبت ورردت عليه بالانجليزي



الي يصير شنو يعني الام تربي ولدها علي لغة الكفار ومايعرف لغة دينه
باجر لاكبر مايقرا قرآن
مايعرف ربه
شنو مصيره؟ شيقول حق ربه لاحاسبه

بس بس مابي اتذكر وانقث زياده​

 

[الاميرة الغالية]

اي والله صاجة هالمنظر وايد اشوفه مع اني ماستر انجليزي بس احب حجينا حتى مرة كنا بالدوام مسوين مسابقة حجي الكويتي القديم اتضح الكل مايعرف الكلمات القديمة حتى الناظرة استغربت مني لما كنت اجاوب تقولي جنج عيوز كل الحجي عرفتيه قلت لها عادي امي هالحجي كله للحين تقوله عيالنا بينسون اهم منو بعد جم سنة

 

[الاميرة الغالية]

ادعولي اني اخذ الماستر بالانجليزي وعقبها ماستر الكلام الكويتي

 

[واثقه خطاي]

تدرين انا لما اشوف الامارتيين وشلون مفتخرين بحجيهم المحلى ,على عكس بعض الكويتين اللي مره بالانجليزي ومره باللبناني جنه مو عاجبهم لهجتهم

 

[عشق]

رد : موضوع باط جبدي كويتين مايعرفون يتكلمون كويتي

انا بنتي في مدرسه خاصه
وبالعكس تعرف تتكلم عربي وانجليزي
يعني مو كل وقت تعرف الكلام لا تقط كلمات بسيطه مثل الارقام والفواكه

ولما اشوف اليهال اهناك استغرب ليش على طول انجليزي

هم العربي حلوو

كافي لما يت بنتي قرت لي سوره الفاتحه حسيتها ماخذه الشهاده

ورحت شريت لها اللي بخاطرها

 

[queen2007]

رد : موضوع باط جبدي كويتين مايعرفون يتكلمون كويتي

شفيج هذا يعني اهم اللحين مسوين انجاز ولا تطوروا بعد

والله بنتي تتكلم انقلش وعربي بنفس الوقت يعني مرة تقول تفاحه ومرة ابل تدرين ليش انا اعلمها العربي والحضانه يعلمونها الانقلش فصار عندنا جنه مرادف اذا بغت شي تقولة بالغتين

وبيني وبينج ترا اللغة اهم شي مفردات واحنا اللي ضيعنا قبل ان مفرداتنا فقيرة لين كبرنا وعمنا عمرنا بس الاطفال لا مفروض نعلمهم من اللحين وهم يتعلمون لهجتنا اصلا مرة بالمستوصف بنتي معاي قالت ماما عرقوبي يعورني لان الكرسي طقها وطبعا الكلمه ماخذتها من امي الله يطول بعمرها اللي يمي طقت اللي تكلمتى عنهم خزت بنتي ويعني منصجمه بس عطيتها جم كلمه وسكتت قلت شفيج في شي قالت حرام حجيي قديم صار البنت صغيرة تقول جذية قلت عوافي شنو قالت كلام وصخ ولا سبت هذا حجي اهل الكويت وحجى اهلنا وتراوالي اسمه جذية ليش تتنكرين من حجينا ونتكلم بحجي غيرنا وطحتولي بجم كلمه من الخليج فديتك ومرحبا ومدري شنو ليش يعني اهم ماتحجوا حجينا انتوا لين تنكرون عمركم واللي ينكر اصلة ينقال عنه ح..... قالت واااي كليتيني ماقلت شي وراحت مناك .

جني قلت قصة حياتي مو ===> فشلة اسفة بس فيني قرقرة وابي اسولف كنت خخخخخخ

 

[كويتية صغيرة]

رد : موضوع باط جبدي كويتين مايعرفون يتكلمون كويتي

هذا التطور شفيك

التطور ..... ان الطالب يصير ضعيف بالعربي .... ومايعرف يقرأ قرآن
بس بالانجليزي .....فلته ......

شوفي انا بقول كلامي مع احترامي للآخرين و كل شخص حر في وجهة نظره

انا وايد شفت هالنوعية من الناس ..... خصوصا الأمهات الصغار بالسن ..... تحاول لما تكلم ولدها ماتقول ولا كلمة عربي ....وتكلمه طول اليوم انجليزي ..... وحتى لما تكلمك تقط كلمة انجليزي وكلمة عربي ....اذا مو كلامها كله

النوعية هذه مايسوون جذيه الا فيهم نقص .... و ماعندهم ثقة بلغتهم لغة القرآن الكريم ....ولا عندهم فخر بلهجتهم اللهجة الكويتية على الأقل.... هذا غير العادات والتقاليد اللي نسوها .....وهذا كله من التربية .... عبالهم ان بهالطريقة يقوون عيالهم باللغة ..... ونسو انهم قاعد يدمرون اشياء ثانية وايد بالمقابل .... وهذي ضريبة المدارس الأجنبية

كلنا درسنا انجليزي و شطار بالنجليزي .....امهاتنا ماسوو معانا جذيه .... الحمدلله نفتخر بلغتنا العربية ويكلمونا عدل

انا اعرف دكاترة بالجامعة اعرفهم شخصيا .... لما تسولفين معاه .....مايقول ولا كلمة انجلييزي ..... مع ان تخصصه ودراسته لغة ....
الطبيب اللي بالمستشفى ..... لما تكلمينه يكلمك عربي و يعتز بلغته ولهجته ......ووقت دوامه يتغير كلامه حسب طبيعة دوامه.

لكن احنا
لازم حياتنا كلها تتغير علشان ندرس عيالنا اللغة
لازم نقلدهم بكل شي
كأن احنا مو كويتيين ولا عندنا احسن لغة اهي اللغة اللي نزل فيها كلام الله سبحانه



اختى انتى دستى على الجرح
انا ماقلت كلامي
الا بعد ماشفت الطلبة اللي يتخرجون من المدارس الأجنبية اللي كل موادها انجليزي
يتخرجون ....مايعرفون يقرون القرآن ..... اذا عطيتيه قرآن مايعرف يقرأ الأحرف ...وضعاف بالعربي....يعنى اسم بس مسلم...
هذا البنت او الولد اللي جذيه شلون يكبر ويفتح بيت .....وعلى شنو راح يربي عياله.... وشنو الأسس اللي راح يزرعها بعياله اذا اهو اصلا ماعنده قيم واسس الا
على الانجلش سكوول وعادات وتقاليد اهل الانجلش سكوول .....

الله المستعان

 

[حضاره]

ميخالف بنات انا بس بوضح شغله00انا مريت ب00هالمرحله مع عيالي لما اول مادرسوا انجليزي يعني ب كي جي ون وكي جي تو

وكنا مضطرين نستخدم هالاسلوب معاهم علشان يتمكنون من اللغه الانجليزيه يعني هي فتره تقريبا 3 سنوات بعدين عن نفسي اتكلم معاهم بلغتنا

والحمدلله متقنين العربي والانجليزي والحين بنتي الصغيره بجريد ون وقاعده استخدم معاها هالاسلوب يعني اكلمها انجليزي وترد على انجليزي

عشان تقوي لغتها والحمدلله عيالي يقرون يوميا وردهم من القرآن الكريم وحافظين جزء منه ومااثرت اللغه الانجليزيه على لغتهم ولادينهم.

 

[غلاي عزوزي]

انا متفقه معاكم انه اللعة الانجليزيه صارت ضروريه ومهمه
بس نه الام تحرم ولدها من لغة القرآن ولغة ربنا هذا القهر يعني تعصب وتخزه لاقط كلمه كويتي

الله يعين هاليهال ضايعيين بين اسلوب الام وتربيتها والمجتمع والدين


يعني الله فرض علينا الحجاب ومو بكيف البنت ماتتحجب المفروض الام تقنعها وتفهمها حكمة ربنا بهالشي مو تدلعها وتقولها وي وي كيفج لاتخنقين عمرج بالحجاب وعلي راحتج


ادري شطحت بعيد بس التربيه تعور قلبي لاني اشوف واسمع وماباليد حيله
ومشكورين حبايبي ربي يوفق عيالنا ويصلحهم

 

[حلم الطفولة]

أحلى شي في المنتدى طرح الرأي والرأي الآخر بكل احترام
شكرا عالموضوع..

@ بالأول بتكلم عن الأم وكلامها وشكلها :

قد تكون مضطره لتعليم الطفل بالبدايه حق تأهله للمدرسه ،، بس مو بطريقه مبالغ فيها وشفتو رد حضاره ماشالله , عيالها كلامهم كويتي حيل تبارك الله ، ولهم ورد يومي من القرآن
، يضايقني اللي يكلمونهم كل حرف بالانجليزي ويتناسون لغتنا .. حرام .
، ولما أشوف أطفال يعبرون عن نفسهم مع أمهم باللغه الانجليزيه أتضايق لأنها صارت مثل اللغه الأم عندهم ،،

فعلا اللي تدخل عيالها خاص تحتاج تكلم عيالها شوي انجليزي بس الأصل لازم عربي
رضعوهم عربي وجرعوهم جرعات انجليزيه ..

@ ثاني شي : بالنسبه للكويت حبيبتي وامي وحياتي كلها ،، فيها من عمر ومن زمان ناس مختلفه وعوايل لها ثقافات مختلفه :

- ناس تاجرو بره الكويت قبل 100 سنه ورجعو بأواخر الأربعينات والخمسينات والستينات ،،
- ناس بحاره
- ناس من الباديه
- ناس من الأطراف
- ناس دخلو تالي بالخمسينات وجلبو معاهم ثقافاتهم من موطنهم الاصلي : دول الخليج ودولة فارس

مايصير تحكمون على شكل هالأم ونوعها, وهي حتى (( يدتها )) جذيه ، الشي مو شغله يديده ولا تصنع وماندري شنو ظروفها.

مع حبي واحترامي وتقديري للكل ،، وشكرا.

 

[حلم الطفولة]

أحلى شي في المنتدى طرح الرأي والرأي الآخر بكل احترام
شكرا عالموضوع غلاي واسم الله عليج ولا تغتاظين ولا تحترين.

@ بالأول بتكلم عن الأم وكلامها وشكلها :

قد تكون مضطره لتعليم الطفل بالبدايه حق تأهله للمدرسه ،، بس مو بطريقه مبالغ فيها وشفتو رد حضاره ماشالله , عيالها كلامهم كويتي حيل تبارك الله ، ولهم ورد يومي من القرآن
، يضايقني اللي يكلمونهم كل حرف بالانجليزي ويتناسون لغتنا .. حرام .
، ولما أشوف أطفال يعبرون عن نفسهم مع أمهم باللغه الانجليزيه أتضايق لأنها صارت مثل اللغه الأم عندهم ،،

فعلا اللي تدخل عيالها خاص تحتاج تكلم عيالها شوي انجليزي بس الأصل لازم عربي
رضعوهم عربي وجرعوهم جرعات انجليزيه ..

@ ثاني شي : بالنسبه للكويت حبيبتي وامي وحياتي كلها ،، فيها من عمر ومن زمان ناس مختلفه وعوايل لها ثقافات مختلفه :

- ناس تاجرو بره الكويت قبل 100 سنه ورجعو بأواخر الأربعينات والخمسينات والستينات ،،
- ناس بحاره
- ناس من الباديه
- ناس من الأطراف
- ناس دخلو تالي بالخمسينات وجلبو معاهم ثقافاتهم من موطنهم الاصلي : دول الخليج ودولة فارس

مايصير تحكمون على شكل هالأم ونوعها, وهي حتى (( يدتها )) جذيه ، الشي مو شغله يديده ولا تصنع وماندري شنو ظروفها.

مع حبي واحترامي وتقديري للكل ،، وشكرا.

 

[ترف 111]

ترااااااااااااااا عادي كل واحد وكيفه اعيالهم مو اعيالكم عااادي الوضع

 

[أم عبووووود]

اولا شكرا لصاحبة الموضوع على هالموضوع اللي يمكن ينبه فئه معينه من مجتمعنا

بالنسبه لهالطريقه
الامهات اللي عيالهم صغار تقريبا لي 5 سنوات تقريبا مضطرين يكلمونهم علشان تصير بلسانهم اللغه ويتدربون عليها
لكن الامهات اللي تقول لج انا اهم شي عندي الانجليزي ولما تسولفين مع الياهل كلامه كل بدليات وترى عمر الياهل تقريبا 9 سنوات هذي اللي صعبه

هذي وحدة انا اعرفها جذي عيالها شوي يعرفون عربي والكلمات اللي ماتعرفها تقولها بالانجلزيزي

كلنا نحب ان عيالنا يتعلمون انجليزي وودنا يتكلمون والتطور حلو بس بدون نسيان لغتهم الام هذي لغتنا لازم نعتز فيها شوفوا بعض الدول والله ما يكلمونج حتى انجليزي يردون بلغتهم تكلمينه انجليزي يرد بالتركي تعالي فججي عاد

انا عندي امي الله يطول عمرها ماشالله كلامها يونس كويتي قديم يهبل وهذا طبعا شبه بيندثر والله هالكلام احلى كلام

وصدقوني عمر الانسان ما يتقيم بكلامه العربي ولا الانجليزي او الفرنسي والله اخلاقه اهم شي

وبالنهاية كل واحد وله رايه الخاص ووجهة نظره وانا احترم الجميع :eh_s(7):

 

[حلم الطفولة]

اولا شكرا لصاحبة الموضوع على هالموضوع اللي يمكن ينبه فئه معينه من مجتمعنا

بالنسبه لهالطريقه
الامهات اللي عيالهم صغار تقريبا لي 5 سنوات تقريبا مضطرين يكلمونهم علشان تصير بلسانهم اللغه ويتدربون عليها
لكن الامهات اللي تقول لج انا اهم شي عندي الانجليزي ولما تسولفين مع الياهل كلامه كل بدليات وترى عمر الياهل تقريبا 9 سنوات هذي اللي صعبه

هذي وحدة انا اعرفها جذي عيالها شوي يعرفون عربي والكلمات اللي ماتعرفها تقولها بالانجلزيزي

كلنا نحب ان عيالنا يتعلمون انجليزي وودنا يتكلمون والتطور حلو بس بدون نسيان لغتهم الام هذي لغتنا لازم نعتز فيها شوفوا بعض الدول والله ما يكلمونج حتى انجليزي يردون بلغتهم تكلمينه انجليزي يرد بالتركي تعالي فججي عاد

انا عندي امي الله يطول عمرها ماشالله كلامها يونس كويتي قديم يهبل وهذا طبعا شبه بيندثر والله هالكلام احلى كلام

وصدقوني عمر الانسان ما يتقيم بكلامه العربي ولا الانجليزي او الفرنسي والله اخلاقه اهم شي

وبالنهاية كل واحد وله رايه الخاص ووجهة نظره وانا احترم الجميع :eh_s(7):

معاج قلبا وقالبا

 

[رفرف]

الحلو ان هذا منتدى والكل يقدر يطرح رايه ..

مو كل اللي عيالهم بمدارس اجنبية ما يبونهم يعرفون عربي .. ولا يتكلمون كويتي ..ولا يعلمونهم قرآن .. ولا عندهم نقص .. ولا مسلمين بالاسم ..
احسكم وايد متحاملين .. في فئة جذي بس وايد قليلة ..
انا ما اتكلم عن غيري بس بنتي بمدرسة اجنبية والحمدلله حافظة دبلات منهج القرآن اللي بالخاص والحكومة لأني انا مهتمة بهالشي الف الحمدلله ومشتركة بمسابقة القرآن بمدرستها والمدرسين يتلقفونها من ايد لي ايد ..
وبالعربي غير المنهج التعيس انا امأسستها بيدي وبتعبي واخذ راي مدرسات خبرة بالعربي شنو اسوي وشلون أأسسها وتقرا قصص وتقرا قرآن من المصحف الف الحمدلله .. ولا احب احد يحكم علي من ورا شاشة لأني مدخلة بنتي خاص أو لأن سمعها نتكلم انجليزي وما يعرف الظروف !
ومع هذا .. انا اخلي بنتي تتكلم انجليزي اغلب الوقت ..
ولا عندنا نقص الف الحمدلله ! ولا بتفلسف شخباري احد يتفلسف باللغه ؟ الحين منو ما يعرف انجليزي الله يعافي الفلبينيات بالبيوت مجابلين اليهال اكثر من امهاتهم والتلفزيون ما يقصر مو انجاز يعني لما الواحد يتكلم انجليزي ولا شي نادر !
بس كل من له ظروفه ؟؟
عن نفسي بنتي عندها مشكلة نفسية تأتأة وااايد قوية ومأثرة عليها والاطفال بالمدرسة يضحكون عليها .. وهاالتأتأة وديتها دكتور نفسي وكل شي سويته تروح اذا قرت قرآن واذا تكلمت انجليزي ما اتأتئ بالمره .. ولما تتكلم عادي اييها وقت اتروح وترد ..
اخلي البنية تتكلم عربي غصب وهي عندها مشكلة اصلا وما تقدر تقول كلمتين على بعض ويحتقن ويهها وتقطع كلامها وتبجي وتصير انطوائية علشان لحد يقول عني اتفلسف ؟؟
حتى الدكتور يقول مالها تفسير علمي ان الياهل يتأتئ بلغه وينطلق لسانه بلغة ثانية بس يعني تصير عادي مو شي غريب ..
واختها قامت تقلدها شسوي عايشين ابيت واحد ماقدر افصلهم ؟؟
الحين بنتي لما تحس انها ما اتأتئ تتكلم عادي عربي وكويتي واللي تبونه وتعرف الفاظ اقدم مني ومنكم عندنا اعتزاز بلغتنا الحمدلله وكلنا نتكلم عربي بالبيت حتى خدامتنا ..
وعلشان تروح التأتأة سويت 3 اشياء .. حفظتها قرآن وايد .. وخليتها تتكلم عربي تالي تقلب انجليزي لي حست ان تأتأتها زادت.. ودخلتها خاص علشان يراعون نفسيتها ولا اتيي مدرسة مغصوبة تدرس تحط حرتها ابنتي ..
هاذي وجهة نظري .. يمكن صح .. ويمكن غلط .. بس عذروني مو حلوة تحكمون على الناس من ورا الشاشة ولا من مشهد شفتوه وانتو مو عارفين شنو اللي ورا هالشي وشنو اسبابه كلمن له اسبابه ..
ناس تتشيحط ناس تتفلسف ناس عندها سبب صجي .. انتو ما تدرون

 

[MoonDiamond]

هدي الله يهداج ووسعي صدرج
شدعوه تنغثين!!!!!!!!!

يا قلبي انا متغطيه غطاء كامل وملتزمه وزوجي ملتزم جدا واهل زوجي 3 منهم اامة مسايد
بس عيالي داخلين حضانه اجنيبه ومدرساتهم بريطانيات والبنت ابدخلها الابتدائي باذن من الله مدرسة اجنبيه وبالمتوسط ادخلها حكومه عشان مو مختلط ولو في متوسطه ومستواها قوي ومو مختلط ادخلها المراحل كلها
اما الولد ابخليه يكمل المراحل كلها

انا مدرسة انجليزي ومن دراستي هالعمر افضل عمر لاكتساب لغه ثانيه
الطفل يقدر يتعلم اكثر من لغه في وقت واحد
ومتاكده ان ولد اللي شفتيها يعرف عربي عدل بحكم الممارسه
بس الانجليزي لو يهمله شوي ومايستعمله ينساه

انا ما اايد ان الوحده تهمل اللغه العربيه بس ماني شايفه الغلط في التركيز على اللغه الانجليزيه

وسلامتكم